- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما
2017.01.17 15:46 كەلۋ قاينارى : ءتاڭىرتاۋ تورابى
(شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايىنىڭ 5 - ماجىلىسىندە 2017 - جىلى 11 - قاڭتاردا جاسالدى)
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن
ۋاكىلدەر:
مەن اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن قۇرىلتايعا قىزمەتتەن بايانداما جاسايمىن، قاراپ شىعىڭىزدار.
وتكەن ءبىر جىلعى قىزمەتتەر
وتكەن ءبىر جىلدا اۆتونوميالى رايوندىق حالىق قۇرىلتايىنىڭ تۇراقتى كوميتەتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتى جونىندەگى اڭگىمە ماجىلىستەرىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ جانە مەملەكەتتى زاڭ ارقىلى جونگە سالۋدىڭ جاندى بىرلىگىنە تاباندى بولىپ، اۆتونوميالى رايوندىق پارتكومنىڭ پارمەندى باسشىلىعىندا، قوعام ورنىقتىلىعى مەن باياندى تىنىشىتىق باس نىساناسىنا نازاردى شوعىرلاندىرىپ، وزەكتى ارقاۋ ەتۋگە، جالپى جاعدايعا قىزمەت وتەۋگە، جۇرەكتىلىكپەن ىستەۋگە، ناقتى ىستەردى ىستەۋگە باستان − اياق تاباندى بولىپ، نەگىزگى زاڭ مەن زاڭداردا بەرىلگەن ءتۇرلى قىزمەت ۇقىقتارىن زاڭ بويىنشا وتەپ، شينجياڭدى زاڭمەن جونگە سالۋ، شينجياڭنىڭ بەرەكە − بىرلىگىن، ورنىقتىلىعىن ساقتاۋ، شينجياڭدى باياندى گۇلدەندىرۋ ستراتەگياسىن دايەكتى تياناقتاندىرۋدى ىلگەرىلەتىپ، جىلدىق قىزمەت مىندەتتەرىن تولىق ورىندادى.
1. ورتالىق، اۆتونوميالى رايوندىق پارتكوم ورنالاستىرعان ءتۇرلى قىزمەتتەردى تولىق ورىندادى
«ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىن كورنەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى اڭگىمە ماجىلىسىندەگى ماڭىزدى ءسوزىنىڭ رۋحىن ىشكەرىلەي ۇيرەندى جانە دايەكتىلەندىردى. تۇراقتى كوميتەت «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسىمەن تىعىز ۇشتاستىرىپ، پارتيا 18 - قۇرىلتايىنىڭ، پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ۇيرەنىپ، دايەكتىلەندىرىپ، پارتيا ۋستاۆىن، پارتيا ەرەجەسىن جانە باس شۋجي شي جينپيڭنىڭ جەلىلەس ماڭىزدى سوزدەرىنىڭ، اسىرەسە، ورتالىقتىڭ شينجياڭ قىزمەتى جونىندەگى2 - رەتكى اڭگىمە ماجىلىسىندە سويلەگەن ءسوزىنىڭ جانە شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ۇيرەنىپ، سونداي - اق ج ك پ اۆتونوميالى رايوندىق 9 - قۇرىلتايىنىڭ رۋحىن ماڭىزدى ساياسي مىندەت ەتىپ، ۇيرەنۋدى دايەكتى تياناقتاندىرۋدى مىقتى ۇستاپ، پارتيالى كادرلاردىڭ اۋەلگى ماقساتتى ەستە ساقتاۋ، ۇزدىكسىز العا ۇمتىلۋ تاربيەسىن كەڭەيتىپ، جۇڭگوشا سوتسياليزم جولىنا سەنىمگە، نازارياسىنا سەنىمگە، تۇزىمىنە سەنىمگە، مادەنيەتىنە سەنىمگە تاباندى بولىپ، «ءتورت تانىمدى» كۇشەيتىپ، يدەيانى پارتيا ورتالىق كوميتەتىنىڭ شينجياڭ قىزمەتى جونىندەگى باس نىساناسىنىڭ تالابى بويىنشا بىرلىككە كەلتىرىپ، باس نىساناداعى تاريحي بورىش پەن قيمىل سانالىلىعىن ءتىپتى دە مىزعىماي تياناقتاندىردى. اۆتونوميالى رايوندىق پارتكومنىڭ باس نىسانانى تياناقتاندىرۋ جونىندەگى ءتۇرلى قىزمەت ورنالاستىرۋلارىن مۇقيات دايەكتىلەندىرىپ، اۆتونوميالى رايوندىق پارتكوم ورنالاستىرعان قىزمەتتەرگە قۋزاۋشىلىق ەتۋ، وڭتۇستىك شينجياڭ قىزمەتىنە جەتەكشىلىك ەتۋ، ورنىقتىلىقتى قورعاۋ كەزەكشىلىگى، دەموكراتيا، زاڭمەن جونگە سالۋ سالاسىنىڭ رەفورماسى، جىبەك جولى ەكونوميكالىق بەلدەۋىندەگى جاڭالىق اشىپ، دامۋدى ىلگەرىلەتۋ سىناق رايونى قۇرىلىسى، مەكتەپكە دەيىنگى «قوس ءتىل» وقۋ − اعارتۋى جانە ەگىن، مال شارۋاشىلىق رايوندارىندا جالپى حالىقتىڭ دەنساۋلىعىن تەكسەرۋ جۇمىستارىن كوزدەن كەشىرۋ، تەكسەرۋ، ءتۇيىندى سۋ قۇرىلىسى ينجەنەريالارىن ىلگەرىلەتۋ سياقتى قىزمەتتەردى بەلسەندىلىكپەن ۇستىنە الدى جانە شوگەلدىكپەن ىلگەرىلەتتى.
قوعام ورنىقتىلىعىن قورعاۋعا قاتىستى زاڭ شىعارۋدى كورنەكتىلەندىرىپ، باس نىسانانى تياناقتاندىرۋدى پارمەندى زاڭ - تۇزىممەن قامتاماسىز ەتتى. اۆتونوميالى رايوندىق پارتكومنىڭ ورنالاستىرۋىنا ساي، تۇراقتى كوميتەت قوعام ورنىقتىلىعىن قورعاۋ جونىندەگى زاڭ شىعارۋ تالابىن تىعىز تياناق ەتىپ، 2015 - جىلى شىعارىلعان ۇلتتار ىنتىماعى، العاباسارلىعى قىزمەتى ەرەجەسى نەگىزىندە، وتكەن جىلى ىلگەرىندى - كەيىندى اۆتونوميالى رايوننىڭ لاڭكەستىككە قارسى تۇرۋ زاڭىن اتقارۋ ءادىسىن، تەلەفون جانە عالامتور ابونتتارىنىڭ شىن سالاۋات ينفورماتسياسىن تىزىمدەپ باسقارۋ ەرەجەسىن، توردا جالعان ينفورماتسيا تاراتۋدان ساقتانۋ جانە ونى جازالاۋ ەرەجەسىن جاسادى، اۆتونوميالى رايوننىڭ شەكارا باسقارۋ ەرەجەسىنە وزگەرىس ەنگىزىپ، اۆتونوميالى رايوندىق پارتكومنىڭ باس نىسانانى تياناقتاندىرۋ تالابى مەن ورنالاستىرۋلارىن ءدال تياناقتاندىرىپ، قوعام ورنىقتىلىعىن قورعاۋ جانە باياندى تىنىشتىقتى جۇزەگە اسىرۋ قىزمەتىن زاڭمەن جونگە سالىناتىن ارناعا ءتۇسىرىپ، ۇنەمىلىك ىستەرگە اينالدىردى، ءسويتىپ نەگىزدەلەتىن زاڭ بولۋدى، زاڭمەن جونگە سالۋدى جۇزەگە اسىرۋعا تاماشا زاڭ - ءتۇزىم نەگىزىن قالادى. تور حاۋىپسىزدىگى سالاسىندا جارىققا شىققان ءتۇرلى كورنەكتى ماسەلەلەرگە باعىتتاي وتىرىپ، تۇراقتى كوميتەت ۇستەم زاڭ شىعارىلىپ اتقارىلۋدان ىلگەرى تەكسەرىپ - زەرتتەپ، اۆتونوميالى رايوننىڭ تور حاۋىپسىزدىگى زاڭىن اتقارۋ ءادىسىن (جوبا) جازىپ، جەرگىلىكتى زاڭ - ەرەجەنى كۇن ىلگەرى شىعارۋدىڭ ءتۇرلى ازىرلىك جۇمىستارىن تىڭعىلىقتى ىستەدى.
ەكولوگيالىق قورشاعان ورتانى قورعاۋدى كۇشەيتىپ، باس نىسانانى تياناقتاندىرۋ ءۇشىن، ەكولوگيالىق قورشاعان ورتامەن قامتاماسىز ەتتى. تۇراقتى كوميتەت ورتالىق كوميتەتتىڭ ەكولوگيالىق وركەنيەت قۇرىلىسى جونىندەگى جاڭا يدەياسىن، جاڭا تالابىن، جاڭا شارالارىن، سونداي − اق اۆتونوميالى رايوندىق پارتكومنىڭ قورشاعان ورتانى قورعاۋدى كۇشەيتۋ جونىندەگى ءتۇرلى ورنالاستىرۋلارىن مۇقيات تياناقتاندىرىپ، اۆتونوميالى رايوننىڭ قورشاعان ورتانى قورعاۋ ەرەجەسىنە وزگەرىس ەنگىزدى، ۇكىمەت باسقارۋ تاراۋلارىنىڭ قىزمەت جاۋاپكەرشىلىگىن، كاسىپورىندار مەن قوعامنىڭ قورشاعان ورتانى قورعاۋ جاۋاپكەرلىگىن كۇشەيتىپ، زاڭعا قايشىلىق جاساعانداردى جازالاۋ جانە جاۋاپكەرلىكتى قۋزاستىرۋ سەرپىنىن اناعۇرلىم ۇدەتتى. تۇراقتى كوميتەت تيانشان قورشاعان ورتانى قورعاۋ ساپارى قيمىلى ورىستەتىلگەن 02 جىلدى وراي، «جاسىل دامۋ كوزقاراسىن دايەكتىلەندىرۋدى، قورشاعان ورتانى قورعاۋ زاڭىن اتقارۋدى تەرەڭدەتە ءتۇسۋدى» باستى تاقىرىپ ەتىپ، تۇراقتى كوميتەتتىڭ مەڭگەرۋشىسى مەن 3 ورىنباسار مەڭگەرۋشى جەكە - جەكە ۇيىرمە باستاپ، وڭتۇستىك، سولتۇستىك شينجياڭداعى 01 ايماق، وبلىس، قالاعا جانە بيڭتۋانداعى 10 ديۆيزياعا (قالاعا) بارىپ، اۆتونوميالى رايوننىڭ قورشاعان ورتانى قورعاۋ زاڭىن دايەكتىلەندىرۋ احۋالى جونىندە قامتىمى كەڭ، جان - جاقتىلىعى كۇشتى بولعان زاڭنىڭ اتقارىلۋىن تەكسەرۋ جۇمىسىن ورىستەتىپ، رايونىمىزداعى ەكولوگيالىق قورشاعان ورتانى قورعاۋ نەگىزگى تۇلعالارىنىڭ جاۋاپكەرلىگى تياناقتانباۋ، نەگىزدىك قابىلەت قۇرىلىسى سالىستىرمالى كەنجە بولۋ، قورشاعان ورتانى قورعاۋعا قاتىستى زاڭ اتقارۋدا وڭىرلەر بىرلەسىپ قيمىل ورىستەتۋ مەحانيزمى كەمەلدى بولماۋ سياقتى ماسەلەلەردى ۇكىمەتتىڭ پارمەندى تۇردە رەتتەۋىن، تۇزەتۋىن تالاپ ەتتى. سونىمەن بىرگە تۇراقتى كوميتەت ۇكىمەتتىڭ ءۇرىمجى قالاسىنىڭ اتموسفەراسىنىڭ لاستانۋىن وڭاۋ قىزمەتىنىڭ ىلگەرىلەۋ احۋالى جونىندەگى مالىمەتىن دە تىڭداپ جانە قاراپ شىعىپ، ءۇرىمجى اتموسفەراسىنىڭ لاستانۋىن وڭاۋ قىزمەتىن ىلگەرىلەتتى.
