جۇڭگو مەن كۆەيتتىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن
شي جينپيڭ مەن كۆەيتتىڭ ءامىرى نواف ءبىر - بىرىنە قۇتتىقتاۋ تەلەگرامماسىن جولدادى
لي كىچياڭ مەن كۆەيتتىڭ باس ءۋازىرى ساباح ءبىر - بىرىنە قۇتتىقتاۋ تەلەگرامماسىن جولدادى
2021.03.23 16:09 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 22 - كۇنى، بەيجيڭ. 3 - ايدىڭ 22 - كۇنى مەملەكەت ءتوراعاسى شي جينپيڭ مەن كۆەيتتىڭ ءامىرى نواف ءبىر - بىرىنە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن كۆەيت ديپلوماتيالىق قاتىناس ورناتقان جارتى عاسىردان بەرى ەكى ەلدىڭ ءداستۇرلى دوستىعى ۋاقىت وتكەن سايىن بەكەمدەلە ءتۇستى. تاياۋ جىلداردان بەرى ەكى ەل ستراتەگيالىق سەرىكتەستىك قاتىناس ورناتىپ، ساياسي ءوزارا سەنىمدىلىك كۇن سايىن تەرەڭدەپ، ءار سالاداعى سەلبەستىكتە سۇبەلى تابىستارعا قول جەتكىزىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءبىرىن - ءبىرى ءتۇسىنىپ، ءبىرىن - ءبىرى قولداپ، حالىقارالىق جانە وڭىرلىك ىستەردە تىعىز سايكەستى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ەكى جاق ءبىر جاعادان باس، ءبىر جەڭنەن قول شىعارىپ، ىندەتكە بىرگە قارسى اتتاندى، بۇل ەكى ەل قاتىناسىنىڭ جوعارى دەڭگەيىن ايگىلەدى. مەن جۇڭگو - كۆەيت قاتىناسىنىڭ دامۋىنا ايرىقشا ءمان بەرەمىن، ءامىر نوافپەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، ءداستۇرلى دوستىقتى ساۋلەلەندىرىپ، «ءبىر بەلدەۋ، ءبىر جولدى» بىرگە قۇرۋ اياسىندا ءار سالاداعى سەلبەستىكتى تەرەڭدەتىپ، ەكى ەلگە جانە ەكى ەل حالىقتارىنا باقىت جاراتۋدى قالايمىن.
نواف قۇتتىقتاۋ تەلەگرامماسىندا مىنانى ءبىلدىردى: كۆەيت پەن جۇڭگونىڭ قاتىناسى بەرىك ءارى ۇزدىكسىز دامىپ، تەرەڭدەدى. ەكى جاق ستراتەگيالىق سەرىكتەستىك قاتىناس جۇلگەسىندەگى كوپتەگەن كەلەلى نىسان جونىندە سەلبەستىك ورىستەتىپ، حالىقارالىق جانە وڭىرلىك ماسەلەلەردە پىكىرلەسۋدى، سايكەسۋدى جالعاستىرىپ، دۇنيە ءجۇزىنىڭ بەيبىتشىلىگى مەن حاۋىپسىزدىگىن بىرگە قورعادى. جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى ەل بەلسەندى سايكەسىپ، تىعىز سەلبەستىك ورىستەتتى. مەن ەكى جاقتى قاتىناستى ونان ارى كۇشەيتىپ، ءار سالاداعى سەلبەستىكتى جوعارىلاتۋدى جانە كەڭەيتۋدى ءۇمىت ەتەمىن.
سول كۇنى مەملەكەتتىك كەڭەستىڭ زۇڭليى لي كىچياڭ مەن كۆەيتتىڭ باس ءۋازىرى ساباح ءبىر - بىرىنە قۇتتىقتاۋ تەلەگرامماسىن جولدادى. لي كىچياڭ قۇتتىقتاۋ تەلەگرامماسىندا مىنانى ءبىلدىردى: جۇڭگو مەن كۆەيت ديپلوماتيالىق قاتىناس ورناتقان 50 جىلدان بەرى ەكى جاقتى قاتىناس ءساتتى دامىپ، ساياسي ءوزارا سەنىمدىلىك كۇن سايىن بەكەمدەلىپ، « ءبىر بەلدەۋ، ءبىر جولدى» بىرگە قۇرۋ سەلبەستىگى ورنىقتى ىلگەرىلەپ، ەنەرگيا، نەگىزدىك قۇرىلعى، فينانس، گۋمانيتارلىق سالالارداعى سەلبەستىك ناتيجەلى بولىپ، ەكى ەل حالىقتارىنىڭ ءوزارا ءتۇسىنىسۋى مەن دوستىعى ۇزدىكسىز تەرەڭدەدى. جۇڭگو جاق كۆەيت جاقپەن بىرگە جۇڭگو - كۆەيت ستراتەگيالىق سەرىكتەستىك قاتىناسىنىڭ اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى قالايدى.
ساباح قۇتتىقتاۋ تەلەگرامماسىندا مىنانى ءبىلدىردى: كۆەيت پەن جۇڭگونىڭ دوستىق قاتىناسى بەرىك، قويۋ، سەلبەستىكتە سۇبەلى تابىستارعا قول جەتكىزدى. كۆەيت كۆەيت پەن جۇڭگونىڭ دوستىق قاتىناسىنا ايرىقشا ءمان بەرەدى، جۇڭگومەن بىرگە ەكى جاقتىڭ ستراتەگيالىق قاتىناس دەڭگەيىن جان - جاقتى جوعارىلاتىپ، دوس ەكى ەل مەن ەكى ەل حالىقتارىنىڭ ءۇمىتىن جۇزەگە اسىرۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
