كەلەلى نىسان قاشقارعا تىڭ ومىرشەڭدىك كۇش ۇستەدى
2021.06.03 14:33 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى حان چين - يان 6 - ايدىڭ 1 - كۇنى قاشقاردان حابارلايدى. ”اراتاش سۋ يگىلىگى تورابى ينجەنەرياسىندا تومەنگى تيەگىن بەكىتىپ سۋ ساقتاۋ، جەلىنى بىرىكتىرىپ توك تاراتۋ ياركەن وزەنى الابىندا مىڭ جىلدار بويىنا جالعاسقان سۋ اپاتىنان قۇتىلدىردى“. 5 - ايدىڭ 31 - كۇنى قاشقار ايماقتىق دامۋ جانە رەفورما كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى چىن ۋيدۇڭ ياركەن وزەنىنىڭ تومەنگى اعارىندا تاسقىننان ساقتانۋ ولشەمىن 50 جىلدا ءبىر كەزدەسەتىن دارەجەگە جەتكىزگەندىكتەرىن ايتتى.
كەزەكتە شينجياڭداعى ەڭ ۇلكەن سۋ يگىلىگى ينجەنەرياسى رەتىندە اراتاش سۋ يگىلىگى تورابى ينجەنەرياسى مەملەكەتتىڭ ”13 - بەسجىلدىق“ كەزىندەگى 100 كەلەلى نىسان ينجەنەرياسىنىڭ ءبىرى، سونداي - اق مەملەكەتتىك كەڭەس جەدەل ىلگەرىلەتكەن 172 ءتۇرلى كەلەلى سۋ ۇنەمدەۋ، سۋمەن قامداۋ ينجەنەرياسىنىڭ ءبىرى.
اراتاش سۋ يگىلىگى تورابى ينجەنەرياسى تەك قاشقار ايماعىندا قۇرىلىس باستاعان قىرۋار كەلەلى نىساننىڭ ءبىرى. ”13 - بەسجىلدىق” كەزىندە قاشقار ايماعى 361 ءتۇرلى سۋ يگىلىگى، قاتىناس، ەنەرگيا، حالىق تۇرمىسى سىندى كەلەلى نىساندار قۇرىلىسىن جۇرگىزىپ، 153 ميلليارد 800 ميلليون يۋان قارجى قوستى. وسى نىسانداردىڭ سالىنىپ ىسكە قوسىلۋى قاشقاردىڭ ەكونوميكالىق قۇرىلىسىنا، قوعامدىق دامۋىنا، حالىق تۇرمىسىن جاقسارتۋعا پارمەندى كەپىلدىك ازىرلەپ، قاشقاردىڭ ەكونوميكالىق، قوعامدىق دامۋىنا تىڭ ومىرشەڭدىك كۇش ۇستەدى.
قارا قۇرىمتاۋىنان باستاۋ العان ياركەن وزەنىنىڭ جالپى ۇزىندىعى 1289 كيلومەتر، وزەن الابىندا 4 ميلليون ادام تىرشىلىك ەتەدى، سۋارمالى جالپى جەر اۋدانى 6 ميلليون 500 مىڭ مۋدان اسادى، شينجياڭداعى ەڭ ۇلكەن، بۇكىل ەل بويىنشا 4 - ۇلكەن سۋارمالى ءوڭىر ەسەپتەلەدى، دەسەدە، شينجياڭداعى تاسقىن اپاتى ەڭ كوپ تۋىلاتىن وزەن سانالادى. تاريحتان بەرى ياركەن وزەنىنىڭ سۋ اپاتى وزەن جاعالاۋىنداعى ءار ۇلت تۇرعىندارىنىڭ ءوندىرىس - تۇرمىسىنا اۋىر قاتەر ءتوندىرىپ كەلدى. ءار جىلى تاسقىن مەزگىلىندە وزەن الابىنداعى ％90تەن استام اۋىل - قىستاق ەڭبەككۇشتەرى تاسقىننان ساقتانۋعا ات سالىسىپ، قۇنى نەشە 100 ميلليون كەلەتىن زاتتىق ماتەريالدى ىسكە قوسادى.
1000 جىلعا جالعاسقان سۋ اپاتىن تۇبەگەيلى شەشۋ ءۇشىن، مەملەكەت اراتاش سۋ يگىلىگى تورابى ينجەنەرياسىن كەلەلى حالىق تۇرمىسى نىسانى رەتىندە كۇش سالا ىلگەرىلەتتى. ينجەنەريا جالپى بەتتىك سالىنىپ بولعاننان كەيىن، ياركەن وزەنىندەگى 1000 جىلعا جالعاسقان سۋ اپاتىن تۇبەگەيلى شەشىپ، جىلىنا تاسقىننان ساقتانۋعا جۇمسالاتىن قىرۋار ۇسىنىلىمدى ازايتتى، سونىمەن بىرگە تازا ەنەرگيامەن قامداپ، قىزىلسۋ، قاشقار، حوتان 3 ايماق، وبلىسىنىڭ ەلەكترمەن قامداۋى جەتىسپەۋ جاعدايىن جاقسارتىپ، وزەن الابى ەكولوگياسىن جاقسارتىپ، وڭتۇستىك شينجياڭنىڭ ەكونوميكاسىنىڭ، قوعامىنىڭ باياندى دامۋىن ىلگەرىلەتتى.
قاتىناس نەگىزدىك قۇرىلعىلار قۇرىلىسى كەلەلى نىساندارى ىشىندە وڭتۇستىك شينجياڭ تەمىر جولى كورلادان قاشقارعا دەيىنگى بولىگىندە جىلدامدىقتى تەزدەتىپ، قۋاتىن ارتتىرۋ، جاڭالاۋ ينجەنەرياسى ءساتتى اتقارىلدى، قاشقار پويەز ستانسياسىنىڭ جولاۋشى تاسمال پويەزى كەزىندەگى ۇرىمجىگە توتە باراتىن باعىتتاعى 2 جۇپ پويەزدان قازىر ءۇرىمجى، چىڭدۋ، شي - ان، قۇلجا، حوتان، ياركەن باعىتىنا جۇرەتىن 26 كەزەكشى پويەزعا كوبەيدى. تۇرپاننان حوتانعا دەيىنگى جوعارى جىلدامدىقتى تاس جولدىڭ (G3012) قاشقار (جاڭاءشار) - قاعىلىق - قاراقاشقا دەيىنگى بولىگىندە اۆتوكولىك قاتىناپ، قاشقار ايماعىنىڭ تاشقورعان تاجىك اۆتونوميالى اۋدانىنان باسقا جەرلەرىن جوعارى جىلدامدىقتى تاس جولىمەن تولىق قامتۋدى جۇزەگە اسىردى. حالىق تۇرمىسى ينجەنەرياسى بارىسىندا پايدالانۋعا بەرىلگەن قاشقار ايماعىنىڭ ”ءبىر قالا، ەكى اۋدان“ (قاشقار قالاسى، جاڭاءشار اۋدانى مەن كونەءشار اۋدانى)، مارالباسى اۋدانى جانە ءپايزاۋات اۋدانى قالا، اۋىلدارىنىڭ اۋىز سۋ حاۋىپسىزدىگى ينجەنەرياسى قالا، اۋىل تۇرعىندارىنىڭ اۋىز سۋ حاۋىپسىزدىگى دەڭگەيىن اناعۇرلىم جوعارىلاتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
