اۆتونوميالى رايوندىق پارتكوم لاچين بايكا جولداسقا ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىن تولىقتاپ بەردى
2021.02.01 14:57 كەلۋ قاينارى : شينجياڭ گازەتى
1 - ايدىڭ 19 - كۇنى اۆتونوميالى رايوندىق پارتكوم لاچين بايكا جولداسقا ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىن تولىقتاپ بەرۋدى ۇيعاردى.
ۇيعارىمنىڭ تولىعى تومەندەگىدەي:
لاچين بايكا، ەر، تاجىك ۇلتى، شينجياڭنىڭ تاشقورعانىنان، 1979 - جىلى 4 - ايدا تۋعان، 2004 - جىلى 8 - ايدا جۇڭگو كوممۋنيستىك پارتياسىنا مۇشە بولعان، كوزى تىرىسىندە 13 - كەزەكتى مەملەكەتتىك حالىق قۇرىلتايىنىڭ ۋاكىلى، تاشقورعان تاجىك اۆتونوميالى اۋدانى تىزناپ اۋىلىنىڭ شەكارا كۇزەتشىسى، مەملەكەتتىك وتاندى ءسۇيۋ، ارميانى قولداۋ ۇلگىسى، مەملەكەتتىك ەڭبەك ەرى بولعان. 2021 - جىلى 1 - ايدىڭ 4 - كۇنى سۋعا ءتۇسىپ كەتكەن بالانى قۇتقارۋ جولىندا نەبارى 41 جاسىندا ەرلىكپەن قۇربان بولعان.
لاچين بايكا جولداس پارتياعا شارتسىز ادال بولىپ، ۇلى وتاندى شەكسىز قىزۋ ءسۇيدى، شەكارادا تۇرىپ، شەكارانى كۇزەتىپ باستان - اياق بورىشىن ەستە بەرىك ساقتاپ، ءومىر بويى ۇلەس قوسىپ، باستان - اياق اۋەلگى ماقساتتان اينىمادى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن باتىل دايەكتىلەندىرۋدىڭ، تياناقتاندىرۋدىڭ اۆانگارد ۇلگىسى، شەكارا ءوڭىردىڭ حاۋىپسىزدىگىن باتىل كۇزەتكەن ادال قورعاۋشى، تاباندىلىقپەن حالىقتى بارىنەن جوعارى قويعان ءداۋىر ۇلگىسى. ول قارلى القاپ، بيىك ۇستىرتكە تامىر تارتىپ، وتانشىلدىق ءداستۇردى ساۋلەلەندىرىپ، وتان ءۇشىن شەكارانى كۇزەتۋدى ومىرلىك كاسىپ تالپىنىسى ەتتى. 12 جاسىندا اكەسىنە ەرىپ شەكارانى شارلادى، 25 جاسىندا اتا - باباسى 55 جىل جالعاستىرعان شەكارانى كۇزەتۋدىڭ ”ۇتىلامالى تاياقشاسىن“ قولىنا الىپ، 16 جىلدى ءبىر كۇنگىدەي وتكىزىپ، ەلىمىزدىڭ تەڭىز دەڭگەيىنەن ەڭ بيىك حونچيراپ شەكارا قورعانىس لەنياسىن كۇزەتتى، جىلىنا شەكارانى 12 رەت شارلاپ، 1500 كيلومەتردەن استام جول باستى، ءار رەت ومىرىنە تونگەن حاۋىپكە قاراماي 8 قارلى تاۋ اسۋىنان اسىپ، 42 مۇزدى وزەننەن ءوتىپ، ۇنەمى قار كوشكىنى تۇسەتىن ”اجال اڭعارىن“ كەسىپ ءوتتى، ونىڭ ۇيىندەگى شەكارانى شارلاۋدا مىنگەن قوداسىنان جەتەۋى زورىعىپ ءولدى، پامير ۇستىرتىندە ”ءبىر ۇيدەگى ءۇش اۋلەت جان شەكارانى 70 جىل كۇزەتتى“ دەگەن اڭىزعا تولى حيكاياتتى جازدى. ول قوسىننان شەگىنگەنىمەن، قاسيەتىنەن جازباي، بالىق پەن سۋداي ەتەنە تەرەڭ سۇيىسپەنشىلىكپەن حالىقتىڭ جاۋىنگەر پەرزەنتتەرىنە جاقىن تۋىسىنداي مامىلە جاسادى. شەكارا قورعانىس اسكەري بولىمىنەن بوساعاننان كەيىن، ”بۇل ومىردە اسكەري كيىم كيمەگەن شەكارا قورعانىس جاۋىنگەرى بولۋدان تانبايمىن“ دەگەندى مۇرات تۇتىپ، شەكارا قورعانىس اسكەري بولىمدەرىنىڭ شارلاۋ جۇرگىزۋىنە ەرىكتى جول باستاۋشى بولدى، حاۋىپ - قاتەرگە جولىققاندا، ۇنەمى اتويلاپ الدا ءجۇردى، قاسات قار ۇڭگىرگە ءتۇسىپ كەتكەن جاۋىنگەردى قۇتقارام دەپ ءجۇرىپ ءۇسىپ ەسىنەن تاندى، حاۋىپسىز تاۋ جولىن قاراستىرام دەپ ءجۇرىپ، قۇلاعان تاس ءتيىپ جاردىڭ شەتىندە جازىم بولا جازدادى، سان مارتە شارلاۋشى اسكەري بولىمدەردىڭ قاتەردەن امان قالۋىنا كومەكتەستى، كوپشىلىك ونى ”بۇلت ۇستىندە شەكارانى قورعاعان قىران“ دەپ ىقىلاسپەن اتادى. ول ءتۇبىرلى باس ماقساتتى ەستە بەرىك ساقتاپ، ۋاكىلدىك بورىشىن بۇلجىتپاي وتەپ، بۇقارانىڭ ءتۇبىرلى مۇددەسىن قورعاۋدى