شينجياڭداعى ءار ۇلتتىڭ شىنايى ىنتىماعى وتىرىك - وسەككە، پالە جابۋعا، كۇيە جاعۋعا بەرىلگەن ەڭ پارمەندى تويتارىس
شينجياڭ ۇيعۇر اۆتونوميالى رايوندىق ساياسي كەڭەستىڭ ورىنباسار ءتوراعاسى يىلحام سابىر
2021.02.01 14:59 كەلۋ قاينارى : شينجياڭ گازەتى
پومپەو مىندەتىنەن كەتەردەن ءبىر كۇن بۇرىن شىندىقپەن ساناسپاي شينجياڭعا ساياتىن ساندىراقتارىن جاريالاپ، شينجياڭعا قيسىنسىز سوقتىعىپ جانە قاساقانا كۇيە جاعىپ، سۇرقيا كەيىپ - كەسپىرى مەن قاسكۇنەم نيەتىن ايپاراداي اشتى. مۇنى كورسەڭ كۇلكىڭ كەلەدى، ويلاساڭ جيىركەنەسىڭ. جۇڭگو ازاماتى رەتىندە مەن بۇعان قاتتى كەكتەنەمىن، باتىل قارسى تۇرامىن.
ۇزاق ۋاقىتتان بەرى پومپەو سىندى وسى ”تاريحتاعى ەڭ پاسىق مەملەكەت ىستەرى حاتشىسى“ ”وتىرىك ايتۋدى، الداۋدى، ۇرلىقتى“ داڭق ساناپ، قىرعي قاباقتىق قوقسىققا تولى ”ايعاي - سۇرەنگە باسىپ“ ۇزدىكسىز تۇردە شينجياڭعا ەلىرە سوقتىعىپ، كۇيە جاعىپ، جۇڭگونىڭ ىشكى ىسىنە دورەكىلىكپەن كيلىگىپ، شينجياڭنىڭ لاڭكەستىككە قارسى تۇرۋ قۇلشىنىستارىن بۇرمالاپ، كۇيە جاعىپ، شينجياڭنىڭ ۇلت قاتىناسىنا قاساقانا ىرتكى سالىپ، جۇڭحۋا ۇلتىنىڭ ۇلى گۇلدەنۋىنىڭ اياق الىسىنا كەدەرگىلىك جاساۋعا ۇرىندى.
تاريح پەن اماليات شينجياڭعا ساياتىن ماسەلەنىڭ زورلىقتى كۇش لاڭكەستىككە قارسى تۇرۋ، بولشەكتەۋشىلىككە قارسى تۇرۋ ماسەلەسى ەكەندىگىن، پومپەونىڭ وتىرىك سوققانىنداي ادامدىق ۇقىق، ۇلت، ءدىن ماسەلەسى ەمەس ەكەندىگىن كورسەتتى. ءۇش ءتۇرلى كۇش شينجياڭنىڭ قوعام ورنىقتىلىعى مەن باياندى تىنىشتىعىنا وراسان زور قاتەر تۋدىردى، ءجيى تۋىلعان زورلىقتى كۇش لاڭكەستىك دەلولارى ءار ۇلت بۇقاراسىنىڭ كۇندەلىكتى تۇرمىسىنا اۋىر ىقپال جەتكىزدى. اسىرەسە، ءىشىنارا بۇقارا ءدىني ۇشقارى يدەيانىڭ ىقپالىنا ۇشىراپ، قىزمەتتەن، ۇيرەنۋدەن باز كەشتى، تۇرمىستا ءان ايتپاي، ءبي بيلەمەي، بۇركەنىش جامىلىپ، ساقال قويىپ، تۇرمىسى كۇن سايىن ناشارلادى، اۋەلى، زورلىقتى كۇش لاڭكەستىك ارەكەتتەردىڭ قۇربانىنا اينالدى، وسىلاردى ويلاعاندا جۇرەگىمە قانجار قادالعانداي بولامىن. قازىر شينجياڭنىڭ قوعامدىق كەلەلى جاعدايى ورنىقتى، ءۇرتىس 4 جىلدان استام ۋاقىتتان بەرى زورلىقتى كۇش لاڭكەستىك دەلولارى تۋىلمادى، ەكونوميكا، قوعام گۇلدەنىپ دامىدى، ءار ۇلت حالقى تىنىش ءومىر، شات - شادىمان تىرشىلىك كەشىرۋدە، مەن ءار ۇلت بۇقاراسىنىڭ تۇرمىسىندا جارىققا شىققان شىنايى وزگەرىستەرگە سۇيىنەمىن.
