- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ شايقاسىن جەڭىسپەن جۇرگىزەيىك
− باس شۋجي شي جينپيڭنىڭ مەملەكەتتىك «ەكى ماجىلىسكە» قاتىناسىپ جاتقان حالىق قۇرىلتايىنىڭ ۋاكىلدەرىمەن، ساياسي كەڭەس مۇشەلەرىمەن بىرگە مەملەكەت ءىسىن اقىلداسقانى جونىندە
2016.03.16 15:27 كەلۋ قاينارى : حالىق تورابى
ناۋرىز ايىندا ءجۇز ميلليونداعان جۇڭحۋا ۇلاندارىنىڭ اقىل – پاراساتى مەن كۇش – قۋاتى استانا بەيجيڭدە توعىستى.
بىرنەشە كۇننەن بەرى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك 12 – كەزەكتى حالىق قۇرىلتايىنىڭ 4 – ماجىلىسىنە قاتىناسىپ جاتقان شاڭحاي، حەيلۇڭجياڭ، حۋنان، چيڭحاي، ازاتتىق ارميا ۋاكىلدەر ۇيىرمەلەرىنىڭ تالقىسىنا جەكە – جەكە قاتىناسىپ، ساياسي كەڭەس مەملەكەتتىك 12 – كەزەكتى كوميتەتىنىڭ 4 – ماجىلىسىنە جۇڭگو دەموكراتيالىق قوعام قۇرۋ قوعامىنان، ساۋداگەرلەر – ونەركاسىپشىلەر بىرلەستىگىنەن قاتىناسىپ جاتقان مۇشەلەرگە امانداسىپ ءارى گرۋپپالاردىڭ بىرلەسكەن تالقىسىنا قاتىناسىپ، ۋاكىلدەرمەن، مۇشەلەرمەن كوسىلە اڭگىمەلەسىپ، مەملەكەت ءىسىن بىرگە اقىلداسىپ، جاپپاي دوڭگەلەك داۋلەتتى قوعام قۇرۋعا جورىق جاساۋ بۇيرىعىن بەردى.
حالىققا بەرىلگەن ايبىندى ۋادە
بيىلعى مەملەكەتتىك «ەكى ماجىلىستە» شي جينپيڭ كەدەيلىكتەن ارىلتۋدان قامال الۋدى «13 – بەسجىلدىق» كەزىندەگى ماڭداي الدى كەلەلى ءىس رەتىندە يگەرۋدى تالاي رەت دارىپتەدى.
شي جينپيڭ: كەدەيلەردى سۇيەمەلدەۋدە الدىمەن اقىل – پاراسات جاعىنان سۇيەمەلدەۋ، وقۋ – اعارتۋ ارقىلى كەدەيلىكتەن ارىلتۋعا ءتىپتى دە باسا ءمان بەرىپ، وقۋ – اعارتۋ بايلىعىنىڭ بىركەلكىسىزدىك ماسەلەسىن كۇش سالا شەشىپ، كەدەيلەردىڭ بالالارىنىڭ قاناتىنىڭ قايىرىلىپ الىسقا سامعاي الماۋ جاعدايىن بولعىزباۋ، كەدەيلىكتىڭ ۇرپاقتان – ۇرپاققا جالعاسۋىن بولعىزباۋ كەرەك، – دەپ اتاپ كورسەتتى.
«<13 – بەسجىلدىق> جوسپار مەزگىلى − كەدەيلىكتەن ارىلتۋدان قامال الۋدىڭ قيىندىقتان تايسالماي، باتىلدىقپەن قامال الۋ مەزگىلى».
«ءسوز جوق، جۇدىرىقتاي جۇمىلىپ، سەرپىندى ارتتىرىپ، جىلدامدىقتى تەزدەتىپ، قارقىندى ارتتىرىپ، ءبىر جاعادان باس، ءبىر جەڭنەن قول شىعارا وتىرىپ، كەدەيلىكتەن ارىلتۋدان قامال الۋ شايقاسىن جەڭىسپەن جۇرگىزۋ كەرەك».
«2020 – جىلعا دەيىن اۋىل – قىستاق، مالشىلىق وڭىرلەرىندەگى قازىرگى ولشەمدەگى كەدەيلەردى تۇگەل كەدەيلىكتەن قۇتىلدىرىپ، كەدەي اۋداننىڭ بارلىعىن كەدەيلىكتەن ارىلتۋ كەرەك، بىردە – ءبىر كەدەي ءوڭىردى، بىردە – ءبىر كەدەي بۇقارانى قاعىس قالدىرۋعا استە بولمايدى».
