- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگونىڭ ەكى ءماجىلىسى دۇنيە ءجۇزى اقپارات قۇرالدارىنىڭ حابار قاينارىنا اينالدى
2016.03.07 13:54 كەلۋ قاينارى : ءتاڭىرتاۋ تورابى
ساياسي كەڭەس مەملەكەتتىك 12 - كەزەكتى كوميتەتىنىڭ 4 - ءماجىلىسى 3 - ناۋرىزدا بەيجيڭدە اشىلدى، مەملەكەتتىك 12 - كەزەكتى حالىق قۇرىلتايىنىڭ 4 - ءماجىلىسى 5 - ناۋرىزدا اشىلادى. شەتەل اقپارات تىلشىلەرى جۇڭگونىڭ ءۇرتىس دامۋىنا ساي، حالىقاراداعى بەدەلى دە بيىكتەدى، «جۇڭگونىڭ ەكى ءماجىلىسى» دەگەن ءسوز شەتەل اقپارات قۇرالدارىنىڭ ەڭ كوپ قولداناتىن اتاۋىنا اينالىپ ۇلگىرگەن.
ەكى ءماجىلىس اسەرى
گەنادي كريشوۆ−رەسەي حالىقارالىق جازباشا تەلەگراف اگەنتتىگىنىڭ جۇڭگوداعى ساقا ءتىلشىسى. ول ءار جىلعى ەكى ءماجىلىستى جۇڭگونىڭ دامۋىن بايقاۋدىڭ باعدارلاۋىشى دەپ قارايدى. ول تىلشىلىك بارىسىندا ءتۇرلى سالاعا جانە قاۋىمعا ۋاكىل بولىپ كەلگەن ۋاكىلدەر مەن مۇشەلەردىڭ بەيجيڭگە ۇلكەن بورىش ارقالاپ كەلىپ، اشىق تا رياسىز كوڭىلمەن جۇڭگو ءدوپ كەلگەن سىن - سىناقتار جانە توتەپ بەرۋ شارالارىن شىنايى تارازىلاپ، تالقىعا سالىپ، جۇڭگونىڭ الداعى دامۋ جوباسىن بىرگە جاسايتىنىن بايقادى.
ول بىلاي دەدى: نەشە ون جىل ىلگەرى جۇڭگونىڭ ەكى ءماجىلىسى سىرعا تولى ەدى، ال قازىر شەتەل تىلشىلەرى دە سىرتتاي قاتىناساتىن بولدى. مۇنىڭ ءوزى جۇڭگونىڭ جاريالىلىعىنىڭ جوعارىلاپ كەلە جاتقاندىعىنىڭ بەينەسى.
ەگيپەت ورتا شىعىس اقپارات اگەنتتىگىنىڭ القالار مۇشەسى، اعا رەداكتور حاليد باتري بىلاي دەدى: بيىلعى ەكى ءماجىلىس جۇڭگونىڭ الداعى 5 جىلدىق مەملەكەت جوسپارىن بەلگىلەيتىن ەڭ ماڭىزدى ساياسي ىستەرىنىڭ ءبىرى. ورتا شىعىس اقپارات اگەنتتىگى جۇڭگونىڭ ەكى ءماجىلىسىن دەن قويىپ حابارلاپ كەلەدى، ەگيپەتتەگى باسقا دا اقپارات قۇرالدارى جۇڭگونىڭ ەكى ءماجىلىسى جونىندەگى حابارلاردى بىزدەن جالعاپ تاراتادى جانە پايدالانادى.
شيسۇن دافۋ جاپونيانىڭ «يۋمەري اقپاراتى» حالىقارالىق اقپارات ءبولىمىنىڭ ورىنباسار باستىعى، 2007 - جىلدان 2012 - جىلعا دەيىن گازەتتىڭ شاڭحاي جانە شىنياڭداعى بولىمشەسىنىڭ باستىعى مىندەتىن وتەپ كەلگەن، ەكى ءماجىلىستى حابارلاۋعا سان مارتە قاتىناسقان. ول جۇڭگودا تۇرعان كەزىندە جۇڭگونىڭ قۇدىرەتتەنىپ كەلە جاتقاندىعىنا شىنايى كۋا بولعانىن ايتادى.
شيسۇن بىلاي دەدى: ەكى ءماجىلىس كەزىندە شەتەل تىلشىلەرى جۇڭگو جەتەكشىلەرىمەن كەزدەسىپ، وي - قۋاتتامالارىن تولىق تۇسىنۋگە مۇمكىندىك الدى.
وڭتۇستىك كورەيا ورتالىق تەلەۆيزياسىنىڭ ساياسي حابارلارعا جاۋاپتى توسەلگەن ءتىلشىسى كاي مىرزا بىلاي دەدى: ەكى ماجىلىسكە 4 رەت قاتىناسۋىم جۇڭگوعا قاراتقان كوزقاراسىمدى وزگەرتتى، جۇڭگو كوممۋنيستىك پارتياسى مەن جۇڭگو ۇكىمەتىنىڭ حالىق تۇرمىسىنا ەرەكشە كوڭىل بولەتىنىن بايقادىم، جۇڭگو ەكونوميكاسىنىڭ قارىشتاپ دامۋى ماعان وي سالدى، مىناداي قارىشتاپ دامۋ «ادامزات تاريحىندا كەمدە - كەم» دەپ قارايمىن.
