كەدەيلەردى قونىس جاڭالاپ سۇيەمەلدەۋ 9 ميلليون 600 مىڭنان استام بۇقارانى يگىلىككە كەنەلتتى
ەسكى ۇيلەردەن كوشىپ شىعىپ، جاڭا تۇرمىسقا قول جەتكىزدى (100 جىلدىق كۇرەس جولى، جاڭا جورىق باستاپ، كەدەيلىكتەن ارىلتۋدان قامال الۋعا بەرىلگەن جاۋاپ)
«حالىق گازەتىنىڭ» تىلشىلەرى لۋ يانان، جاۋ جانحۇي، يۇي جيڭشيان
2021.03.19 16:25 كەلۋ قاينارى : حالىق تورابى
ءبىر رەت كوشىپ، وراسان زور وزگەرىسكە كۋا بولدى! سانشي ولكەسى چاڭجى قالاسى حۋگۋان اۋدانى فۋشين شوعىرلى ورنالاستىرۋ رايونىنا كوشىپ كەلگەن وتباسى مۇشەسى جاۋ ۋانشىڭ كەڭ دە جارىق قوناق بولمەدە وتىرىپ، قۋانىشپەن: «بۇل ارانىڭ ۇيلەرى جاقسى، ونىڭ سىرتىندا اۋرۋ كورسەتۋ، زات ساتىپ الۋ، بالالاردى وقىتۋ جاقتارىندا توتەنشە قولايلى!» دەدى.
جىلۋدىڭ ورنىنا جۇمىس تاۋىپ بەرۋ تالاي تۇرعىننىڭ القاۋىنە يە بولدى. كوز جەتكىسىز گۇل تەڭىزى كورگەن جاندى باۋرايدى، حۋنان ولكەسى انحۋا شاي اۋىلى، گۇل تەڭىزى ەكولوگيالىق باقشاسى تاعى ءبىر گۇل تاماشالاۋ مەزگىلىن قارسى الدى، قونىس اۋدارىپ سۇيەمەلدەنگەن حۋاڭ جيانچاۋ ەلەكترلى كولىكپەن جولاۋشى تاسيدى، ول ريزالىقپەن: «كىرىسىم تۇراقتى، ورتامىز جاقساردى، كوڭىلىم ورنىقتى!» دەدى.
باس شۋجي شي جينپيڭ: قونىس اۋدارىپ سۇيەمەلدەۋ − بايلىعى ءوز حالقىن اسىراي الماۋ ماسەلەسىن شەشىپ، كەدەي بۇقارانىڭ قارىشتاپ دامۋىن جۇزەگە اسىرۋدىڭ ءتۇبىرلى جولى، سونداي - اق كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدىڭ ماڭىزدى جولى، − دەپ اتاپ كورسەتكەن بولاتىن.
«13 – بەسجىلدىق» جوبا كەزىندە بۇكىل ەلدەگى ارحيۆ تۇرعىزىلىپ، كارتوچكا بەرىلگەن 9 ميلليون 600 مىڭنان استام كەدەي بۇقارا جاڭا ۇيگە كوشىپ كىردى، جالپى 35 مىڭ شوعىرلى ورنالاستىرۋ رايونى قۇرىلدى؛ جىلۋ ورنىنا جۇمىس تاۋىپ بەرۋ ارقىلى كەدەي رايوندار ءبىر ميلليون 100 مىڭنان استام جاقىن ماڭداعى جۇمىس ورنىمەن قامدالدى. مەملەكەتتىك دامۋ جانە رەفورما كوميتەتى وڭىرلەردى گۇلدەندىرۋ تارماق مەكەمەسىنىڭ باستىعى تۇڭ جاڭشۇن بىلاي دەدى: «كەدەيلىك وشاعىنان كوشىرىپ شىعارۋ، ونبەيتىن كاسىپتەن قول ءۇزدىرۋ، كەدەيلىك تامىرىنا بالتا شابۋ ارقىلى كوشىرىلگەن كەدەيلەردىڭ كەدەيلىكتەن ارىلۋ، دامۋ ماسەلەسىن تۇبەگەيلى شەشتىك».