باس شۋجيدىڭ نىق سەنىممەن ايتقان سوزدەرىن ەستىپ ۋاكىلدەر ەرەكشە اسەرلەنىپ، وزدەرىنىڭ اۋىر مىندەت ارقالاپ وتىرعانىن تەرەڭ سەزىندى.
كەدەيلىكتەن ارىلتۋدان قامال الۋ − ۋاقىت كۇتتىرمەيتىن شۇعىل ءىس، ونى، ءسوز جوق، تىڭعىلىقتى ىلگەرىلەتۋ كەرەك.
ۋاكىلدەردىڭ پىكىر – ۇسىنىستارىن قوستاعان شي جينپيڭ كەدەيلىكتەن ارىلتۋدان قامال الۋ شايقاسىن جەڭىسپەن جۇرگىزۋدە يگەرۋگە ءتيىستى ماسەلەلەرگە، ءسوز جوق، كوڭىل ءبولۋ كەرەكتىگىن اتاپ كورسەتتى.
− كەدەيلەردى سۇيەمەلدەۋدە جالعاندىق ىستەۋگە بولمايدى. كەي جەرلەردىڭ كوركەيىپ، كەي جەرلەردىڭ باياعىداي تاقىر كەدەي كۇيىندە قالىپ، ارادا جەر مەن كوكتەي پارىق بولۋىنا بولمايدى. كوشىرمەۋگە، جالپىلاستىرماۋعا بولمايدى. مۇنىڭ كەرىسىنشە بولعاندا كەرى اسەر ەتەدى.
− كەدەيلەردى كەدەيلىكتەن ارىلتۋ مەن جوعارى ولشەمدى دوڭگەلەك داۋلەت ەكەۋى ەكى باسقا ءىس. ءبارىن ءبىر جولدا ىستەي المايمىز. سالىستىرمالى كەدەيلىك، سالىستىرمالى مەشەۋلىك، سالىستىرمالى پارىق ۇزاق ۋاقىت ءومىر سۇرەدى. شىندىقتى ءىس جۇزىنەن ىزدەپ، شىندىققا جۇگىنىپ، ناقتى ءىس ىستەپ، وسى شارۋانى تىڭعىلىقتى ىستەۋ كەرەك، سيفر ويىنىن ويناۋعا بولمايدى. تەكسەرۋدە دۇرىس جەتەكشى باعىت بولۋى، جەتەكتەۋ رولىن اتقارۋ كەرەك.
− كەدەيلىكتەن ارىلتۋ ءونىمىنىڭ باياندىلىعىن ارتتىرۋعا باسا ءمان بەرۋ كەرەك. بىرنەشە جىلدا بارلىق كۇشتى توپتاپ جويىمپاز شايقاس جۇرگىزىپ، بىرنەشە جىلدان كەيىن كەدەيلىكتىڭ كەبىن قايتا كيۋگە بولمايدى.
− كەدەيلىكتەن ارىلتۋدان قامال الۋدىڭ ءبىرىنشى شەبىنە بارۋدى كادرلاردىڭ جەتىلۋىن جەبەۋ بارىسى، كادرلاردى باعالاۋ، پارىقتاۋ، تاربيەلەۋ، تاڭداپ ىستەتۋدىڭ ماڭىزدى ارناسى ەتۋ كەرەك.
− قىزمەتتى تياناقتى يگەرۋ كەرەك، بارعان جەرلەرىمنىڭ بارىندە جاۋاپ قايتارۋعا ەرەكشە ءمان بەرەمىن. قاتىستى تاراۋلار كەي جەرگە الدىن الا ايتىپ، كەي جەرگە ايتپاي ادام جىبەرىپ تەكسەردى، تياناقتاندىرۋ جۇمىسىن مۇقيات يگەرىپتى، وتە جاقسى. حالىقتى نەگىز ەتۋدە تاباندى بولۋ كەرەك، حالىقتىڭ ويلاعان، مۇقتاج بولعان ىستەرىنە كومەكتەسىپ، ولارعا قىزمەت ەتۋىمىز كەرەك (تولىق مازمۇنىن «حالىق گازەتىنەن» وقي الاسىزدار).
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