جاقىنعى جىلداردان بەرى زاڭ بويىنشا تاربيەلەۋ - باۋلۋ ورتالىعىن قۇرىپ، ۇشقارىلىقتى الاستاۋ قىزمەتىن ورىستەتۋ ارقىلى ءبىز لاڭكەستىكتىڭ، ءدىني ۇشقارىلىقتىڭ ءوسىپ - ونەتىن توپىراعىن جانە شارت - جاعدايىن ەڭ جوعارى شەكتە جويىپ، ازاماتتاردىڭ نەگىزگى ۇقىعىنىڭ زيانكەستىككە ۇشىراماۋىن ەڭ جوعارى شەكتە قامتاماسىز ەتتىك.
جۇمىستانۋدى جەبەۋ جونىندەگى ءتۇرلى ساياساتتاردى بەلسەنە اقاۋسىزداندىرىپ، كەمەلدەندىرىپ، شەبەرلىككە تەگىن باۋلۋدى ورىستەتىپ، جۇمىستانۋ ينفورماتسياسى تۇعىرىن بەلسەندىلىكپەن قۇرىپ، تاماشا ەڭبەكپەن جۇمىستانۋ ورتاسىن قالىپتاستىرۋ ارقىلى ءبىز ءار ۇلت بۇقاراسىنىڭ رازى بولارلىق قىزمەت تاۋىپ، ورنىقتى كىرىسكە يە بولۋى ءۇشىن ءتيىمدى شارت - جاعداي جاراتتىق.
دەنساۋلىق ساقتاۋ، ەمدەۋ ورەسى مەن وقۋ - اعارتۋ ورەسىن ۇزدىكسىز جوعارىلاتۋ ارقىلى از ۇلتتاردىڭ جان سانى ارتۋمەن بىرگە، جان سانى ساپاسى دا زور دارەجەدە جوعارىلادى.
پارتيانىڭ ءدىن ساياساتىن جالپى بەتتىك دايەكتىلەندىرۋ ارقىلى ءدىني دارىندىلاردى بەلسەنە تاربيەلەپ، ءدىني ۇشقارى يدەياعا قارسى تۇردىق، دىنگە سەنەتىن بۇقارانىڭ ءدىني سۇيىسپەنشىلىگىنە، ءدىني قاجەتىنە تولىق قۇرمەت ەتىلدى.
كەدەيلىكتەن ارىلتۋدان قامال الۋ قىزمەتتەرىن تىڭعىلىقتى ىلگەرىلەتۋ ارقىلى شينجياڭ كەدەيلىكتەن ارىلتۋدان قامال الۋدا شەشۋشى سيپاتتى ىلگەرىلەۋشىلىككە قول جەتكىزىپ، حالىق بۇقاراسىنىڭ تۇرمىس ورەسى ۇزدىكسىز جاقسارىپ، تۇرعىنداردىڭ جان باسىندىق قولداعى تابىسى جىل سايىن جوعارىلادى.
ال وسى بۇقارا ءۇشىن ناقتى تيىمدىلىك اكەلگەن، بۇقارانىڭ تۇرمىسىن شىن مانىندە جاقسارتقان شارالارعا، پومپەو ادامدىق ۇقىققا قول سۇققاندىق دەپ جالا جاپتى، ەگەر حالىق تۇرمىسى ىرىس - قۇتىن شىعار ءتۇيىن ەتكەن بۇل شارالاردىڭ بارلىعىنا ءبويتىپ باعا بەرۋگە بولاتىن بولسا، وندا پومپەونىڭ ”شىعىس تۇركستان“ زورلىقتى كۇش لاڭكەستىك كۇشتەرىن ەركىنە جىبەرگەن، قولداعان، ناسىلدىك كەمىستۋدىڭ ەتەك الۋىنا جول بەرگەن، گۋانتانامو قاتارلى جەرلەردەگى قولدا ۇستاپ تۇرۋ ورتالىعىن قورعاشتاعان، ىندەت جونىندە تەك ”جاۋاپكەرشىلىكتى باسقالارعا يتەرمەلەپ“، حالىقارالىق ءتارتىپتى ەسىرىكتەنە بۇلدىرگەن ارەكەتتەرىنە قالاي باعا بەرۋگە بولادى؟
شينجياڭنىڭ قوعامى ورنىقتى، ەكونوميكا گۇلدەنىپ - كوركەيگەن، حالىق تىنىش ءومىر، شات - شادىمان تىرشىلىك كەشىرگەن تاماشا جاعدايى مىنە كوز الدىمىزدا تۇر، ءار ۇلت بۇقاراسىنىڭ تاماشا تۇرمىسقا ۇمتىلعان تالپىنىسى مىنە كوز الدىمىزدا تۇر، مەيلى پومپەونىڭ ”كۇندەلىكتى سۋايتتىعى“ بولسىن، الدە ”زاۋالعا تاياعانداعى ەسەر سوقتانا قۇتىرىنۋى“ بولسىن، ءبارى دە شينجياڭنىڭ جاراسىمدى، ورنىقتى بولۋداي شىندىعىن وزگەرتە المايدى، ءار ۇلت بۇقاراسىنىڭ تاماشا تۇرمىسقا تالپىنعان اياق الىسىنا بوگەت بولا المايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