كەدەيلەردى قونىس اۋدارىپ سۇيەمەلدەۋ: ورتا ەسەپپەن كۇنىنە 5 مىڭنان استام ادام كەدەيلىك وشاعىنان كوشىرىپ شىعارىلدى
يۇننان ولكەسى جاۋتۇڭ قالاسى داگۋان اۋدانى مۋگان قالاشىعى گانديڭ قىستاعىنىڭ تۇرعىنى چىن شاۋفاڭ بىلاي دەدى: ەكى جىلدىڭ الدىنداعى قىستى ءومىر بويى ۇمىتا المايمىن، 4 مىڭنان استام ەگىنشى تاۋ باسىنداعى ءشوپ كۇركەدەن جيڭ - ان جاڭا رايونىنداعى ورنالاستىرۋ ينجەنەرياسى بويىنشا سالىنعان جاڭا ۇيلەرگە كوشىپ كىردى.
چىن شاۋفاڭ كەدەيلەردى قونىس جاڭالاپ سۇيەمەلدەۋ ساياساتىنىڭ ارقاسىندا قول جەتكىزگەن جاقسى تۇرمىسى جونىندەگى اسەرىمەن ءبولىسىپ بىلاي دەدى: «تۇڭعىش رەت ليفتكە وتىردىم، ۇيدە سىمدى تەلەۆيزور، ەلەكترو ماگنيتتىك پەش، ەلەكتر قازان سياقتىلاردىڭ ءبارى تولىق بولدى، اقىرى تاۋدان كوشىپ شىعۋ ارمانىمىز ىسكە استى».
تاۋدان ءتۇسىرىپ قونىستاندىرۋدا الدىمەن جاڭا ءۇي سالۋ كەرەك، تاۋ قويناۋىنا ورنالاسقان جاۋتۇڭ قالاسىندا 30 ءىرى، ورتاشا ورنالاستىرۋ ءتۇيىنىن سالۋ كەرەك بولدى، مۇنىڭ ىشىندە ەكەۋىنە ورنالاستىرىلاتىن ادام سانى 35 مىڭنان اساتىن، بۇل ورتا دارەجەلى 2 اۋدان ورتالىعىن جاڭادان سالۋمەن بارابار ەدى.
ۋاقىت تىعىز، مىندەت اۋىر، قۇرىلىسشىلار كۇندىز - ءتۇنى تىنىم تاپپاي، قۇرىلىس قارقىنىن تەزدەتتى. 2019 - جىلى 1 - ايدا مىندەتتى تاپسىرىپ العاننان كەيىن قۇرىلىسشىلار كوكتەم مەرەكەسى دەمالىسىنان ىرىقتىلىقپەن باس تارتتى. جۇڭگو قۇرىلىس 1 – مەكەمەسى جيڭ - ان جاڭا رايونى ورنالاستىرۋ ۇيلەرى نىسانىنىڭ باس جۇمىسشىسى سۇن شاۋچيۋ بىلاي دەدى: «جيڭ - ان جاڭا رايونىنىڭ تەڭىز دەڭگەيىنەن بيىكتىگى جوعارى، تەمپەراتۋراسى تومەن، ۋاقىتشا مايعا العان تۇرعىن ۇيلەرگە جىلىتۋ جابدىعىن ورنالاستىرۋعا ۇلگىرە المادىق، قىستىق كيىمدى شەشپەي ۇيىقتاۋىمىزعا تۋرا كەلدى».
كەدەيلەردى سۇيەمەلدەيتىن كادرلار قىستاققا، وتباسىلارعا باردى. حىبەيدە 166 مىڭ ادام يانشان، تايحاڭ تاۋلى وڭىرىنەن، باشاڭ ءۇستىرت وڭىرىنەن كوشىرىلدى؛ حىناندا 260 مىڭعا جۋىق ادام تاۋلى وڭىرلەردەن كوشىرىلىپ، ساي – سالاعا بىتىراپ قونىستانۋعا قوش ايتتى؛ سانشيدە 130 مىڭنان استام ادام لۇيلياڭ تاۋىنان، يانمىنگۋان وڭىرىنەن كوشىرىلدى... مەملەكەتتىك دامۋ جانە رەفورما كوميتەتىنىڭ ساندى مالىمەتىندە كورسەتىلۋىنشە، 2020 – جىلدىڭ سوڭىنا دەيىن بۇكىل ەل بويىنشا جالپى 2 ميلليون 660 مىڭنان استام تۇرعىن ءۇي سالىنىپ، ارحيۆ تۇرعىزىلىپ، كارتوچكا بەرىلگەن كەدەي بۇقارا تۇگەلدەي جاڭا ۇيگە كوشىپ كىرگەن، بۇل ءار كۇنى ورتا ەسەپپەن 5 مىڭنان استام ادامنىڭ كەدەيلىك وشاعىنان كوشىرىلۋىمەن بارابار بولعان، «13 - بەسجىلدىق» كەزىندەگى كەدەيلەردى قونىس اۋدارىپ سۇيەمەلدەۋ مىندەتى جاپپاي ورىندالعان.
