مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى بەينە ەكران ءماجىلىسىن وتكىزدى
ۋاڭ ياڭ قاتىناستى، 12 مۇشە ماجىلىستە ءسوز سويلەدى
2021.03.09 15:04 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 8 - كۇنى، بەيجيڭ. مەملەكەتتىك ساياسي كەڭەس 13 - كەزەكتى كوميتەتىنىڭ 4 - ءماجىلىسى 3 - ايدىڭ 8 - كۇنى تۇستەن بۇرىن بەينە ەكران ءماجىلىسىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى. 12 مۇشە ماجىلىستە ءسوز سويلەدى. ءماجىلىس مەملەكەتتىك ساياسي كەڭەس ورگانىندا نەگىزگى ءماجىلىس الاڭىن، مۇشەلەر تۇرعان جەردە بولىمشە ءماجىلىس الاڭىن ورنالاستىردى.
ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان ماجىلىسكە قاتىناسىپ، لەبىزدەردى تىڭدادى. مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى توراپتا ماجىلىسكە قاتىناستى.
مۇشە لۇي حۇڭبيڭ سوزىندە بىلاي دەدى: ازاماتتىق ىستەر زاڭناماسى − نەگىزدى بەكەمدەيتىن، مەجەنى ورنىقتىراتىن، ۇزاق بولاشاققا پايدالى نەگىزدىك زاڭ. ازاماتتىق ىستەر زاڭناماسىن بارشا وتباسىلارعا جەتكىزۋدە ساياسي كەڭەس مۇشەلەرى اراسىنداعى زاڭ قىزمەتكەرلەرى زاڭدى ۇگىتتەۋدىڭ وزاتتارى بولۋى كەرەك. ازاماتتىق ىستەر زاڭناماسىنان ۇگىت - لەكسيا جاساعاندا ۇقىقتى باستان - اياق ساباقتاستىرىپ، ءادىس - امالدى جاڭالاپ، دەلو ارقىلى سويلەپ، مىسال ارقىلى كلاسسيكالىق شىعارمالاردى ءتۇسىندىرىپ، بۇقارانىڭ «ازاماتتىق ىستەر زاڭناماسى وي جەلىسىن» قالىپتاستىرۋىنا، زاڭ تانىمىن جوعارىلاتۋىنا، زاڭمەن جونگە سالىناتىن قوعامدى بىرگە قۇرۋىنا قۇلشىنا مۇمكىندىك جاساۋ كەرەك.
مۇشە ساۋ ۋەيشيڭ جۇڭگو دەموكراتيالىق وداعى ورتالىق كوميتەتى اتىنان ءسوز سويلەپ بىلاي دەدى: جەر بايلىعىن عىلمي قورعاۋ جانە جوعارى ونىمدىلىكپەن پايدالانۋ جاڭا جولىمەن ءجۇرىپ، ءار سۇيەم جەردى قاستەرلەۋ جانە ۇيلەسىمدى پايدالانۋ كەرەك. مەملەكەت جەرى كەڭىستىگىن جوبالاۋ مەن پايدالانۋ ورنىن باسقارۋ - مەڭگەرۋدى كۇشەيتىپ، جەر بايلىعىمەن قامداۋ جانە باسقارۋ تاسىلىندە جاڭالىق اشىپ، مەملەكەت جەرىن جان - جاقتى جونگە سالۋدى جانە ەكولوگيانى قالپىنا كەلتىرۋدى ىلگەرىلەتىپ، استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ ستراتەگياسىن اتقارىپ، زەردەلى مەملەكەت جەرى تۇعىرى قۇرىلىسىن جەدەلدەتىپ، جەر بايلىعىن قورعاۋ مەن پايدالانۋ دەڭگەيىن بار كۇشپەن جوعارىلاتۋ كەرەك.
مۇشە ليۋ ۋەي سوزىندە دەدى: تۇتىنۋدى كەڭەيتۋدى حالىقتىڭ تۇرمىس ساپاسىن جاقسارتۋمەن ۇشتاستىرىپ، ءبىر جاعىنان، تۇرعىنداردىڭ كىرىسىن جوعارىلاتىپ جانە ورنىقتىرىپ، تۇرعىنداردىڭ تۇتىنۋ تىلەگىن جوعارىلاتۋ؛ ەندى ءبىر جاعىنان، قامداۋ جاعىنداعى قۇرىلىمدىق رەفورمانى ىلگەرىلەتۋدە تاباندى بولىپ، ساپالى قامداۋدى تۇرعىنداردىڭ قاجەتىمەن اناعۇرلىم ويداعىداي سايكەستىرۋمەن بىرگە، بازار ساۋدا ورتاسىن جاقسارتىپ، تۇتىنۋشىلاردىڭ ۇقىق قورعاۋ وزىندىك قۇنىن تومەندەتىپ، قاجەتسىنۋ مەن قامداۋ اراسىنداعى تاماشا اينالىمدى جەبەۋ كەرەك.
