الدىڭعى 2 ايدا قازىنالىق كىرىس سايكەس مەزگىلدەگىدەن %18.7 ارتتى
قازىنالىق شىعىس %10.5 ارتتى، وقۋ – اعارتۋ، قوعامدىق قامتاماسىزداندىرۋ جانە جۇمىستاندىرۋ، دەنساۋلىق ساقتاۋ شىعىسى ءبىرشاما تەز ارتتى
2021.03.19 16:15 كەلۋ قاينارى : حالىق تورابى
«حالىق گازەتى»، 3 - ايدىڭ 18 - كۇنى، بەيجيڭ (ءتىلشى چۇي جىحان). قازىنا مينيسترلىگى بۇگىن 1 - ايدان 2 - ايعا دەيىنگى بۇكىل ەلدىڭ قازىنا كىرىس – شىعىس جاعدايىن جاريالادى: ەكونوميكانىڭ ءۇرتىس ورنىقتى قالپىنا كەلۋى، سونداي – اق وتكەن جىلعى ۇقساس مەزگىلدەگى كىرىستىڭ نەگىزدىك سانى ءبىرشاما تومەن بولۋى سەبەبىنەن بيىل 1 - ايدان 2 - ايعا دەيىن بۇكىل ەلدىڭ قازىنا كىرىسى 4 تريلليون 180 ميلليارد 500 ميلليون يۋان بولىپ، سايكەس مەزگىلدەگىدەن %18.7 ارتقان. مۇنىڭ ىشىندە ورتالىقتىڭ ادەتتەگى الەۋمەتتىك مەجە ەسەپ كىرىسى 2 تريلليون 45 ميلليارد 800 ميلليون يۋان بولىپ، سايكەس مەزگىلدەگىدەن %18.7 ارتقان؛ جەرگىلىكتى ورىنداردىڭ ادەتتەگى الەۋمەتتىك مەجە ەسەپ كىرىسى 2 تريلليون 134 ميلليارد 700 ميلليون يۋان بولىپ، سايكەس مەزگىلدەگىدەن %18.7 ارتقان.
وتكەن جىلعى ۇقساس مەزگىلدەگى ءىشىنارا نىسانداردىڭ شىعىس اياق الىسىنىڭ باياۋلاۋى، نەگىزدىك سانى ءبىرشاما تومەن بولۋى سىندى فاكتورلاردىڭ ىقپالىنان بيىل 1 - ايدان 2 - ايعا دەيىن بۇكىل ەل بويىنشا قازىنالىق شىعىس 3 تريلليون 573 ميلليارد 300 ميلليون يۋان بولىپ، سايكەس مەزگىلدەگىدەن %10.5 ارتقان. تۇرگە ءبولىپ قاراعاندا، كوپتەگەن ءتۇيىندى شىعىس ءبىرشاما تەز ارتقان، مۇنىڭ ىشىندە وقۋ – اعارتۋ، قوعامدىق قامتاماسىزداندىرۋ جانە جۇمىستاندىرۋ، دەنساۋلىق ساقتاۋ، سالاماتتىق شىعىسى سايكەس مەزگىلدەگىدەن جەكە – جەكە %16.2، %10.5، %13.2 ارتقان.
بيىل 1 - ايدان 2 - ايعا دەيىن بۇكىل ەل بويىنشا سالىق كىرىسى 3 تريلليون 706 ميلليارد 400 ميلليون يۋان بولىپ، سايكەس مەزگىلدەگىدەن %18.9 ارتقان. مۇنىڭ ىشىندە ەل ىشىندەگى ارتقان قۇن سالىعى %19.9 ارتقان، باستىسى، ونەركاسىپ، قىزمەت وتەۋ كاسىبىنىڭ ارتقان قۇنى جوعارىلاعان، سونداي - اق ونەركاسىپ ونىمدەرىنىڭ زاۆودتان شىعۋ باعاسىنىڭ جوعارىلاۋى سياقتىلار دەمەۋشىلىك رول اتقارعان. كاسىپورىنداردىڭ تابىس سالىعى سايكەس مەزگىلدەگىدەن %13.2 ارتقان، باستىسى كاسىپورىنداردىڭ پايداسى ورنىقتى ارتقان. جەكەلەر تابىس سالىعى سايكەس مەزگىلدەگىدەن %3.1 ارتقان، باستىسى بيىل كوكتەم مەرەكەسى بىلتىرعىدان جاي كەلىپ، جۇمىسشى – قىزمەتشىلەرگە شوعىرلى تاراتىلعان جىلدىق سيلىق سياقتىلاردان الىناتىن جەكەلەر تابىس سالىعى قازىناعا 3 – ايدا كىرگەن.
بيىل جەرگىلىكتى ۇكىمەتتىڭ ارناۋلى زايومىنا 3 تريلليون 650 ميلليارد يۋان ورنالاستىرىلماق. 1 - ايدان 2 - ايعا دەيىن بۇكىل ەل بويىنشا جەرگىلىكتى ۇكىمەت زايومى 418 ميلليارد 100 ميلليون يۋان تاراتىلىپ، تۇگەلدەي قايتالاي قارجى قۇراۋ زايومى بولدى. 3 - ايدىڭ باسىندا قازىنا مينيسترلىگى ءتارتىپ بويىنشا جەر – جەردىڭ جاڭادان ارتقان ءبىر ءبولىم ارناۋلى زايوم سوماسى بويىنشا الدىن الا ءبىر تريلليون 770 ميلليارد يۋان بوساتتى ءارى جەرگىلىكتى ورىنداردان ارناۋلى زايوم سوماسىن ناقتى نىساندارعا تەزىرەك ۇيلەستىرۋدى تالاپ ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
