شي جينپيڭ گەرمانيانىڭ زۇڭليى مەركەلمەن تەلەفوندا سويلەستى
2021.04.08 14:07 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 7 - كۇنى، بەيجيڭ. مەملەكەت ءتوراعاسى شي جينپيڭ 4 - ايدىڭ 7 - كۇنى ۋادە بويىنشا گەرمانيانىڭ زۇڭليى مەركەلمەن تەلەفوندا سويلەستى.
شي جينپيڭ بىلاي دەپ دارىپتەدى: بىلتىر ءبىز تالاي رەت پىكىرلەسىپ، جۇڭگو - گەرمانيا، جۇڭگو - ەۆروپا قاتىناسىنىڭ دامۋىندا ماڭىزدى جەتەكشىلىك رول اتقاردىق. جۇڭگو مەن گەرمانيا، جۇڭگو مەن ەۆروپا سەلبەستىكتى كۇشەيتىپ، ءماندى ءىرى ىستەردى ىستەي الادى. گەرمانيانىڭ، ەۆروپانىڭ جۇڭگومەن بىرگە بەلسەندى قۇلشىنىس جاساپ، جۇڭگو - گەرمانيا، جۇڭگو - ەۆروپا سەلبەستىگىنىڭ اقاۋسىز، ورنىقتى دامۋىن قورعاپ جانە ىلگەرىلەتىپ، وسى قۇبىلمالى دۇنيە جۇزىنە اناعۇرلىم كوپ تۇراقتىلىق جانە ورنىقتىلىق ۇستەۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جۇڭگو مەن گەرمانيانىڭ ناقتى سەلبەستىگى جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جانە باسقا دا فاكتورلاردىڭ كەدەرگىسىن جەڭىپ، ورنىقتىلىق بارىسىندا ىلگەرىلەدى، جۇڭگو ءۇرتىس 5 جىل گەرمانيانىڭ دۇنيە جۇزىندەگى ەڭ ۇلكەن ساۋدا سەرىگىنە اينالىپ، جۇڭگو - گەرمانيا سەلبەستىگىنىڭ سەرپىمدىلىگى مەن كومەسكى كۇشىن ايگىلەدى. ەكى جاقتىڭ ءوزارا قۇرمەت ەتۋ، ءوزارا پايدا جەتكىزىپ، تەڭ يگىلىككە كەنەلۋ رۋحى بويىنشا جۇڭگو مەن گەرمانيانىڭ ءار سالاداعى سەلبەستىگىن ءبىر تۇتاس ىلگەرىلەتۋىن ءۇمىت ەتەمىن، بۇل جۇڭگو - ەۆروپا سەلبەستىگىنە جانە دۇنيە ءجۇزى ەكونوميكاسىن قايتا سەرپىلتۋگە سەنىم جانە قوزعاۋشى كۇش قوسۋعا پايدالى. جۇڭگو جاڭا دامۋ جاعدايىن بەلسەنە قالىپتاستىرىپ، ءوز كۇشىنە سۇيەنىپ دامۋمەن بىرگە، سىرتقا ەسىك اشۋدا تاباندى بولىپ، حالىقارالىق جۇمىس ءبولىسى سەلبەستىگىنە بەلسەنە ات سالىسۋدا. جۇڭگو گەرمانيا كاسىپورىندارىن قامتىعان ءار ەل كاسىپورىندارىمەن جۇڭگونىڭ جاڭا كەزەكتى اشىق دامۋى الا كەلگەن ورايدان بىرگە يگىلىكتەنۋدى قالايدى. گەرمانيانىڭ ەسىك اشۋدى جالعاستىرىپ، ەكى ەل كاسىپورىندارىنىڭ ءوزارا ءتيىمدى سەلبەستىكتى كەڭەيتۋىنە اناعۇرلىم كوپ قولايلىلىق جاراتۋىن ءۇمىت ەتەمىن. ەكى جاق كەلەر جىلى جۇڭگو مەن گەرمانيانىڭ ديپلوماتيالىق قاتىناس ورناتقانىنىڭ 50 جىلدىعىن جانە بەيجيڭ قىسقى وليمپياداسىن وراي ەتىپ، عىلىم - تەحنيكا، وقۋ - اعارتۋ، مادەنيەت، دەنەتاربيە سياقتى سالالارداعى اۋىس - كۇيىستى ىلگەرىلەتۋى كەرەك.
