مىناداي قولامتالى ماسەلەلەرگە زۇڭلي تۇگەل جاۋاپ قايتاردى!
2021.03.12 13:53 كەلۋ قاينارى : حالىق تورابى
3 – ايدىڭ 11 – كۇنى تۇستەن كەيىن، لي كىچياڭ زۇڭلي حالىق قۇرىلتايى سارايىنىڭ التىن ءتۇستى زالىندا تىلشىلەردى قابىلداۋ ماجىلىسىنە قاتىناستى ءارى جۇڭگولىق – شەتەلدىك تىلشىلەردىڭ سۇراۋلارىنا جاۋاپ قايتاردى. ەكى ساعاتقا جۋىق وتكىزىلگەن تىلشىلەردى قابىلداۋ ماجىلىسىندە مول اقپارات بەرىلدى، كاسىپتەنۋ، سىرت جەردە ەمدەلۋ، جۇڭگو ەكونوميكاسى، جۇڭگو مەن ا ق ش قارىم – قاتىناسى قاتارلى جۇرت كوڭىل ءبولىپ وتىرعان ماسەلەلەرگە تۇگەل جاۋاپ قايتاردى.
يكەمدى كاسىپتەنگەندەردىڭ نەگىزدىك ۇقىق – مۇددەسىن قامتاماسىزداندىرۋ كەرەك
بيىل ءبىز قالا – قالاشىقتاردا تىڭنان كاسىپتەنگەندەردىڭ سانىن 11 ميلليون ادامنان جوعارى ورەگە جەتكىزۋدى تۇراقتاندىردىق، ءىس جۇزىندىك اتقارۋ بارىسىندا ودان دا جوعارى بولۋىن ءۇمىت ەتەمىز. ءبىر جاعىنان، سالىستىرمالى تۇردە ورنىقتى كاسىپتەندىرۋ ورىندارىن ارتتىرۋ ۇزدىكسىز شابىتتاندىرىلادى، ەندى ءبىر جاعىنان، يكەمدى كاسىپتەندىرۋ ارنالارىن دا كەڭىنەن اشۋ كەرەك. قازىر جۇڭگونىڭ يكەمدى كاسىپتەندىرۋ سالاسى كوركەيىپ كەلەدى، قازىرگە دەيىن 200 ميلليوننان استام ادامعا سايادى. ءبىر ءوزى بىرنەشە جۇمىس ىستەپ جۇرگەندەر دە بار، وتە ماشاقاتتى، سوندىقتان، ءبىز ولارعا قوعامدىق قامسىزداندىرۋ قوسىمشا قاراجاتىن بەرگەنىمىز ءجون، وتە – موتە، كاسىپتىك جاقتا زيانعا ۇشىراۋعا قاتىستى تۋىلۋى مۇمكىن بولعان ماسەلەلەردى ءتۇزىلىس سيپاتىندىق ادىستەر ارقىلى شەشىم ەتىپ، ولاردىڭ نەگىزدىك ۇقىق – مۇددەلەرىن قامتاماسىزداندىرۋ كەرەك.
بيىل GDP دى ارتتىرۋ نىساناسى %6 تەن جوعارى بولادى دەگەن ءسوز جوسپار بەكىتۋ ەمەس، مەجەگە جەتەكشىلىك ەتۋ
ءبىز %6 تەن جوعارى بولادى دەدىك، %6 تومەن ەمەس، قازىر ءبىزدىڭ ەكونوميكامىزدىڭ جالپى مولشەرى 100 تريلليون يۋاندىق دەڭگەيگە جەتتى، ونىڭ %6 ى 6 تريلليون دەگەن ءسوز. ءبىز جوسپار بەكىتكەن جوقپىز، مەجەگە جەتەكشىلىك ەتتىك، مەجەنى ەكونوميكانىڭ قالپىنا كەلۋ سيپاتىندىق ارتۋىنىڭ نەگىزىن بەكەمدەۋ جاعىنا جەتەلەپ، جوعارى ساپالى دامۋدى ىلگەرىلەتىپ، باياندى دامۋدى ساقتاۋدى، وتە – موتە، كەلەسى جىلعى، ودان كەيىنگى جىلعى نىسالارمەن ءوزارا ۇشتاستىرۋدى ءۇمىت ەتتىك، بىردە ورلەتىپ، بىردە قۇلدىراتۋعا بولمايدى، ايتپەسە، بازاردىڭ مەجەسىن بۇلدىرەدى. ءبىر مەزەت ىلگەرىلەۋىمىز جىلدام بولعانىمەن، ىلگەرىلەۋىمىزدىڭ ورنىقتى بولۋى ەكىتالاي، تەك ورنىقتى قادام تاستاعاندا عانا، ىلگەرىلەۋىمىز تەبىندى بولادى.