جاڭا ۇيگە كوشىپ كىرۋ ءبىرىنشى قادام عانا. «13 - بەسجىلدىق» كەزىندە مەملەكەت جيىنى 600 ميلليارد يۋاننان استام قارجى قوسىپ، ورنالاستىرۋ ءۇيىن سالۋدان تىس، جەر - جەر ورنالاستىرۋ تۇيىندەرىنىڭ ءىشى - سىرتىنداعى 89 مىڭ كيلومەتر جولدى، 50 مىڭ لاس سۋدى ءبىر جاقتى ەتۋ قۇرىلعىسىن، 56 مىڭ قوقىر - قوقسىقتى ءبىر جاقتى ەتۋ قۇرىلعىسىن سايكەستى سالدى؛ 6 مىڭ 100 دەن استام باستاۋىش، ورتا مەكتەپ پەن بالاباقشا، 12 مىڭنان استام شيپاحانا مەن الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىعى، 3 مىڭ 400 دەن استام قارتتاردى كۇتىمگە الۋعا قىزمەت وتەۋ قۇرىلعىسى، 40 مىڭنان استام مادەنيەت قيمىل ورنى جاڭادان سالىندى نەمەسە كەڭەيتىپ سالىندى، كەدەيلەردى قونىس اۋدارىپ سۇيەمەلدەۋدىڭ كەيىنگى جۇمىستارى شىن مانىندە تىڭعىلىقتى ىستەلدى.
جىلۋ ورنىنا جۇمىس تاۋىپ بەرىلدى: ءبىر ميلليون 100 مىڭنان استامعا جاقىن ماڭنان جۇمىس ورنى ازىرلەندى
كۇن جىلىنىپ، گۇلدەر اشىلدى، سىچۋان ولكەسى ۋاڭساڭ اۋدانى بايشۇي قالاشىعىنىڭ يۇڭگان قىستاعى تاعى دا دۋمانعا بولەندى. يۇڭچۋان ەگىمشىلىك كاسىپتىك سەلبەستىك كووپەراتيۆىنىڭ جاۋاپتىسى شۇي شىرۇن بىلاي دەدى: «ەگىس ماشينالارى تياناقتانىپ بولدى، اي سوڭىندا كوكتەمگى ەگىس جۇمىستارىن باستايمىز».
2016 - جىلدىڭ اياعىندا يۇڭگان قىستاعى قونىس جاڭالاپ كەدەيلەردى سۇيەمەلدەۋ بويىنشا شوعىرلى كوشىرۋ مىندەتىن ورىنداپ بولدى، بۇل ارحيۆ تۇرعىزىلىپ، كارتوچكا بەرىلگەن 51 كەدەي وتباسىنى قامتيدى. اۋدان يۇڭگان قىستاعىنىڭ كەدەيلەردى قونىس اۋدارىپ سۇيەمەلدەۋ بويىنشا ءۇي سالۋىنا 2 ميلليون 675 مىڭ يۋان، قۇرىلعى قۇرىلىسىنا 3 ميلليون 570 مىڭ يۋان قارجى بوساتىپ، جىلۋ ورنىنا جۇمىس بەرۋ ءتاسىلىن قولدانىپ، ارحيۆ تۇرعىزىلىپ، كارتوچكا بەرىلگەن كەدەي وتباسى مۇشەلەرىن الدىمەن جۇمىس قابىلداپ، قارجىنىڭ %30 ىن ەڭبەكاقىنى تولەۋگە جۇمسادى.
كەدەيلىكتەن ارىلعان وتباسى مۇشەسى جاڭ ۋىنساي تەبىرەنە بىلاي دەدى: «جول سالىپ، توعان قازىپ، ءبىر كۇندە 70 يۋان كىرىس تاۋىپ وتىردىم، بۇرىن تاۋدا الاقانداي جەرگە ەگىن سالاتىنمىن، قازىر كەڭ دە جارىق ۇيدە وتىرمىن، ەگىنىمدى دە سالىپ، جۇمىس تا ىستەپ جاتىرمىن، تۇرمىسىمىز كوپ جاقساردى».
