جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ بايلانىسىمەن «1 - شىلدە وردەنىن» بەرۋ سالتى بەيجيڭدە سالتاناتپەن وتكىزىلدى
شي جينپيڭ «1 - شىلدە وردەنىنىڭ» يەگەرلەرىنە وردەن بەردى ءارى ماڭىزدى ءسوز سويلەپ، مەملەكەتتىك «ەكى تاڭداۋلى، ءبىر وزاتتى» ماداقتاۋ - سيلاۋ وبيەكتىلەرىمەن كەزدەستى، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قيمىلعا قاتىناستى
2021.06.30 15:02 كەلۋ قاينارى : حالىق تورابى
«حالىق گازەتى»، 6 - ايدىڭ 29 – كۇنى، بەيجيڭ. ەلەۋلى ەڭبەك سىڭىرگەن ۇلگىلەر رۋحىن اسقاقتاتىپ، ۇلى گۇلدەنۋدىڭ جورىعىندا ۇدەرە العا تارتتى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ بايلانىسىمەن «1 - شىلدە وردەنىن» بەرۋ سالتى 6 - ايدىڭ 29 – كۇنى تۇستەن بۇرىن بەيجيڭدەگى حالىق سارايىنىڭ التىن ءتۇستى زالىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ «1 - شىلدە وردەنىنىڭ» يەگەرلەرىنە وردەن بەردى ءارى ماڭىزدى ءسوز سويلەدى. شي جينپيڭ مىنالاردى دارىپتەدى: 100 جىلدان بەرى نەشە ۇرپاق جۇڭگو كوممۋنيستەرى ۇلتتىڭ تاۋەلسىزدىگى مەن حالىقتىڭ ازاتتىعىنا قول جەتكىزۋ، مەملەكەتتىڭ قۇدىرەتتەنۋى مەن حالىقتىڭ باقىتىن جۇزەگە اسىرۋ ءۇشىن، الدىڭعىلارى جىعىلسا كەيىنگىلەرى ءىزىن باسىپ، قان كەشىپ شايقاس جاساپ، قاجىرلىلىقپەن كۇرەس جۇرگىزىپ، قالتقىسىز ۇلەس قوسىپ، ايبىندى ەرلىك جىرىن جازدى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ قارساڭىندا ءبىز وسى ارادا سالتاناتتى سالت وتكىزىپ، پارتيا ىشىندەگى ەڭ جوعارى داڭقتى پارتيا مەن حالىق ءۇشىن ەرەن ۇلەس قوسقان كوممۋنيستەرگە بەردىك.
شي جينپيڭ مىنالاردى اتاپ كورسەتتى: «1 - شىلدە وردەنىنىڭ» يەگەرلەرى تۇگەلدەي حالىقتان شىققان، حالىققا تامىر تارتقان، ءوز قىزمەتىن تياناق ەتكەن، ءۇن - ءتۇنسىز ۇلەس قوسقان قاراپايىم قاھارماندار. ولاردىڭ ىزگى ىستەرىن ۇيرەنۋگە، ىستەۋگە بولادى، ولاردىڭ رۋحىنا تالپىنۋعا جانە سونداي رۋحتى جەتىلدىرۋگە بولادى. ولار ءىس - ارەكەتتەرى ارقىلى مۇرات - سەنىمدى بەكەمدەپ، كۇرەس جىگەرىن شىڭداپ، تاباندىلىقتى نىعايتىپ، جايشىلىقتا بايقاپ، شەشۋشى ساتتە، قيىن - قىستاۋ ساتتە كەۋدە كەرىپ العا شىقسا بولعانى، ءاربىر پارتيا مۇشەسىنىڭ ۇلتتىڭ گۇلدەنۋى سىندى ۇلى ىستە پارتيا مەن حالىق ءۇشىن ۇلەس قوسا الاتىنىن دالەلدەدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، جاۋ لىجي، حان جىڭ، مەملەكەت ءتوراعاسىنىڭ ورىنباسارى ۋاڭ چيشان وردەن بەرۋ سالتىنا قاتىناستى. سالتتى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ باسقاردى.