بيىل امبۋلاتوريالىق قاراجاتتاردى ولكە اتتاپ ەسەپتەن تىكە كوتەرتۋ كولەمى كەڭەيتىلەدى
بيىل امبۋلاتوريالىق قاراجاتتاردى ولكە اتتاپ ەسەپتەن تىكە كوتەرتۋ كولەمى كەڭەيتىلەدى، كەلەسى جىلدىڭ سوڭىنا بارعاندا، ءاربىر اۋداندا ءبىر ءتۇيىندى ەمدەۋ قۇرىلىمى تۇراقتاندىرىلۋى، امبۋلاتوريالىق قاراجاتتاردى قامتىعان ەمدەۋ قاراجاتتارىن تىكە ەسەپتەن كوتەرۋدى ورىنداي الاتىن بولۋى كەرەك، بۇل ىستە قارتتاردى مازاسىزداندىرا بەرۋگە بولمايدى. ۇكىمەت قىزمەتكەرلەرى كوبىرەك باس قاتىرسا، قارتتار، وتباسىلار اناعۇرلىم جايلى سەزىنەدى.
«شياڭگاڭدى وتانشىلداردىڭ جونگە سالۋىنا» باستان – اياق تاباندى بولۋ كەرەك
ءبىز «ءبىر ەل، ەكى ءتۇزىم»، «شياڭگاڭدى شياڭگاڭدىقتاردىڭ جونگە سالۋى»، جوعارى دارەجەلى اۆتونوميا باعدارىن ۇزدىكسىز جان – جاقتىلى دۇرىس دايەكتىلەندىرۋدى، نەگىزگى زاڭ مەن نەگىزدىك زاڭعا ساي قاتاڭ جۇمىس ىستەۋدى، ەرەكشە اكىمشىلىك رايوننىڭ مەملەكەتتىڭ حاۋىپسىزدىگىن قورعاۋ جاعىنداعى زاڭ – تۇزىمدەرى مەن اتقارۋ تۇزىلىستەرىن ويداعىداي تياناقتاندىرىپ، ەرەكشە اكىمشىلىك رايون مەن اكىمنىڭ زاڭ بويىنشا بيلىك جۇرگىزۋىنە كۇش سالا قولداۋ كورسەتۋدى ايقىن اتاپ كورسەتتىك. مەملەكەتتىك حالىق قۇرىلتايى شياڭگاڭنىڭ سايلاۋ ءتۇزىمىن كەمەلدەندىرۋ جونىندە قاۋلى قابىلدادى، قاۋلىدا «ءبىر ەل، ەكى ءتۇزىم» تۇزىمدىك جۇيەسىندە تاباندى بولۋ مەن ونى كەمەلدەندىرۋ، «شياڭگاڭدى وتانشىلداردىڭ جونگە سالۋىنا» باستان – اياق تاباندى بولۋ وتە ايقىن كورسەتىلگەن، بۇل دا «ءبىر ەل، ەكى ءتۇزىمنىڭ» ورنىقتى دا باياندى بولۋىنا كەپىلدىك ەتۋ ءۇشىن شىعارىلعان. بىلتىر شياڭگاڭ ءتۇرلى سوققىلارعا ۇشىرادى، ءبىز شياڭگاڭنىڭ ءار سالاسىنداعىلاردىڭ تىزە قوسا وتىرىپ، ىندەتتى تەز ارادا جەڭىپ شىعۋىن، ەكونوميكانىڭ قالپىنا كەلۋ سيپاتىندىق ارتۋىن ورىنداۋىن، حالىق تۇرمىسىن جاقسارتىپ، شياڭگاڭنىڭ گۇلدەنىپ – كوركەيگەن، ورنىقتى جاعدايىن ۇزاق ۋاقىت بويى ساقتاۋىن ءۇمىت ەتەمىز. ورتالىق ۇكىمەت جالعاستى كۇش سالا قولداۋ كورسەتەدى.
عىلىمي قىزمەتكەرلەردىڭ قىمباتتى ۋاقىتىن كەستە تولتىرۋعا ىسىراپ ەتۋگە بولمايدى
قازىر ەلىمىزدىڭ بۇكىل قوعام بويىنشا عىلىمي زەرتتەۋگە قوسقان قوسىلىمىنىڭ GDP دان ۇستايتىن ارا سالماعى جوعارى ەمەس، كەلەسى قادامدا نەگىزدىك زەرتتەۋگە قوسىلىمدى ارتتىرۋ كەرەك، عىلىم – تەحنيكا تۇزىلىسىنە ۇزدىكسىز رەفورما جاساۋ قاجەت. عىلىمي زەرتتەۋ قىزمەتكەرلەرىنىڭ قاراجاتتى پايدالانۋداعى دەربەس ۇقىعىنا كەپىلدىك ەتۋ كەرەك، عىلىمي زەرتتەۋ قىزمەتكەرلەرىنىڭ قىمباتتى ۋاقىتىن كەستە تولتىرۋ، باعالاۋ قاتارلى ىستەرگە ىسىراپ ەتۋگە بولمايدى، ولاردىڭ الاڭسىز زەرتتەۋ جۇرگىزۋىنە شارت – جاعداي جاراتۋ قاجەت.