مۇشە ما يۋلي سوزىندە بىلاي دەدى: اۋمىن «ءبىر ەل، ەكى ءتۇزىم» ابزالدىعىن ويداعىداي ساۋلەلەندىرىپ، ەكونوميكانىڭ ۇيلەسىمدى، كوپ نەگىزدى دامۋىن جەبەۋى؛ اۋمىننىڭ حالىقارالىق بارىس - كەلىس ابزالدىعىنان پايدالانىپ، حالىقارالىق اينالىمدى ىلگەرىلەتۋ بارىسىندا كوپىرلىك رول اتقارۋى؛ حىڭچين گۋاڭدۇڭ - اۋمىن ىشكەرىلەي سەلبەستىك جاساۋ رايونى قۇرىلىسىن وراي ەتىپ، باعىتتامالى ساياساتتىڭ پارمەندى قولداۋىنا قول جەتكىزىپ، حالىق تۇرمىسى سەلبەستىگى ارقىلى ىشكەرىلەي توعىسۋدى جەبەپ، ورتالىق كاسىپورىندارىنىڭ بايلىعىن زور كۇشپەن ەنگىزىپ، مەملەكەتتىڭ دامۋ جالپى جاعدايىمەن بەلسەنە توعىسۋى كەرەك.
مۇشە ۋاڭ لۋ جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى اتىنان ءسوز سويلەپ بىلاي دەدى: «14 – بەسجىلدىق» جوسپار مەزگىلى − كومىرتەگىنىڭ شىعارىلۋىن ەڭ جوعارى شەككە جەتكىزۋدى جۇزەگە اسىرۋداعى شەشۋشى مەزگىل، كومىرتەگىنىڭ بەيتاراپتانۋىن ىلگەرىلەتۋدەگى العاشقى مەزگىل، ەنەرگيا قۇرىلىمىنىڭ تيبىن وزگەرتۋدى ءتۇيىن ەتىپ، تازا، تومەن كومىرتەكتى ەنەرگيا جۇيەسىن ورناتۋ؛ كاسىپ قۇرىلىمىن رەتتەۋدى ءبىر تۇتاس ىلگەرىلەتىپ، كومىر ەلەكتر، مۇناي - حيميا، بولات - تەمىر، سەمەنت سياقتى جوعارى كومىرتەكتى كاسىپتەردىڭ تومەن كومىرتەكتى بولۋعا قاراي تيبىن وزگەرتۋدى جەدەلدەتۋ؛ عىلىم - تەحنيكانى ماڭىزدى تىرەك ەتىپ، بايلىققا يەك سۇيەۋدەن جاڭالىق اشۋ ارقىلى دامۋعا قاراي بۇرىلىس جاساۋدى جۇزەگە اسىرۋ؛ ورتالىقتىڭ قورشاعان ورتانى قورعاۋدى باقىلاۋ - تەكسەرۋىن كۇشەيتىپ، قاتىستى زاڭمەن جونگە سالۋ كەپىلدىگىن ورناتۋ جانە كەمەلدەندىرۋ كەرەك.
مۇشە گان لين ادىلەت پارتياسى ورتالىق كوميتەتى اتىنان ءسوز سويلەپ بىلاي دەدى: ءىرى ساندى مالىمەت وڭىرلىك تىزبەگى مەن ەكونوميكانىڭ، قوعامنىڭ توعىسپالى جاڭالىق اشا دامۋىن ىلگەرىلەتۋدە جوعارى دەڭگەيدە جوبالاۋدى ويداعىداي ىستەپ، ساندى مالىمەت قامالىن اشىپ، جاسىرىن قورعاۋدى كۇشەيتىپ، ساندى مالىمەت حاۋىپسىزدىگىنە كەپىلدىك ەتۋ؛ نەگىزدىك زەرتتەۋدى ىشكەرىلەي ورىستەتىپ، وزەكتى تەحنيكادا جاڭالىق اشا دامۋدى ىلگەرىلەتىپ، جاڭا تەحنيكانىڭ توعىسپالى قولدانىلۋىن تۇيىندە سىناق ەتۋدەن ۇلگى كورسەتۋ؛ سيفرلى ەكونوميكانى دامىتىپ، ساندى مالىمەت تەحنيكاسى ارقىلى قوعامدى جونگە سالۋ قابىلەتىن جوعارىلاتۋ؛ سىرتقا ەسىك اشۋدى تەرەڭدەتىپ، اشىق، تەڭ يگىلىككە كەنەلەتىن ءىرى ساندى مالىمەت، بلوكچەين (چۇيكۋايليان) سەلبەستىك جۇيەسىن كۇش سالا قۇرۋ كەرەك.
