شينجياڭ بيىل 350 ماڭىزدى نىساندى ورنالاستىردى
2021.03.24 12:05 كەلۋ قاينارى : حالىق تورابى
شينجياڭ گازەتىنىڭ 3 - ايدىڭ 22 - كۇنى ۇرىمجىدەن بەرگەن حابارى. بيىل شينجياڭ ءتۇيىندى نىسانداردان 350ىن ورنالاستىردى، بۇعان جيىنى ءبىر تريلليون 649 ميلليارد 300 ميلليون يۋان قارجى قوسىلادى، جوسپار بويىنشا 240 ميلليارد يۋاننان استام قارجى تياناقتانىپ، سۋ يگىلىگى، قاتىناس، ەنەرگيا، كاسىپ سالاسى جانە حالىق تۇرمىسى سياقتى 5 سالانى قامتيدى.
نىسان قۇرىلىسىن ويداعىداي يگەرۋ − شينجياڭنىڭ جوعارى ساپالى دامۋىنداعى كوكەي كەستى مىندەتى، ءارى ەكونوميكانىڭ جوعارى ساپالى دامۋىن جەبەۋدەگى ۇزاق ۋاقىتتىق شارا. جۋىردا، 2021 - جىلعى شينجياڭ ۇيعۇر اۆتونوميالى رايونىنىڭ ءتۇيىندى نىسان جوسپارى شينجياڭ ۇيعۇر اۆتونوميالى رايوندىق حالىق ۇكىمەتىنىڭ رەسمي بەكىتۋىنەن ٶتتى، بۇل 350 ءتۇرلى ٴتۇيىندى نىساندى قامتيدى، مۇنىڭ ىشىندە جالعاستى سالىناتىن نىساندار 160 ءتۇرلى، بۇعان جيىنى 792 ميلليارد 200 ميلليون يۋان قارجى قوسىلادى، جوسپار بويىنشا 164 ميلليارد 800 ميلليون يۋان قارجى تياناقتاندى؛ جاڭادان سالىناتىن نىساندار 80 ءتۇرلى، بۇعان جيىنى 290 ميلليارد 500 ميلليون يۋان قارجى قوسىلادى، جوسپار بويىنشا 77 ميلليارد 600 ميلليون يۋان قارجى تياناقتاندى؛ زاپاس نىساندار 110 ءتۇرلى، جيىنى 566 ميلليارد 600 ميلليون يۋان قارجى قوسىلاتىندىعى مەجەلەنۋدە.
كاسىپ تۇرلەرى بويىنشا قاراعاندا: سۋ يگىلىگى نىسانى 46 ءتۇرلى، نەگىزىنەن سۋ ساقتاۋ، سۋ جىبەرۋ، سۋ ۇنەمدەۋ سياقتى ءتۇيىندى ينجەنەريالاردى قامتيدى؛ قاتىناس نىسانى 92 ءتۇرلى، نەگىزىنەن تەمىر جول، تاس جول قاتارلى ءتۇيىندى ينجەنەريالاردى قامتيدى؛ ەنەرگيا نىسانى 69 ءتۇرلى، نەگىزىنەن ەلەكتر قۋاتى، ەلەكتر جەلىسى، مۇناي - تابيعي گاز، كومىر، كومىر - حيميا ونەركاسىبى سياقتى ءتۇيىندى ينجەنەريالاردى قامتيدى؛ كاسىپ سالاسى نىسانى 50 ءتۇرلى، نەگىزىنەن جاڭادان گۇلدەنگەن كاسىپ سالاسى، توقىماشىلىق، كيىم - كەشەك، مۇناي حيميا، حيميا ونەركاسىپ، ونەركاسىپتىك جاساۋ، ەكونوميكا - ساۋدا، زات اينالىمى سياقتى ءتۇيىندى ينجەنەريالاردى قامتيدى؛ حالىق تۇرمىسى نىسانى 93 ءتۇرلى، نەگىزىنەن عىلىم - تەحنيكا، وقۋ - اعارتۋ، مادەنيەت، ساياحات، دەنساۋلىق ساقتاۋ، دەنە تاربيە، ەكولوگيالىق ورتانى قورعاۋ، اۋىل شارۋاشىلىعى، ورمان، مال شارۋاشىلىعى، قالا - قالاشىق قۇرىلىسى سياقتى ءتۇيىندى ينجەنەريالاردى قامتيدى.
