- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىق گازەتىنىڭ شولۋشىسى: ۇساق ىستەر ارقىلى ءىرى ىستەردى تىندىرۋعا شەبەر بولايىق
ـــ بۇقارالىق لۋشيان تاربيەسىن ءامالياتتا ايگىلەۋ قيمىلىن ىشكەرىلەي ورىستەتۋ جونىندە (4)
2013.10.31 14:51 كەلۋ قاينارى : حالىق تورابى
نىسانا قانشالىق جوعارى بولعانىمەن، ىسكە اسىرۋعا بەلسەنە كىرىسپەسەك، وندا ونىڭ قول جەتپەسكە قول سوزعانمەن بىردەي بولارى؛ ۇرانىمىز قانشا كۇشتى بولعانىمەن، ونى ناقتى ىستەرمەن تياناقتاندىرۋعا قۇلشىنباساق، باسقالاردىڭ تۇڭىلدىرگەنمەن بىردەي بولارى داۋسىز.
بۇقارالىق لۋشيان تاربيەسىن ءامالياتتا ايگىلەۋ قيمىلى قانشالىق تەرەڭدەگەن سايىن پارتيالى باسشى كادرلاردىڭ «ءتورت ستيلدەن» ارىلۋ بەكىمى مەن زەيىنى سولعۇرلىم سىنالادى، سونىمەن قوسا رايوندار مەن تاراۋلاردىڭ ماسەلەنى شەشۋدەگى ارەكەتى مەن ءونىمى دە سولعۇرلىم سىننان وتەدى. سوندىقتان دا اتالعان قيمىلدا باستان - اياق «تياناقتانۋ» دەگەن ءسوز كورنەكتىلەندى. شەكتەن تىس دابىرالى كورىنىس جاساماۋ، اسا ايبىندى فورماشىلدىق ىستەمەۋ، بار جۇمىستى ءبىر - اق جولدا ءبىتىرىپ تىنىش بولۋدى ويلاماۋ باسا دارىپتەلدى؛ تىندىرىمدى، تىڭعىلىقتى ىستەۋ، بىرتىندەپ العا باسۋ، جيناي بەرسەڭ تاۋ بولار، تاما-تاما كول بولار دەگەندەي ۇساق ىستەر ارقىلى كەسەك تابىس جاراتۋعا شەبەر بولۋ تالاپ ەتىلدى.
بەينە باس شۋجي شي جينپيڭ اتاپ كورسەتكەندەي: ستيل ماسەلەسى قايتالانبالى، قيقار، كەرباقپا ماسەلە، سوندىقتان ونى ۇنەمى، ۇزاق ۋاقىت مىقتى يگەرۋ كەرەك. فورماشىلدىق، تورەشىلدىك، راقاتقۇمارلىق، استا – توك ىسىراپشىلدىق ماسەلەسى ءبىر كۇندە قالىپتاسپايدى، ودان ءبىر كۇندە ارىلۋ دا قيىن. مۇنى ءبىلۋدىڭ ءوزى شىندىقتى ءىس جۇزىنەن ىزدەگەندىك؛ ماسەلەنىڭ ءتۇپ تامىرىنا بالتا شابۋعا تاباندى بولعاندا عانا ناعىز بەكىم مەن باتىلدىقتى ايگىلەۋگە بولادى. ستيلدەگى ولقىلىق پەن ارەكەتتەگى جەتەرسىزدىككە نەمقۇرايدى قاراساق، اۋرۋىنا قاراي ەمدەۋدەن اۋىز اشۋ مۇمكىن بە؟ بەلگىلەگەن نىسانا قانشالىق بيىك بولعانىمەن، ونى ورىندايتىن ءونىمدى شارا بولماسا، شىن مانىندە تياناقتاندىرۋدان اۋىز اشۋ مۇمكىن بە؟
«كۇشى شەكتى بولعانىمەن قيىنشىلىقتان جاسقانباعان تاۋداي تابىس جاراتار، دارىنى شەكتى بولعانىمەن سابىرلىلىقپەن ءىس كورگەننىڭ اتى ەلگە تانىلار». كوز جەتكىسىز ءداريا تامشى سۋدان باستاۋ الادى، لاۋلاعان جالىن جىلتىلداعان ۇشقىننان كوتەرىلەدى. ۇساق ىستەر ارقىلى كەسەك تابىس جاراتۋ دۇنيەنىڭ دامۋ زاڭدىلىعىنا ۇيلەسەدى. بۇگىنگى كۇندە، بۇقارالىق لۋشيان تاربيەسىن ءامالياتتا ايگىلەۋ قيمىلىنىڭ جۇرتقا سەنىم باعىشتاۋىنىڭ تەتىگى ۇراندا ەمەس، قايتا ناقتىلى ماسەلەلەردى شەشۋدە. شالدىققانىنا ۇزاق بولعان ءسىڭىستى سىرقاتقا جولىققاندا، وي - سانانى سەرگەك ۇستاپ، سابىرلىلىقپەن ەمدەلگەندە عانا، ءسىڭىستى سىرقاتتان تۇبەگەيلى ارىلىپ، قارا تۇياق قارىندا جاتپاس، اعىن سۋ ارنالى كەلەر، ىعى كەلگەن ءىس ءساتتى بولار دەگەندەي كوزدەگەن ماقساتقا جەتۋگە بولارى داۋسىز.
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