قاسيەتتى بورىش ساناۋعا تاباندى بولدى. مەملەكەتتىك حالىق قۇرىلتايىنىڭ ۋاكىلى بولعانىنا 3 جىلعا جەتپەسەدە، بۇقارا ۋايىمدايتىن، شەشۋدى كوكسەيتىن ماسەلەلەردى ارقاۋ ەتە وتىرىپ 12 ۇسىنىس، ۇسىنىس جوبانى ورتاعا قويدى. بيىل 1 - ايدا قاشقار داشۋەسىندە كۋرسقا قاتىناسىپ جۇرگەن لاچين بايكا سۋعا ءتۇسىپ كەتكەن بالانىڭ شەشەسىنىڭ كومەك تىلەگەن داۋىسىن ەستي سالىسىمەن تىزگىن ۇشىمەن جەتىپ بارىپ، ءوز باسىنىڭ اماندىعىمەن ساناسپاي، قۇتقارۋعا كىرىستى، مۇزداي سۋىق، تەرەڭ كول سۋى ءومىرىن جالماعان سوڭعى شەشۋشى ساتتە دە بار كۇشىن سارقا جۇمساپ، بالانى سۋ بەتىنە كوتەرىپ شىعارىپ، ءومىردىڭ ءۇمىتىن باسقالارعا بەرىپ، جاڭا داۋىردەگى كوممۋنيستەردىڭ وزگە ءۇشىن باسىن ءباي تىگەتىن، جەر - الەمدى اسەرلەندىرگەن قاھارماندىق ماداق جىرىن جازدى.
لاچين بايكا جولداستىڭ ىزگى ىستەرى، قاھارماندىق ارەكەتتەرى ادامدى تەرەڭ اسەرلەندىرىپ، ەكپىندەي العا ىلگەرىلەۋگە جەبەيدى. وزاتتاردى سيلاپ - ماداقتاپ، دۇرىس سالتتى اسقاقتاتىپ، بۇكىل رايونداعى قالىڭ پارتيا مۇشەلەرىن، كادرلاردى جاڭا داۋىردەگى جاڭا جورىقتا جاۋاپكەرشىلىك ارقالاپ، ىسكەرلىك كورسەتىپ، ەكپىندەي العا ۇمتىلۋعا جىگەرلەندىرۋ ءۇشىن، اۆتونوميالى رايوندىق پارتكوم لاچين بايكا جولداسقا ”شينجياڭ ۇيعۇر اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىن تولىقتاپ بەرۋدى ۇيعاردى.
بۇكىل رايونداعى كوممۋنيستىك پارتيا مۇشەلەرى، قالىڭ كادرلار لاچين بايكا جولداستى ۇلگى ەتىپ، ونىڭ سەنىمى بەرىك، پارتياعا ادال بولعان ساياسي قاسيەتىنەن ۇيرەنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋى؛ ونىڭ مىندەتىن بۇلجىماي وتەگەن، قالتقىسىز ۇلەس قوسقان رۋحاني دەڭگەيىنەن ۇيرەنۋ، تالايلاعان سىنداردان وتسە دە مۇقالمايتىن قايىسپاس ەرىك - جىگەردى شىڭداپ، قانشا حاۋىپ - قاتەر بولعان سايىن سونشا العا ۇمتىلاتىن رۋحتى تاسقىنداتىپ، قىزمەت ورنىن شەپ رەتىندە تابان اۋدارماي ساقتاپ، قىزمەتتى كاسىپ رەتىندە ىستەپ، ۇلەس قوسۋدى بورىش ساناپ، مىندەتتىڭ اۋىر ەكەنىن بىلە تۇرا اۋىر مىندەت ارقالاپ، قامال الىپ قيىندىقتاردى جەڭىپ، شەشۋشى ساتتە اتويلاپ العا ۇمتىلۋ، قىسىلتاياڭ ساتتە كەۋدە كەرىپ العا شىعۋ؛ ونىڭ اۋەلگى ماقساتتى ۇمىتپاعان، بۇقارامەن كوڭىلى توعىسقان حالىققا دەگەن ىقىلاس - پەيىلىنەن ۇيرەنىپ، حالىق بۇقاراسىن كوڭىلدىڭ تورىنە قويىپ، بۇقارانىڭ اسىققانىنا اسىعىپ، بۇقارانىڭ مۇقتاجىنا كومەكتەسىپ، ءىس جۇزىندىك ارەكەت ارقىلى بۇقارانىڭ ءتول مۇددەسىن قورعاۋ كەرەك.
2021 - جىل ”14 - بەسجىلدىق“ جوبانى اتقاراتىن، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستايتىن العاشقى جىل، سونداي - اق پارتيامىز قۇرىلعاندىعىنىڭ 100 جىلدىعى. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، لاچين بايكا جولداستىڭ ىزگى ىستەرىن كەڭىنەن ۇيرەنىپ جانە ۇگىتتەپ، ۇلت رۋحى مەن ءداۋىر رۋحىن كۇش سالا اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەپ، ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزىپ، جان قيارلىقپەن شايقاس جاساپ، جاپالىلىقپەن كۇرەس جۇرگىزىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ورنىقتىلىق، دامۋ قىزمەتتەرىن ءبىر تۇتاس جوسپارلاپ جاقسى ىستەپ، ۇزدىك ناتيجەلەرمەن جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا جاڭا دا اناعۇرلىم زور ۇلەس قوسۋى كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
