لي كىچياڭ جۇڭگو دامۋ جوعارى دارەجەلىلەر تالقى مىنبەرىنىڭ 2021 – جىلعى جىلدىق ماجىلىسىنە قاتىناسقان شەتەلدىك ۋاكىلدەرمەن كەزدەستى
2021.03.24 16:14 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 23 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 3 - ايدىڭ 22 - كۇنى كەشتە حالىق سارايىندا جۇڭگو دامۋ جوعارى دارەجەلىلەر تالقى مىنبەرىنىڭ 2021 – جىلعى جىلدىق ماجىلىسىنە قاتىناسقان شەتەلدىك ۋاكىلدەرمەن بەينە ەكران ارقىلى كەزدەستى. دۇنيە جۇزىندەگى 500 مىقتى كاسىپورىننىڭ جاۋاپتىلارى، حالىقارالىق ايگىلى عىلمي زەرتتەۋ قۇرىلىمدارىنان كەلگەن مامان - وقىمىستىلار جانە نەگىزگى حالىقارالىق ۇيىمداردىڭ ۋاكىلدەرى قاتارلىلار قاتىناستى.
BMW توبىنىڭ باس جوراسى زيپسەر مىرزا، بريدگەۋاتەر قارجىلاندىرۋ سەرىكتەستىگىنىڭ باس جوراسى داليو، مانيۋليفە فينانس توبىنىڭ باس جوراسى روي گوري، الما سەرىكتەستىگىنىڭ باس اتقارۋشى ءمانساپتىسى كۋك، پريۋدەنتيال توبىنىڭ باس اتقارۋشى ءمانساپتىسى ۋەللس، دايملەر جارنا سەرىكتەستىگى جورالار القاسىنىڭ ءتوراعاسى كاڭ لينسوڭ، پاريج ەكونوميكا شۋەيۋانىنىڭ قۇرمەتتى پروفەسسورى بۋرجينون قاتارلىلار ىلگەرىندى - كەيىندى ءسوز سويلەپ، وزدەرى كوڭىل ءبولىپ وتىرعان ماسەلەلەر جونىندە لي كىچياڭعا سۇراۋ قويدى. لي كىچياڭ ءبىر – بىرلەپ جاۋاپ قايتاردى.
جۇڭگو ەكونوميكاسىنىڭ ارتۋ قارقىنى مەن ساپاسىنىڭ قاتىناسى جونىندە قويىلعان سۇراۋعا جاۋاپ بەرگەندە لي كىچياڭ مىنانى ءبىلدىردى: بىلتىر جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسىنا قاراتا شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىندا قاجىرلىلىقپەن قۇلشىنۋ ارقىلى جۇڭگو ەكونوميكادا وڭ مانمەن ارتۋدى جۇزەگە اسىردى. ءبىز بيىلعى مەجەلى نىسانانى %6 تەن استام دەپ بەلگىلەدىك، مۇندا قازىرگى ەكونوميكالىق ارتۋدىڭ قالپىنا كەلۋ سيپاتىن ەسكەرۋمەن بىرگە، دۇنيە ءجۇزى ەكونوميكاسىنىڭ قالپىنا كەلۋىنىڭ تۇراقسىزدىعىن دا ەسكەردىك، سونداي - اق كەلەر جىلعى، ونىڭ ارعى جىلىنداعى نىسانالارمەن ورنىقتى ۇشتاستىرۋدى دا ويلاستىردىق. ءبىز ارتۋ %6 تەن جوعارى بولادى دەپ وتىرمىز، %6 دەگەنىمىز تومەن ەمەس، مۇنى مۇمكىندىك قالدىرىپ ايتىپ وتىرمىز، ءىس جۇزىندىك بارىستا مۇنان دا كوبىرەك ارتۋى مۇمكىن. ءبىز جوسپار بەلگىلەپ وتىرعان جوقپىز، قايتا مەجەگە جەتەكشىلىك ەتىپ وتىرمىز، مۇندا ەكونوميكانىڭ نەگىزگى جاعدايىن بەكەمدەۋگە ءمان بەرىپ، ورنىقتى ارتۋدى ساقتاۋمەن