كوزقاراس 1 + 1
ساۋدا شۋەيۋانىنىڭ وقۋشىلاردى قۋاتتىق ءونىم ساتۋعا زورلاۋىن، ءسوزسىز، توقتاتۋ كەرەك
جياڭ مىڭ
2020.07.29 15:15 كەلۋ قاينارى : حالىق تورابى
«8 قوراپ ساتپاعاندار وقۋ نومىرىنە يە بولا المايدى، ساتۋدى قالاماعاندار ديپلوم الامىن دەپ دامەلەنبەسىن». اقپارات قۇرالدارىنىڭ حابارلاۋىنشا، جىجياڭ ولكەسى ۋىنجوۋ ساۋدا شۋەيۋانى «كاسىپ كوزىن اشۋدى ءامالياتتا ايگىلەۋ» دەگەن اتپەن، وقۋشىلارعا پەپتيد ساتۋدى تاپسىرادى، ونىڭ ۇستىنە، وقۋشىلارعا حاۋىپسىزدىك پەن قاراجاتقا تۇگەل ءوزى جاۋاپتى بولۋ تۋرالى ۋادەناماعا قول قويعىزىپ، وقۋشىلاردىڭ كۇمانىن كۇشەيتكەن.
بۇل ءىستى قاي جاعىنان الىپ قاراساڭىز دا، ءبىر «سىردىڭ» بارلىعىن بايقايسىز، اتالمىش «كاسىپ كوزىن اشۋدى ءامالياتتا ايگىلەۋ» دەگەن جەلەۋ «قۇرتتىڭ اتىن جاڭىلىپ مالتا قويعان» سياقتى ءىس، اشىقتان - اشىق ويىنا كەلگەنىن ىستەۋ ەكەنى ايدان انىق.
وقۋشىلار ايتىپ جۇرگەن «پەپتيد» — ءبىر ءتۇرلى بەلوكتى پەپتيد قاتتى كۇيدەگى سۋسىندىعى، «ونىمدىلىگى جوعارى»، «جاستار مەن ۇلكەندەرگە بىردەي پايدالى»، يممۋنيتەتتىك قۋاتتى ارتتىرۋ، اجارلاندىرۋ جانە قارتايۋدىڭ الدىن الۋ، باۋىردى قورعاپ، ۋىتتى ايداۋ، اسقازان قىزمەتىن جاقسارتىپ، اسقازان اۋرۋىن باسەيتۋ، ۇيرەنۋ بارىسىندا ەستە ساقتانۋ قۋاتىن جوعارىلاتۋ سياقتى رولدارى بار دەپ ۇگىتتەلگەن ... كوپشىلىك تالايلاعان «حيكىمەت قۋاتتىق بۇيىمداردى» كورگەن، مۇنداي «پەپتيدتى سۋسىندىقتىڭ» نە ەكەنىن الدەقاشان پارىقتاپ بولدى. ونىڭ ۇستىنە، ۋىنجوۋ قالالىق بازاردى باقىلاۋ – باسقارۋ تاراۋلارى اتالعان ونىمگە جونىندە «ۇيلەسىمسىز ۇگىت جۇرگىزىلگەن» دەپ ۇكىم شىعارىپ، قاتىستى سەرىكتەستىككە «جونگە سالۋعا بۇيىرۋ ۇقتىرۋىن» جىبەردى، بەدەلدى ورىنداردىڭ ساراپتاماسى دا قولمەن قويعانداي انىق.
الايدا، ۋىنجوۋ ساۋدا شۋەيۋانى ءدال وسى «پەپتيدتى سۋسىندىقتى» تاڭدادى، ونىڭ ۇستىنە، ونى وندىرەتىىن سەرىكتەستىكپەن مەكتەپ جانە كاسىپورىن اراسىنداعى سەلبەستىك كەلىسىمشارتىنا قول قويىپ، «كاسىپ كوزىن اشۋدى ءامالياتتا ايگىلەۋ ساپالى تەكشەسىن» تىزە قوسا وتىرىپ قۇرىپ شىقپاق بولدى. ساۋدا شۋەيۋانى، ءجونىن قۋعاندا، كاسىپتىك جاقتان تولىمدى بولۋى كەرەك ەدى، «حيكىمەت ءدارى» ارامزالىعىن ايقىن پارىقتاي الماعانى ما؟ مۇنىڭ جاۋابىن مىنا ءبىر ىستەن كورىپ الۋ ابدەن مۇمكىن — اتالعان سۋسىندىقتى وندىرەتىن سەرىكتەستىك پەن ۋىنجوۋ ساۋدا شۋەيۋانىنىڭ باس جوراسىنىڭ «بايلانىسى بار». حالىق باسقارۋىنداعى جوعارى مەكتەپ رەتىندە، مەكتەپ باس جوراسىنىڭ ۋىنجوۋ ساۋدا شۋەيۋانىنا جاساعان «ىقپالى» ادامدى تولعاندىرادى.