ساعات 8 دەن 45 مينۋت وتكەندە «1 - شىلدە وردەنىنىڭ» يەگەرلەرى قۇرمەت قاراۋىلى كولىگىنە توپتىق وتىرىپ، قونالقى جەردەن جولعا شىعىپ، مەملەكەت قوناقتارىن قورعاۋشىلار اترەتىنىڭ قورعاۋىندا حالىق سارايىنا قاراي جول الدى. حالىق سارايىنىڭ شىعىس قاقپاسىنىڭ سىرتىندا قىزىل تۋدى بيىك ۇستاعان قۇرمەت قاراۋىلى جولدىڭ ەكى جاعىندا ساپ تۇزەپ تۇردى، 18 قۇرمەت قاراۋىلى باسپالداقتا مىلتىقتى سەرت ۇستاپ تۇردى، جاستار مەن ورەندەر قىزۋ مەرەيمەن الاقايلاپ قۇرمەت ءبىلدىردى. «1 - شىلدە وردەنىنىڭ» يەگەرلەرى قىزىل كىلەمدى بويلاپ باسپالداقپەن جوعارى كوتەرىلىپ، حالىق سارايىنىڭ شىعىس قاقپاسىنا كىردى. پارتيا مەن مەملەكەتتىڭ ەلەۋلى ەڭبەك ءسىڭىرىپ، داڭققا يە بولعانداردى ماداقتاۋ - سيلاۋ قىزمەت كوميتەتىندەگى قاتىستى باسشى جولداستار قاتارلىلار وسى ارادا ولاردى توپتىق قارسى الدى.
حالىق سارايىنىڭ 3 - قاباتىنداعى التىن ءتۇستى زال ايبىندى دا قىزۋ مەرەيگە شومدى. الىپ قىزىل ءتۇستى ارتقى كورىنىس تاقتاسىندا «1 - شىلدە وردەنىنىڭ» ورنەگى جارقىراپ تۇر. ارتقى كورىنىس تاقتاسىنىڭ الدىڭعى ەكى جاعىنا توعىزدان نارت قىزىل تۋ قويىلعان، ازاتتىق ارميانىڭ ايبىندى قۇرمەت قاراۋىلى اترەتىندەگى 18 قۇرمەت قاراۋىلى وردەن بەرۋ تۇعىرىنىڭ ەكى جاعىندا مىلتىقتى سەرت ۇستاپ تۇردى.
ساعات 9 دان 58 مينۋت وتكەندە ويناقى مۋزىكا ءۇنى ىشىندە شي جينپيڭ «1 - شىلدە وردەنىنىڭ» يەگەرلەرىمەن بىرگە ءماجىلىس زالىنا كىردى، تۇتاس الاڭداعىلار ورىندارىنان تۇرىپ، قىزۋ شاپالاق سوقتى.
ساعات ءدال 10 دا ازاتتىق ارميا اسكەري وركەسترىنىڭ كەرنايشىسى سالت دابىلىن قاعىپ، ماراپاتتاۋ سالتى باستالدى. وسىدان كەيىن «ەرىكتىلەر مارىشى» ورىندالىپ، تۇتاس الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى.
ۋاڭ حۋنيڭ «جۇڭگو كوممۋنيستىك پارتياسى ورتالىق كوميتەتىنىڭ <1 - شىلدە وردەنىن> بەرۋ جونىندەگى قارارىن» وقىدى. قاراردا مىنالار اتاپ كورسەتىلدى: جۇڭگو توڭكەرىسىنىڭ، قۇرىلىسىنىڭ، رەفورماسىنىڭ ءارقايسى تاريحي كەزەڭىندە پارتيا مەن حالىق ىستەرى ءۇشىن ءومىر بويى تالىقپاي تالپىنىپ، ءۇن - ءتۇنسىز ۇلەس قوسقان، ۇلەسى ەلەۋلى، ءمورالى وسكەلەڭ ەڭبەك سىڭىرگەن ۇلگىلى پارتيا مۇشەلەرىن سالتاناتتى تۇردە ماداقتاپ – سيلاپ، بۇكىل پارتيانى اۋەلگى ماقساتتان، بورىشتان اينىماۋعا، ادال، كىرشىكسىز بولۋعا، جاۋاپكەرلىك ارقالاۋعا ىنتالاندىرۋ ءۇشىن، پارتيا ورتالىق كوميتەتى ما ماۋجيە قاتارلى 29 جولداسقا «1 - شىلدە وردەنىن» بەرۋدى ۇيعاردى (قاراردىڭ تولىق مازمۇنىن «حالىق گازەتىنىڭ» 4 - بەتىنەن وقي الاسىزدار).