شينجياڭدى زاڭمەن جونگە سالۋ جانە زاڭمەن جونگە سالۋ ۇگىت - تاربيەسىن ىلگەرىلەتۋدى ىرىقتى ىستەپ، باس نىسانانى تياناقتاندىرۋ ءۇشىن تاماشا زاڭمەن جونگە سالۋ ورتاسىن ازىرلەدى. تۇراقتى كوميتەت اۆتونوميالى رايونىمىزداعى نەگىزگى اقپارات دانەكەرلەرىمەن بىرلەسىپ ورىستەتكەن «شينجياڭدى زاڭمەن جونگە سالۋ. تيانشانعا ساپار» قيمىلىن 2015 - جىلى 6 ايماق، وبلىس، قالاعا بارىپ ورىستەتۋ نەگىزىندە، وتكەن جىلى ىلگەرىندى - كەيىندى حوتان سياقتى 9 ايماق، وبلىس، قالاعا بارىپ تاعى ورىستەتتى. بۇعان ءار دارەجەلى پارتكوم وسكەلەڭ ءمان بەردى، ءار دارەجەلى حالىق قۇرىلتايى تۇراقتى كوميتەتى باستاماشىلدىقپەن ۇيىمداستىردى، ۇگىت تاراۋلارى تىعىز سايكەستى، نەگىزگى ساتىلارداعى زاڭمەن جونگە سالۋ قۇرىلىسى، اۋىل - قىستاق الەۋمەتتىك اۋماقتارداعى نەگىزگى ساتى كادرلارى جانە ءار دارەجەلى حالىق قۇرىلتايى ۋاكىلدەرىنىڭ ۇلتتار ىنتىماعىن قورعاۋ، ءدىن ىستەرىن باسقارۋ، ۇشقارىلىقتى الاستاۋ سياقتى جاقتارداعى تيپتىك مىسالداردى جىنتىكتەپ الىپ شىعىپ، ارالاپ اڭگىمەلەسە، ءوزارا قۋزاشىلىق ەتۋ، ءتول كەشىرمەلەرىن بايانداۋ، ناق مايداندا ۇگىت ايتۋ سياقتى جۇرتشىلىق قىزىعاتىن فورمالار ارقىلى ءار ۇلت كادرلارى مەن جۇرتشىلىعىنا ۇلتتار ىنتىماعى، ءدىن ىستەرى، ۇشقارىلىقتى الاستاۋ سياقتى جاقتارداعى زاڭداردى، ساياساتتاردى بار كۇشپەن ۇگىتتەپ، زاڭمەن جونگە سالۋ ۇگىت - تاربيەسىن ۇدايىلاندىرۋدى، جەرگىلىككە بەيىمدەلۋدى، ناقتى ونىمدىلىگىن كورۋدى ىلگەرىلەتتى. ءبىر جىلدان بەرى بۇكىل شينجياڭنىڭ جەر - جەرىندە راديودان، توردان ۇگىت - تاربيە قابىلداعان ادام 5 ميلليون ادام - رەتتەن اسىپ، اسا تاماشا ۇگىت - تاربيە ونىمدىلىگىنە قول جەتكىزدى. تۇراقتى كوميتەت ۇكىمەتتىڭ اۆتونوميالى رايوننىڭ «6 - بەسجىلدىق» زاڭ جالپىلاستىرۋ جونىندەگى قاۋلىسىنىڭ اتقارىلۋ احۋالى مەن «7 - بەسجىلدىق» زاڭ جالپىلاستىرۋ جوباسى جونىندەگى مالىمەتىن تىڭداپ جانە قاراپ شىعىپ، «بۇكىل شينجياڭداعى ازاماتتار اراسىندا <7 - بەسجىلدىق> زاڭمەن جونگە سالۋ ۇگىت - تاربيەسى جونىندەگى قاۋلىنى» شىعاردى ءارى 70 نەشە زاڭدى، زاڭ - ەرەجەنى ۇيعۇر، قازاق تىلىنە اۋدارۋ قىزمەتىن ۇيىمداستىرىپ، ورىندادى، ورگان مەن اۋىل - قىستاقتا تۇراتىن قىزمەت اترەتى دە 10 مىڭ ادامدىق زاڭمەن جونگە سالۋ ۇگىت قيمىلىن ورىستەتىپ، ءار دارەجەلى حالىق قۇرىلتايى مەن حالىق قۇرىلتايى ۋاكىلدەرىنىڭ شينجياڭدى زاڭمەن جونگە سالۋ قۇرىلىسىنا قاتىناسۋىن جەبەدى.
ءار دارەجەلى حالىق قۇرىلتايى ۋاكىلدەرىنىڭ بەلسەندىلىگىن تولىق قوزعاپ، باس نىسانانى تياناقتاندىرۋدا قۇدىرەتتى بىرىككەن كۇش ۇيىستىردى. رايونىمىزداعى ءار دارەجەلى حالىق قۇرىلتايىنىڭ ۋاكىلدەرى قوعام ورنىقتىلىعى مەن باياندى تىنىشتىقتى قورعاۋداعى ماڭىزدى ساياسي كۇش. تۇراقتى كوميتەت ۋاكىلدەردىڭ تۇلعالىق ورنىنا قۇرمەت ەتىپ، ۋاكىلدەردىڭ تىرەكتىك رولىن ساۋلەلەندىردى، ىشكەرىلەي تەكسەرىپ − زەرتتەۋ نەگىزىندە، «قوعام ورنىقتىلىعى مەن باياندى تىنىشتىق باس نىساناسىن تىعىز تياناق ەتىپ، حالىق قۇرىلتايى ۋاكىلدەرىنىڭ رولىن اناعۇرلىم ساۋلەلەندىرۋ جونىندەگى قارارىن» شىعارىپ، ءار دارەجەلى حالىق قۇرىلتايىنىڭ ۋاكىلدەرىن باس نىسانانى ۇيرەنۋدىڭ، دايەكتى تياناقتاندىرۋدىڭ ءبىرىنشى شەبىندە ىرىقتى جۇمىس جاساۋعا، باستاماشىلدىق رولىن ساۋلەلەندىرىپ، ءار ۇلت جۇرتشىلىعىنا ۇلتتار ىنتىماعىن قورعاۋ، ءدىن جاراسىمدىلىعى، لاڭكەستىككە قارسى تۇرۋ، ورنىقتىلىقتى قورعاۋ، كەدەيلىكتەن قۇتىلدىرۋدان قامال الۋ سياقتى جاقتاردا ىرىقتىلىقپەن جۇمىس جاساۋعا، جاۋاپكەرشىلىكتى باتىل ارقالاۋعا، ۇزدىكتەردەن بولۋعا، ەڭبەك ەتىپ، ەسە قوسۋعا ىقپال ەتتى جانە جەتەكتەدى؛ قىزمەت مىندەتىن وتەۋگە شابىتتاندىرۋ مەحانيزمىن ورناتۋ جانە كەمەلدەندىرۋ ارقىلى ۋاكىلدەردىڭ زاڭ بويىنشا قىزمەت مىندەتىن وتەۋ، رولىن تولىق ساۋلەلەندىرۋ بەلسەندىلىگى مەن ىرىقتىلىعىن تاسقىنداتتى.
«ۇعىسۋ، تيىمدىلىك جاساۋ، توعىستىرۋ» بويىنشا قىستاققا تۇرۋ قىزمەتى مەن «ۇلتتار ىنتىماعىنىڭ بەرەكەلى شاڭىراعى» قيمىلىن بەلسەندى ورىستەتىپ، باس نىسانانى تياناقتاندىرۋعا بۇقارالىق نەگىز قالادى. تۇراقتى كوميتەت اۆتونوميالى رايوندىق پارتكومنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى مەن «ۇلتتار ىنتىماعىنىڭ بەرەكەلى شاڭىراعى» قيمىلى جونىندەگى ورنالاستىرۋلارىن باتىل دايەكتىلەندىرۋگە باتىل پوزيتسيا ۇستانىپ، شۇعىل ارەكەتتەنىپ، اۆتونوميالى رايونىمىزداعى حالىق قۇرىلتايى ۋاكىلدەرىنىڭ ۇلگىلىك، باستاماشىلدىق رولىن تولىق ساۋلەلەندىرىپ، ولاردى وسى ەكى ءتۇرلى قىزمەتكە بەلسەندى تۇردە قاتىناستىردى. ءار دارەجەلى حالىق قۇرىلتايى ۋاكىلدەرى «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن ىشكەرىلەي ورىستەتىپ، جۇپ قۇراپ، تۋىس بولۋ قيمىلىنا بەلسەنە قاتىناسىپ، ۇلتتار ىنتىماعى مەن قوعام ورنىقتىلىعىن قورعاۋدا ماڭىزدى رولىن ساۋلەلەندىردى. تۇراقتى كوميتەت ورگانىنان 50 نەشە تاڭداۋلى كادر، جۇمىسشى - قىزمەتشى شوعىرلى وڭاۋ جانە «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە ات سالىستى، تۇراقتى كوميتەت مەڭگەرۋشىلەر ءماجىلىسىنىڭ بارلىق مۇشەلەرى دە قىستاققا بارىپ تەكسەرىپ - زەرتتەۋ جۇرگىزىپ، قىستاقتا تۇرۋ جانە كەدەيلەردى سۇيەمەلدەۋ قىزمەتىنە جەتەكشىلىك ەتتى. نەگىزگى ساتى بازاسى قۇرىلىسىن كۇشەيتىپ، كەدەيلىكتەن قۇتىلدىرۋ جوباسىن جاساپ، قارجى توپتاۋ ارقىلى شارۋالاردى كاسىپتىك ونەرگە باۋلۋ، نەگىزگى ساتى قۇرىلعىلارى جانە بەيقۇت ءۇي قۇرىلىسى سياقتى قىزمەتتەردى ورىستەتتى. تۇراقتى كوميتەت ورگانى كادر جىبەرگەن 7 قىستاقتىڭ ءبارى ءوز مەرزىمىندە كەدەيلىكتەن قۇتىلىپ، قوعام ورنىقتىلىعى جاعدايى مەن اۋىل - قىستاقتىڭ بەت - بەينەسىندە كورنەكتى جاقسارۋ بولدى. ورگانداعى بارلىق كادرلار، جۇمىسشى - قىزمەتشىلەر «ۇلتتار ىنتىماعىنىڭ بەرەكەلى شاڭىراعى» قيمىلىنا قىزۋ ىنتامەن قاتىناسىپ، ورگاننىڭ ومىرشەڭدىك جانە ۇيىسۋ قۋاتىن ءتىپتى دە كۇشەيتتى.
2. نازاردى باس نىساناعا شوعىرلاندىرىپ، جەرگىلىكتى زاڭ شىعارۋ قىزمەتىن كۇشەيتتى، زاڭ شىعارۋ ساپاسى جوعارىلادى
پارتيانىڭ جەرگىلىكتى زاڭ شىعارۋ قىزمەتىنە باسشىلىعىنا تاباندى بولدى. زاڭ شىعارۋعا ساياتىن كەلەلى ىستەردى اۆتونوميالى رايوندىق پارتكومعا دەر كەزىندە مالىمدەدى. اۆتونوميالى رايوننىڭ لاڭكەستىككە قارسى تۇرۋ زاڭىن اتقارۋ ءادىسىن، ۇشقارىلىقتى الاستاۋ ەرەجەسىن، تەلەفون جانە عالامتور ابونتتارىنىڭ شىن سالاۋات ينفورماتسياسىن تىزىمدەپ باسقارۋ ەرەجەسىن، توردا جالعان ينفورماتسيا تاراتۋدان ساقتانۋ جانە ونى جازالاۋ ەرەجەسى، شەكارا باسقارۋ ەرەجەسىن جاساۋ (وزگەرىس ەنگىزۋ) بارىسىندا تۇراقتى كوميتەت ءار رەتكى قاراپ شىعۋ احۋالىنىڭ ءبارىن اۆتونوميالى رايوندىق پارتكومعا مالىمەت جاساۋدان جازباي، قولداۋعا قول جەتكىزدى. لاڭكەستىككە قارسى تۇرۋ زاڭىن اتقارۋ ءادىسىن، ۇشقارىلىقتى الاستاۋ ەرەجەسىن قاراپ شىعۋ بارىسىندا، پارتكومنىڭ نۇسقاۋىنا ساي، ورتالىقتىڭ شينجياڭ قىزمەتىن سايكەستىرۋ گرۋپپاسى كەڭسەسىنە ارناۋلى مالىمەت جاساپ، جەتەكشىلىك ەتۋدى تالاپ ەتتى، زاڭ شىعارۋ قىزمەتىندە پارتيانىڭ قۋاتتاماسىن جالپى حالىق ورتاق باعىناتىن زاڭدىق ولشەمگە اينالدىردى. اۆتونوميالى رايونىمىزداعى ءار دارەجەلى پارتكومداردىڭ دەن قويا كوڭىل بولۋىندە تۇراقتى كوميتەتتىڭ زاڭ - ءتۇزىم قىزمەت كوميتەتى مەن جەر - جەردەگى زاڭ شىعارۋ ۇقىعى بار حالىق قۇرىلتايلارىنىڭ زاڭ شىعارۋ كۇشى ءتىپتى دە كۇشەيدى.