شي جينپيڭ بىلاي دەپ دارىپتەدى: قازىر جۇڭگو - ەۆروپا قاتىناسى جاڭا دامۋ ورايىنا، سونداي - اق ءتۇرلى سىن - سايىسقا ءدوپ كەلىپ وتىر. مۇنداعى شەشۋشى ءتۇيىن جۇڭگو - ەۆروپا قاتىناسى دامۋىنىڭ جالپى بەتالىسى مەن نەگىزگى اۋەنىن ستراتەگيالىق تۇرعىدان مىقتاپ يگەرىپ، ءوزارا قۇرمەت ەتىپ، كەدەرگىلەردى الاستاۋدا. جۇڭگونىڭ دامۋى ەۆروپا وداعى جونىنەن وراي، ەۆروپا وداعىنىڭ دەربەس دۇرىس تۇجىرىم جاساپ، ستراتەگيالىق دەربەستىكتى شىن مانىندە جۇزەگە اسىرۋىن ءۇمىت ەتەمىن. جۇڭگو ەۆروپا جاقپەن بىرگە قۇلشىنىپ، كەلەسى كەزەڭدەگى ءبىرقىدىرۋ ماڭىزدى ساياسي كۇن ءتارتىبىن ويداعىداي اقىلداسىپ، ءار سالاداعى ناقتى سەلبەستىكتى تەرەڭدەتىپ جانە كەڭەيتىپ، كليمات وزگەرىسى سياقتى دۇنيە جۇزىلىك جونگە سالۋ ماسەلەسىندە تىلدەسۋدى كۇشەيتىپ، كوپ جاقتىلىقتى امالياتتا بىرگە ايگىلەۋدى قالايدى.
شي جينپيڭ بىلاي دەپ اتاپ كورسەتتى: ۆاكسينا اۋرۋدان ساقتانۋ، ادامدى قۇتقارۋ ءۇشىن پايدالانىلادى، جۇڭگو ۆاكسينانى ساياسيلاندىرۋعا نەمەسە «ۆاكسينا ۇلتشىلدىعىنا» قارسى تۇرادى، گەرمانيانى قامتىعان حالىقارالىق قوعاممەن بىرگە ۆاكسينانىڭ ءادىل، ۇيلەسىمدى ءبولىسىن جەبەپ، قالىڭ دامۋ ۇستىندەگى ەلدەردىڭ ۆاكسينا الۋىنا قولداۋ كورسەتىپ جانە كومەكتەسىپ، ادامزاتتىڭ ىندەتتى ەرتەرەك جەڭۋىنە ۇلەس قوسۋدى قالايدى.
مەركەل مىنانى ءبىلدىردى: ەۆروپا سىرتقى قاتىناس جاعىندا ءوز الدىنا شەشىم جاساۋدان جازبايدى. بۇگىنگى دۇنيە ءجۇزى كوپتەگەن ماسەلە مەن سىن - سايىسقا ءدوپ كەلىپ وتىر، گەرمانيا مەن جۇڭگونىڭ، ەۆروپا مەن جۇڭگونىڭ سەلبەسىپ توتەپ بەرۋىن ءتىپتى دە قاجەت ەتەدى. ەۆروپا مەن جۇڭگونىڭ تىلدەسۋدى، سەلبەستىكتى كۇشەيتۋى ەكى جاقتىڭ مۇددەسىنە ۇيلەسىپ قانا قويماي، دۇنيە جۇزىنە دە ءتيىمدى، گەرمانيا وسى ءۇشىن بەلسەندى رول اتقارۋدى قالايدى. گەرمانيا جۇڭگونىڭ «14 - بەسجىلدىق» جوباسىنا ءمان بەرەدى، مۇنىڭ گەرمانيا - جۇڭگو، ەۆروپا - جۇڭگو سەلبەستىگىنە تىڭ دا ماڭىزدى وراي اكەلۋىن ءۇمىت ەتەدى. گەرمانيا جۇڭگومەن بىرگە جاڭا كەزەكتى گەرمانيا - جۇڭگو ۇكىمەتىنىڭ كەڭەسىنە ويداعىداي دايىندالىپ، ادامداردىڭ بارىس - كەلىسىن تەز ارادا قالپىنا كەلتىرىپ، ىندەتكە قارسى اتتانۋ، كليمات وزگەرىسى، ورگانيزمدەردىڭ الۋان تۇرلىلىگى سياقتى سالالارداعى اۋىس - كۇيىستى، سەلبەستىكتى كۇشەيتىپ، ۆاكسينانى ءادىل ءبولۋ، ءوزارا مويىنداۋ سياقتى ماسەلەلەر جونىندە جۇڭگومەن قاتىناستى جالعاستىرۋدى ءۇمىت ەتەدى. گەرمانيا كۇنميڭدەگى ورگانيزمدەردىڭ الۋان تۇرلىلىگى جينالىسىنىڭ تابىستى بولۋىنا ۇلەس قوسۋعا پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