2 تۋ ۇستاۋشى پارتيا تۋىن بيىك ۇستاپ، ءبىر قۇرمەت قاراۋىلى «1 - شىلدە وردەنىن» كوتەرىپ، نىق قاداممەن سالت وتكىزىلەتىن ورىنعا قاراي ءجۇردى.
ايبىندى «ادالدىق جىرى» اتتى مۋزىكا ءۇنى ىشىندە شي جينپيڭ «1 - شىلدە وردەنىنىڭ» يەگەرلەرىنە وردەن بەردى ءارى ولارمەن ىقىلاسپەن قول الىسىپ، قۇتتىقتادى، تۇتاس الاڭنان دۋ قول شاپالاق ءۇنى كوتەرىلدى. پيونەرلەر وردەننىڭ يەگەرلەرىنە اسەم گۇل ۇسىنىپ، قۇرمەت ءبىلدىردى.
تۇتاس الاڭدا كوتەرىلگەن دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى، ول الدىمەن پارتيا ورتالىق كوميتەتى اتىنان «1 - شىلدە وردەنىنىڭ» يەگەرلەرىن قىزۋ قۇتتىقتاپ، وسكەلەڭ قۇرمەت ءبىلدىردى. شي جينپيڭ مىنالاردى اتاپ كورسەتتى: بۇگىن ماداقتالىپ - سيلانعان «1 - شىلدە وردەنىنىڭ» يەگەرلەرى − ءار شەپتەگى پارتيا مۇشەلەرىنىڭ تاڭداۋلى ۋاكىلدەرى. ولاردىڭ بويىنان جۇڭگو كوممۋنيستەرىنىڭ سەنىمدى بەكەمدەۋ، باستى ماقساتتى امالياتتا ايگىلەۋ، ەرلىكپەن ۇلەس قوسۋ، پاك، كوپشىل بولۋ سىندى وسكەلەڭ قاسيەتى مەن وسكەلەڭ رۋحى جاندى بەينەلەندى.
شي جينپيڭ مىنالاردى دارىپتەدى: سەنىمدى بەكەمدەۋ دەگەنىمىز اۋەلگى ماقساتتى ۇمىتپاي، ەرىك - جىگەردەن اۋىتقىماي، مىزعىماس مۇرات - سەنىممەن، پارتيا مەن حالىققا دەگەن قالتقىسىز ادالدىقپەن پارتيا مەن حالىققا دەگەن ادالدىقتى، سۇيىسپەنشىلىكتى كوكەيگە بەرىك ساقتاپ، ارەكەتتە تياناقتاندىرىپ، پارتيا مەن حالىق ىستەرى ءۇشىن ءوز بويىنداعىنىڭ بارلىعىن، ءتىپتى، قاستەرلى ءومىرىن ارناپ، پارتيانىڭ مۇرات - سەنىمى ءۇشىن قايسارلىقپەن كۇرەس جۇرگىزۋ، قاجىماي - تالماي كۇرەس جۇرگىزۋ دەگەندىك. بۇكىل پارتياداعى جولداستار ماركسيزمگە دەگەن سەنىمدى، جۇڭگوشا سوتسياليزمگە دەگەن سەنىمدى ومىرلىك تالپىنىس ەتىپ، پارتياعا ماڭگى سەنىپ، پارتيانى ءسۇيىپ، پارتيا ءۇشىن قىزمەت ەتىپ، ءوز قىزمەت ورىندارىندا قايسارلىقپەن كۇرەس جۇرگىزىپ، وسكەلەڭ مۇرات جولىندا كۇرەس جۇرگىزۋ امالياتىن ۇزدىكسىز ىلگەرىلەتۋى كەرەك.
