شي جينپيڭ مەملەكەتتىك تاڭداۋلى اۋداندىق پارتكوم شۋجيلەرىمەن كەزدەستى
2021.06.30 15:14 كەلۋ قاينارى : حالىق تورابى
«حالىق گازەتى»، 6 - ايدىڭ 29 - كۇنى، بەيجيڭ جۇڭگو كوممۋنيستىك پارتياسى قۇرىلعانىنىڭ 100 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 29 - كۇنى تۇستەن بۇرىن بەيجيڭدە مەملەكەتتىك تاڭداۋلى اۋداندىق پارتكوم شۋجيلەرىمەن ىقىلاسپەن كەزدەسىپ، ولاردان شىنايى حال سۇرادى جانە قىزۋ قۇتتىقتادى.
تۇستەن بۇرىن ساعات 11 دەن 30 مينۋت وتكەندە شي جينپيڭ قاتارلىلار حالىق سارايىنىڭ شىعىس زالىنا كەلگەندە، تۇتاس الاڭنان دۋ قول شاپالاق ءۇنى كوتەرىلدى. شي جينپيڭ قاتارلىلار ماداقتالىپ - سيلانعان تاڭداۋلى اۋداندىق پارتكوم شۋجيلەرىنىڭ اراسىنا بارىپ، كوپشىلىكپەن ىقىلاستى اڭگىمەلەستى ءارى ەستەلىك سۋرەتكە ءتۇستى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇيىمداستىرۋ ءبولىمىنىڭ باستىعى چىن شي كەزدەسۋدە بىرگە بولدى.
مەملەكەتتىك تاڭداۋلى اۋداندىق پارتكوم شۋجيلەرىن ماداقتاۋ - سيلاۋ ءماجىلىسى 6 - ايدىڭ 29 - كۇنى تۇستەن كەيىن بەيجيڭدە وتكىزىلدى. چىن شي ماجىلىستە بىلاي دەدى : باس شۋجي شي جينپيڭنىڭ ماجىلىسكە قاتىناسقان جولداستارمەن ىقىلاسپەن كەزدەسۋى پارتيا ورتالىق كوميتەتىنىڭ اۋداندىق پارتكوم شۋجيلەرىنە وسكەلەڭ ءمان بەرەتىنىن جانە شىنايى قامقورلىق جاساپ وتىرعانىن تولىق ايگىلەدى. قالىڭ پارتيالى كادرلار ماداقتالىپ - سيلانعان تاڭداۋلى اۋداندىق پارتكوم شۋجيلەرىن ۇلگى ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ادالدىق قاسيەتىن بەرىك ورناتىپ، حالىققا دەگەن سۇيىسپەنشىلىكتەن جازباي، ناقتى ءىس ىستەۋ ستيلىن ساۋلەلەندىرىپ، جاۋاپكەرلىك ارقالاۋ رۋحىن شىڭداپ، ونەرگە توسەلىپ، پاك قاسيەتتى ساقتاپ، جاپپاي سوتسياليستىك وسىزاماندانعان ەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋى كەرەك.
حىبەي ولكەسى فۋپيڭ اۋداندىق پارتكومنىڭ شۋجيى ليۋ جيڭ، جىجياڭ ولكەسى انجي اۋداندىق پارتكومنىڭ شۋجيى شىن ميڭچۋان، حۋبەي ولكەسى ۋحان قالاسى حۋاڭپي رايوندىق پارتكومنىڭ شۋجيى زىڭ شىڭ، سىچۋان ولكەسى رورگاي اۋداندىق پارتكومنىڭ شۋجيى زەردەن، گانسۋ ولكەسى دۇڭشياڭ اۆتونوميالى اۋداندىق پارتكومنىڭ شۋجيى ما شيۋلان جەكە - جەكە ماجىلىستە ءسوز سويلەدى.
شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، وزات تيپتەردى كۇش سالا تاڭداپ، تۇراقتاندىرىپ، قالىڭ پارتيالى كادرلاردى جاڭا داۋىردە ءتىپتى دە جاقسى كۇرەس جاساۋعا، جاڭا ساپاردا العا باسۋعا شابىتتاندىرۋ ءۇشىن، پارتيا ورتالىق كوميتەتىنىڭ ماقۇلداۋىمەن ورتالىق ۇيىمداستىرۋ ءبولىمى اۋداندىق (قالا، رايون، حوشۇن) پارتكوم شۋجيلەرىنىڭ قىزمەت ورنىندا ۇزدىك ناتيجەگە قول جەتكىزگەن 103 جولداسقا مەملەكەتتىك تاڭداۋلى اۋداندىق پارتكوم شۋجيى اتاعىن بەرۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
