«نەلىكتەن بالالار اۋرۋى بولىمىندە شيپاگەر كەمشىل؟»
— حالىق تۇرمىسىنا قاتىستى ماسەلەدەن تۋىنداعان ۋاكىلدەردىڭ قىزۋ تالقىسى
2021.03.08 13:29 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاڭ چيانچيان 3 – ايدىڭ 7 – كۇنى بەيجيڭنەن حابارلايدى. جۋىرداعى جىلداردان بەرى، ناۋقاس بالالاردىڭ كەزەك كۇتىپ قالۋى، بالالار اۋرۋى بولىمىندە شيپاگەرلەردىڭ كەمشىل بولۋى ماسەلەسى قوعامداعىلاردىڭ نازارىن اۋداردى. 3 – ايدىڭ 7 – كۇنى 13 – كەزەكتى مەملەكەتتىك حالىق قۇرىلتايى 4 – ماجىلىسىندە حىنان ۋاكىلدەر ۇيىرمەسىنىڭ گرۋپپاعا ءبولىنىپ تالقىلاۋ ناق مايدانىندا، «بالالار اۋرۋى شيپاگەرلەرىنىڭ كەمشىل بولۋى» ماسەلەسىن توڭىرەكتەي وتىرىپ، قىزۋ تالقى ورىستەتىلدى.
ماجىلىستە مەملەكەتتىك حالىق قۇرىلتايى ۋاكىلى، جىڭجوۋ بالالار اۋرۋلارى ەمحاناسىنىڭ باستىعى جوۋ چۇڭچىن «مەملەكەتتىك بالالار اۋرۋلارى وڭىرلىك ەمدەۋ ورتالىعىن قۇرۋ» ۇسىنىسىن ورتاعا قويدى، ۋاكىلدەر ۇسىنىستى دەن قويا تىڭدادى. ءسوز اياقتاعان سوڭ، ناق مايدانداعى ءبىر ۋاكىل ىلە - شالا: «بالالار اۋرۋلارى ءبولىمى وسىنشاما ماڭىزدى تۇرسا، نەلىكتەن ەمحانالاردىڭ بالالار اۋرۋى شيپاگەرلەرىن الىپ قالا الماۋى جاعدايى قايتا – قايتا تۋىنداي بەرەدى؟»، — دەپ سۇراۋ تاستادى.
جىڭجوۋ بالالار اۋرۋلارى ەمحاناسىندا 12 جىل قىزمەت ىستەگەن جوۋ چۇڭچىن بۇل سۇراۋدى ەستىگەن سوڭ، دەرەۋ ءوزىنىڭ كوزقاراسىن ءبىلدىردى: «ءبىر جاعىنان، بالالار اۋرۋى شيپاگەرلەرىنىڭ قىزمەتى اۋىر، قىسىم دا زور، ەرەسەكتەرمەن سالىستىرعاندا، بالالاردى تەكسەرۋ، دياگنوز قويۋ اناعۇرلىم قيىن. ەندى ءبىر جاعىنان، امبەباپ ەمحانالار قىزمەت ونىمدىلىگىن باعالاعان كەزدە، بالالار اۋرۋى ءبولىمىنىڭ قىزمەتتەگى ەرەكشە سيپاتىنا جەتكىلىكتى ءمان بەرمەيدى، بالالار اۋرۋى ءبولىمى مەن باسقا اۋرۋلار ءبولىمى اراسىنداعى تەڭگەرىمدىلىكتى ساقتاۋى جەتەرسىز».