شي جينپيڭ مىنالاردى اتاپ كورسەتتى: باستى ماقساتتى امالياتتا ايگىلەۋ دەگەنىمىز حالىققا تەرەڭ سۇيىسپەنشىلىك ورناتىپ، حالىقتى كوكەيدە ساقتاپ، قىزمەتتى حالىق ءۇشىن ىستەپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، بۇقارانىڭ قيىنشىلىعىن شەشىپ، بۇقارامەن تىعىز بايلانىس جاساپ، بۇقاراعا بەرىك سۇيەنىپ، ءبىر نيەت، ءبىر تىلەكپەن بۇقاراعا باقىت جاراتىپ، حالىقتى باقىتقا كەنەلتۋدىڭ ءىس جۇزىندىك ارەكەتى ارقىلى كوممۋنيستەردىڭ «مەن وزىممەن ساناسپاي حالىقتىڭ ءۇمىتىن اقتايمىن» دەيتىن وسكەلەڭ سۇيىسپەنشىلىگىن ايگىلەۋ دەگەندىك. بۇكىل پارتياداعى جولداستار حالىق مايدانىندا، حالىقتى بارىنەن جوعارى قويۋدا تاباندى بولىپ، بۇقارا ءۇشىن ناقتى ىستەر ىستەۋدە، يگى ىستەر ىستەۋدە تاباندى بولىپ، حالىق بۇقاراسىمەن ەتەنە بايلانىستى باستان - اياق ساقتاۋى كەرەك.
شي جينپيڭ مىنالاردى دارىپتەدى: قاجىرلىلىقپەن ۇلەس قوسۋ دەگەنىمىز پارتياعا، وتانعا العىس ايتۋدى، قىزمەت جاۋاپكەرلىگىن ادا ەتۋدى ءومىر نىساناسى ەتىپ، جاپا - ماشاقاتتان قورىقپاي، ەرلىكپەن قۇربان بەرىپ، قاجىرلىلىقپەن ناقتى ىستەپ، قاجىماي - تالماي ەڭبەكتەنىپ، كوممۋنيستەردىڭ قالتقىسىز ۇلەس قوسۋ رۋحى مەن قايتپاس كۇرەس رۋحىن تولىق ايگىلەۋ دەگەندىك. بۇكىل پارتياداعى جولداستار «نەعۇرلىم قيىن بولعان سايىن سولعۇرلىم العا تارتاتىن» ەرلىك جىگەردى، «اي - كۇنگە ءامىر شاشا الامىز جاڭارتۋعا كوك ءجۇزىن» دەيتىن اسقاق جىگەردى ساقتاپ، قاجىرلىلىقپەن ىستەپ، قيىندىقتاردان قامال الىپ، پارتياعا، حالىققا، داۋىرگە لايىق ناتيجە جاراتۋعا قۇلشىنۋى كەرەك.
شي جينپيڭ مىنالاردى اتاپ كورسەتتى: ۇكىمەت ىسىندە پاك بولۋ دەگەنىمىز كوممۋنيستەردىڭ قاجىرلى دا قاراپايىم بولۋ، كوپتىڭ قامىن ويلاۋ سىندى داڭقتى ءداستۇرىن ساقتاپ، ەڭبەك سىڭىرگەندە وزىمەن ساناسپاي، جەكە باسىنىڭ پايدا - زيانىمەن ەسەپتەسپەي، راقاتقا بوي ۇرماي، تارتىپكە بويسۇنىپ، قاعيدانى دارىپتەپ، كوممۋنيستەردە بولۋعا ءتيىستى ءمورالدىق قاسيەتتى جاندى بەينەلەۋ دەگەندىك. بۇكىل پارتياداعى جولداستار جالپىلىق ءمورالدى ايقىنداپ، الەۋمەتتىك ءمورالعا بويسۇنىپ، جەكە باستىق ءمورالدى قاتايتىپ، كىرشىكسىز ادام بولىپ، ءىستى كىرشىكسىزدىكپەن ىستەپ، ءوزىن تەجەپ، كوپتىڭ قامىن ويلاپ، ۇنەمشىلدىكپەن ءوزىن سومداپ، پاك، كىرشىكسىز ساياسي قاسيەتتى ماڭگى ساقتاۋى كەرەك.
