لي جانشۋ 2021 – جىلعى گۇيياڭ ەكولوگيالىق وركەنيەت حالىقارالىق تالقى مىنبەرىنە قاتىناستى ءارى ارقاۋ ءسوز سويلەدى
2021.07.13 16:14 كەلۋ قاينارى : حالىق تورابى
«حالىق گازەتى»، 7 - ايدىڭ 12 - كۇنى، گۇيياڭ. 2021 - جىلعى گۇيياڭ ەكولوگيالىق وركەنيەت حالىقارالىق تالقى مىنبەرى 7 - ايدىڭ 12 - كۇنى گۇيياڭدا اشىلدى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ اشىلۋ سالتىنا قاتىناستى ءارى ارقاۋ ءسوز سويلەدى.
لي جانشۋ الدىمەن جۇڭگو ۇكىمەتى مەن حالقى اتىنان، ءتوراعا شي جينپيڭ اتىنان وسى كەزەكتى تالقى مىنبەرىنىڭ اشىلعانىن قىزۋ قۇتتىقتادى.
لي جانشۋ بىلاي دەدى: جۇڭگو كوممۋنيستىك پارتياسى مەن جۇڭگو ۇكىمەتى ەكولوگيالىق وركەنيەت قۇرىلىسىنا ايرىقشا ءمان بەرەدى. ج ك پ 18 - قۇرىلتايىنان بەرى شي جينپيڭ جولداستى ۇيىتقى ەتكەن ج ك پ ورتالىق كوميتەتى ەكولوگيالىق وركەنيەت قۇرىلىسىن جۇڭگوشا سوتسياليزمنىڭ جالپى تۇلعالىق ورنالاستىرۋىنا ەنگىزىپ، ەكولوگيالىق وركەنيەت قۇرىلىسىن ىلگەرىلەتۋ امالياتى بارىسىندا شي جينپيڭ ەكولوگيالىق وركەنيەت يدەياسىن قالىپتاستىردى. بۇل يدەيا جاراتىلىستىق زاڭدىلىق، ادامزات قوعامىنىڭ دامۋ زاڭدىلىعى جونىندەگى تانىمدى تەرەڭدەتىپ، جۇڭگونىڭ ەكولوگيالىق وركەنيەت قۇرىلىسىنا نازاريالىق جەتەكشىلىك جانە ارەكەت باعدارناماسىن ازىرلەدى. جۇڭگو ەكولوگيالىق وركەنيەت قۇرىلىسىن مەملەكەتتىڭ ستراتەگيالىق جالپى جاعدايى تۇرعىسىنان تانىپ، بايلىقتى ۇنەمدەۋ مەن ورتانى قورعاۋدى نەگىزگى مەملەكەت ساياساتى ەتىپ، باياندى دامۋدى مەملەكەتتىك ستراتەگيا ەتىپ تۇراقتاندىرىپ، ەكولوگيالىق ورتانى قورعاۋدا تاريحي، بۇرىلىستىق، جالپى جاعدايلىق وزگەرىستەر تۋدىردى.
لي جانشۋ بىلاي دەپ اتاپ كورسەتتى: دۇنيە ءجۇزى ۇلى شاڭىراعىنىڭ ءبىر مۇشەسى رەتىندە جۇڭگو باستان - اياق جاۋاپكەرلىك ارقالايتىن ءىرى ەلدە بولۋعا ءتيىستى جاۋاپكەرلىكتى ارقالاپ كەلەدى. جۇڭگو ۇكىمەتى ەكولوگيالىق ورتانى قورعاۋ مەن كليمات وزگەرىسى جونىندەگى حالىقارالىق سەلبەستىككە بەلسەنە ات سالىسىپ، ب م ۇ جەتەكشىلىك ەتكەن ماڭىزدى حالىقارالىق شارتتاردى تياناقتاندىرۋدى بەكىتىپ، كليمات وزگەرىسى جونىندەگى «پاريج كەلىسىمىنە» قول قويىلۋىن، ونىڭ كۇشكە يە بولۋىن، اتقارىلۋىن بەلسەنە ىلگەرىلەتتى. جۇڭگو ەجەلدەن ۋادەسىندە تۇرىپ كەلەدى، ءبىز بەلگىلەنگەن نىسانانى جاپپاي تياناقتاندىرىپ، ەكولوگيالىق ورتانى قورعاۋعا، ورگانيزمدەردىڭ الۋان تۇرلىلىگىن ساقتاۋعا، كليمات وزگەرىسىنە توتەپ بەرۋگە اناعۇرلىم زور ۇلەس قوسامىز.