جۇڭگو مەن ا ق ش – نىڭ كوپ سالالى، كوپ ساتىلى كەڭەس وتكىزۋىن ءۇمىت ەتەمىز
جۇڭگو مەن ا ق ش – نىڭ تاريحى مەن مادەنيەتى، دامۋ كەزەڭى، قوعامدىق ءتۇزىمى تۇگەل ۇقسامايدى، ءوزارا قارىم – قاتىناس بارىسىندا قايشىلىقتان، الاۋىزدىقتان ساقتانۋ قيىن، كەيدە ءتىپتى ءبىرشاما شيەلەنىستى بولۋى مۇمكىن، ماڭىزدىسى بۇعان قالاي قاراۋدا. جۇڭگو مەن ا ق ش ەكى ەل حالقى پاراساتتى، قابىلەتتى حالىق، ەكى جاق ءوزارا قۇرمەت ەتۋ، تەپە – تەڭ مامىلەدە بولۋ شارتى استىندا كەڭەسۋى جانە قارىم – قاتىناس جاساۋى قاجەت. ءبىز جۇڭگو مەن ا ق ش – نىڭ كوپ سالالى، كوپ ساتىلى كەڭەس وتكىزۋىن ءۇمىت ەتەمىز، مەيلى، ءبىر مەزەت ورتاق تانىمعا كەلە الماساق تا، پىكىرلەسۋىمىزگە، سەنىمدىلىكتى ارتتىرىپ، كۇماننان ارىلۋىمىزعا بولادى، بۇل الاۋىزدىقتاردى تەجەۋ مەن شەشۋگە پايدالى.
ۇكىمەت ىستەرىن ينتەرنەتتە بىتىرۋگە، قولفوندا بىتىرۋگە، ءبىر رەتتە بىتىرۋگە كۇش سالۋ كەرەك
ۇكىمەت ۇكىمەت ىستەرى جاعىنداعى قىزمەت وتەۋدى اناعۇرلىم جاقسارتۋى، ۇكىمەت ىستەرى جاعىنداعى قىزمەت وتەۋدە كاسىپورىندار، حالىق جۇرتشىلىعى ۇنەمى بىتىرەتىن ىستەردى ينتەرنەتتە بىتىرۋگە، قولفون ارقىلى بىتىرۋگە، ءبىر رەتتە بىتىرۋگە كۇش سالۋى، بازار نەگىزگى تۇلعالارىن اناعۇرلىم قۋاتتى ومىرشەڭدىك كۇشكە يە، قوعامدى جاسامپازدىق قۋاتقا يە ەتۋى كەرەك.
اۋدان – اۋىلدارداعى وقىتۋشىلاردى كۋرسقا قاتىناستىرۋ قوسىلىمىن ارتتىرىپ، شارۋا جۇمىسكەرلەردىڭ پەرزەنتتەرىن وقۋ – اعارتۋدان يگىلىكتەنۋ ورايىنا يە ەتۋ كەرەك
ءمالىم ورتا مەكتەپتىڭ باستىعى: قازىر اۋداندار مەن اۋىلدارداعى ورتا مەكتەپتەردە ساپالى وقىتۋشى قاينارى كەمشىل، وقىتۋشىلاردىڭ ەڭبەكاقىسى تومەن، ماعلۇماتىن جوعارىلاتۋى دا قيىن، — دەگەن بولاتىن. ءبىز بيىل بەلدى بەكەم بۋىپ، اۋداندار مەن اۋىلدارداعى وقىتۋشىلاردى كۋرسكە قاتىناستىرۋ قوسىلىمىن ارتتىرىپ، ولاردىڭ قىزمەت بارىسىندا قولايلى تۇردە ماعلۇماتتارىن جوعارىلاتۋىنا وراي جاراتۋىمىز، كاسىپتىك اتاق باعالاۋدا تيىمدىلىك جەتكىزۋ ساياساتتارىن قولدانۋىمىز كەرەك. قالاداعى شارۋا جۇمىسكەرلەردىڭ پەرزەنتتەرىنە باعىتتاي وتىرىپ، ولار تەك قونىستانۋ كۋالىگىن السا بولعانى، ءسوزسىز، وقۋ – اعارتۋدان يگىلىكتەنۋ ورايىنا يە ەتۋىمىز كەرەك. وتباسى جاعدايى، وڭىرلىك پارىق سياقتىلار سەبەبىنەن بالالاردىڭ جۇگىرۋدى باستاۋ سىزىعىنان باستاپ كەنجە قالۋىنا استە بولمايدى. وراي جاعىندا تەڭدىكتەر اراسىندا، وقۋ – اعارتۋ تەڭدىگى ەڭ زور تەڭدىك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