شي جينپيڭ مىنالاردى دارىپتەدى: جاڭا ءداۋىر − قاھارمانداردى قاجەت ەتەتىن ءارى قاھارمانداردى، ءسوز جوق، جارىققا شىعاراتىن ءداۋىر. جۇڭگو كوممۋنيستىك پارتياسى باستان - اياق ءداۋىردىڭ اتويشىسى، ۇلتتىڭ تىرەگى بولۋ ءۇشىن، پارتيا مۇشەلەرى قوسىنى، ءسوز جوق، شىڭدالۋى كەرەك. ماداقتالىپ - سيلانعان جولداستاردىڭ داڭقتى قاستەرلەپ، تابىستاردى ساۋلەلەندىرىپ، اناعۇرلىم زور داڭققا قول جەتكىزۋىن ءۇمىت ەتەمىن. ءار دارەجەلى پارتيا ۇيىمدارى ەڭبەك سىڭىرگەن پارتيا مۇشەلەرىنە قىزمەت جانە تۇرمىس جاعىنان كوڭىل ءبولىپ، ولاردى ايالاپ، «1 - شىلدە وردەنىنىڭ» يەگەرلەرىنىڭ اسەرلى ىزگى ىستەرى مەن وسكەلەڭ ءمورالىن بار كۇشپەن ۇگىتتەپ، بۇكىل پارتيادا، بۇكىل قوعامدا وزاتتاردى ارداقتايتىن، جاقسىدان ونەگە الاتىن قويۋ راي قالىپتاستىرىپ، قالىڭ پارتيا مۇشەلەرىن، كادرلاردى پارتيانىڭ سيپاتى مەن ماقساتىن ەستە بەرىك ساقتاپ، پارتيانىڭ اۋەلگى ماقساتىن، بورىشىن ەستە بەرىك ساقتاپ، قاجىماي - تالماي كۇرەس جۇرگىزىپ، ماڭگى كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا، ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا قاراي ەرلىكپەن العا باسۋعا شابىتتاندىرۋى كەرەك.
سالتتا يۇننان ولكەسى ليجياڭ حۋاپيڭ ايەلدەر جوعارى دارەجەلى ورتا مەكتەبى پارتيا ياچەيكاسىنىڭ شۋجيى، مەكتەپ مەڭگەرۋشىسى جاڭ گۇيمەي «1 - شىلدە وردەنىنىڭ» يەگەرلەرى اتىنان ءسوز سويلەدى.
وردەن بەرۋ سالتىنان كەيىن شي جينپيڭ قاتارلى باسشى جولداستار «1 - شىلدە وردەنىنىڭ» يەگەرلەرىمەن بىرگە سۋرەتكە ءتۇسىپ ەستەلىك قالدىردى.
وردەن بەرۋ سالتىنان بۇرىن شي جينپيڭ قاتارلى باسشى جولداستار مەملەكەتتىك «ەكى تاڭداۋلى، ءبىر وزاتتى» ماداقتاۋ - سيلاۋ وبيەكتىلەرىمەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ءبىر ءبولىم ورىنباسارلارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەس ءتوراعاسىنىڭ ءبىر ءبولىم ورىنباسارلارى، ورتالىق اسكەري ىستەر كوميتەتىنىڭ مۇشەلەرى وردەن بەرۋ سالتىنا قاتىناستى.