حالىق قۇرىلتايى تۇراقتى كوميتەتى جەرگىلىكتى زاڭ شىعارۋدا جەتەكشى بولۋدان جازبادى. تۇراقتى كوميتەت زاڭ شىعارۋ قىزمەتىنە ۇيىمداستىرۋدى، وعان سايكەستىرۋدى بەلسەندىلىكپەن كۇشەيتىپ، زاڭ - ەرەجەنى جوسپارعا الۋ، ازىرلەۋ، زاڭ شىعارۋ شەشىمى، قاراپ شىعۋ سياقتى بارىستاردا جەتەكشىلىك رولدى ساۋلەلەندىرىپ، ءتۇيىندى زاڭ − ەرەجەلەردى تۇراقتى كوميتەت باستاماشى بولىپ ازىرلەۋگە ۇيىمداستىردى. عىلمي زاڭ شىعارۋدان، دەموكراتيالى زاڭ شىعارۋدان جازباي، بۇقارانىڭ ءتول مۇددەسىنە قاتىستى ماڭىزدى زاڭ شىعارۋ نىسانى جونىندە، مىسالى، 2017 - جىلعى زاڭ شىعارۋ جوباسىن جاساۋدا، اۆتونوميالى رايوننىڭ قورشاعان ورتانى قورعاۋ ەرەجەسىنە وزگەرىس ەنگىزۋدە تۇراقتى كوميتەت اقپارات دانەكەرلەرى ارقىلى بۇكىل قوعامنان پىكىر الدى. توردا جالعان ينفورماتسيا تاراتۋدان ساقتانۋ جانە ونى جازالاۋ ەرەجەسى جونىنەن مەملەكەتتىك حالىق قۇرىلتايى زاڭ - ءتۇزىم كوميتەتى مەن ونەركاسىپ جانە ينفورماتسيالاندىرۋ مينيسترلىگىنەن دە پىكىر الىپ، شىعارىلعان زاڭ - ەرەجەدە بۇقارانىڭ ورىندى ارىز - ارمانى تولىق بەينەلەنۋىنە، بۇقارا شىنايى قاجەت ەتەتىن زاڭ - ەرەجەلەردى شىعارۋعا تالپىندى. زاڭ شىعارۋ جونىنەن تەكسەرىپ - زەرتتەۋدى كۇشەيتىپ، ماڭىزدى جانە قيىن ءتۇيىندى ماسەلەلەردى، پىكىر الاۋىزدىعى كۇشتىرەك تارماقتارى جونىنەن قايتا - قايتا تەكسەرىپ - زەرتتەۋ جۇرگىزىپ، ورتاق تانىمعا كەلدى. وتكەن جىلى تۇراقتى كوميتەت زاڭ شىعارۋ جونىنەن جيىنى 20 رەتتەن ارتىق تەكسەرىپ - زەرتتەۋگە ۇيىمداستىردى، 60 رەتتەن استام اڭگىمە ءماجىلىسىن جانە دالەلدەۋ ءماجىلىسىن اشتى، 1500دەن استام پىكىر الدى.
زاڭ شىعارۋداعى جەتەكشىلىك جانە ىلگەرىلەتۋ رولىن ساۋلەلەندىرۋگە ءمان بەردى. جىبەك جولى ەكونوميكالىق بەلدەۋىنىڭ ۇيتقىلىق ءوڭىرى قۇرىلىسىن جەبەۋ ءۇشىن، تۇراقتى كوميتەت قاشقار ەكونوميكالىق اشۋ رايونىن باسقارۋ ەرەجەسى مەن ارال قالاسىنىڭ ەكونوميكالىق، تەحنيكالىق اشۋ رايونى ەرەجەسىن جاساپ، زاڭ شىعارۋ ارقىلى ەكونوميكالىق اشۋ رايونىنىڭ قۇرىلىسى مەن دامۋىنا جەتەكشىلىك ەتىپ، سىرتقا ەسىكتى ايقارا اشۋدىڭ تىڭ جاعدايىن جاساۋعا قوزعاۋشى بولدى. اۆتونوميالى رايوننىڭ وڭتۇستىك شينجياڭ رايونىندا تولىق ورتا مەكتەپ ساتىسىنداعى وقۋ - اعارتۋدى جالپىلاستىرۋ ەرەجەسىن جاساپ، زاڭ شىعارۋ ارقىلى وڭتۇستىك شينجياڭداعى 3 ايماق، ءبىر وبلىستىڭ وقۋ - اعارتۋىن دامىتۋ جونىنەن ساياسات جاعىنان بەيىمدەلىپ جانە قارجىلاي قولداۋ كورسەتىپ، وڭتۇستىك شينجياڭنىڭ وقۋ - اعارتۋ ىستەرىنىڭ دامۋىن جەتەكتەۋدى جانە ونى قولداۋدى ايقىندادى. تاياۋ جىلداردان بەرى كومىر ءوندىرىسى تيجاراتىنا رۇقسات ەتۋ ساياساتى رەتتەلگەنى، مال، قۇس سويۋدى باقىلاۋ - باسقارۋ نەگىزگى تۇلعاسىندا وزگەرىس تۋىلعاندىعى، ازامات جاسىنا تولماعانداردىڭ قىلمىس وتكىزۋ ماسەلەسى، ەگىستىكتەگى سۋلياۋ جارعاقتىڭ لاستاۋ ماسەلەسى اۋىر بولعاندىعىن ەسكەرە وتىرىپ، تۇراقتى كوميتەت اۆتونوميالى رايوننىڭ كومىر زاڭىن اتقارۋ ءادىسىن، مال، قۇس سويۋدى باسقارۋ ەرەجەسىن، ازامات جاسىنا تولماعانداردىڭ قىلمىس وتكىزۋىنەن ساقتانۋ ەرەجەسىن، ەگىستىك جەرلەردەگى سۋلياۋ جارعاقتاردى باسقارۋ ەرەجەسىن جاساپ (وزگەرىس ەنگىزىپ)، ەكونوميكانىڭ، قوعامنىڭ دامۋىن زاڭ بويىنشا قامتاماسىز ەتتى.
اۆتونوميالى وبلىستاردىڭ، رايونعا بولىنگەن قالالاردىڭ جەرگىلىكتى زاڭ شىعارۋ ۇقىعىن جۇرگىزۋ ۇقىعىن سالماقتىلىقپەن ىلگەرىلەتتى. تۇراقتى كوميتەت جەرگىلىكتى زاڭ شىعارۋ قىزمەتى تۇزىلىسىندەگى جاڭا وزگەرىس، جاڭا جاعدايلارعا مەڭزەس، ءارقايسى وبلىستار مەن رايونعا بولىنگەن قالالاردىڭ زاڭ شىعارۋ قاجەتى مەن زاڭ شىعارۋ قابىلەتىن دۇرىس يگەرىپ، ىلە قازاق اۆتونوميالى وبلىستىق، سانجى حۇيزۋ اۆتونوميالى وبلىستىق، بۇراتالا موڭعۇل اۆتونوميالى وبلىستىق جانە قارامايلى قالالىق، تۇرپان قالالىق حالىق قۇرىلتايىنىڭ جانە ونىڭ تۇراقتى كوميتەتتەرىنىڭ جەرگىلىكتى زاڭ شىعارۋدى باستاۋ ۋاقىتى جونىندەگى قاراردى شىعارىپ، ءارقايسى وبلىستىق، قالالىق حالىق قۇرىلتايىنىڭ جانە ونىڭ تۇراقتى كوميتەتىنىڭ جەرگىلىكتى زاڭ شىعارۋ ۇقىعىن جۇرگىزۋ ۋاقىت كەستەسىن ايقىندادى.
ءبىر جىلدان بەرى تۇراقتى كوميتەت زاڭ - ەرەجە جانە زاڭ - ەرەجە سيپاتتى قاراردان، قاۋلىدان 19ىن قاراپ ماقۇلدادى، ءۇرىمجى قالاسى سياقتى وبلىس، قالالار بەكىتۋگە جولداعان 12 زاڭ - ەرەجەنى تەكسەرىپ بەكىتتى، 96 ولشەمدى حۇجاتتى تەكسەرىپ - بەكىتىپ ەستەلىككە الۋعا جولدادى.
3. نازاردى باس نىساناعا شوعىرلاندىرىپ، باقىلاۋ قىزمەتىن كۇشەيتىپ، باقىلاۋ ناقتى ونىمدىلىگىن تىڭنان ءوسىردى
ەكونوميكانى دامىتۋداعى تىڭ ماسەلەلەردى ارقاۋ ەتىپ باقىلاۋ جۇرگىزدى. بيىلعى اۆتونوميالى رايونىمىزدىڭ ەكونوميكاسىندا باسەڭدەۋ قىسىمى زور بولۋ، قازىنا كىرىسى تومەندەۋ سىندى اۋىر جاعدايلارعا مەڭزەس، تۇراقتى كوميتەت اۆتونوميالى رايوننىڭ ەكونوميكاسىن ورنىقتى ارتتىرۋداعى ءتۇرلى شارالاردى تياناقتاندىرۋدى، ەكونوميكانىڭ قايتا كوتەرىلۋىن جەبەۋدى باقىلاۋ قىزمەتىنىڭ ماڭداي الدى مىندەتى ەتىپ، اۆتونوميالى رايونىمىزداعى ورتا، شاعىن كاسىپورىنداردىڭ دامۋى مەن الدىڭعى جارىم جىلداعى ەكونوميكانىڭ اينالىس احۋالى جونىندەگى مالىمەتتى تىڭداپ جانە قاراپ، «13 - بەسجىلدىق» جوبا پروگرامماسى مەن مەجە ەسەپ جاساۋدى قاتاڭ تەكسەرىپ، ورتا، شاعىن، ۇساق كاسىپورىنداردىڭ دامۋى مەن قازىنالىق ارناۋلى قارجىنىڭ جۇمسالۋ احۋالىن جەبەۋ جونىندەگى تەكسەرىپ- زەرتتەۋدى ورىستەتتى، اۆتونوميالى رايوننىڭ مەملەكەتتىك قۇرىلىس نىساندارىن قازىنالىق تەكسەرۋ - باقىلاۋ ەرەجەسىنىڭ اتقارىلۋ احۋالىنا ۇشتاستىرىپ، 28 ءتۇيىندى نىسان جونىنەن تەكسەرۋ جۇرگىزىپ، اۆتونوميالى رايون دارەجەلى مەجە ەسەپتى 3 رەت رەتتەپ، قازىنالىق باقىلاۋ بويىنشا تۇزەتۋ قىزمەتىنە قاتىستى احۋالداردى ت. ب تەكسەرىپ - زەرتتەپ، ۇكىمەتتىڭ جانە ونىڭ قاتىستى تاراۋلارىنىڭ اۆتونوميالى رايوننىڭ قازىنا، سالىق، فينانس سياقتى ءتۇرلى ساياساتتارىن مۇقيات تياناقتاندىرىپ، قازىنالىق كىرىس - شىعىس قۇرىلىمىن ابزالداندىرىپ، قاجەتتەن اسىپ قالعان ءوندىرىس قۋاتىن ازايتۋدى، ەكونوميكانى ورنىقتى ارتتىرۋدى، ەكونوميكانىڭ قايتا كوتەرىلۋىن جەبەۋدى بيىلعى ەكونوميكالىق قىزمەتتىڭ ماڭىزدى ءتۇيىنى ەتىپ، ءتۇيىندى قۇرىلىس نىساندارى مەن ورتا، شاعىن كاسىپورىنداردى سۇيەمەلدەۋ تەبىنىن ۇدەتىپ، ەكونوميكانىڭ ورنىقتى ارتۋىنا شىنايى كەپىلدىك ەتتى، اۆتونوميالى رايوننىڭ 2016 - جىلعى ەكونوميكالىق، قوعامدىق دامۋدىڭ ءتۇرلى نىسانالى مىندەتتەرىن جان - جاقتى ورىنداۋ ءۇشىن بەلسەندى ۇلەستەر قوستى. تۇراقتى كوميتەت اۆتونوميالى رايوننىڭ كەدەيلىكتەن قۇتىلدىرۋدان قامال الۋ قىزمەت احۋالى جونىندەگى مالىمەتتى دە تىڭدادى جانە قاراپ شىقتى ءارى ارناۋلى تاقىرىپتا تەكسەرىپ - زەرتتەۋ جۇرگىزدى، اۆتونوميالى رايوننىڭ مال شارۋاشىلىق زاڭىن اتقارۋ، اۋىل شارۋاشىلىعىن ماشينالاندىرۋدى دامىتۋ، اۆتونوميالى اۋدانداردىڭ جانە ۇلتتىق اۋىلداردىڭ كەدەيلەردى دالمە - ءدال سۇيەمەلدەۋ قىزمەتى جونىنەن تەكسەرىپ - زەرتتەۋگە ۇيىمداستىردى.