ءتۇيىندى نىسانداردى جوعارى ساپامەن سالىپ، پايدالانۋعا بەرۋدى ىلگەرىلەتۋ ءۇشىن، بيىل شينجياڭ ۇيعۇر اۆتونوميالى رايونى ءتۇيىندى كورنەكتىلەندىرىپ، جالعاستى سالىناتىن نىسانداردى ويداعىداي يگەرىپ، 3 - ايدىڭ 20 - كۇنىنەن بۇرىن وڭتۇستىك شينجياڭدا سالىنىپ جاتقان بارلىق نىساندار قۇرىلىسىنىڭ جۇمىسىن قايتا باستاۋعا، 4 - ايدىڭ 10 - كۇنىنەن بۇرىن سولتۇستىك شينجياڭداعى، شىعىس شينجياڭداعى سالىنىپ جاتقان بارلىق قۇرىلىس نىساندارىنىڭ جۇمىسىن قايتا باستاۋعا شىنايى كەپىلدىك ەتىپ، جاڭادان سالىناتىن نىسانداردىڭ دەر كەزىندە قۇرىلىس باستاۋىن پارمەندى جەبەيدى، تۇتاس شينجياڭداعى 90％تەن استام جاڭادان سالىناتىن نىسانداردىڭ 6 - ايدىڭ سوڭىنان بۇرىن قۇرىلىس باستاۋىنا، 9 - ايدىڭ سوڭىنان بۇرىن بارلىعىنىڭ قۇرىلىس باستاۋىنا بارىنشا كۇش سالادى. سونىمەن قاتار، زاپاس نىسانداردىڭ باستاپقى مەزگىلدەگى قىزمەتىن تىڭعىلىقتى ىلگەرىلەتىپ، قۇرىلىس باستاعان نىسانداردىڭ يگىلىككە جاراۋ مولشەرىن اناعۇرلىم جوعارىلاتادى. 3 - ايدىڭ 20 - كۇنىنە دەيىن جالعاستى سالىناتىن قۇرىلىس نىساندارىنىڭ قايتا جۇمىس باستاۋ سالىستىرماسى ％54.8كە جەتىپ، وڭتۇستىك شينجياڭداعى 35 ءتۇيىندى نىساننىڭ بارلىعى قايتا جۇمىس باستادى، جاڭادان سالىناتىن 18 نىسان قۇرىلىسى جۇمىس باستادى.
شينجياڭ ۇيعۇر اۆتونوميالى رايوندىق دامىتۋ جانە رەفورمالاۋ كوميتەتى نىسانداردى ىلگەرىلەتۋدىڭ ءونىمدى شاراسىنان اۋىتقىماۋعا تاباندى بولىپ، ءتۇيىندى نىسانداردىڭ العاشقى مەزگىلدەگى قىزمەتىن ىلگەرىلەتۋدى جەدەلدەتىپ، ءتۇيىندى نىسانداردى فاكتورلارمەن قامتاماسىز ەتۋدى جان - جاقتى ويداعىداي ىستەپ، قىزمەتتە بىرىككەن كۇش قالىپتاستىرىپ، ءتۇيىندى مىندەتتەر مەن شەشۋشى بۋىنداردى قاداعالاپ، نىسان قۇرىلىسىنداعى ءتۇرلى ماسەلەلەردى دەر كەزىندە سايكەستىرىپ شەشىپ، ءتۇيىندى نىسانداردى جوعارى ساپامەن سالىپ، پايدالانۋعا بەرۋدى ىلگەرىلەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