بىرگە، ساپانى جوعارىلاتىپ، ونىمدىلىكتى ارتتىرۋعا كۇش سالىپ، ساپالى دامۋدى جۇزەگە اسىرۋىمىز كەرەك، بۇل ءبىرشاما تولىق جۇمىستانۋدى، ءۇرتىس ارتقان تۇرعىندار كىرىسىن، ۇزدىكسىز جاقسارعان ەكولوگيالىق ورتانى قاجەت ەتەدى، وسىلايشا ەكونوميكالىق قۇرىلىمنىڭ ونان ارى ساپالىلانۋىن، ەڭبەك ونىمدىلىگىنىڭ ۇزدىكسىز جوعارىلاۋىن جەبەۋىمىز كەرەك. بيىل قالا - قالاشىقتا 14 ميلليون ەڭبەككۇش تىڭنان قوسىلدى، جۇمىستاندىرۋ قىسىمى ءالى دە اۋىر، 11 ميلليوننان استام ادامنىڭ جۇمىستانۋىنا كەپىلدىك ەتۋ ءۇشىن، ەكونوميكانىڭ ارتۋ قارقىنىن ۇيلەسىمدى ارالىقتى ساقتاۋعا تۋرا كەلەدى. قىسقاسى، ءبىز ارتۋدى ورنىقتىرۋ، جۇمىستانۋعا كەپىلدىك ەتۋ، كىرىستى ارتتىرۋ، زات باعاسىن ورنىقتىرۋ اراسىنداعى قاتىناستى ويداعىداي تەڭگەرۋىمىز، ەنەرگيانى كوپ سارىپ ەتۋ، اۋىر دارەجەدە لاستاۋ ارقىلى ەكونوميكانىڭ ارتۋىنا قول جەتكىزبەۋىمىز كەرەك. سونىمەن بىرگە، ءبىز بازار تۇلعالارىنىڭ يكەمدىلىگى مەن ونىمدىلىگىن قۇلشىنا جوعارىلاتىپ، قالا - قالاشىقتانۋ اياق الىسىن ۇزدىكسىز ىلگەرىلەتىپ، ىشكى سۇرانىمنىڭ وراسان زور كومەسكى كۇشىن اشىپ، تۇتىنۋدىڭ ەكونوميكانىڭ ارتۋىن جەبەۋ رولىن كۇشەيتۋىمىز كەرەك.
لي كىچياڭ بىلاي دەپ اتاپ كورسەتتى: ەسىك اشۋ − جۇڭگونىڭ دامۋىندا ءسوزسىز باسىپ وتەتىن جول. رەفورما جاساپ، ەسىك اشقان 40 نەشە جىلدان بەرى جۇڭگو ەكونوميكاسى دۇنيە ءجۇزى ەكونوميكاسىمەن ىشكەرىلەي توعىستى، مۇنى قويان – قولتىق ارالاسۋ دەۋگە بولادى. جۇڭگو ەسىكتى ونان ارى ايقارا اشىپ، ءار ەلمەن قوس باعىتتا، كوپ باعىتتا ەسىك اشۋ ارقىلى ەكى جاقتى، كوپ جاقتى پايدانى، تەڭ يگىلىككە كەنەلۋدى جۇزەگە اسىرۋدى ءۇمىت ەتەدى.
لي كىچياڭ تاعى ماجىلىسكە قاتىناسقان ۋاكىلدەردىڭ قارتتانۋ، كەدەيلەردى ازايتۋ جانە وقۋ – اعارتۋ، فينانستى اشىق ۇستاۋ، جاسىل دامۋ سياقتى جاقتارداعى سۇراۋلارىنا جاۋاپ بەردى.
ماجىلىسكە قاتىناسقان شەتەلدىك ۋاكىلدەر جۇڭگونىڭ دامۋ جەتىستىكتەرىنە جوعارى باعا بەرىپ، جۇڭگونىڭ رەفورمانى تەرەڭدەتىپ، ەسىكتى ايقارا اشۋى دۇنيە ءجۇزى ەكونوميكاسىنىڭ دامۋىنا جاڭا وراي اكەلەتىنىن ءبىلدىردى. ولار جۇڭگونىڭ بولاشاق دامۋىنا زور سەنىم ارتىپ، جۇڭگونىڭ ساپالى دامۋدى ىلگەرىلەتۋىن وراي ەتىپ، جۇڭگونىڭ بازارىنا ۇزدىكسىز تەرەڭ تامىر تارتىپ، ءوزارا پايدا جەتكىزىپ، تەڭ يگىلىككە كەنەلۋدى اناعۇرلىم ويداعىداي جۇزەگە اسىرۋعا نيەت ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