لي جانشۋ مىنالاردى دارىپتەدى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. ج ك پ ورتالىق كوميتەتىنىڭ باس شۋجيى شي جينپيڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا ماڭىزدى ءسوز سويلەپ، جۇڭگونىڭ جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرعانىن، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستاعانىن سالتاناتپەن جاريالادى. ءتوراعا شي جينپيڭ ب م ۇ - نىڭ 75 - كەزەكتى جينالىسىنىڭ جاي تالقىسىندا بىلاي دەپ جاريالادى: جۇڭگو مەملەكەتتىڭ دەربەس ۇلەس قوسۋ تەبىنىن ارتتىرىپ، اناعۇرلىم پارمەندى ساياسات جانە شارا قولدانىپ، كومىرتەگى قوس توتىعىن ىعىستىرۋ مولشەرىن 2030 - جىلدان بۇرىن جوعارى شەككە جەتكىزۋگە كۇش سالىپ، 2060 - جىلدان بۇرىن كومىرتەگىن بەيتاراپتاندىرۋدى جۇزەگە اسىرۋعا قۇلشىنادى. ءبىز ادامزاتتىڭ تاعدىرلاس ورتاق تۇلعاسى تانىمىن ۇستانىپ، حالىقارالىق قوعاممەن بىرگە دۇنيە جۇزىلىك كليمات ورتاسىنىڭ سىن - سايىسىنا توتەپ بەرۋگە، جەر شارىنىڭ ەكولوگيالىق حاۋىپسىزدىگىن قورعاۋعا بەلسەندى ۇلەس قوسامىز. ءبىرىنشى، ەكولوگيالىق وركەنيەت ۇستانىمىن بەرىك ورناتىپ، ءوندىرىسى دامىعان، تۇرمىسى اۋقاتتى، ەكولوگياسى تاماشا وركەنيەتتى دامۋ جولىمەن بۇلجىماي ءجۇرۋ كەرەك. ەكىنشى، جاسىل، تومەن كومىرتەكتى دامۋدى جەدەل ىلگەرىلەتىپ، ەكونوميكانىڭ، قوعامنىڭ جاپپاي جاسىل تيپكە بۇرىلىس جاساۋىن جەبەپ، ەكولوگيالىق ورتا ساپاسىن جاقسارتۋدا سان وزگەرىسىنەن ساپا وزگەرىسىنە بۇرىلىس جاساۋدى جۇزەگە اسىرۋ كەرەك. ءۇشىنشى، لاستانۋدان ساقتانۋ - جونگە سالۋ قىزمەتىن جاپپاي كۇشەيتىپ، ەكولوگيانى قورعاۋدىڭ قىزىل سىزىعىن، قورشاعان ورتا ساپاسىنىڭ تومەنگى شەگىن، بايلىقتان پايدالانۋدىڭ جوعارعى شەگىن قاتاڭ ساقتاۋ كەرەك. ءتورتىنشى، زاڭ - ءتۇزىم جۇيەسىن اقاۋسىزداندىرىپ، كەمەلدەندىرىپ، زاڭمەن جونگە سالۋ كۇشى ارقىلى ەكولوگيالىق ورتانى قورعاۋ، جاسىل دامۋدى جەبەۋ كەرەك. بەسىنشى، حالىقارالىق اۋىس - كۇيىس پەن سەلبەستىكتى بەلسەنە ىلگەرىلەتىپ، ەكولوگيالىق ورتانى قورعاپ، كليمات وزگەرىسىنە توتەپ بەرۋ كەرەك.
لي جانشۋ بىلاي دەدى: گۇيجوۋدىڭ ەكولوگيالىق وركەنيەت قۇرىلىسى − جۇڭگونىڭ ەكولوگيالىق وركەنيەت قۇرىلىسى جەتىستىكتەرىنىڭ ىقشام كورىنىسى. گۇيياڭ ەكولوگيالىق وركەنيەت حالىقارالىق تالقى مىنبەرى ەكولوگيالىق وركەنيەت قۇرىلىسىنىڭ حالىقارالىق اۋىس - كۇيىسىن، سەلبەستىگىن ىلگەرىلەتەتىن ماڭىزدى تەكشەگە، دۇنيە ءجۇزىنىڭ جۇڭگونىڭ ەكولوگيالىق وركەنيەت قۇرىلىسىن تۇسىنۋىندەگى ماڭىزدى تەرەزەگە اينالدى. وسى كەزەكتى تالقى مىنبەرى «تومەن كومىرتەكتى تيپكە بۇرىلىس جاساۋ، جاسىل دامۋ − ادام مەن تابيعاتتىڭ تىرشىلىك ورتاق تۇلعاسىن بىرگە قۇرۋدى» نەگىزگى تاقىرىپ ەتتى، ءار جاقتىڭ جاسىل، تومەن كومىرتەكتى تيپكە بۇرىلىس جاساۋدى ىلگەرىلەتۋ شارالارىن بىرگە اقىلداسىپ، ادام مەن تابيعاتتىڭ جاراسىمدى قاتار ءومىر ءسۇرۋ جولىن بىرگە قاراستىرىپ، ادام مەن تابيعاتتىڭ تىرشىلىك ورتاق تۇلعاسىن قۇرۋدى ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندى ۇلەس قوسۋىن ءۇمىت ەتەمىز.
سەربيانىڭ زۇڭليى برنابيس، تونگانىڭ باس ءۋازىرى تۋيونەتوا، فرانسيا نەگىزگى زاڭ كوميتەتىنىڭ ءتوراعاسى فابيۋس، پولشا كەڭەس پالاتاسىنىڭ باستىعى گروزكي، تايلاندتىڭ حانشايىمى سيريندورن، يندونەزيا زۇڭتۇڭىنىڭ ەرەكشە ەلشىسى لۋحۋت قاتارلىلار اشىلۋ سالتىندا بەينە ەكران ءسوزىن سويلەدى، 500 دەي سيلى قوناق اشىلۋ سالتىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
