مۇشە مىڭ چيڭساي:
شينجياڭنىڭ ەمدەۋ - دەنساۋلىق ساقتاۋ ىستەرىنىڭ دامۋى ءۇشىن اقىل - پاراساتىمدى، كۇش - قۋاتىمدى ارنايمىن
□ انار بۇلت / شينجياڭ گازەتىنىڭ ءتىلشىسى فان چيۇڭيان
2022.03.03 10:41 كەلۋ قاينارى : شينجياڭ گازەتى
”مەن جاڭا عانا شينجياڭ 2 - مەديتسينا شۋەيۋانىنا بولعان تەكسەرىپ - زەرتتەۋ جۇرگىزۋدى اياقتاتىپ، قاتىستى ۇسىنىستاردى جازىپ جاتىرمىن“. 2 - ايدىڭ 22 - كۇنى شينجياڭدا تۇراتىن مەملەكەتتىك ساياسي كەڭەستىڭ مۇشەسى، جۇڭگو شارۋا - جۇمىسشى دەموكراتيالىق پارتياسى شينجياڭ رايوندىق كوميتەتىنىڭ مەڭگەرۋشى مۇشەسى، اۆتونوميالى رايوندىق جۇڭي شيپاحاناسىنىڭ ورىنباسار باستىعى مىڭ چيڭساي ءوزىنىڭ شينجياڭ 2 - مەديتسينا شۋەيۋان قۇرىلىسى جاعدايىنا ايرىقشا كوڭىل ءبولىپ، وسى شۋەيۋاننىڭ جوعارى ساپالى دامۋىن ىلگەرىلەتۋدى ءۇمىت ەتەتىندىگىن ءبىلدىردى.
مەملەكەتتىك ساياسي كەڭەستىڭ مۇشەسى رەتىندە، جۋىق جىلداردان بەرى مىڭ چيڭساي ەمدەۋ - دەنساۋلىق ساقتاۋ رەفورماسى، نەگىزگى ساتى ەمدەۋ - دەنساۋلىق ساقتاۋ دارىندىلار قوسىن قۇرىلىسى، ەكولوگيالىق ورتا سياقتى جاقتاردى ارقاۋ ەتە وتىرىپ، تەكسەرۋ - زەرتتەۋ ورىستەتىپ، بەلسەندى تۇردە سىندارلى اقىل - كەڭەس بەردى.
مىڭ چيڭساي بىلاي دەپ تانىستىردى: شينجياڭ 2 - مەديتسينا شۋەيۋانىنىڭ ارعى تەگى شينجياڭ مەديتسينا داشۋەسى حوۋبو شۋەيۋانى، 2003 - جىلى قۇرىلعان. 2012 - جىلى اۆتونوميالى رايوندىق حالىق ۇكىمەتىنىڭ بەكىتۋىمەن، شينجياڭ مەديتسينا داشۋەسى مەن قارامايلى قالاسىنىڭ سەلبەسە وتىرىپ مەكتەپ قۇرۋ تاسىلىمەن حوۋبو شۋەيۋانىن بىرگە قۇرادى، 2015 - جىلى حوۋبو شۋەيۋانى قارامايلى قالاسىنا تۇتاس كوشىرىلەدى. شۋەيۋاننىڭ نەگىزدىك قۇرىلعىلارى تۇگەلدەي تولىق كۋرس مەكتەپتىڭ تولىمدى مەكتەپ قۇرۋ ولشەمىنە تولىپ، وقىتۋ شارت - جاعدايى مەن قىزمەت وتەۋ قۇرىلعىسى ەل ىشىندەگى ۇقساس شۋەيۋان مەكتەپتەردىڭ دەڭگەيىنە جەتكەنىمەن، وقىتۋشىلار قوسىنى، وقىتۋ كۇشى، كاسىبي دارىندىلار جانە قاراجاتپەن قامتاماسىز ەتۋ جاقتاردا ءالى دە ءىشىنارا قيىنشىلىقتار ساقتالۋدا.
تەكسەرۋ - زەرتتەۋ جۇرگىزۋ ارقىلى مىڭ چيڭساي بيىلعى ماجىلىستە ۇسىنىستار قويۋعا دايىندالىپ، قازىنا تاراۋلارىنىڭ شۋەيۋانعا ارناۋلى قاراجات جاعىندا قولداۋ كورسەتۋ؛ شينجياڭ 2 - مەديتسينا شۋەيۋانىن ەلىمىز ىشىندەگى وزگە ولكە، رايون، قالا جوعارى مەكتەپتەرىنىڭ باعىتتامالى كومەكتەسۋ نىسانىنا ەنگىزۋ، ءارقايسى جاقتىڭ قۇلشىنىس جاساۋ ارقىلى شۋەيۋاننىڭ جوعارى ساپالى دامۋىن جەدەل ىلگەرىلەتۋ ۇسىنىسىن قويماقشى.