مەيلى، حالىق باسقارۋىنداعى مەكتەپ بولسىن، الدە، ۇكىمەت باسقارۋىنداعى مەكتەپ بولسىن، وقىتۋ جانە ادام تاربيەلەۋ — جوعارى مەكتەپتەردىڭ ءتول مىندەتى. الايدا ۋىنجوۋ ساۋدا شۋەيۋانىنىڭ وقۋشىلارىنىڭ اڭىس ەتۋىنشە، «پەپتيد» ساتۋ سانى مەن وقۋ ءنومىرى ءبىر – بىرىنە ۇشتاستىرىلعان، سەگىز قوراپ ساتسا 4.5 ءنومىر، التى قوراپ ساتسا 3.5 ءنومىر؛ جازعى دەمالىستاعى ءاماليات ساباعىنىڭ ناتيجەسىن باعالاۋ بارىسىندا، ادەتتەگى قىزمەت پەن مالىمەت %40 ىن ۇستايدى، پەپتيد ساتۋ مولشەرى %60 ىن ۇستايدى. نومىرگە يە بولۋ ءۇشىن وقۋشىلار امالسىزدان تۋىس – تۋعان، دوس – جاراندارىنا ساتۋعا نەمەسە توتەسىنەن ءوزى ساتىپ الۋعا ءماجبۇر بولادى، بۇل تەگى قانداي وقۋ – اعارتۋ؟
اتالعان ءونىمدى ساتۋ ءتاسىلى دە كۇمان تۋدىرادى. ءبىر قورابىنىڭ بۇرىنعى باعاسى 396 يۋان، جارىم باعادا وتىمدىلەندىرىپ ساتۋ باعاسى 198 يۋان، وقۋشىلار ءبىر قوراپ ساتسا، ولارعا تۇسكەن پايداسىنان 99 يۋان بەرىلەدى، الايدا، ول ءۇشىن الدىمەن زاتتىڭ اقشاسىن مۇعالىمنىڭ كارتۋچكاسىنا جولداۋى كەرەك، سوندا عانا وقۋشىلارعا تۇسكەن پايدادان اقشا قايتارىلادى. نىسانعا جاۋاپتى مۇعالىم، ءبىر جاعىنان، «بۇل جالعامالى ساتۋ ەمەس، قالىپتى، دۇرىس جولمەن جۇرگىزىلگەن ساۋدالىق ارەكەت» دەسە؛ ەندى ءبىر جاعىنان، «ەگەر اشكەرەلەپ مالىمدەۋگە جولىقساڭدار، مەكتەپ جاۋاپكەرشىلىكتى ۇستىنە الۋعا دايىن» دەگەندى باسا دارىپتەيدى، ءتىپتى «ساقشى مەكەمەسىنە» كىرۋگە دەيىن ويلاستىرعان. بۇل «وزىنەن ءوزى قۋىستانۋ» ەمەس پە؟
7 – ايدىڭ 14 – كۇنى وقۋ – اعارتۋ مينيسترلىگى قاتاڭ پوزيتسيا ءبىلدىردى، جوعارى مەكتەپتەر وقۋ تاۋىسۋ كۋالىگى، عىلىمي دارەجە كۋالىگى، ۇزدىك وقۋشى كۋالىگى قاتارلىلاردى تاراتۋدى وقۋ تاۋىساتىن وقۋشىلاردىڭ كاسىپتەنۋىمەن بايلاپ – ماتاۋعا بولمايدى. جوعارىدا ايتىلعان مىسالداعى «پەپتيد ساتۋدى قالاماعاندار ديپلوم الامىن دەپ دامەلەنبەسىن» دەگەن ءسوز وقۋ تاۋىساتىن وقۋشىلارعا قىساس قىلۋدىڭ تاعى ءبىر ءتۇرى ەمەس پە؟ بۇل وقۋ – اعارتۋ مينيسترلىگىنىڭ رۋحىنا اۋىر دارەجەدە قايشى كەلىپ، وقۋشىلارعا ۇلگى بولۋدىڭ ءمانىن اياق استى ەتكەندىك، وقۋشىلارعا اۋىر دارەجەدە ناشار ىقپال جاسايدى.
بۇل ءىس وقۋ – اعارتۋ جاعىنداعى نەگىزگى باسقارۋشى تاراۋلاردىڭ نازارىن اۋداردى، دەر كەزىندە توقتاتىلىپ، تۇزەتىلىپ، وقۋشىلاردىڭ ۇقىق – مۇددەسى قورعالدى، «كاسىپ كوزىن اشۋدى ءامالياتتا ايگىلەۋدىڭ» وزگەشە ءتۇس الۋىنا مۇلدە جول بەرمەۋ كەرەك، بۇل، استە، كەيبىرەۋلەردىڭ «ءوز تاۋارىن» جاسىرىن قىستىرمالاۋىنىڭ قۇرالىنا اينالىپ قالماۋى كەرەك. وسىزامانعى وقۋ – اعارتۋ ءتۇزىمىن كەمەلدەندىرىپ، وقىتۋ – ءبىلىم الۋ ىستەرىن قۇرمەتتەپ، حالىق باسقارۋىنداعى جوعارى مەكتەپتەردىڭ باس جوراسىنىڭ ۇقىعى مەن جاۋاپكەرشىلىگىن ونان ارى جۇيەگە ءتۇسىرۋ، تەجەۋ، وعان باقىلاۋ جۇرگىزۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