5.3 كيلومەترلىك قىستاق جولىنا قارا ماي توسەلدى، كوشە شىراقتارى ورناتىلدى، توعاندار رەتكە سالىندى... ينجەنەريالار ۇزدىكسىز ىلگەرىلەتىلىپ، بۇكىل قىستاقتىڭ بەت - بەينەسى شىت جاڭا تۇسكە ەندى. ۋاڭساڭ اۋداندىق دامۋ جانە رەفورما مەكەمەسى جىلۋ ورنىنا جۇمىس تاۋىپ بەرۋ بولىمشەسىنىڭ باستىعى جاۋ شىحىڭ تانىستىرىپ بىلاي دەدى: «جىلۋ ورنىنا جۇمىس تاۋىپ بەرۋ ارقىلى قونىس جاڭالاپ سۇيەمەلدەنگەن كەدەيلەردى جۇمىس ىستەۋگە ۇيىمداستىرىپ، ولاردىڭ تابان تىرەپ، ماڭداي تەرىمەن كىرىس ەنگىزۋىنە كومەكتەستىك. قازىر اۋدانىمىزدىڭ قىستاقتارىنداعى كەدەي وتباسى مۇشەلەرىن نىسان قۇرىلىسىنا قاتىناسۋعا جالپى 948 ادام – رەت ۇيىمداستىرىپ، ولارعا 840 مىڭ يۋاننان استام ەڭبەكاقى تاراتتىق.
جىلۋ ورنىنا جۇمىس تاۋىپ بەرگەن جەرلەر ۋاڭساڭ اۋدانىمەن عانا شەكتەلمەيدى. گانسۋ ولكەسى لۇڭنان قالاسى ۋدۋ رايونى قونىس اۋدارىپ سۇيەمەلدەنگەن كەدەي بۇقارانى ۇيىمداستىرىپ، بەتكەيلەردى قورعاۋ، سۋ ىعىستىرۋ توعانىن جاساۋ جانە الاڭ رايونىنداعى نەگىزگى جولعا قارا ماي توسەۋ سياقتى ينجەنەريالاردى سالۋ ارقىلى كاسىپ باقشا رايونىنىڭ نەگىزدىك قۇرىلعى شارت - جاعدايىن ءونىمدى جاقسارتتى؛ حۋنان ولكەسى انحۋا اۋدانى جىلۋ ورنىنا جۇمىس تاۋىپ بەرۋ ارقىلى كەدەيلىكتەن ارىلتۋدان قامال الۋ جەتىستىكتەرىن بەكەمدەپ، اۋىل - قىستاقتى گۇلدەندىرۋ ستراتەگياسىن تۇيىندە سىناق ەتۋ نىساندارىن اتقارۋ ارقىلى مال - مۇلىكتى جارناعا سىندىرىپ ۇلەستىرۋ، پايدا ۇلەستىرۋ، جۇمىسقا ورنالاسۋ شەبەرلىگىن جەتىلدىرۋ سياقتىلار جونىندە ىزدەنىس جاساپ، كوشىرىلگەن كەدەي بۇقارانىڭ كىرىسىن ارتتىرىپ، اۋقاتتانۋ ارناسىن اناعۇرلىم كەڭەيتتى.
«13 – بەسجىلدىق» جوبا مەزگىلىندە بۇكىل ەل بويىنشا جىلۋ ورنىنا جۇمىس تاۋىپ بەرۋ قارجىسى 30 ميلليارد يۋانعا جەتىپ، كەدەي رايوندارعا ءبىر ميلليون 100 مىڭنان استام قىسقا مەرزىمدى، جاقىن ماڭدا جۇمىستانۋ ورنى ازىرلەندى، جۇمىس ىستەۋگە قاتىناسقان كەدەي بۇقاراعا 4 ميلليارد يۋانعا جۋىق ەڭبەكاقى تاراتىلدى، ورتا، باتىس بولەكتەگى 20 نەشە ولكەنىڭ ءبىر توپ نەگىزگى ەگىنجاي، اۋىل – قىستاق جولى، توپىراقتىڭ شايىلۋىن جونگە سالۋ، ورمان شارۋاشىلىعى، جايىلىم قۇرىلىسى سياقتى حالىق تۇرمىسى ينجەنەرياسىن اتقارۋىنا قولداۋ كورسەتىلدى. كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن ورگانيكالى ۇشتاستىرعان وسى نىساندار ءبىر توپ كەدەي بۇقارانىڭ ءوز كۇشىنە سۇيەنىپ ءومىر سۇرۋىنە، كەدەيلىكتەن داڭقپەن ارىلىپ، جاڭا تۇرمىستى باستاۋىنا دەم بەردى.
