قاشاننان باستاپ ماسكى تاقپايتىن بولامىز؟ جاڭ بولي ۋاقىتىن ايتتى
2021.03.09 13:53
3 – ايدىڭ 8 – كۇنى مەملەكەتتىك حالىق قۇرىلتايى ۋاكىلى، تيانجين جۇڭگوشا شيپاگەرلىك داشۋەسىنىڭ باستىعى جاڭ بولي باس ستانسيا ورتالىق تەلەۆيزياسى ءتىلشىسىنىڭ سۇحباتىن قابىلداعاندا، جۇرت كوڭىل ءبولىپ وتىرعان جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ جونىندەگى قولامتالى ماسەلەلەرگە جاۋاپ قايتاردى.
قاشاننان باستاپ ماسكى تاقپايتىن بولامىز؟
جاڭ بولي بىلاي دەدى: قازىر ەل ىشىندەگى ىندەتتىڭ جاعدايى ءبىرشاما ورنىقتى، الايدا، شەتەلدە ىندەت ءالى تارالۋدا، قازىر بوساڭسۋعا بولمايدى، ماسكى تاعۋ ادەتىن ءالى دە جالعاستىرۋىمىز كەرەك. بيىل جۇقپالى تۇماۋ ازايدى، تۇماۋ تيگەندەر مەن جوعارعى تىنىس جولى جۇعىمدالعانداردىڭ سانى دا از بولدى، بۇل كوپشىلىكتىڭ ماسكى تاعۋىمەن قاتىستى. مەجەمەن، كەمىندە كەلەر جىلى كوكتەم شىققان سوڭ، ماسكى تاقپاۋعا بولۋى مۇمكىن.
ىندەت بارىسىندا «ەڭ سۇيىكتى ادامدارىمىز كىم بولدى؟»
3 – ايدىڭ 8 – كۇنى ەكى ماجىلىستەگى «ۋاكىلدەر دالىزىندە» جاڭ بولي ءوزىنىڭ حۋبەي ۋحانداعى ىندەتكە قارسى اتتانۋعا قاتىناسقان كەشىرمەلەرىن اڭگىمەلەدى، ول جاس بۋىن ەمدەۋ قىزمەتكەرلەرىنە القاۋ ايتتى.
جاڭ بولي: ولاردىڭ اراسىندا 80 – جىلداردىڭ تۇلەكتەرى بار، ولار كوپ ساندى ۇستادى؛ ونان سوڭ 90 جىلداردىڭ تۇلەكتەرى، ولار اتويشىلار رولىن اتقاردى؛ 2000 – جىلدان كەيىنگى تۇلەكتەر دە از بولمادى، ولار جالىندى دا ارىندى بولدى. ولاردىڭ بارلىعى ءبىر شاڭىراق جالعىز بالالى بولاتىن ءداۋىردىڭ تۇلەكتەرى، شەشۋشى ساتتە تاباندىلىق تانىتا الار ما، كەزىندە وسى جايلى الاڭدادىق. ىندەتكە قارسى اتتانۋ بارىسىندا، ولار قۇربان بەرۋدەن قورىقپاي، ەرلىكپەن ءوزىن ارناپ، وسى رەتكى ىندەتتىڭ «زور سىناعىنان» سۇرىنبەي ءوتتى.
مۇنان سىرت، جاڭ بولي تاعى ەكى حيكايا ارقىلى ىندەت بارىسىنداعى «ەڭ سۇيىكتى ادامدارىمىزدى» اڭگىمەلەدى.
ءبىرىنشى اڭگىمە ول العاش رەت ۋحانعا بارعان كەزدە بولىپتى. سول كۇنى جاڭ بولي ەمحاناعا بارا جاتقاندا ونىڭ الدىنان شىققان ادام جەكە كولىگىمەن كەلگەن. 30 نەشە جاستارداعى شوفەر حەيلۇڭجياڭنان ءوزى اۆتوموبيل جۇرگىزىپ، حۋبەي ۋحانعا ەرىكتى كومەككە كەلگەن ەكەن. سول ساتتە جاڭ بولي ودان اۆتوموبيلدىڭ ماي اقىسىن كىم تولەيتىنىن سۇراعاندا، شوفەر: «ءوزىم تولەيمىن»، — دەپ جاۋاپ بەرگەن. ماشينادان تۇسكەن سوڭ، جاڭ بولي بۇل ەرىكتىگە راقىمەت بىلدىرگەندە، شوفەردىڭ جاۋابى وعان تەرەڭ اسەر قالدىرعان: «ءسىز – ءبىز دەسەتىن ەمەس، ەل باسىنا كۇن تۋعاندا، ءبارىمىزدىڭ ارقالايتىن بورىشىمىز بار»، — دەپ جاۋاپ قايتارادى.
تاعى ءبىر حيكايا ناۋقاستاردى ەمدەۋ بارىسىندا بولعان. سول كەزدە ەمدەۋگە ءبىر توپ جۇڭگوشا ءدارى – دارمەكتەر قاجەت بولادى، قاپەلىمدە جاقسى امال ويىنا كەلمەگەن جاڭ بولي جۇڭگوشا ءدارى – دارمەك كاسىپورنىنان كومەك سۇرايدى ءارى وتە قاتاڭ شارت قويادى. الايدا، كاسىپورىن جاۋاپتىسى ەش ويلانباستان: «مەن قۇپتايمىن، ادام ءومىرىن قۇتقارۋ ءۇشىن مەن ءبارىن قيۋعا دايىنمىن»، — دەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