حالىق تۇرمىسى سالاسىنداعى قىزۋ، قيىن ءتۇيىندى ماسەلەلەردى تياناق ەتىپ باقىلاۋ ورىستەتتى. تۇراقتى كوميتەت اۆتونوميالى رايوندىق حالىق ۇكىمەتىنىڭ اۆتونوميالى رايونىنىڭ ەمدەۋ - دەنساۋلىق ساقتاۋ ءتۇزىلىس رەفورماسى احۋالى جونىندەگى ارناۋلى قىزمەت مالىمەتىن تىڭداپ جانە قاراپ شىعىپ، ارناۋلى تاقىرىپتا تەكسەرىپ - زەرتتەۋ جۇرگىزىپ، ۇكىمەتتىڭ ەمدەۋ قامسىزداندىرۋىنىڭ رەفورما بارىسىنداعى قوزعاۋشى كۇش رولىن تولىق ساۋلەلەندىرىپ، ەمدەۋ قامسىزداندىرۋى، ەمدەۋ، دارىگەرلىك سىندى ىستەردە «بىرلەسكەن قيمىل مەحانيزمىن» ورناتىپ، ەمدەۋ - دەنساۋلىق ساقتاۋ ءتۇزىلىسى رەفورماسىنىڭ قادامىن جەدەل ىلگەرىلەتۋىن تالاپ ەتتى. سونىمەن بىرگە، رۋحاني دەنساۋلىق ساقتاۋ زاڭىنىڭ اتقارىلۋ احۋالىن دا تەكسەردى. تاياۋ جىلداردان بەرى اۆتونوميالى رايوننىڭ ازىق - تۇلىك حاۋىپسىزدىگى سالاسىندا تۋىلعان جاڭا ماسەلەلەردى، سونداي - اق مۇسىلمانشا دەگەن ۇعىمدى داليتۋ سياقتى ماسەلەلەردى باعىتتاي وتىرىپ، تۇراقتى كوميتەت ازىق - تۇلىك حاۋىپسىزدىگى زاڭى مەن اۆتونوميالى رايوننىڭ مۇسىلمانشا ازىق - تۇلىكتەردى باسقارۋ ەرەجەسىنىڭ اتقارىلۋ احۋالى جونىنەن تەكسەرۋ جۇرگىزىپ، ۇكىمەتتىڭ ازىق - تۇلىك حاۋىپسىزدىگىنە ساياتىن ەلەۋلى توسىن وقيعالاردىڭ تۋىلماۋىنىڭ تومەنگى شەگىنەن اتتاماۋىن تالاپ ەتتى، ازىق - تۇلىك ءوندىرۋدى جانە تيجارات ەتۋدى باقىلاۋ - باسقارۋ تەبىنىن ۇدەتىپ، مۇسىلمانشا ازىق - تۇلىكتەردى كۇندەلىك باقىلاۋ - باسقارۋدى زاڭ بويىنشا كۇشەيتىپ، ازىق - تۇلىك حاۋىپسىزدىگىنە شىنايى كەپىلدىك ەتتى. ءدىن ساياساتىن تياناقتاندىرۋ جانە ءدىن جاراسىمدىلىعىن جەبەۋ ءۇشىن، تۇراقتى كوميتەت اۆتونوميالى رايوننىڭ ءدىن ىستەرى ەرەجەسىنىڭ اتقارىلۋ احۋالى جونىنەن تەكسەرۋ جۇرگىزىپ، ءدىن ىستەرىندە ساقتالىپ وتىرعان باستى ماسەلەلەردى ىشكەرىلەي يگەرىپ، ءدىن ىستەرىن باسقارۋ قىزمەتىن اناعۇرلىم جاقسارتۋ جونىندە پىكىرلەر مەن ۇسىنىستاردى العا قويدى. تۇراقتى كوميتەت تەكسەرۋ - زەرتتەۋ جۇرگىزگەن جانە ارناۋلى تەكسەرگەن ايەلدەردىڭ ۇقىق - مۇددەسىن قامتاماسىزداندىرۋ زاڭى مەن اۆتونوميالى رايوننىڭ اتقارۋ ءادىسى، اۆتونوميالى رايوننىڭ قارتتاردىڭ زاڭدى ۇقىق - مۇددەسىن قورعاۋ ەرەجەسى، ەگىن، مال شارۋاشىلىق رايوندارىنداعى مىندەتتى وقۋ - اعارتۋ قىزمەتى، «قوس ءتىلدى» بالا باقشاسى قۇرىلىسى جانە جالپى حالىقتىڭ دەنساۋلىعىن تەكسەرۋ قىزمەتى ايەلدەر مەن قارتتاردىڭ زاڭدى ۇقىق - مۇددەسىن قامتاماسىزداندىرۋدا، ەگىن، مال شارۋاشىلىق رايوندارىندا مىندەتتى وقۋ - اعارتۋدىڭ دامۋىن جەبەۋدە، اۆتونوميالى رايوننىڭ «قوس ءتىلدى» بالا باقشا قۇرىلىسى مەن جالپى حالىقتىڭ دەنساۋلىعىن تەكسەرۋ قىزمەت ورنالاستىرۋىن تياناقتاندىرۋدا، وعان قۋزاۋشىلىق ەتۋدە ماڭىزدى رولىن ساۋلەلەندىردى.
ءادىليانىڭ ادىلدىگى مەن ءادىليا رەفورماسىن ىلگەرىلەتۋدى تياناق ەتىپ باقىلاۋ جۇرگىزدى. تۇراقتى كوميتەت تولىق تەكسەرىپ - زەرتتەۋ نەگىزىندە، جوعارى حالىق سوتى مەكەمەسىنىڭ ءادىليادا ءادىل بولۋ قىزمەت احۋالى جونىندەگى مالىمەتىن، حالىق پروكۋراتۋراسىنىڭ بارلاۋ - تەكسەرۋدى باقىلاۋ قىزمەت احۋالى جونىندەگى مالىمەتىن تىڭدادى جانە قاراپ شىقتى. ەكى مەكەمەنىڭ قىزمەت ادىسىندە اناعۇرلىم جاڭالىق اشىپ، قىزمەت مەحانيزمى قۇرىلىسىن كۇشەيتىپ، ادام، قازىنا، زات جاعىنان قامتاماسىز ەتۋدى نىعايتىپ، ءادىليادا ءادىل بولۋدىڭ كەڭدىگى مەن تەرەڭدىگىن ۇزدىكسىز ۇلعايتۋعا قۋزادى؛ بارلاۋ - تەكسەرۋدى باقىلاۋ تەبىنىن اناعۇرلىم ارتتىرىپ، شەكتەۋدى باقىلاۋ مەحانيزمىن كەمەلدەندىرىپ جانە جاقسارتىپ، ءادىليالىق ارەكەتتەردى ارناعا ءتۇسىرىپ، بارلاۋ - تەكسەرۋدى باقىلاۋ قىزمەتى قابىلەتى مەن ورەسىن جوعارىلاتتى. حالىق قۇرىلتايىنىڭ ۋاكىلدەرىن ەكى مەكەمەنىڭ 2016 - جىلعى قىزمەتتەرىن ورىنداۋ احۋالى جونىندە ارناۋلى كوزدەن كەشىرۋگە، سوت مەكەمەسىنىڭ سوت جۇرگىزۋ احۋالىن سىرتتاي تىڭداۋعا ۇزدىكسىز ۇيىمداستىرىپ، حالىق سوتى مەكەمەسىنىڭ حالىق زاسەداتەلى ءتۇزىمى قۇرىلىسىن كۇشەيتۋگە قۋزاپ، «ەكى مەكەمەنىڭ» ءادىليا رەفورماسى قىزمەتىن ىلگەرىلەتىپ، وسى رەتكى ماجىلىستە ەكى مەكەمەنىڭ قىزمەت بايانداماسىن قاراپ شىعۋعا قاجەتتى ازىرلىكتەر جاسادى. ورتالىقتىڭ ارىزدانۋ مەن جاعداي ايتۋدى ايىرۋ جونىندەگى بەلگىلەمەسىن باتىل تياناقتاندىرىپ، جاڭا قايشىلىقتاردىڭ، داۋ - شارلاردىڭ الدىن الۋدى جانە ونى ازايتۋدى ماڭىزدى ءتۇيىن ەتىپ، حالىق قۇرىلتايىنىڭ ارىز - ارمان قىزمەتىن كۇشەيتىپ، ارىز - ارمان ايتا كەلگەن جۇرتشىلىقتى زاڭدىق جول ارقىلى مۇددە تالابىن بەينەلەۋىنە بەلسەندى تۇردە جەتەلەدى. ءبىر جىلدان بەرى جيىنى 1216 رەت ارىز - ارمان قابىلدادى.
تۇراقتى كوميتەت باقىلاۋ ءتاسىلىن جاقسارتۋعا ءمان بەرىپ، باقىلاۋدىڭ ناقتى ونىمدىلىگىن كۇشەيتتى. جۇرتشىلىق كوڭىل ءبولىپ وتىرعان ورتا، شاعىن، ۇساق كاسىپورىنداردىڭ دامۋىن جەبەۋ جانە ءۇرىمجىنىڭ قىسقى اتموسفەراسىنىڭ لاستانۋى ماسەلەسى سياقتىلار جونىندەگى قىزۋ، قيىن ءتۇيىندى ماسەلەلەردە مالىمەت تىڭداۋ جانە قاراپ شىعۋ، ارناۋلى تەكسەرىپ - زەرتتەۋ، ارناۋلى تاقىرىپتا تەكتەۋ، اشىق تەكسەرۋ، استىرتىن ۇعىسۋ سياقتى كوپ ءتۇرلى باقىلاۋ ءتاسىلىن جان - جاقتى قولدانىپ، باقىلاۋدا شىنايى ونىمدىلىككە قول جەتكىزۋگە تالپىندى. باقىلاۋ قىزمەتى بارىسىندا بايقالعان ماسەلەلەر مەن تۇراقتى كوميتەت ءماجىلىسى قاراپ شىعۋ بارىسىندا العا قويىلعان پىكىرلەردى، ۇسىنىستاردى ۇكىمەت پەن ەكى مەكەمەنىڭ اقىلداسىپ ءبىر جاقتى ەتۋىنە جولدادى؛ كەلەلى ماسەلەلەر، ءتۇيىندى قىزمەتتەر جونىندەگى زاڭنىڭ اتقارىلۋىن تەكسەرۋ، كوزدەن كەشىرۋ، تەكسەرىپ - زەرتتەۋ مالىمەتىن اۆتونوميالى رايوندىق پارتكومعا، ۇكىمەت پەن ەكى مەكەمەگە دەر كەزىندە جولداپ، باقىلاۋ قىزمەتىندە ناقتى ونىمدىلىككە قول جەتكىزۋگە تۇرتكى بولدى. قازىنالىق باقىلاۋدا تەكسەرىپ بايقالعان اۋىق - اۋىق ماسەلە تۋدىرۋ ىستەرىن ءتۇيىندى تۇردە ىزىنە ءتۇسىپ باقىلاپ، تۇزەۋدى، رەتتەۋدى كۇشەيتۋ جونىندە پىكىرلەر مەن ۇسىنىستاردى العا قويىپ، ماسەلەلەردى رەتتەۋدى، تۇزەتۋدى، تياناقتاندىرۋدى ءونىمدى ىلگەرىلەتتى. تۇراقتى كوميتەت قۇرامىنداعىلاردىڭ وتكەن جىلعى قازىنالىق باقىلاۋدا تەكسەرىلىپ بايقالعان ماسەلەلەردى رەتتەۋگە، تۇزەۋگە، ءبىر جاقتى ەتۋگە ريزالىعى كورنەكتى جوعارىلادى.
