جۇڭگو كوممۋنيستىك پارتياسى ورتالىق كوميتەتىنىڭ «1 - شىلدە وردەنىن» بەرۋ جونىندەگى قارارى
(2021 – جىلى 6 - ايدىڭ 29 – كۇنى)
2021.06.30 15:18 كەلۋ قاينارى : حالىق تورابى
بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. 100 جىلدان بەرى پارتيامىز جۇڭگو حالقىن ىنتىماقتاستىرىپ جانە باستاپ، اسا ماشاقاتتى كۇرەس جۇرگىزدى، ۇلتتىڭ تاۋەلسىزدىگىن، حالىقتىڭ ازاتتىعىن جانە مەملەكەتتىڭ قۇدىرەتتەنۋىن، حالىقتىڭ باقىتىن جۇزەگە اسىرۋ جولىندا ۇزدىكسىز شايقاس جۇرگىزدى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىتقاۋدى قارسى الىپ، جۇڭحۋا ۇلتىنىڭ دامۋ تاريحىنداعى، ادامزات قوعامىنىڭ العا باسۋ تاريحىنداعى ۇلى كەرەمەتتەردى جاراتتى. پارتيانىڭ 18 – قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتى وزەك ەتۋدەن جازباي، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە قول جەتكىزىپ، جاپپاي دوڭگەلەك داۋلەتتى قوعام قۇرۋدا ۇلى تاريحي تابىسقا قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستادى.
100 جىلدىق قۇلاشىن كەڭ جايعان تاريحي بارىستا نەشە ۇرپاق جۇڭگو كوممۋنيستەرى قايسارلىقپەن، قاجىماي - تالماي كۇرەس جۇرگىزىپ، ەرلىكپەن قۇربان بولعان ءبىر توپ توڭكەرىستىك قۇربان، العا باسۋعا بەل بايلاعان ءبىر توپ قاھارمان، جانقيارلىقپەن ۇلەس قوسقان ءبىر توپ وزات ۇلگى جارىققا شىقتى. جۇڭگو توڭكەرىسىنىڭ، قۇرىلىسىنىڭ، رەفورماسىنىڭ ءارقايسى تاريحي كەزەڭىندە پارتيا مەن حالىق ىستەرى ءۇشىن ءومىر بويى تالىقپاي تالپىنىپ، ءۇن - ءتۇنسىز ۇلەس قوسقان، ۇلەسى ەلەۋلى، ءمورالى وسكەلەڭ ەڭبەك سىڭىرگەن ۇلگىلى پارتيا مۇشەلەرىن سالتاناتتى تۇردە ماداقتاپ – سيلاپ، بۇكىل پارتيانى اۋەلگى ماقساتتان، بورىشتان اينىماۋعا، ادال، كىرشىكسىز بولۋعا، جاۋاپكەرلىك ارقالاۋعا ىنتالاندىرۋ ءۇشىن، پارتيا ورتالىق كوميتەتى ما ماۋجيە، ۋاڭ شۋماۋ، ۋاڭ جانشان، ۋاڭ لانحۋا، اي ايگو، شى گۋاڭيىن، لۇي چيميڭ، ت. باتىر، ليۋ گۇيجين، سۇن جيڭكۇن، مامەتجان ءومار، لي حۇڭتا، ۋ تيان - ي، شين يۇيليڭ، جاڭ گۇيمەي، لۋ يۋانجيۋ، چىن حۇڭجۇن، لين دان، جوگا، جوۋ يۇڭكاي، چاي يۇنجىن، گو رۇيشياڭ، حۋاڭ دافا، حۋاڭ ۋىنشيۋ، حۋاڭ باۋمەي، سۇي داۋجى، لان تيانيە، ۋەي دىيوۋ، چۇي دۋ - ي جولداستارعا «1 - شىلدە وردەنىن» بەرۋدى ۇيعاردى.
وسى رەت ماداقتالىپ - سيلانعان «1 - شىلدە وردەنىنىڭ» يەگەرلەرى − پارتيامىزدىڭ ءار داۋىردەگى، ءار شەپتەگى پارتيا مۇشەلەرىنىڭ كورنەكتى ۋاكىلدەرى. ولار بەرىك سەنىم ورناتىپ، پارتياعا ادال بولىپ، پارتيا مەن حالىق ىستەرى ءۇشىن بارلىعىن ارنادى؛ ولار باستى ماقساتتى امالياتتا ايگىلەپ، حالىقتىڭ ءتۇبىرلى مۇددەسى مەن تاماشا تۇرمىسى ءۇشىن جۇرەك قانىن سارقا جۇمساپ، ەرلىكپەن شايقاس جاسادى؛ ولار قۇلشىنا ناقتى ىستەر ىستەپ، مەيلى قانداي قىزمەت ورنىندا بولسىن، بارلىعىندا جانقيارلىقپەن قىزمەت ىستەپ، قايراتتانا ۇمتىلىپ، ەرەكشە ەڭبەك ءسىڭىردى؛ ولار قۇربان بەرۋدەن قورىقپاي، توڭكەرىسشىلەردىڭ ەشنارسەدەن تايىنبايتىن جاۋىنگەرلىك رۋحىن ساقتاپ، قيىن - قىستاۋ كەزدە كەۋدە كەرىپ العا شىعىپ، ءومىرى ارقىلى بورىشتى امالياتتا ايگىلەپ، بۇكىل پارتيانىڭ، بۇكىل قوعامنىڭ جاپپاي القاۋىنا بولەندى.
قازىر ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر. پارتيا ورتالىق كوميتەتى بۇكىل پارتيانى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «1 - شىلدە وردەنىنىڭ» يەگەرلەرىن ۇلگى تۇتىپ، [ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، كوممۋنيستەردىڭ رۋحاني قان تامىرىن جالعاستىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ماڭگى بويكۇيەزدىككە سالىنباي، العان بەتتەن قايتپاي، جاپپاي سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا تىڭ دا اناعۇرلىم زور ۇلەس قوسۋعا ۇندەيدى! («1 - شىلدە وردەنى» يەگەرلەرىنىڭ قىسقاشا ىزگى ىستەرى، سۋرەتتەرى «حالىق گازەتىنىڭ» 10 - بەتىندە جاريالاندى)
(شينحۋا اگەنتتىگى، 6 - ايدىڭ 29 – كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