مۇشە سۇن يبياۋ سوزىندە بىلاي دەدى: حالىقارالىق ساۋدا ءداستۇرلى ساۋدادان جانە دۇنيە جۇزىلىك قۇن تىزبەگى ساۋداسىنان سيفرلى ساۋدانى دامىتۋدىڭ جاڭا كەزەڭىنە ءوتتى، ورايدى مىقتى يگەرىپ، سىرتقى ساۋدانىڭ سيفرلانۋعا قاراي بۇرىلىس جاساۋىن جەدەلدەتۋ؛ سيفرلى تەحنيكا مەن ناقتى كاسىپ سالاسىنىڭ ىشكەرىلەي توعىسۋىن ىلگەرىلەتىپ، سيفرلى ساۋدانىڭ حالىقارالىق ەرەجەسىن جاساۋعا بەلسەنە ات سالىسۋ؛ سيفرلى كاسىپ سالاسىنىڭ بازارعا كىرۋ شارتىن تومەندەتىپ، سيفرلى ساۋدا ورتاسىن كەمەلدەندىرۋ؛ باقىلاۋ - باسقارۋدى ساپالىلاندىرىپ، سيفرلى ساۋدانىڭ حاۋىپسىزدىگى مەن قولايلىلىعىن ىلگەرىلەتىپ، ەلىمىزدىڭ جوعارى دەڭگەيدەگى سىرتقا ەسىك اشۋىنا دەم بەرۋ كەرەك.
مۇشە حاۋ يۋە 3 - قىركۇيەك عىلمي قوعامى ورتالىق كوميتەتى اتىنان ءسوز سويلەپ بىلاي دەدى: «14 – بەسجىلدىق» جوسپار مەزگىلىندەگى، سونداي - اق اناعۇرلىم ۇزاق مەزگىلدەگى دامۋدىڭ كوكەي تەستى تالاپتارى الدىندا دەربەس جاڭالىق اشۋعا اناعۇرلىم ءمان بەرىپ، عىلىم - تەحنيكادا جاڭالىق اشۋ ورنالاستىرۋىن جاپپاي كۇشەيتىپ، مەملەكەتتىك تاجىريبەحانا سياقتى كەلەلى عىلىم - تەحنيكا تۇعىرى قۇرىلىسىن كۇش سالا كۇشەيتىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، حالىقارالىق سەلبەستىك، اۋىس - كۇيىس مەحانيزمىن كەمەلدەندىرىپ، عىلىم - تەحنيكالىق قارجى قوسۋ، قارجى قۇراۋ جۇيەسىندە جاڭالىق اشىپ، العاشقى جاڭالىق اشۋ قابىلەتىن كۇشەيتىپ، جوقتان باردى جاراتۋ جاعىندا اناعۇرلىم كوپ قامال الۋ كەرەك.
مۇشە جيڭ جۋ مەملەكەتتىك ساۋدا - ونەركاسىپشىلەر بىرلەستىگى اتىنان ءسوز سويلەپ بىلاي دەدى: عىلىم - تەحنيكانىڭ ءوز كۇشىنە سۇيەنىپ الۋەتتەنۋىن جۇزەگە اسىرۋ حالىقتىق كاسىپورىنداردىڭ رولىن ونان ارى ساۋلەلەندىرۋدى قاجەت ەتەدى، «ارنايىلاندىرۋ، كەمەلدەندىرۋ، ەرەكشەلەندىرۋ، جاڭاشالاندىرۋ» سىندى دامۋ جولىمەن جۇرگەن حالىقتىق كاسىپورىنداردى قولداۋ سەرپىنىن ارتتىرىپ، حالىقتىق كاسىپورىنداردىڭ ءتول جاڭالىق اشۋدى ىلگەرىلەتۋدەگى جالىندى قوسىندىق رولىن اناعۇرلىم ويداعىداي ساۋلەلەندىرىپ، ءتىپتى دە كوپ تاڭداۋلى حالىقتىق كاسىپورىنداردىڭ شەشۋشى سالالارداعى تەحنيكادا قامال الۋ مىندەتىن ارقالاۋىنا قولداۋ كورسەتىپ، ولاردىڭ «ەرەكشە ونەرگە» يە بولۋىنا مۇمكىندىك جاراتۋ كەرەك.