«بىرىككەن تاڭ گازەتىنىڭ» ءتىلشىسى يوۋ رۇنتيان 2015 - جىلدىڭ سوڭىندا بەيجيڭگە كەلگەن، ول بيىل ەكى ءماجىلىستى حابارلاۋ قىزمەتىنە تۇڭعىش قاتىناسىپ وتىر. ول ەكى ءماجىلىستىڭ ءبىر جىلدىق ساياسي قىزمەتتىڭ باستاماسى ەكەنىن، ءوزىنىڭ ەكى ءماجىلىستى حابارلاۋ قىزمەتىنە قاتىناسقانىن ماقتانىش ەتەتىنىن ايتادى.
وسى كەزەكتى ەكى ماجىلىستە كريشوۆ ءوزىنىڭ جۇڭگونىڭ مەملەكەتتىك كەڭەسىنىڭ زۇڭليى لي كىچياڭنىڭ ۇكىمەت قىزمەتىنەن بايانداماسىنا ارنايى نازار اۋداراتىنىن ايتا كەلىپ، وسى كەزەكتى ەكى ماجىلىستە جۇڭگو ەكونوميكاسىنىڭ دامۋ باعىتى مەن ءتاسىلى، جەمقورلىققا قارسى تۇرۋ ماسەلەسى، «13- بەسجىلدىق» جوبانىڭ قالاي باستالاتىنى سياقتى ماسەلەلەر دە باسا نازار اۋدارۋعا تاتيدى، - دەدى.
كريشوۆ مىناداي سۇراۋ سۇرار ەدىم دەيدى: جۇڭگو ۇكىمەتى ەكسپورتقا يەك سۇيەۋدەن قۇتىلىپ، ەكونوميكانى ارتتىرۋدىڭ قوزعاۋشى كۇشىن ىشكى قاجەتكە ويىستىرۋدا قانداي شارالار قولدانادى؟ اقشانىڭ قۇنسىزدانۋىن تۋدىرماۋعا قالاي كەپىلدىك ەتەدى؟ حالىقتىق ناقتى كىرىستىڭ ورنىقتى قاداممەن ارتۋىن قالاي قامتاماسىز ەتەدى؟
حاليد باتري بىلاي دەدى: ورتا شىعىس اقپارات اگەنتتىگى بيىل جۇڭگونىڭ دامۋ قۇرىلىسى، ەكونوميكالىق ءتۇزىلىستى جاڭالاۋ، شەتەلگە قارجى قوسۋ، سونداي - اق «ءبىر بەلدەۋ، ءبىر جول» جاعالاۋىنداعى ەگيپەت سياقتى ەلدەرمەن وندىرىستىك سەلبەستىك جاساسۋ سياقتى تاقىرىپتارعا كوڭىل بولەدى. «ورتا شىعىس اقپارات اگەنتتىگى بيىل جۇڭگونىڭ ەكى ماجىلىسىنە ەرەكشە دەن قويادى، بۇل جونىندە حابار تاراتىپ قالماستان، كوپتەگەن اقپاراتتىق ساراپتامالاردى، شولۋشى ماقالالارىن جاريالاپ، ەگيپەت جانە اراب ەلدەرى دۇنيەسىنە ەكى ءماجىلىستىڭ باستى مازمۇنى مەن ءتۇيىندى ساياساتتارىن تۇسىندىرەدى».
شيسۇن دافۋ بىلاي دەدى: ەكى ءماجىلىس كەزىندە «يۋمەري اقپاراتى» قاتىستى حابارلاردى بارىنشا كوبىرەك ورنالاستىرىپ، جاپونيا حالقىنا جۇڭگو ۇكىمەتىنىڭ بيلىك جۇرگىزۋ كوزقاراسىن تۇسىندىرەدى.
ول بىلاي دەدى: «13 - بەسجىلدىق» جوبا بيىلعى ەكى ماجىلىستە رەسمي العا قويىلادى، جۇڭگو ەكونوميكاسى جوعارى دەڭگەيدە ارتۋدان ورتاشا جوعارى ورەدە ارتۋعا ويىستى. ارتۋ قارقىنى باسەڭدەگەن استاردا، جۇڭگو ۇكىمەتى ورتاعا قويعان كىرىستى ەسەلەپ ارتتىرۋ جوباسى، كەدەيلىكتەن قۇتىلدىرۋ جوباسى سياقتى ساياسات، نىسانالار قالاي ورىندالادى، قامداۋ قۇرىلىمى رەفورماسى قالاي جۇرگىزىلەدى، جاپپاي دوڭگەلەك داۋلەتتى قوعام قۇرۋ ءىسى قالاي اتقارىلادى سياقتى ماسەلەلەرگە «يۋمەري اقپاراتى» ەرەكشە دەن قويادى. جاپونيا مەن جۇڭگو ەكونوميكاسىنىڭ قاتىناسى قويۋ، جاپونيا وقىرماندارى جۇڭگو ەكونوميكاسىنىڭ بەتالىسىنا ەرەكشە دەن قويادى.
