شينجياڭ ۇيعۇر اۆتونوميالى رايوندىق قاتىناس - تاسىمال مەڭگەرمەسى:
ينتەرنەت جەلىسىندە، ينتەرنەت جەلىسىنەن سىرت شارۋالاردىڭ ورىك ساتۋىنا كومەكتەستى
2021.07.13 16:37 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لۋ فىڭباۋ، ەرىكتى ءتىلشى جاڭ كىجيڭ 7 - ايدىڭ 11 - كۇنى ۇرىمجىدەن حابارلايدى. يىڭسار اۋدانىنىڭ ورىگى مولىنان بازارعا شىعارىلعان كەزدە، اۆتونوميالى رايوندىق قاتىناس - تاسىمال مەڭگەرمەسى ينتەرنەت جەلىسىندە، ينتەرنەت جەلىسىنەن سىرت بىردەي كۇش سالىپ، ءارقايسى ورىنداردىڭ ساتىپ الۋىنا بايلانىس جاساۋ، ينتەرنەتتە تىكە تاراتىپ ساتۋ سياقتى تاسىلدەر ارقىلى جەرگىلىكتى شارۋالاردىڭ ورىك ساتۋ جولىن كەڭەيتۋىنە كومەكتەستى. 7 - ايدىڭ 10 - كۇنى اۆتونوميالى رايوندىق قاتىناس - تاسىمال مەڭگەرمەسى شارۋالاردىڭ 300 توننادان استام ورىگىن ساتىستى.
ءار جىلعى 6 - ايدىڭ ورتا جانە سوڭعى شەنى يىڭسار اۋدانىنىڭ ورىگىنىڭ بازارعا شىعارىلاتىن مەزگىلى، الايدا بيىل اۋا رايىنىڭ اسەرىنەن ورىك جاي پىستى ءارى ساپاسى دا بۇرىنعى جىلدارعا جەتپەي، ورىك ساتۋ قيىنداستى.
”وسى كەز ءبىزدىڭ شارۋالار ءۇشىن اۋىل شارۋاشىلىعى ونىمدەرىن ساتۋ جاعدايىنىڭ ناشار بولۋ ماسەلەسىن شىنايى شەشۋىمىزدى قاجەت ەتەدى“، - دەدى اۆتونوميالى رايوندىق قاتىناس - تاسىمال مەڭگەرمەسىنەن يىڭسار اۋدانىنا تۇسكەن ءبىرىنشى شۋجي، جەتەكشى، سوگەت اۋىلى تۇرقوي قىستاعىنىڭ ءبىرىنشى شۋجيى لي جيانجۇن — ”ورىكتى ساتۋ ارناسىن كەڭەيتۋ ءۇشىن، ءسوز جوق، ينتەرنەت جەلىسىندە، ينتەرنەت جەلىسىنەن سىرت بىردەي سايكەسە كۇش سالۋ كەرەك. ءبىر جاعىنان، ءبىز مەكەمە - ورىندارعا سۇيەنىپ ساتىپ، اۆتونوميالى رايوندىق قاتىناس - تاسىمال جۇيەسىندە تۇتىنۋ ارقىلى شارۋالارعا كومەكتەسۋ قيمىلىن ورىستەتتىك. ەندى ءبىر جاعىنان، ’ورىكتىڭ تالەيىنە جاراي سەن بارسىڭ‘ دوۋيىندا تىكە تاراتىپ زات ساتۋ تۇعىرى ارقىلى يىڭساردىڭ ورىگىن ساتتىق“.
ءبىرقانشا دايىندىقتان كەيىن 6 - ايدىڭ 22 - كۇنى ”ورىكتىڭ تالەيىنە جاراي سەن بارسىڭ“ دوۋيىندا تىكە تاراتىپ زات ساتۋ تۇعىرى جۇمىس باستادى، قىستاقتا تۇراتىن ءبىرىنشى شۋجي شينجياڭ قاتىناس كاسىپتىك - تەحنيكالىق شۋەيۋانىنىڭ وقۋشىسىن تىكە تاراتۋ بولمەسىنە ۇسىنىس ەتىپ، يىڭسار ورىگىن تانىستىردى ءارى قىزمەتتەستەرىن، تۋىس - تۋعان، دوس - جاراندارىن كەڭ كولەمدە اتتانىسقا كەلتىرىپ ۇگىتتەپ، شارۋالارعا كومەكتەسىپ ساتۋ ارناسىن اشتى.
تۇعىردا ينتەرنەت جەلىسىندە تاپسىرىس بەرۋ ۇزىلمەدى. تاپسىرىستى قابىلداعان سوڭ، قىستاقتا تۇراتىن ءبىرىنشى شۋجي مەن قىستاق ”ەكى كوميتەتى“ ورىكتىڭ ساپا وتكەلىن مىقتاپ يگەرىپ، ساپالى ورىكتى بولەك قوراپتاتادى ءارى سەبەتتىڭ ۇستىڭگى جاعىنا سۋ سىمىرەتىن قاعاز جاۋىپ، سوعىلىسۋ ارقىلى ورىكتى زيانداۋدىڭ الدىن الدى.
”ينتەرنەت جەلىسىندە، ينتەرنەت جەلىسىنەن سىرت تۇتىنۋ ارقىلى شارۋالارعا كومەكتەسۋ قيمىلى ءبىزدىڭ پارتيا تاريحىن ۇيرەنۋدى امالياتتا ايگىلەۋدىڭ، بۇقارا ءۇشىن ناقتى ءىس ىستەۋدىڭ، اۋىل - قىستاقتى گۇلدەندىرۋگە دەم بەرۋدىڭ ءونىمدى شاراسى. بۇدان كەيىن ءبىز جالعاستى تۇردە پارتيا تاريحىن ۇيرەنۋ تاربيەسىنىڭ جەتىستىگىن شارۋالاردىڭ كىرىسىن ارتتىرۋعا كومەكتەسۋدىڭ ءىس جۇزىندىك ارەكەتىنە اينالدىرىپ، بۇقارا ءۇشىن ناقتى ءىس ىستەۋگە، قيىن ىستەردى شەشۋگە قۇلشىنامىز“، - دەدى لي جيانجۇن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