مۇشە تاۋ كاييۋان جۇڭگو دەموكراتيالىق العاباسارلىق پارتياسى ورتالىق كوميتەتى اتىنان ءسوز سويلەپ بىلاي دەدى: جاستار مەن ورەندەردىڭ پسيحيكالىق اقاۋسىزدىعى − سالاماتتى جۇڭگو قۇرىلىسىنىڭ ماڭىزدى مازمۇنى. وقۋ - اعارتۋ رەفورماسىن تەرەڭدەتىپ، باستاۋىش، ورتا مەكتەپتەردىڭ ەرەكشەلىك قالىپتاستىرۋ نەگىزىندە دامۋىنا دەم بەرىپ، وقىتۋ ماتەريالدارىنا قاراي قاراي وقىتۋ؛ بەلسەندى، اقاۋسىز قوعامدىق ورتا جاراتىپ، توراپ كەڭىستىگىن تازارتۋ؛ مەكتەپ، وتباسى، قوعام سىندى ءۇش جاق ءبىر تۇلعالانعان جاستار مەن ورەندەردىڭ پسيحيكالىق اقاۋسىزدىعىن قولداۋ جۇيەسىن ورناتىپ، جاستار مەن ورەندەردىڭ پسيحيكالىق اقاۋسىزدىعىن بىرگە قورعاپ، سالاماتتى جۇڭگو قۇرىلىسىنا دەم بەرۋ كەرەك.
مۇشە ۋ چاڭدى سوزىندە بىلاي دەدى: مەملەكەتتىك ساياسي كەڭەستىڭ كىتاپحاناسى − داۋالى جوق «ۇلكەن مەكتەپ»، مۇشەلەردىڭ كىتاپ وقۋ قيمىلى − كەڭەسۋ مادەنيەتىن جەتىلدىرۋدىڭ تاماشا تۇعىرى، بۇل مۇشەلەردىڭ كەڭەسۋ تانىمى مەن قابىلەتىن كۇشەيتۋىنە ءتيىمدى. كىتاپ وقۋدى دارىپتەيتىن ساياسي كەڭەس ارقىلى كىتاپ وقۋدى دارىپتەيتىن قوعام قۇرىلىسىنا دەم بەرىپ، ۇلتتىق مادەنيەت سەنىمى مەن رۋحاني كۇشتى نىعايتۋ كەرەك، بۇل جاعىندا ساياسي كەڭەس مۇشەلەرى بۇلتارتپاس جاۋاپكەرلىك ارقالاپ وتىر.
مۇشە ياڭ ياڭ سوزىندە بىلاي دەدى: بەيجيڭ قىسقى وليمپياداسى، مۇگەدەكتەر قىسقى وليمپياداسى − ەلىمىزدىڭ «14 – بەسجىلدىق» كەزىندە وتكىزەتىن كەلەلى بوگەنايلىق قيمىلى، مەملەكەت وبرازىن ايگىلەپ، ۇلتتىق رۋحتى سەرپىلتەتىن ماڭىزدى وراي. ءبىز حالىقاراداعى دەنەتاربيە سالاسىنىڭ، ءسوز جوق، ىنتىماقتاسا سەلبەسۋ، قول ۇستاسا وتىرىپ تەڭ يگىلىكتەنۋ پرينسيبىندە تاباندى بولىپ، بەيجيڭ قىسقى وليمپيادا سپورت جارىسىنىڭ، قىسقى مۇگەدەكتەر وليمپيادا سپورت جارىسىنىڭ ۋاعىندا، ءساتتى وتكىزىلۋىن قولدايتىنىنا سەنەمىز. سپورتشىلاردى وزەك ەتۋدە تاباندى بولىپ، ىندەتتەن ساقتانۋ قىزمەتىن عىلمي، حاۋىپسىز، ويداعىداي ىستەپ، قىسقى وليمپيادا سپورت جارىسىن، قىسقى مۇگەدەكتەر وليمپياداسىن بار كۇشپەن ويداعىداي وتكىزىپ، جۇڭگونىڭ تابىستارىن ايگىلەپ، جۇڭگو حيكاياسىن ويداعىداي بايانداۋ كەرەك.
ءماجىلىستى مەملەكەتتىك ساياسي كەڭەس ءتوراعاسىنىڭ ورىنباسارى حى ۋەي باسقاردى.
مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، شاۋ حۇڭ، گاۋ يۇنلۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