كاي مىرزا بىلاي دەدى: تەلەۆيزيامىز بيىل ەكى ءماجىلىس حابارلارىن تۇرلىشە تاسىلمەن جان - جاقتى حابارلاۋعا ءمان بەرىپ وتىر، حابارلاردى قاراستىلىعىمىزداعى گازەت، تەلەۆيزيا سياقتى اقپارات قۇرالدارى ارقىلى وڭتۇستىك كورەيا حالقىنا جەتكىزەمىز.
ول بىلاي دەدى: «13 - بەسجىلدىق جوبا» مەن «ءبىر بەلدەۋ، ءبىر جول» قۇرىلىسىن قامتىعان ەكونوميكا ماسەلەلەرىنە ايرىقشا كوڭىل اۋدارىپ وتىرمىز، مۇنان تىس، تاياۋدان بەرى كورەي تۇبەگىنىڭ جاعدايى دا شيەلەنىستى، وڭتۇستىك كورەيانىڭ اقپارات قۇرالى جۇڭگونىڭ وڭتۇستىك، سولتۇستىك كورەيا قاتىناسىنداعى رولىنا، ياعني ءوز ىقپال كۇشىن قالاي ساۋلەلەندىرەتىندىگى جونىندەگى ماسەلەلەرگە ەرەكشە دەن قويادى.
يوۋ رۇنتيان «بىرىككەن تاڭ گازەتىنىڭ» بيىل حاباردى ۋاعىندا تاراتۋعا بارىنشا دەن قويىپ، وقىرماندارعا ەكى ءماجىلىستىڭ ماڭىزدى حابارلاردىن دەر كەزىندە جەتكىزەدى.
دۇنيە جۇزىنە ىقپالى
حاليد باتري بىلاي دەدى: جۇڭگو ەگيپەت، ءتىپتى، اراب دۇنيەسى جونىنەن العاندا، اسا ماڭىزدى دوس ەل جانە سەلبەستىك سەرىكتەستىك ەل. جۇڭگونىڭ دۇنيە جۇزىمەن بارعان سايىن توعىسۋىنا سايكەس، جۇڭگونىڭ ەكى ماجىلىسىنە دەن قويۋ مەن ونىڭ حالىقارالىق ءمانى بارعان سايىن كۇشەيدى. ويتكەنى جۇڭگونىڭ تاياۋ جىلدان بەرگى ەكونوميكالىق دامۋىنىڭ تابىسى مەن حالىقارالىق ورنى جوعارىلادى، اۋەلى دەسەڭىز، جۇڭگونىڭ كوپ جىلداردان بەرگى ديپلوماتيالىق ساياساتتا جانە وڭىرلىك ماسەلەلەردى شەشۋدە ۇستانعان تۇرعىسى وڭىرلەردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا ءتيىمدى بولدى. سوندىقتان جۇڭگو ورتا شىعىس وڭىرىندە قارسى الۋعا بولەندى، جۇرتتىڭ دەن قويۋى دا سايكەستى ارتتى.
شيسۇن دافۋ بىلاي دەدى: ەكى ءماجىلىس جۇڭگو قوعامىنىڭ، جۇڭگو ساياسيىنىڭ الداعى ءبىر جىلداعى، ءتىپتى، بىرنەشە جىلداعى بەتالىسىن بەلگىلەيتىن ماڭىزدى ءماجىلىس بولىپ، اسا ماڭىزدى مانگە يە. جۇڭگونىڭ دۇنيە جۇزىندەگى ورنىنىڭ بارعان سايىن جوعارىلاۋىنا مەڭزەس، ەكونوميكا، ديپلوماتيا، حاۋىپسىزدىك ساياساتى سياقتى جاقتارداعى بەتالىسىنىڭ دا دۇنيە جۇزىنە ىقپالى بولادى. جۇڭگونىڭ بەدەلى جوعارىلاعان سايىن ەكى ءماجىلىس حابارلارىنا دا جۇرتتىڭ دەن قويۋى مەن ءمان بەرۋى كۇشەيە تۇسپەك.
كاي مىرزا بىلاي دەدى: ەكى ءماجىلىس جۇڭگونىڭ ەل ءىشى ساياساتى، ەكونوميكاسى، حالىق تۇرمىسى سياقتى سالالارىنىڭ دامۋىنا ىقپال ەتىپ كەلەدى، مۇنان تىس، جۇڭگونىڭ حالىقاراداعى رولىنىڭ بارعان سايىن ماڭىزدى ورىنعا وتۋىنە مەڭزەس، ەكى ءماجىلىستىڭ دۇنيە جۇزىندەگى ىقپالى دا بارعان سايىن كۇشەيە ءتۇستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