ءبىر جىلدان بەرى تۇراقتى كوميتەت «ۇكىمەت پەن ەكى مەكەمەنىڭ» ارناۋلى قىزمەت مالىمەتىن 13 رەت تىڭدادى جانە قاراپ شىقتى، 7 زاڭنىڭ، زاڭ - ەرەجەنىڭ اتقارىلۋ احۋالىنا تەكسەرۋ جۇرگىزدى، 6 رەت كوزدەن كەشىرۋ، تەكسەرىپ - زەرتتەۋ ورىستەتتى.
4. نازاردى باس نىساناعا شوعىرلاندىرىپ، كەزەك اۋىستىرۋ سايلاۋى مەن حالىق قۇرىلتايى ۋاكىلدەرى قىزمەتىن كۇشەيتىپ، ۋاكىلدەردىڭ رولىن ساۋلەلەندىرۋدە جاڭا شارالار قولداندى
اۋدان، اۋىل دارەجەلى حالىق قۇرىلتايلارىنىڭ كەزەك اۋىستىرۋ سايلاۋى قىزمەتىنە كوڭىل قويىپ جەتەكشىلىك ەتتى. 2016 - جىل − اۋدان، اۋىل دارەجەلى حالىق قۇرىلتايلارىنىڭ كەزەك اۋىستىرۋ سايلاۋى وتكىزىلگەن جىل، بۇل بۇكىل رايونىمىزداعى حالىقتىڭ ساياسي ومىرىندەگى كەلەلى ءىس. تۇراقتى كوميتەت ورتالىق پەن اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، سايلاۋ كەڭسەسىن قۇرىپ، اۋدان دارەجەلىدەن تومەن حالىق قۇرىلتايىنىڭ ۋاكىلدەرىن تىكە سايلاۋ ەگجەي - تەگجەيلى ەرەجەسىنە دەر كەزىندە وزگەرىس ەنگىزدى ءارى اۋداندىق، اۋىلدىق حالىق قۇرىلتايلارىنىڭ كەزەك اۋىستىرۋ سايلاۋ ۋاقىتى، حالىق قۇرىلتايى تۇراقتى كوميتەت قۇرامىنداعىلاردىڭ سانى جانە ءىشىنارا ايماقتىق، وبلىستىق، قالالىق حالىق قۇرىلتايى ۋاكىلدەرىنىڭ سانى جونىندە ۇيعارىم جاسادى. «اۋداندىق، اۋىلدىق حالىق قۇرىلتايى ۋاكىلدەرىنىڭ كەزەك اۋىستىرۋ سايلاۋ جونىندەگى زاڭدىق حۇجاتتار جيناعى» اتتى كىتاپتى قۇراستىردى جانە از ۇلت تىلىنە اۋدارتتى. وڭتۇستىك، سولتۇستىك شينجياڭداعى ءارقايسى ايماقتارعا، وبلىستارعا، قالالارعا بارىپ تەكسەرىپ - زەرتتەۋ جۇرگىزدى، تەكسەردى جانە جەتەكشىلىك ەتتى، ايماقتاردا، وبلىستاردا، اۋدانداردا، قالالاردا كوپ رەت اڭگىمە ءماجىلىسىن اشىپ، اۋدان - اۋىلداردا سايلاۋ رايوندارىن ايىرۋ، سايلاۋشىلاردى تىزىمدەۋ، ۋاكىلدەر ەسىمدىگىن كورسەتۋ، ۇيىمدىق جاقتان تەكسەرۋ، تولىمدىلىعىن تەكسەرۋ سياقتى قىزمەتتەردىڭ تىڭعىلىقتى ىستەلۋىنە جەتەكشىلىك ەتتى. كەزەك اۋىستىرۋ سايلاۋى تارتىبىندە قاتاڭ بولىپ، عيبىرات تاربيەسى جونىندەگى دەلو مىسالدارىن كورۋگە ۇيىمداستىرىپ، «توعىزعا قاتاڭ تيىم سالۋ» ءتارتىبى مەن قاعيداسىن الدىڭعى ورىنعا شىنايى قويىپ تياناقتاندىردى. بۇكىل رايونىمىزدا جاڭا كەزەكتى اۋداندىق، اۋىلدىق حالىق قۇرىلتايلارىنىڭ كەزەك اۋىستىرۋ قىزمەتىن ءساتتى ورىنداپ، 50 مىڭنان ارتىق اۋداندىق، اۋىلدىق حالىق قۇرىلتايلارىنىڭ ۋاكىلدەرىن تىكە سايلاپ شىعىپ، ۋاكىلدەردىڭ ساپا قۇرىلىمىن جاقسارتىپ، كەزەك اۋىستىرۋ سايلاۋى قىزمەتىندە تاماشا جاعداي جاراتتى.
ۋاكىلدەردىڭ رولىن ساۋلەلەندىرۋدە جاڭا شارالار قولداندى. تۇراقتى كوميتەت ۋاكىلدەردىڭ قىزمەت مىندەتىن وتەۋىن قامتاماسىز ەتۋ مەحانيزمىن ۇزدىكسىز كەمەلدەندىرىپ، ۋاكىلدەردىڭ رولىن ساۋلەلەندىرۋىنە تەكشە ازىرلەپ، قىزمەت وتەدى. اۋداندىق، اۋىلدىق حالىق قۇرىلتايلارى كەزەك اۋىستىرعاننان كەيىن، تۇراقتى كوميتەت جاڭا جاعدايدىڭ، جاڭا مىندەتتەردىڭ ۋاكىلدەر قىزمەتىنە قويعان تىڭ تالابىنا ىرىقتىلىقپەن سايكەسىپ، اۋداندىق، اۋىلدىق حالىق قۇرىلتايلارىنىڭ قىزمەت مىندەتىن وتەۋ جاعىنداعى تاربيەلەۋ جۇمىسىن ورىستەتۋىنە بەلسەندى تۇردە جەتەكشىلىك ەتتى. جاڭادان سايلانعان اۋدان، اۋىل ەكى دارەجەلى حالىق قۇرىلتايىنىڭ بارلىق ۋاكىلدەرىن قىزمەت مىندەتىن وتەۋ جونىنەن العاشقى تاربيەلەۋ جۇمىسىن ىستەدى. نەگىزگى ساتىداعى حالىق قۇرىلتايى ۋاكىلدەرىنىڭ رولىن ساۋلەلەندىرۋدى ۋاكىلدەر قىزمەتىنىڭ ماڭىزدى ءتۇيىنى ەتىپ، ۇكىمەت جاعدايىن حابارلاندىرۋ ءتۇزىمىن كەمەلدەندىرىپ جانە جاقسارتىپ، جاڭادان ماقۇلدانعان زاڭداردى، زاڭ - ەرەجەلەردى، ەكونوميكانىڭ، قوعامنىڭ دامۋ جاعدايىن دەر كەزىندە حابارلاندىرىپ، ۋاكىلدەردىڭ جاعدايدان حابارلى بولۋىنا، ۇكىمەت ىسىنەن حابارلى بولۋىنا شارت - جاعداي ازىرلەدى. حالىق قۇرىلتايىنىڭ ۋاكىلدەرىن تۇراقتى كوميتەت ۇيىمداستىرعان زاڭ شىعارۋ جونىنەن تەكسەرىپ - زەرتتەۋ، زاڭنىڭ اتقارىلۋىن تەكسەرۋ، كوزدەن كەشىرۋ، تەكسەرىپ - زەرتتەۋ، تۇراقتى كوميتەتتىڭ ماجىلىستەرىنە سىرتتاي قاتىناسۋ جانە سوت بارىسىن سىرتتاي تىڭداۋ سياقتى قيمىلدارعا قاتىناسۋعا بەلسەندىلىكپەن ۇسىنىس ەتتى، ۋاكىلدەردى 260تان ارتىق ادام - رەت ايماقتارعا، وبلىستارعا، قالالارعا بارىپ قىزمەتتەردى كوزدەن كەشىرۋگە ۇيىمداستىرىپ، حالىق قۇرىلتايىنىڭ 50 ۋاكىلىن تۇراقتى كوميتەتتىڭ ماجىلىستەرىنە ۇسىنىسپەن سىرتتاي قاتىناستىردى. تۇراقتى كوميتەت قۇرامىنداعىلاردىڭ ۋاكىلدەرمەن بايلانىس جاساۋ ءتۇزىمىن مۇقيات تياناقتاندىرىپ، ءار رەتكى تۇراقتى كوميتەتتىڭ ءماجىلىسى مەزگىلىندە مەڭگەرۋشىلەر ءماجىلىسىنىڭ مۇشەلەرى ءوزى بايلانىس جاساعان ۋاكىلدەرمەن اڭگىمە ءماجىلىسىن وتكىزىپ، ولاردىڭ پىكىرىن، ۇسىنىستارىن تىڭدادى. «حالىق قۇرىلتايى ۋاكىلدەرى» تورى تەكشەسى قۇرىلىسىن بەلسەندى ىلگەرىلەتىپ، قىزمەت اۋقىمىن دەر كەزىندە حابارلاپ، ۋاكىلدەردىڭ ۇيرەنۋىنە، تاجىريبە اۋىستىرۋىنا كومەكتەستى. ۋاكىلدەر قويعان كەڭەس جوبا مەن ۇسىنىستاردى ءبىر جاقتى ەتۋ قىزمەتى جاۋاپكەرلىگى ءتۇزىمىن كەمەلدەندىرىپ، ءبىر جاقتى ەتۋ بارىسى مەن ناتيجەسىنە ۋاكىلدەردىڭ ريزاشىلىعىن باعالاۋ جۇيەسىنە ەنگىزىپ، ءبىر جاقتى ەتۋدى مىندەتىنە العان ورىنداردى تەكسەرىپ باعالاپ، ءبىر جاقتى ەتۋ ساپاسى مەن ونىمدىلىگىن جوعارىلاتتى. ۋاكىلدەر اسا كوڭىل ءبولىپ وتىرعان كەڭەس جوبالاردى، ۇسىنىستاردى تاڭداپ، تۇراقتى كوميتەت باسشىلارى ۇيىرمە باستاپ كوزدەن كەشىرگەندە ءبىر جاقتى ەتۋگە، وتباستارىنا دەيىن بارىپ ءبىر جاقتى ەتۋگە، ىزىنە ءتۇسىپ ءبىر جاقتى ەتۋگە قۋزاپ، ناقتى ماسەلەلەردى شەشۋگە قوزعاۋشى بولدى. ءارقايسى جاقتىڭ بىرگە قۇلشىنۋى ارقىلى اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى مەزگىلىندە ۋاكىلدەر العا قويعان ءارى ءماجىلىس ءتوراعالار القاسى تۇراقتاندىرعان 10 كەڭەس جوبانى، 789 ۇسىنىستى، سىندى جانە پىكىردى تۇتاستاي ءبىر جاقتى ەتىپ بولدى، ءسويتىپ، ۋاكىلدەردىڭ ريزا بولۋ مولشەرى اناعۇرلىم جوعارىلادى.
تۇراقتى كوميتەت پارتيانىڭ كادرلاردى مىندەتكە تاعايىنداۋ مىندەتىنەن قالدىرۋ قىزمەتىنە باسشىلىق ەتۋىنەن جازباي، زاڭدا بەلگىلەنگەن تارتىپتەرگە قاتاڭ بويسۇنىپ، جەرگىلىكتى مەملەكەت ورگانىنداعى 488 قىزمەتكەردى مىندەتكە تاعايىندادى، مىندەتىنەن قالدىردى، جاڭادان مىندەتكە تاعايىندالعان 6 توپتاعى 37 مەملەكەت قىزمەتكەرىن نەگىزگى زاڭ الدىندا سەرت بەرۋگە ۇيىمداستىردى.