يۇڭگان قىستاعى پارتيا ياچەيكاسىنىڭ شۋجيى وۋ يۇڭچۋان بىلاي دەپ تانىستىردى: قىستاقتىڭ سۋ ەلەكتر، جول تورابى سياقتى نەگىزدىك قۇرىلعىلارىنداعى ولقىلىقتاردى ۇزدىكسىز تولىقتاۋعا بايلانىستى، كاسىپ سالاسىنىڭ دامۋىنا ۇيلەسىمدى شارت - جاعداي ازىرلەندى. 2018 - جىلى يۇڭگان قىستاعى يۇڭچۋان ەگىمشىلىك كاسىپتىك سەلبەستىك كووپەراتيۆىن قۇردى، قىستاق ورگانيكالىق كۇرىش، جۇڭگوشا ءدارى ماتەريالدارى، جاڭعاق سياقتى ەرەكشە كاسىپتەردى دامىتىپ، تۇتاس قىستاقتى كەدەيلىكتەن ارىلتۋدى جۇزەگە اسىردى.
تۇتىنۋ ارقىلى كەدەيلەردى سۇيەمەلدەۋ: ەرەكشە اۋىل شارۋاشىلىق ونىمدەرىنىڭ ساتىلىمى 600 ميلليارد يۋاننان استى
تەمىر جول بەكەتىندە جۇمىس ىستەپ جاتقانداردىڭ قۋانىش ءۇنى حىنان ولكەسى لوياڭ اۋدانى لۋانچۋان اۋدانى شيننان قىستاعىنىڭ تىنىشتىعىن بۇزدى.
«بىلتىر 50 مىڭ يۋان تازا كىرىس كىرگىزدىك، بيىل كوكتەم مەرەكەسىندە شارۋالار شاتتىعى ساياجايىندا بىردە - ءبىر بوس ءۇي قالمادى!» قىستاق تۇرعىنى چياۋ ليڭ لياڭپي جايماسىنىڭ الدىندا ەسەپ جاساۋمەن قاربالاس ەدى. «سول كەزدە تەمىر جول مەكەمەسىنىڭ قىستاقتا تۇراتىن كادرلارى ءبىزدىڭ شارۋالار شاتتىعى ساياجايىمەن شۇعىلدانۋىمىزعا وراي جاراتتى، مەن ءالى دە ورنىعا الماي جاتىرمىن، بۇل جول قازىر تابىس كوزىنە اينالدى» دەيدى ول.
تاۋلى وڭىردەن كوشىپ كەلىپ، شيننان قىستاعىنا ورنىققان تۇرعىندار كەزىندە اشۋعا مىنگەن بولاتىن. ولار جاڭا ۇيگە كىرگەنىمىزبەن، نەمەنەگە سۇيەنىپ كۇنەلتەمىز دەپ الاڭداعان ەدى.
2018 - جىلى باعىتتامالى كومەكتەسەتىن مەملەكەتتىك تەمىر جول توبى «تەمىر جول مادەنيەت فاكتورلارى + شوعىرلى كوشىرۋ + حالىقتىق تۇسەلحانا ساياحاتى» سىندى تەمىر جول شاعىن قالاشىق نىسانىن اتقارۋدى ۇيعاردى، 6 ميلليون 80 مىڭ يۋان قارجى دەرەۋ تياناقتاندى، پويەز پاراۆوزى، ۆاگون سياقتى تەمىر جول جاراقسىز زاتتارى شيننان قىستاعىنىڭ شوعىرلى كوشىرۋ تۇيىنىنە جەتكىزىلىپ، تەمىر جول مادەنيەت كورىنىسى مەن پويەز تاقىرىپتىق اسحاناسى سالىندى. «تۇنىق سۋ، جاسىل تاۋ − باعالى بايلىق، شارۋالار مەيمانحاناسىن سالعان سوڭ، كورىنىس وڭىرلەرىندەگى ساياحاتشىلار قىستاققا كەلىپ تاماقتانادى، ساياحاتتىق تۇتىنۋ جاعىندا قوماقتى ناتيجە جاراتۋعا مۇمكىندىك بار». مەملەكەتتىك تەمىر جول توبى لۋانچۋان اۋدانى شيننان قىستاعىنىڭ كەدەيلەردى سۇيەمەلدەۋ كادرى ۋاڭ يانحۇي قىستاق تۇرعىندارىنا وسىلايشا ۇزاق بولاشاقتىق ەسەپ جاسادى.