«كوپتەگەن بالالار اۋرۋى ەمحانالارىندا بالالاردىڭ اتا – انالارى بىرگە كەلەتىندىكتەن، ەمدەۋ ورتاسى ءبىرشاما شۋىلدى بولادى، بۇل شيپاگەرلەرگە وتە زور قىسىم جەتكىزەدى»، — دەيدى مەملەكەتتىك حالىق قۇرىلتايى ۋاكىلى، حىنان ولكەسى انياڭ قالالىق حالىق ەمحاناسى نەرۆ ىشكى اۋرۋلار ءبولىمى 2 – بالنيتسيا ءبولىمىنىڭ مەڭگەرۋشىسى لي حاييان ءوزىنىڭ اسەرىن بايانداپ، — «شيپاگەرلىك كاسىبىن وقىپ جاتقان كوپتەگەن ستۋدەنتتەر بالالار اۋرۋىنا قاتىستى كاسىپتەردى تاڭداۋدى قالامايدى، امبەباپ ەمحانالاردىڭ بالالار اۋرۋى بولىمىندەگى شيپاگەرلەردى الىپ قالۋى دا وتە قيىن».
«مەن دە ءوزىمنىڭ تاجىريبەمدى ايتسام دەيمىن!» — مەملەكەتتىك حالىق قۇرىلتايى ۋاكىلى، حىنان ولكەسى جىچىڭ اۋداندىق حالىق ەمحاناسى كۇتىمدەۋ ءبولىمىنىڭ مەڭگەرۋشىسى سۇڭ جيڭ: «تەكسەرۋ – زەرتتەۋىمە نەگىزدەلگەندە، اۋىل – قىستاقتارداعى 6 جاستان 12 جاسقا دەيىنگى ارالىقتاعى اتا – اناسى سىرت جەرگە جۇمىس ىستەپ كەتكەن بالالاردىڭ كوبىندە ءتىسىن شوتكىلەۋ، اۋزىن جۋۋ ادەتى جوق، اۋىز قۋىسىنىڭ اقاۋسىزدىعىن ساقتاۋ تانىمى ءبىرشاما ناشار، اۋىز قۋىسى اۋرۋلارىنا شالدىعۋ مولشەرى ءبىرشاما جوعارى. بۇل بالالاردىڭ تاماق شايناۋىنا، كەلبەتىنە ىقپال ەتىپ قالماستان، اس قورىتۋ، تىنىس الۋ جۇيەلەرىندەگى اۋرۋلاردى دا تۋىنداتۋى مۇمكىن، سوندىقتان، بالالاردىڭ اۋىز قۋىسى اۋرۋلارى ارناۋلى بولىمىنە شيپاگەرلەردى تاربيەلەۋدى كۇشەيتۋ كەرەك».
بۇل ماسەلەلەر جونىندە ۋاكىلدەر ءوز كوزقاراستارىن ءبىلدىرىپ، ءبىرقىدىرۋ ۇسىنىستاردى ورتاعا قويدى.
«مەنىڭشە، ەمحانانىڭ ىشكى بولىمىندەگى باعالاۋ مەحانيزمىندە بالالار اۋرۋلارى بولىمىنە تيىمدىلىك جاساۋ كەرەك»، — دەيدى لي حاييان.
جوۋ چۇڭچىن مىنانى ورتاعا قويدى: بالالار اۋرۋلارى شيپاگەرلەرىنىڭ كەمشىل بولۋى ماسەلەسىن جاقسارتۋمەن بىرگە، بالالار اۋرۋلارى بولىمىنە كۇتىمدەۋشى دارىندىلاردى تاربيەلەۋ مەن جەتىلدىرۋدى اناعۇرلىم كۇشەيتۋ، بالالار اۋرۋلارى ەمحانالارىنىڭ جالپى ورەسىن جوعارىلاتۋ كەرەك. ول مىناداي ۇسىنىس بەردى: جوعارى مەكتەپتەردە كۇتىمدەۋ كاسىبىندە بالالار اۋرۋلارىنا قاتىستى كۇتىمدەۋشى ماماندىعىن قوسۋ، بالالار اۋرۋلارىنا قاتىستى جوعارى ساپالى، قولدانىلمالى سيپاتتاعى كۇتىمدەۋ ماماندىعىنا دارىندى تاربيەلەۋدىڭ پەريودىن قىسقارتىپ، بالالار اۋرۋلارىنا قاتىستى سەسترالاردى «تاپسىرىس بەرۋ فورماسىندا» تاربيەلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