5. نازاردى باس نىساناعا شوعىرلاندىرىپ، ءوز قۇرىلىسىن كۇشەيتىپ، قىزمەت ۇقىعىن زاڭ بويىنشا جۇرگىزۋ قابىلەتى مەن ورەسىن جوعارىلاتتى
تۇراقتى كوميتەت ءوز قۇرىلىسىن جان - جاقتى كۇشەيتتى. تۇراقتى كوميتەت باس نىسانانى دايەكتى تياناقتاندىرۋدى ءتۇرلى قىزمەتتەردىڭ نازار سالۋ ءتۇيىنى جانە كۇش سالۋ تياناعى ەتىپ، ورتالىقتىڭ، اۆتونوميالى رايوندىق پارتكومنىڭ ماڭىزدى ماجىلىستەرىنىڭ رۋحىن، نەگىزگى زاڭدى، زاڭداردى ۇيرەنۋدى تۇراقتى كوميتەت ماجىلىستەرىنىڭ كەڭەس تاقىرىبىنا ەنگىزۋدەن جازباي، مامانداردى، وقىمىستىلاردى ارناۋلى تاقىرىپتا كەڭەس بەرۋگە، لەكسيا جاساۋعا ۇسىنىس ەتىپ، تۇتاس ءبىر جىلدا ارناۋلى تاقىرىپتا 12 رەت لەكسيا ۇيىمداستىردى. تۇراقتى كوميتەت قۇرامىنداعىلاردى قىزمەت مىندەتىن وتەۋ احۋالىن حابارلاندىرۋ ءتۇزىمىن، ۋاكىلدەرمەن بايلانىس جاساۋ ءتۇزىمىن اناعۇرلىم كەمەلدەندىرىپ، تۇراقتى كوميتەت قۇرامىنداعىلاردىڭ ماجىلىسكە قاتىناسۋ ءتۇزىمىن قاتاڭ اتقارىپ، سەنىمدى، ناقتى ءىس تىندىراتىن، قولىنان ءىس كەلەتىن، جاۋاپكەرلىكتى باتىل ارقالايتىن، ستيلى دۇرىس جەرگىلىكتى مەملەكەت بيلىك ورگانىن قۇرۋعا قۇلشىندى. جەرگىلىكتى حالىق قۇرىلتايى قىزمەتىنىڭ امالي تاجىريبەلەرىن مۇقيات قورىتىندىلاپ، جالپىلاستىرىپ، حالىق قۇرىلتايى قىزمەتىندە جاڭالىق اشۋ مەحانيزمى مەن ءادىسى جونىندە بەلسەندى ىزدەنىستەر جاساپ، حالىق قۇرىلتايى قىزمەتىن جاڭالىق اشا دامىتۋدى ءونىمدى ىلگەرىلەتتى.
حالىق قۇرىلتايىنىڭ ۇگىت قىزمەتىن اناعۇرلىم كۇشەيتتى. تۇراقتى كوميتەتتىڭ اقپاراتتىق قوعامدىق پىكىر قىزمەتى جونىندە اڭگىمە ءماجىلىس اشىپ، «شينجياڭ حالىق قۇرىلتايى» جۋرنالى، شينجياڭ حالىق قۇرىلتايى تورى، شينجياڭ حالىق قۇرىلتايى ءۇنحات تۇعىرى، تۇراقتى كوميتەت جارناماسى جانە ورگان ءىشى - سىرتىنداعى ۇلكەن ەكران سياقتى دانەكەرلەردىڭ رولىن تولىق ساۋلەلەندىرىپ، حالىق قۇرىلتايىنىڭ اقپارات، ۇگىت قىزمەتىنىڭ باعىتتامالىعى مەن ناقتى ونىمدىلىگىن ۇزدىكسىز كۇشەيتتى.
ورگان قۇرىلىسىن اناعۇرلىم كۇشەيتتى. تۇراقتى كوميتەت پارتيا باسشىلىق گرۋپپاسى ورگاننىڭ پارتيا قۇرىلىسى جانە ورگانعا جىبەرگەن ءتارتىپ تەكسەرۋ گرۋپپاسىنىڭ قىزمەتىنەن كوپ رەت ارناۋلى تاقىرىپتا مالىمەت تىڭداپ، ورگاننىڭ پارتيا قۇرىلىسىن كۇشەيتۋ جونىندەگى قىزمەت شارالارىن زەرتتەپ، ورگان پارتكومىنىڭ «ورگان پارتيا قۇرىلىسى قىزمەتىن اناعۇرلىم كۇشەيتۋ جونىندەگى پىكىرىن» بەكىتىپ ءتۇسىرىپ، ءبىر جۇمىس ورنى، قوس جاۋاپكەرشىلىك ءتۇزىمىن ورناتىپ جانە كەمەلدەندىرىپ، قاعيدا مەن ەرەجەنى مۇقيات ۇيرەنىپ، دايەكتىلەندىرىپ، پارتيا ىشىندەگى ساياسي تۇرمىس ءتۇزىمىن كەمەلدەندىردى. «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە قيمىلىن ىشكەرىلەي ورىستەتىپ، كورنەكتى ماسەلەلەردى باعىتتاپ، ماسەلەلەردى ىشكەرىلەي تەكسەرىپ ورتاعا قويىپ، رەتتەۋ، وزگەرتۋ، قاعيدا، ءتۇزىم ورناتۋ قىزمەتىن نىعايتىپ، مۇرات، سەنىم، تۇپكى ماقسات ساناسىن اناعۇرلىم كۇشەيتتى. اۆتونوميالى رايوندىق پارتكومنىڭ ساياسي جاقتان شارلاۋىن وراي ەتىپ، ورگان قۇرىلىسىن اناعۇرلىم كۇشەيتتى، قىزمەت ستيلىن جاقسارتىپ، قىزمەت ونىمدىلىگى مەن قىزمەت وتەۋ ساپاسىن قۇلشىنا جوعارىلاتتى.
ءار دارەجەلى حالىق قۇرىلتايلارىمەن قىزمەت بايلانىسىن جانە ولارعا جەتەكشىلىكتى كۇشەيتتى. ورتالىقتىڭ 18- ءنومىرلى حۇجاتى مەن «اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ اۋداندىق، اۋىلدىق حالىق قۇرىلتايلارىنىڭ قىزمەتىن جانە قۇرىلىسىن كۇشەيتۋ جونىندەگى اتقارۋ پىكىرىنىڭ» رۋحىن دايەكتى تياناقتاندىرۋدى تياناق ەتىپ، ءار دارەجەلى حالىق قۇرىلتايلارىنداعى، اسىرەسە، نەگىزگى ساتى حالىق قۇرىلتايىنداعى كادرلاردى نازاريا، كاسىپ جاعىنان تاربيەلەۋدى كۇشەيتىپ، جەر - جەردىڭ زاڭ شىعارۋ قوسىنىن تاربيەلەۋدى، دارىندىلاردى تاڭداپ وسىرۋگە بولعان جەتەكشىلىكتى بەكەمدەپ، قىزمەتتەرگە جەتەكشىلىك ەتۋ جانە قولداۋ تەبىنىن ۇدەتتى. مەملەكەتتىك حالىق قۇرىلتايىنىڭ قىزمەت مىندەتىنە بەلسەندى سايكەسىپ، مەملەكەتتىك حالىق قۇرىلتايىنىڭ كاسىپتىك جەتەكشىلىك ەتۋىن ىرىقتى قابىلدادى. جەر - جەردەگى حالىق قۇرىلتايلارى تۇراقتى كوميتەتتىڭ زاڭ شىعارۋ، باقىلاۋ، تەكسەرىپ - زەرتتەۋ قىزمەتىن قولداپ جانە وعان سايكەسىپ، اۆتونوميالى رايوندىق حالىق قۇرىلتايىنىڭ ۋاكىلدەرىمەن بايلانىس جاساۋ جانە ولارعا قىزمەت وتەۋ سياقتى جاقتاردا قىرۋار جۇمىستاردى تىندىرىپ، بەلسەندى رولىن ساۋلەلەندىردى.
وتكەن ءبىر جىلدا تۇراقتى كوميتەت قىزمەتىندە قول جەتكەن ناتيجەلەر مەن ىلگەرىلەۋشىلىكتەر اۆتونوميالى رايوندىق پارتكومنىڭ پارمەندى باسشىلىعىندا، بارلىق ۋاكىلدەردىڭ، تۇراقتى كوميتەت قۇرامىنداعىلاردىڭ جانە ورگانداعى قىزمەتكەرلەردىڭ ورتاق قۇلشىنۋىنىڭ، قاجىرلى ەڭبەگىنىڭ ناتيجەسى، اۆتونوميالى رايوندىق حالىق ۇكىمەتىنىڭ، اۆتونوميالى رايوندىق ساياسي كەڭەستىڭ، جوعارى حالىق سوتى مەكەمەسىنىڭ، حالىق پروكۋراتۋراسىنىڭ سايكەسكەندىگىنىڭ ناتيجەسى ءارى ءوندىرىس - قۇرىلىس بيڭتۋانىنىڭ، ورتالىقتىڭ شينجياڭدا تۇراتىن ورىندارىنىڭ، شينجياڭدا تۇراتىن اسكەري بولىمدەردىڭ، قارۋلى ساقشى كوماندير - جاۋىنگەرلەرىنىڭ جانە شينجياڭداعى ءار ۇلت حالقى مەن قوعامنىڭ ءار سالاسىنىڭ بارىنشا قولداعاندىعىنىڭ ناتيجەسى. وسى ورايدا، مەن اۆتونوميالى رايوندىق حالىق قۇرىلتايى تۇراقتى كوميتەتى اتىنان حالىق قۇرىلتايىنىڭ قىزمەتىنە ۇزاقتان بەرى كوڭىل ءبولىپ، وعان قولداۋ كورسەتىپ كەلگەن جولداستارعا وسكەلەڭ قۇرمەت بىلدىرەمىن جانە شىنايى راقىمەت ايتامىن!
ءبىز ناتيجەلەردى قورىتىندىلاۋمەن بىرگە، تۇراقتى كوميتەتتىڭ قىزمەتتەرىندە ورتالىقتىڭ، اۆتونوميالى رايوندىق پارتكومنىڭ تالابىنا، حالىق قۇرىلتايى ۋاكىلدەرى مەن حالىق بۇقاراسىنىڭ ۇمىتىنە سالىستىرعاندا تاعى دا بەلگىلى پارىقتار بار ەكەندىگىن سەرگەكتىكپەن تانىپ جەتتىك. مۇنىڭ باستىسى مىنالار: زاڭ شىعارۋدى دەموكراتيالاندىرۋدى، عىلميلاندىرۋدى جوعارى ورەگە كوتەرۋگە تۋرا كەلەدى؛ باقىلاۋ قىزمەتىندە ءونىمدى ىزىنە ءتۇسىپ قۋزاستىرۋ، قۋزاۋ جەتكىلىكسىز؛ ۋاكىلدەردىڭ قىزمەت مىندەتىن وتەۋ تەكشەسى مەن قىزمەت وتەۋدى قامتاماسىز ەتۋدى اناعۇرلىم كۇشەيتۋگە تۋرا كەلەدى. وسى ماسەلەلەرگە ءبىز وسكەلەڭ ءمان بەرىپ، مۇقيات شەشەمىز.
2017 - جىلعى باستى قىزمەت مىندەتتەر
ۋاكىلدەر! 2017 - جىل قوعام ورنىقتىلىعى مەن باياندى تىنىشتىققا بەرىك نەگىز قالاپ، كەدەيلىكتەن قۇتىلدىرۋدان قامال الاتىن، جاپپاي دوڭگەلەك داۋلەتتى قوعام قۇرۋدا شەشۋشى جەڭىسكە جەتەتىن ماڭىزدى جىل، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنە قويىلاتىن تۇلعالىق تالاپ مىناداي: اۆتونوميالى رايوندىق پارتكومنىڭ پارمەندى باسشىلىعىندا پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جان - جاقتىلى دايەكتىلەندىرۋ، ورتالىقتىڭ شينجياڭدى جونگە سالۋ جالپى جوباسىن باتىل دايەكتى تياناقتاندىرۋ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي تياناقتاندىرۋ، ج ك پ اۆتونوميالى رايوندىق 9 - قۇرىلتايىنىڭ كەلەلى شەشىمدەرىن، ورنالاستىرۋلارىن جان - جاقتى تياناقتاندىرۋ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، «بەس ءىرى دامۋ يدەياسىن» بەرىك ورناتىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، نەگىزگى زاڭ مەن زاڭداردا بەرىلگەن قىزمەت ۇقىعىن مۇقيات جۇرگىزۋ، شينجياڭدى زاڭمەن جونگە سالۋدى، ىنتىماقتاستىرا ورنىقتىرۋدى، ۇزاق ۋاقىت گۇلدەندىرۋدى جاپپاي ىلگەرىلەتۋ، قوعام ورنىقتىلىعى مەن باياندى تىنىشتىقتى قورعاۋعا تىڭ ۇلەس قوسۋ.