ورتالىقتاعى پارتيا، ۇكىمەت، ارميا ورىندارىنىڭ، بۇقارالىق ۇيىمداردىڭ قاتىستى تاراۋلارىنداعى جانە بەيجيڭ قالاسىنداعى جاۋاپتى جولداستار، «1 - شىلدە وردەنىنىڭ» يەگەرلەرى جانە ولاردىڭ تۋىس - تۋعاندارىنىڭ ۋاكىلدەرى، تۇرعان ورىندارىنىڭ ۋاكىلدەرى، بۇرىن ەلەۋلى ەڭبەك ءسىڭىرىپ، داڭققا يە بولىپ، ماداقتالىپ - سيلانعانداردىڭ ۋاكىلدەرى، «پارتيا قۇشاعىنداعى داڭقتى 50 جىل» ەستەلىك زناك يەگەرلەرىنىڭ ۋاكىلدەرى جانە ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، ءار سالاداعى كادرلار مەن بۇقارانىڭ ۋاكىلدەرى سالتقا جەكە - جەكە قاتىناستى. مەملەكەتتىك «ەكى تاڭداۋلى، ءبىر وزاتتى» ماداقتاۋ - سيلاۋ وبيەكتىلەرى وردەن بەرۋ سالتىنا قاتىناستى نەمەسە حالىق سارايىنىڭ سولتۇستىك زالىندا سالتتىڭ تىكە تاراتىلۋىن كوردى.
مەملەكەتتىك «ەكى تاڭداۋلى، ءبىر وزاتتى» ماداقتاۋ - سيلاۋ جينالىسى 6 - ايدىڭ 28 - كۇنى تۇستەن كەيىن بەيجيڭدەگى حالىق سارايىندا وتكىزىلىپ، ماداقتالىپ - سيلانعان جەكەلەر مەن كوللەكتيۆ ۋاكىلدەرىنە سيلىق تاراتىلدى. ۋاڭ حۋنيڭ جينالىسقا قاتىناستى ءارى ءسوز سويلەدى، ول مىنانى ءبىلدىردى: پارتيانىڭ 18 - قۇرىلتايىنان بەرى باس شۋجي شي جينپيڭ «ەكى تاڭداۋلى، ءبىر وزاتتى» باعالاۋ، ماداقتاۋ - سيلاۋ قىزمەتىنە وسكەلەڭ ءمان بەرىپ، پارتيا مۇشەلەرىنىڭ رولىن ساۋلەلەندىرۋ جانە نەگىزگى ساتى پارتيا ۇيىمى قۇرىلىسىن كۇشەيتۋ جونىندە ءبىرقىدىرۋ ماڭىزدى نۇسقاۋ بەرىپ، بىزگە قۇلشىنۋ بەتالىسىن كورسەتىپ بەردى. قالىڭ پارتيا مۇشەلەرى مەن نەگىزگى ساتى پارتيا ۇيىمدارى وزات تيپتەردى ۇلگى ەتىپ، بەرىك پارتيالىلىقتى شىڭداپ، اۋەلگى ماقساتتى، بورىشتى ەستە بەرىك ساقتاپ، مىندەتتى ادالدىقپەن اتقارىپ، جاۋاپكەرلىكتى ادا ەتىپ، وزىنە توڭكەرىس جاساۋعا باتىل بولىپ، اتويشىلىق، ۇلگىلىك رولى مەن جاۋىنگەر قورعاندىق رولىن اناعۇرلىم ويداعىداي ساۋلەلەندىرۋى كەرەك.
جاۋ لىجي جينالىسقا قاتىناستى. چىن شي «جۇڭگو كوممۋنيستىك پارتياسى ورتالىق كوميتەتىنىڭ مەملەكەتتىك تاڭداۋلى پارتيا مۇشەلەرىن، مەملەكەتتىك تاڭداۋلى پارتيا ىستەرى قىزمەتكەرلەرىن جانە مەملەكەتتىك وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارىن» وقىدى (قاراردىڭ تولىق مازمۇنى بولەك جاريالاندى). ماداقتالىپ - سيلانعانداردىڭ ۋاكىلدەرى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
