شينجياڭدا تۇراتىن مەملەكەتتىك ساياسي كەڭەس مۇشەلەرى ماجىلىسكە 136 ۇسىنىس جوبا تاپسىردى
2021.03.09 16:26 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى يۋان لەيدىڭ 3 - ايدىڭ 7 - كۇنى بەيجيڭنەن جالعاپ بەرگەن حابارى. مەملەكەتتىك ساياسي كەڭەس 13 - كەزەكتى كوميتەتىنىڭ 4 - ماجىلىسىنە ۇسىنىس جوبا تاپسىرۋ ۋاقىتى اياقتالعان كەزگە دەيىن شينجياڭدا تۇراتىن مەملەكەتتىك ساياسي كەڭەس مۇشەلەرى ماجىلىسكە جالپى 136 ۇسىنىس جوبا تاپسىردى، مازمۇنى جوعارى ساپالى دامۋ، اۋىل - قىستاقتى گۇلدەندىرۋ، سىرتقا ەسىك اشۋ، الەۋمەتتىك دەنساۋلىق ساقتاۋ، مادەنيەت، وقۋ - اعارتۋ سياقتى ءتۇيىندى سالالارعا جانە حالىق تۇرمىسىنداعى ءجىتى قاداعالاپ وتىرعان ىستەرگە سايادى.
وسى رەتكى ءماجىلىس كەزىندە شينجياڭدا تۇراتىن مەملەكەتتىك ساياسي كەڭەس مۇشەلەرى وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن نازاردى پارتيا مەن مەملەكەتتىڭ وزەكتى مىندەتتەرىنە شوعىرلاندىرىپ، نازاردى رەفورما جاساۋداعى، دامۋداعى ماڭىزدى تۇيىندەرگە، قيىن تۇيىندەرگە شوعىرلاندىرىپ، ىشكەرىلەي كەڭەسىپ، ۇكىمەت ءىسىن اقىلداسىپ، بەلسەندىلىكپەن مىندەتىن وتەپ، اقىل - كەڭەس بەردى. تاپسىرىلعان ۇسىنىس جوبالار الدىڭعى مەرزىمدە تىڭعىلىقتى جۇرىلگەن تەكسەرۋ - زەرتتەۋدەن، ىشكەرىلەي وي جۇگىرتۋدەن وتكەن، سونداي - اق ءماجىلىس كەزىندەگى ۇيرەنۋ، تالقى جەتىستىكتەرىمەن بىرلەستىرىپ وزگەرىس ەنگىزىپ، كەمەلدەندىرۋ ارقىلى قالىپتاسقان، ءبىرشاما كۇشتى كورەگەندىككە، باعىتتامالىلىققا جانە اتقارۋ يكەمدىلىگىنە يە، مۇشەلەردىڭ مۇقياتتىلىقپەن جاۋاپكەرشىلىك ارقالاعان مىندەت وتەۋ پوزيتسياسى ايگىلەنگەن.
مۇشەلەر نازاردى جاڭا دامۋ كەزەڭىن تياناق ەتۋگە، جاڭا دامۋ ۇستانىمىن دايەكتىلەندىرۋگە، جاڭا دامۋ ارناسىن قالىپتاستىرۋعا شوعىرلاندىرىپ، ”14 - بەسجىلدىقتا“ جاقسى باستاما باستاۋدى، جاقسى قادام تاستاۋدى توڭىرەكتەپ، مەملەكەتتىڭ جۇڭگو - ەۆروپا كەزەكشى پويەزى ءۇرىمجى جيناۋ - توپتاۋ ورتالىعى قۇرىلىسىن قولداۋ، شينجياڭنىڭ تۋىندايتىن ەنەرگيا كاسىپ سالاسىنىڭ دامۋىن قولداۋ، ”ءبىر بەلدەۋ، ءبىر جول“ بويىنداعى ءتۇرلى ولشەمدەردى بەلگىلەۋدى تەزدەتۋ، قار - مۇز كاسىپ سالاسىن جەتىلدىرۋ، زورايتۋ سياقتى ۇسىنىس - جوبالاردى تاپسىرىپ، شينجياڭنىڭ ەكونوميكالىق، قوعامدىق دامۋىنداعى كەلەلى ماسەلەلەر مەن كوكەي تەستى قاجەتتەرىن ءتۇرلى جاقتاردان اڭىس ەتىپ، قاتىستى تاراۋلاردىڭ نازار اۋدارۋىنا، قولداۋىنا بەلسەندىلىكپەن قول جەتكىزىپ، شينجياڭ ەكونوميكاسىنىڭ جوعارى ساپالى دامۋىنا كۇش قوستى.
مۇشەلەر تاعى ەگىمشىلىك رەفورماسىندا جاڭالىق اشۋ قادامىن جەدەلدەتۋ، تاڭداۋلى، ءداستۇرلى مادەنيەتتى اسقاقتاتۋ، قىستاق (الەۋمەتتىك اۋماق) كادرلار قوسىنى قۇرىلىسىن جوعارىلاتۋ، شينجياڭنىڭ ”دەنە تاربيە مەن مەديتسينانىڭ توعىسا“ دامۋىن ىلگەرىلەتۋ سياقتى ماسەلەلەردە كوپتەگەن ۇسىنىس - جوبالاردى ورتاعا سالدى. وسى ۇسىنىس - جوبالار ەكونوميكالىق، قوعامدىق دامۋدىڭ ءىس جۇزىندىگىمەن تىعىز بايلانىستىرىلعان، حالىق بۇقاراسىنىڭ ءوندىرىس، تۇرمىس ءىس جۇزىندىگىمەن تىعىز بايلانستىرىلعان، پارتيا مەن مەملەكەتتىڭ ماڭىزدى شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا شەشۋگە قاجەت ەتەتىن ماسەلەلەرمەن تىعىز بايلانىستىرىپ، كەڭەس بەرۋى دالمە - ءدال، تەكسەرۋ جۇرگىزۋى تەرەڭ، مازمۇنى ناقتى بولعان.
مۇشەلەر نازاردى تاعى دا جاستار مەن ورەندەر، قارتتار سياقتى ەرەكشە توپتارعا شوعىرلاندىرىپ، جاستار مەن ورەندەردىڭ ايدس اۋرۋىنان ساقتانۋىن كۇشەيتۋ، ورتا، باستاۋىش مەكتەپ وقۋشىلارىنىڭ كورۋ قۋاتىن قورعاۋدى كۇشەيتۋ، جاستار مەن ورەندەردىڭ جاڭالىق جاساۋ قابىلەتىن قاۋلاتۋ جانە جەتىلدىرۋ، دەنساۋلىق - كۇتىمدەۋ كاسىپ سالاسى ولشەمىن ورناتۋ سياقتى ۇسىنىس - جوبالاردى ورتاعا قويدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