ءبىرىنشى، ورتالىقتىڭ، اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن مۇقيات دايەكتى تياناقتاندىرىپ، باس نىسانانى مىقتاپ ارقاۋ ەتىپ، حالىق قۇرىلتايىنىڭ قىزمەتتەرىن ءبىر تۇتاس ورنالاستىرادى
ج ك پ اۆتونوميالى رايوندىق 9 - قۇرىلتايى، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى مەن ورتالىقتىڭ شينجياڭدى جونگە سالۋ جالپى جوباسىن جان - جاقتى دايەكتىلەندىرىپ، «شينجياڭدى زاڭمەن جونگە سالۋ، ىنتىماقتاستىرا ورنىقتىرۋ، ۇزاق ۋاقىت گۇلدەندىرۋدىڭ» تىڭ ساپارىن باستادى. تۇراقتى كوميتەت ورتالىقتىڭ شينجياڭدى جونگە سالۋ جالپى جوباسى جانە اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن باتىل، دايەكتى تياناقتاندىرىپ، «پارتيا ورتالىق كوميتەتىنىڭ تالابى ءبىزدىڭ ساياسي مىندەتىمىز» دەيتىن باتىل پوزيتسيا مەن ساياسي ويلامدى بەرىك ورناتىپ، حالىق قۇرىلتايى قىزمەتىن پارتيانىڭ باسشىلىعىن كۇشەيتۋدە، پارتيانىڭ قۋاتتاماسى مەن ويىن ءتىپتى دە جاقسى دايەكتىلەندىرۋدە تولىق ايگىلەپ، پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىن ءتىپتى دە جاقسى جۇزەگە اسىرادى. ارقاۋدى تىعىز تياناق ەتىپ، جالپى جاعدايعا قىزمەت وتەپ، حالىق قۇرىلتايى قىزمەتىن لاڭكەستىككە قارسى تۇرىپ، ورنىقتىلىقتى ساقتاۋ، ءدىن جاراسىمدىلىعى مەن ۇلتتار ىنتىماعىن قورعاۋ سياقتى تۇبىرىنەن وڭاۋ شارالارىمەن ءبىرتۇلعالاندىرۋ، رەفورمانى تەرەڭدەتۋ، دامۋدى جەدەلدەتۋ، حالىق تۇرمىسىن جاقسارتۋ سياقتىلارمەن توعىستىرا العا ىلگەرىلەتۋ، حالىق قۇرىلتايى قىزمەتىندەگى ءتۇسىنۋ قۋاتىن، اتقارۋ قۋاتىن جانە تياناقتاندىرۋ قۋاتىن كورنەكتىلەندىرۋ كەرەك. نەگىزگى زاڭنىڭ جانە زاڭداردىڭ بەدەلى مەن ابىرويىن باتىل قورعاپ، شينجياڭدى زاڭمەن جونگە سالۋ، زاڭمەن جونگە سالىناتىن شينجياڭ قۇرۋ سىندى قىزمەت مىندەتىمىزدى تىڭعىلىقتى وتەپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن تىڭ ۇلەس قوسۋىمىز كەرەك.
ەكىنشى، قوعام ورنىقتىلىعى مەن باياندى تىنىشتىقتى قورعاۋ باس نىساناسىن زاڭ شىعارۋ قىزمەتىنىڭ بۇكىل بارىسىنا سىڭىرەدى
باس نىسانانى جۇزەگە اسىرۋداعى زاڭ شىعارۋ قاجەتىن مىقتاپ ارقاۋ ەتىپ، لاڭكەستىككە قارسى تۇرىپ ورنىقتىلىقتى قورعاۋ، قوعامدى وڭاۋ، تور حاۋىپسىزدىگى، قورشاعان ورتانى قورعاۋ، حالىق تۇرمىسىن جاقسارتۋ، رەفورمانى ىشكەرىلەتۋ سياقتى ءتۇيىندى سالالار مەن «ولقىلىقتى» تولىقتىرۋ جاعىنداعى زاڭ شىعارۋدى كورنەكتىلەندىرىپ، جەرگىلىكتى ورىننىڭ امالياتىنا ۇيلەسەتىن، شۇعىل قاجەتتى، دامۋ، ورنىقتىلىق نەگىزىن بەكەمدەيتىن، ناق قولدانبالى زاڭداردى كوبىرەك شىعارۋ كەرەك. بيىل تۇراقتى كوميتەت تور حاۋىپسىزدىگى زاڭىن اتقارۋ ءادىسى، حاۋىپسىز ءوندىرىس ەرەجەسى، حابارلاسۋ قۇرىلعىلارى قۇرىلىسى مەن ونى قورعاۋ ەرەجەسى سياقتى زاڭ - ەرەجەلەردى اقىلداسىپ جاساۋ، وعان وزگەرىس ەنگىزۋ جۇمىسىن مىقتى ۇستاپ ىستەيدى. عىلمي، دەموكراتيالى زاڭ شىعارۋدى ىشكەرىلەي ىلگەرىلەتىپ، پارتكوم باسشىلىق ەتەتىن، حالىق قۇرىلتايى جەتەكشىلىك ەتەتىن، ۇكىمەت تىرەك بولاتىن، ءارقايسى جاق قاتىناساتىن زاڭ شىعارۋ جاعدايى ۇزدىكسىز كەمەلدەندىرىلەدى. رەفورما شەشىمدەرى مەن زاڭ شىعارۋ شەشىمدەرىن ءوزارا توعىستىرۋدان جازباي، زاڭ شىعارۋداعى جوبا ازىرلەۋ، دالەلدەۋ، سايكەستىرۋ جانە پىكىر الۋ مەحانيزمىن اناعۇرلىم كەمەلدەندىرىپ، زاڭ شىعارۋدا اقىل - پاراساتتى كەڭىنەن توپتاپ، قوعامدىق ورتاق تانىمدى شوعىرلاندىرادى. قۇنتتاپ زاڭ شىعارۋدان جازباۋدى زاڭ شىعارۋ ساپاسىن جوعارىلاتۋدىڭ تەتىگى ەتىپ، جەرگىلىكتى زاڭ شىعارۋ ونىمدىلىگىن، قولدانبالىعىن جانە مەڭگەرىمدىلىگىن شىنايى كۇشەيتەدى.
ءۇشىنشى، قوعام ورنىقتىلىعى مەن باياندى تىنىشتىقتى قورعاۋ باس نىساناسىن باقىلاۋ قىزمەتىنىڭ ءتۇرلى سالاسىنا سىڭدىرەدى
تۇراقتى كوميتەت ءتۇرلى باقىلاۋ قىزمەتىن باس نىسانانى دايەكتىلەندىرۋدى جانە تياناقتاندىرۋدى ارقاۋ ەتە وتىرىپ ورىستەتەدى. ءبىرىنشى، ۇلتتار ىنتىماعى، العاباسارلىعى قىزمەتى ەرەجەسى، تەلەفون جانە عالامتور ابونتتارىنىڭ شىن سالاۋاتىن تىزىمدەپ باسقارۋ ەرەجەسى سياقتى زاڭ - ەرەجەلەردىڭ اتقارىلۋ احۋالىن تەكسەرۋدى تياناق ەتىپ، اۆتونوميالى رايوننىڭ شەكارادان كىرىپ - شىعۋدى باسقارۋ جونىندەگى مالىمەتىن تىڭداپ جانە قاراپ شىعىپ، ورنىقتىلىقتى ساقتاۋ قىزمەتى جونىندەگى باقىلاۋدى كۇشەيتەدى. ەكىنشى، جالپى مەجە ەسەپ جانە سوڭعى ەسەپتى تەكسەرۋ مەن قازىنالىق باقىلاۋدى تياناق ەتىپ، مەجە ەسەپتىڭ اتقارىلۋىن قاتايتىپ، مەجە ەسەپ جاريالىعىن ىلگەرىلەتىپ، ەكونوميكالىق اينالىم احۋالىن باقىلاۋدى كۇشەيتەدى. ءۇشىنشى، ءدارى - دارمەك زاڭىنىڭ، وڭتۇستىك شينجياڭ رايونىندا ورتا مەكتەپ ساتىسىنداعى مىندەتتى وقۋ - اعارتۋدى جالپىلاستىرۋ ەرەجەسىنىڭ اتقارىلۋ احۋالىن توڭىرەكتەپ، اۆتونوميالى رايوننىڭ ەمدەۋدى قامسىزداندىرۋ قىزمەتىنىڭ ىلگەرىلەۋ احۋالى جونىندەگى مالىمەتىن تىڭدايدى جانە قاراپ شىعادى، شالعاي، شەكارا ەگىن، مال شارۋاشىلىق رايوندارىنداعى ەمدەۋ - دەنساۋلىق ساقتاۋ ىستەرىن دامىتۋ جانە كليمات بايلىعىنان پايدالانۋ، ونى قورعاۋ، اپاتتان ساقتانۋ، اپات زيانىن ازايتۋ سياقتى قىزمەتتەردى كوزدەن كەشىرۋگە ۇيىمداستىرىپ، حالىق تۇرمىسى قىزمەتىن باقىلاۋدى كۇشەيتەدى. ءتورتىنشى، «اۋىز سۋ حاۋىپسىزدىگىن قامتاماسىز ەتۋدى، حالىق تۇرمىسىن جاقسارتۋدى جەبەۋدى» نەگىزگى تاقىرىپ ەتكەن تيانشان قورشاعان ورتانى قورعاۋ ساپارى قيمىلىن ورىستەتىپ، ۇكىمەتتىڭ قورشاعان ورتانى قورعاۋ نىساناسىن ورىنداۋ احۋالى جونىندەگى قىزمەت مالىمەتىن تىڭداپ، قۇمايتتانۋدان ساقتانۋ، قۇمايتتانۋدى تىزگىندەۋ ءتۇيىندى نىساندارىنىڭ اتقارىلۋ جانە لاستاۋ قاينارلارىن جاپپاي تەكسەرۋ قىزمەتىن كوزدەن كەشىرىپ، قورشاعان ورتانى قورعاۋ قىزمەتىن باقىلاۋدى كۇشەيتەدى. بەسىنشى، اۆتونوميالى رايوندىق جوعارى حالىق سوتى مەكەمەسىنىڭ بۇكىل رايونىمىزداعى سوت مەكەمەلەرىنىڭ ءادىليا ءتۇزىلىسى رەفورماسى قىزمەتىن تەرەڭدەتۋ احۋالى جونىندەگى مالىمەتىن، اۆتونوميالى رايوندىق حالىق پروكۋراتۋراسىنىڭ بۇكىل رايونىمىزداعى پروكۋراتۋرا ورگاندارىنىڭ ءادىليا ءتۇزىلىسى رەفورماسى قىزمەتىن تەرەڭدەتۋ احۋالى جونىندەگى مالىمەتىن تىڭداۋدى جانە قاراپ شىعۋدى ارقاۋ ەتىپ، ءادىليا قىزمەتىن باقىلاۋدى كۇشەيتەدى. التىنشى، ەستەلىككە الىپ تەكسەرۋ قىزمەتىن كۇشەيتىپ، ەستەلىككە الىپ تەكسەرۋ ءتۇزىمى مەن قابىلەتى قۇرىلىسىن اناعۇرلىم نىعايتادى. باقىلاۋ قىزمەتى مەحانيزمىندە جاڭالىق اشىپ، زاڭنىڭ اتقارىلۋىن تەكسەرۋ، ارناۋلى تاقىرىپتا ۇعىسۋ، ريزا بولۋ دارەجەسىن باعالاۋ، ىزىنە ءتۇسىپ باقىلاۋ، ۇزدىكسىز باقىلاۋ سىندى كوپ ءتۇرلى باقىلاۋ ءتاسىلىن جان - جاقتىلى قولدانىپ، باقىلاۋ بىرىككەن كۇشىن قالىپتاستىرىپ، ناقتى ماسەلەلەردى شەشۋدى ىلگەرىلەتۋ كەرەك.