ەمدەۋ سالاسىنان كەلگەن ساياسي كەڭەس مۇشەسى بولعانىمەن، مىڭ چيڭسايدىڭ نازار اۋدارىپ وتىرعان كولەمى وتە كەڭ. ول قىزمەتتەن بوس ۋاقىتتارىندا ءارجاقتىڭ پىكىرلەرىن مۇقيات جيناقتاپ، ءتۇرلى ۇسىنىستاردى توپتادى، مەملەكەتتىك ساياسي كەڭەس 13 - كەزەكتى كوميتەتى 3 - ماجىلىسىندە تاپسىرعان «مەملەكەتتىك كوك ساعىز مەكەنىن قورعاۋ، كوك ساعىز تۇقىم ساپا بايلىعىن قۇتقارۋ جونىندەگى ۇسىنىسى» مەملەكەتتىك ورمان جانە جايلىم مەكەمەسى، اۆتونوميالى رايوندىق ورمان جانە جايلىم مەكەمەسى، اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ وسكەلەڭ ءمان بەرۋىنە يە بولدى. قاتىستى تاراۋلار جوبا جانە ۇسىنىستى بايلانىستىرۋ اڭگىمە ءماجىلىسىن ارناۋلى ۇيىمداستىرىپ اشىپ، ءبىر جاقتى ەتۋ جاعدايىن ءىز قۋالاي ىلگەرىلەتىپ، شينجياڭ تاراكسە كوك ساعىز بايىرعى ءوسۋ ورتاسىنا جانە تۇقىم ساپا بايلىعىن قورعاۋ جاعدايىنا ۇزدىكسىز نازار اۋدارىپ، ”ۇسىنىس“ بەرۋ، ”ءبىتىرۋ“ ەكى جاقتىڭ تاماشا ىقپالداستىعىن جەبەپ، بەلسەندى تۇردە موڭعۇلكۇرە اۋدانىنىڭ مەملەكەتتىك كوك ساعىز بايىرعى ءوسۋ ورتاسىن قورعاۋ رايونىن قۇرۋدى ىلگەرىلەتۋگە سىندارلى اقىل - كەڭەس بەردى. مۇنان تىس، مەملەكەتتىك ساياسي كەڭەس 13 - كەزەكتى كوميتەتى 4 - ماجىلىسىندە تاپسىرعان «شينجياڭدا مەديتسينا دارىندىلارىن باۋلۋعا قولداۋ كورسەتۋ تەبىنىن كۇشەيتۋ جونىندەگى ۇسىنىسى» قاتىستى تاراۋلاردىڭ ءمان بەرۋىنە جانە نازار اۋدارۋىنا يە بولدى.
جۋىق جىلداردان بەرى پارتيا ورتالىق كوميتەتىنىڭ قامقورلىعى مەن قولداۋىندا شينجياڭ مەديتسينا، وقۋ - اعارتۋ جاقتارىندا كورنەكتى ناتيجەگە قول جەتكىزدى. الايدا ەكونوميكالىق، قوعامدىق دامۋعا، سونداي - اق ىندەتتەن ساقتانۋ - تىزگىندەۋدى ۇدايىلاندىرۋدىڭ جاڭا جاعداي، جاڭا قاجەتىنە ىلەسە، شينجياڭ جوعارى دارەجەلى مەديتسينالىق وقۋ - اعارتۋدى، ءسوز جوق، جەدەل دامىتۋ كەرەك. مىڭ چيڭساي بىلاي دەدى: ”مەن سىندارلى اقىل - كەڭەس بەرۋ ارقىلى شينجياڭنىڭ ءتىپتى دە كوپ ۇزدىك قولدانىلمالى جوعارى دەڭگەيدەگى كلينيكالىق مەديتسينا دارىندىلارىن جەتىلدىرۋدى ىلگەرىلەتىپ، شينجياڭنىڭ ەمدەۋ - دەنساۋلىق ساقتاۋ ىستەرىنىڭ دامۋىنا قولىمنان كەلگەنشە ۇلەس قوسۋدى قالايمىن“.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