چياۋ ليڭ قىستاقتا تۇڭعىش رەت شارۋالار مەيمانحاناسىن، شارۋالار اسحاناسىن جانە قوسىمشا ازىق - تۇلىك دۇكەنىن اشتى. تاۋ قويناۋىنان، بامبۇك ورمانىنان، جابايى حايۋاناتتار باقشاسىنان نەبارى 40 مينۋت قاشىقتىقتاعى قولايلى جاعراپيالىق ورىننىڭ، سونداي - اق ۇلتتىق سالت - سانا شاعىن مەيمانحانالارى مەن ساپالى قىزمەت وتەۋدىڭ ارقاسىندا چياۋ ليڭنىڭ شارۋالار شاتتىعى ساياجايلارىنىڭ ساۋداسى بىرتىندەپ كۇسەت بولدى. ول: «بىلتىر ىندەتتىڭ ىقپالىنا ۇشىراعانىمىزبەن، ‹1 – مامىردان› كەيىنگى اپتا سوڭدارىندا نەگىزىنەن وتە قاربالاس بولدىم!» دەدى.
2019 - جىلى تەمىر جول شاعىن قالاشىعى نىسانى ىسكە قوسىلعاننان بەرى لۋانچۋان ساياحات جانە اۋىل شارۋاشىلىق ونىمدەرى الەۋمەتتىك يگىلىك جارناماسى پويەز بەكەتى مەن پويەزدەرگە شىعارىلدى، لۋانچۋان ساياحات ارناۋلى پويەزى 13 مىڭ 694 ساياحاتشىنى جەرگىلىكتى ورىنعا ساياحاتتاي بارۋعا جەتكىزدى، 300 دەن استام كەدەي ەڭبەككۇشتى اۋىل - قىستاق ساياحات تۇتىنۋ كاسىبىن دامىتۋعا ات سالىسۋعا باستادى، سول جىلى ءاربىر وتباسىنىڭ ورتاشا كىرىسى 5 مىڭ يۋاننان 25 مىڭ يۋانعا دەيىن ارتتى. «لۋانچۋان اسەرى» اتىنداعى تۇتاس وڭىرلىك ايگىلى ونىمدەر «ۆوكزالعا كىرىپ، پويەزدەرگە شىعارىلۋمەن» بىرگە، ينتەرنەت ارقىلى بۇكىل ەلدىڭ جەر - جەرىنە ساتىلىپ، 5 مىڭ 250 كەدەيدىڭ كىرىستى جىلىنا ورتا ەسەپپەن ءبىر مىڭ 100 يۋاننان استام ارتتىرۋىنا جەتەكتەدى.
باعىتتامالى ساتۋ، ساتىپ الۋ ارقىلى كومەكتەسۋ، ساتىپ الۋ ارقىلى جىلۋ اتاۋ، تىكە تاراتۋ ارقىلى زات ساتۋ دابىرالى جۇرگىزىلدى... مەملەكەتتىك دامۋ جانە رەفورما كوميتەتىنىڭ ساناعىنا قاراعاندا، 2019 - جىلدىڭ باسىنان 2020 - جىلدىڭ سوڭىنا دەيىن جەر - جەر، تاراۋلار كەدەي وڭىرلەردەن تىكەلەي ساتىپ العان نەمەسە ساتۋعا كومەكتەسكەن ەرەكشە اۋىل شارۋاشىلىق ونىمدەرىنىڭ ساۋداسى 600 ميلليارد يۋاننان اسقان. مۇنىڭ ىشىندە 2020 – جىلى 440 ميلليارد يۋاننان اسقان، بۇل 2019 – جىلداعىنىڭ 2 ەسەسىنەن جوعارى.
«بيىل كوكتەم مەرەكەسىندە مىنا قوناقجايدىڭ اتى شىقتى، بىرەۋلەر سول جەردىڭ وزىندە ‹1 – مامىر› بولمەسىنە الدىن الا تاپسىرىس بەردى!» ساعات 6 دان باستاپ وشاق الدىندا قاربالاس جۇمىس ىستەگەنىمەن، چياۋ ليڭ ءماز - مايرام بولىپ: «بۇل كۇندەر وتە كوڭىلدى بولۋدا» دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