ءتورتىنشى، قوعام ورنىقتىلىعى مەن باياندى تىنىشتىقتى قورعاۋ باس نىساناسىن ءار دارەجەلى حالىق قۇرىلتايى ۋاكىلدەرىنىڭ رولىن ساۋلەلەندىرۋىنە سىڭدىرەدى
مەملەكەتتىك حالىق قۇرىلتايىنىڭ «حالىق قۇرىلتايى ۋاكىلدەرىنىڭ حالىق بۇقاراسىمەن بايلانىس جاساۋ ءتۇزىمىن كەمەلدەندىرۋ جونىندەگى اتقارۋ پىكىرىن» مۇقيات دايەكتىلەندىرىپ، تۇراقتى كوميتەت قۇرامىنداعىلاردىڭ ۋاكىلدەرمەن بايلانىس جاساۋ ءتۇزىمىن اناعۇرلىم تەرەڭدەتىپ، ۋاكىلدەردى تۇراقتى كوميتەتتىڭ ماجىلىسىنە ۇسىنىسپەن سىرتتاي قاتىناستىرۋعا، زاڭنىڭ اتقارىلۋىن تەكسەرۋ جانە كوزدەن كەشىرۋ، تەكسەرىپ - زەرتتەۋ سياقتى قيمىلدارعا قاتىناستىرۋعا ۇزدىكسىز تاباندى بولىپ، ۋاكىلدەردىڭ تۇراقتى كوميتەتتىڭ قىزمەتتەرىنە قاتىناسۋ كولەمى مەن تەرەڭدىگىن كەڭەيتەدى. «قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتۋ، حالىق قۇرىلتايى ۋاكىلدەرىنىڭ رولىن اناعۇرلىم ساۋلەلەندىرۋ جونىندەگى قاۋلىنى مۇقيات اتقارىپ، ۋاكىلدەردىڭ قىزمەت مىندەتىن وتەۋ بورىشتىلىق سەزىمى مەن جاۋاپكەرلىك سەزىمىن قوزعاپ، «ۇعىسۋ، تيىمدىلىك جاساۋ، توعىستىرۋ» جونىنەن قىستاقتا تۇرىپ قىزمەت ىستەۋ جانە «ۇلتتار ىنتىماعىنىڭ بەرەكەلى شاڭىراعى» قيمىلىنا بەلسەنە قاتىناسىپ، ۇلتتار ىنتىماعىن قۇلشىنا كۇشەيتىپ، ءدىن جاراسىمدىلىعىن جەبەپ، كەدەيلىكتەن قۇتىلدىرۋدان قامال الۋدى ىلگەرىلەتىپ، ەكونوميكانى دامىتۋعا قىزمەت وتەپ، قوعام ورنىقتىلىعىن قورعاۋدىڭ ىلگەرىلەتۋشىلەرى بولۋعا تالپىنىپ، قوعام ورنىقتىلىعى مەن باياندى تىنىشتىقتى قورعاۋدىڭ قۇدىرەتتى بىرىككەن كۇشىن قالىپتاستىرادى. جاڭادان سايلانعان ۋاكىلدەردى تاربيەلەۋ تەبىنىن ۇدەتەدى. كەڭەس جوبالار مەن ۇسىنىستاردى ىزىنە ءتۇسىپ باقىلاۋ تەبىنىن ارتتىرىپ، تىلدەسۋ مەن بايلانىستى كۇشەيتىپ، ءبىر جاقتى ەتۋ مولشەرى مەن ۋاكىلدەردىڭ رازى بولۋ مولشەرىن جوعارىلاتۋعا كۇش سالادى. ۋاكىلدەردىڭ بۇقارامەن بايلانىس جاساۋ تەكشەسى، توراپ تەكشەسى قۇرىلىسىن كەمەلدەندىرىپ، «حالىق قۇرىلتايى ۋاكىلدەرىنىڭ نەگىزگى ساتىعا ساپارى» قيمىلىن تىڭعىلىقتى ورىستەتىپ، حالىق قۇرىلتايى ۋاكىلدەرىنىڭ حالىق بۇقاراسىمەن بايلانىسىن اناعۇرلىم كۇشەيتەدى.
تۇراقتى كوميتەت وبلىستىق، قالالىق حالىق قۇرىلتايلارىنىڭ كەزەك اۋىستىرۋ سايلاۋى قىزمەتىنە جەتەكشىلىكتى كۇشەيتىپ، سايلاۋ تارتىبىندە قاتاڭ بولىپ، بەلەت جيناپ پارا بەرىپ سايلاناتىنداردان قاتاڭ ساقتانىپ، كەزەك اۋىستىرۋ سايلاۋىنىڭ اۋقىمى دۇرىس بولۋىنا شىنايى كەپىلدىك ەتۋ كەرەك. كەزەك اۋىستىرۋ سايلاۋى ارقىلى ءار دارەجەلى حالىق قۇرىلتايىنىڭ جانە ونىڭ تۇراقتى كوميتەتتەرىنىڭ ۇيىمدىق قۇرىلىسىن اناعۇرلىم كۇشەيتىپ، ءار دارەجەلى حالىق قۇرىلتايىنىڭ ۋاكىلدەرى مەن تۇراقتى كوميتەت قۇرامىنداعىلاردىڭ تۇلعالىق ساپاسىن جوعارىلاتادى.
بەسىنشى، قوعام ورنىقتىلىعى مەن باياندى تىنىشتىقتى قورعاۋ باس نىساناسىن زاڭمەن جونگە سالىناتىن شينجياڭ قۇرۋدى ىلگەرىلەتۋگە جانە زاڭمەن جونگە سالۋ ۇگىت - تاربيە ورنالاستىرۋىنا سىڭدىرەدى
زاڭمەن وڭاۋ ۇگىت - تاربيەسىن كەلەلى حالىق تىلەگى ينجەنەرياسى رەتىندە يگەرىپ، نەگىزگى زاڭدى ۇيتقى، زاڭمەن جونگە سالىناتىن شينجياڭ قۇرۋدى نەگىزگى تاقىرىپ ەتكەن زاڭمەن جونگە سالۋ ۇگىت - تاربيەسىن زور كۇشپەن ىلگەرىلەتىپ، اۆتونوميالى رايوننىڭ «7 - بەسجىلدىق» زاڭ جالپىلاستىرۋ قىزمەتىن جەبەپ، زاڭ ارقىلى وڭاۋ ۇگىت - تاربيەسىن بۇقاراعا ءتىپتى دە جاقىنداستىرۋ كەرەك. ءار دارەجەلى حالىق قۇرىلتايلارى مەن ۋاكىلدەردىڭ رولىن تولىق ساۋلەلەندىرىپ، «شينجياڭدى زاڭمەن جونگە سالۋ. تيانشانعا ساپار» جانە ءتۇرلى فورماداعى نەگىزگى ساتىدا زاڭمەن جونگە سالۋ لەكسيا قيمىلىن اناعۇرلىم ىشكەرىلەي كەڭەيتىپ، زاڭمەن جونگە سالۋ ۇگىتىن نەگىزگى ساتىداعى جۇرتشىلىققا دەيىن جەتكىزۋ كەرەك. گازەت - جۋرنال، حالىق قۇرىلتايى تورابى، حالىق قۇرىلتايى ءۇنحات تۇعىرى سياقتى دانەكەر تەكشەلەردەن تولىق پايدالانىپ، حالىق جۇرتشىلىعى ەڭ كوڭىل ءبولىپ وتىرعان، ەڭ قاجەت ەتىپ وتىرعان زاڭداردى، زاڭ - ەرەجەلەردى ىشكەرىلەي ۇگىتتەپ، ءىستى زاڭ بويىنشا ىستەۋ، بىرەر ىسكە جولىققاندا زاڭدى ىزدەۋ، ماسەلەنى زاڭمەن شەشۋ، قايشىلىقتى زاڭعا سۇيەنىپ باسەڭدەتۋ سىندى زاڭمەن جونگە سالۋ رايىن جۇرت جۇرەگىنە ءتىپتى دە تەرەڭ ۇيالاتۋ كەرەك.
التىنشى، قوعام ورنىقتىلىعى مەن باياندى تىنىشتىقتى قورعاۋ باس نىساناسىن ءوز قۇرىلىسىن كۇشەيتۋدىڭ ءتۇرلى تالاپتارىنا سىڭىرەدى
تۇراقتى كوميتەت يدەيالىق قۇرىلىستى الدىڭعى ورىنعا قويىپ، ساياسي تانىمدى، جالپى جاعداي تانىمىن، ۇيتقى تانىمىن جانە ساپ تۇزەۋ تانىمىن اناعۇرلىم كۇشەيتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، يدەيالىق جاقتان، ساياسي جاقتان، ارەكەت جاعىنان شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، يدەيانى جانە ارەكەتتى باس نىسانانى جۇزەگە اسىرۋداعى ورنالاستىرۋ تالابىمەن بارىنشا بىرلىككە كەلتىرۋ كەرەك. شينجياڭدى زاڭمەن جونگە سالۋ جانە وڭاۋ قابىلەتىن وسىزامانداندىرۋدىڭ تىڭ تالابىنا سايكەستىرىپ، ورتالىقتىڭ جانە باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى، اۆتونوميالى رايوندىق پارتكومنىڭ كەلەلى شەشىم، ورنالاستىرۋلارى جونىندەگى قايتالاي ۇيرەنۋدى، قايتالاي تانۋدى، قايتالاي جوعارىلاتۋدى تەرەڭدەتىپ، تۇراقتى كوميتەت قۇرامىنداعىلاردىڭ قىزمەت مىندەتىن وتەۋ قابىلەتىن جوعارىلاتۋ كەرەك. «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسى ناتيجەلەرىن بەكەمدەپ جانە تەرەڭدەتىپ، ۇزاق ءونىمدى مەحانيزمدى قۇرىپ جانە كەمەلدەندىرىپ، تۇراقتى كوميتەتتىڭ حالىقشىل، ناقتى ءىس تىندىراتىن، پاك بولۋ سىندى تاماشا وبرازىن قورعاۋ كەرەك. «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن، «ۇلتتار ىنتىماعىنىڭ بەرەكەلى شاڭىراعى» قيمىلىن ۇزدىكسىز شوگەلدىكپەن ورىستەتىپ، حالىق تۇرمىسىنا تيىمدىلىك جاساۋدىڭ، ىنتىماقتى جەبەۋدىڭ، نەگىز قالاۋدىڭ، ۇزاق بولاشاقتىق مۇددەنىڭ ءتۇرلى قىزمەتتەرىن تىڭعىلىقتى ىستەۋ كەرەك. ساياسيدا بەرىك، قۇلشىنا ىستەپ، كاسىبىن قادىرلەيتىن، ىنتىماقتاسىپ ناقتى ءىس تىندىراتىن، پاك تە حالىقشىل كادرلار قوسىنىن، ۇيرەنگىش، قىزمەت وتەگىش ورگاندى قۇلشىنا قۇرىپ، قىزمەت ساپاسى مەن ونىمدىلىگىن جوعارىلاتىپ، تۇراقتى كوميتەتتىڭ قىزمەت مىندەتىن وتەۋىنە ءتىپتى دە ساپالى قىزمەت وتەۋ جانە ونى قامتاماسىز ەتۋ كەرەك.
ۋاكىلدەر! ءداۋىر جۇكتەگەن مىندەت جاپالى دا داڭقتى. حالىق بىزدەن ۇلكەن ءۇمىت كۇتىپ وتىر؛ كوركەم شينجياڭ ۇمىتكە تولى، بۇكىل رايونىمىز جوعارىدان تومەنگە دەيىن سەنىمگە تولى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، اۆتونوميالى رايوندىق پارتكومنىڭ پارمەندى باسشىلىعىندا كوڭىل كۇيىمىزدى، كۇش - قۋاتىمىزدى شوعىرلاندىرىپ، ۇمتىلا قىزمەت ىستەپ، ءورىس اشىپ العا ىلگەرىلەپ، جاۋاپكەرلىكتى جۇرەكتىلىكپەن ارقالاپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن سوتسياليستىك شينجياڭ قۇرۋ ءۇشىن قۇلشىنا كۇرەس جۇرگىزىپ، پارتيا 19 - قۇرىلتايىنىڭ جەڭىسپەن اشىلۋىن ەگەي تابىستارمەن قارسى الايىق! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
