ايران زاۆودىن قۇرىپ، بايۋ ارمانىن جۇزەگە اسىردى
2021.07.13 16:40 كەلۋ قاينارى : شينجياڭ گازەتى
7 - ايدىڭ 4 - كۇنى كورلا قالاسى يىڭشيا اۋىلى قارباع قىستاعى قارباع ايران وڭدەۋ زاۆودىنىڭ جاۋاپتىسى ياسىن ءداۋىت جۇمىسشىلارمەن بىرگە قوراپتالىپ بولعان ايراندى تاسىپ جاتتى. ”قازىر زاۆودىمىز وندىرگەن ايران قاجەتتى قامداي الماي وتىر“، - دەدى ياسىن كوڭىلدەنە.
بيىل 38 جاستاعى ياسىن ايران ۇيىتاتىن شاعىن دۇكەننەن باستاپ ىستەپ، قازىر شاعىن دۇكەنى كۇنىنە 1.5 توننا ءسۇتتى ءبىر جاقتى ەتەتىن ايران زاۆودىنا كەڭەيىپ، 20 نەشە قىستاق تۇرعىنىنىڭ كىرىسىن ارتتىرۋىن جەبەدى.
بۇرىن ياسىن المۇرت جانە قوي - سيىر ساۋداسىمەن تىرلىك كەشىرەتىن، كەيدە زيان تارتىپ، كەيدە پايدا تاۋىپ كىرىسى تۇراقتى ەمەس ەدى. 2013 - جىلى ياسىن مەن دوسى يانچي حۇيزۋ اۆتونوميالى اۋدانى بورقاي اۋىلىنا ساياحاتتاي بارىپ، قىستاق تۇرعىندارىنىڭ ايران زاۆودىنا ءسۇت اپارۋمەن قاربالاس جۇرگەنىن؛ سونىمەن بىرگە ءتۇرلى ءسۇت ونىمدەرى سىقاي تيەلگەن كولىكتەردىڭ ايران زاۆودىنان ۇزدىكسىز شىعىپ كەتىپ جاتقانىن كورەدى. ”ايراندى ماشينا ارقىلى ۇيىتۋعا دا بولاتىندىعىن، راسىندا، ويلاماعان ەكەنمىن، مەن دە سىناپ كورەيىنشى“. ياسىننىڭ كوڭىلىنە شارۋاشىلىق قۇرۋ ويى كلت ورالدى.
سول جىلى 9 - ايدا ياسىن اقشا قۇراپ يانچيدەن 4 ساۋىن سيىر ساتىپ اكەلىپ، قولدا ايران ۇيىتىپ ساتادى. ”ول كەزدە ءار كۇنى ايران ساتۋدان 200 يۋان كىرىس تاۋىپ، ەڭ جوعارى بولعاندا ءبىر كۇندە 2000 يۋانعا ساتتىم“، - دەدى ياسىن، تۇڭعىش شارۋاشىلىق قۇرۋدا جەتكەن تابىسى ونىڭ سەنىمىن نىعايتا ءتۇستى.
2015 - جىلى ياسىن 15 ساۋىن سيىر ساتىپ اكەلىپ، 5 وتباسىنداعى قىستاق تۇرعىنىمەن بىرگە كورلا چىدام باعىمشىلىق كاسىپتىك سەلبەستىك كووپەراتيۆىن قۇرىپ، قارباع ايران وڭدەۋ زاۆودىن قۇرا باستادى. ياسىننىڭ باستاۋىندا ايران وڭدەۋ زاۆودىنىڭ ساۋداسى بارعان سايىن جاقسارىپ، سەلبەستىك كووپەراتيۆىنىڭ مۇشەلەرى 16 وتباسىنا، ساۋىن سيىرى 132گە جەتتى.
كەيبىر قىستاق تۇرعىندارى ساۋىن سيىر باعىمشىلىعى تەحنيكاسىن بىلەدى، ءبىراق ساۋىن سيىر ساتىپ الارلىق اقشاسى جوق، ياسىن ولارمەن كەلىسىم جاساسىپ، ساۋىن سيىردى تۇراقتى باعادا نەسيەمەن شارۋا وتباسىنىڭ باعۋىنا بەرىپ، ءوزى ءسۇتتى ساتىپ الۋعا جاۋاپتى بولدى، سونداي - اق ءار كۇنى ءسۇت ساتۋدان تۇسكەن اقشانى شارۋا وتباسىنىڭ ساۋىن سيىر ساتىپ العان قاراجاتىنا ەسەپتەپ ەنگىزىپ وتىردى جانە شارۋا وتباسىنىڭ كىرىس جاعدايىنا ساي اقشا قايتارۋ ۋاقىتى مەن سوماسىن بەلگىلەدى.
ابلىميت ناجمەدين وسىدان يگىلىكتەنۋشىلەردىڭ ءبىرى. 2017 - جىلى ياسىن ابلىميتكە 3 ساۋىن سيىردى نەسيەگە بەرگەن ەدى. قازىر ابلىميت ساۋىن سيىردىڭ اقشاسىن قايتارىپ بولۋمەن بىرگە، ساۋىن سيىرىنىڭ سانى دا 14كە جەتتى. ”قازىر ءار كۇنى ءسۇت ساتۋدان 1000 يۋاننان ارتىق كىرىس تابام، مۇندا ياسىننىڭ كومەگىنە راقىمەت ايتۋىم كەرەك“، - دەدى ابلىميت.
”ءبىر جىل اينالاسىندا ءسۇت ساتۋ ارقىلى قۇنى 13 مىڭ يۋاندىق ءبىر باس ساۋىن سيىردىڭ باسىن قايىرىپ الۋعا بولادى“، - دەدى ياسىن، ول ىلگەرىندى - كەيىندى 17 وتباسىنداعى تۇرعىنعا 69 ساۋىن سيىر نەسيەگە بەردى.
2 جىلدىڭ الدىندا ياسىن دوسىمەن سەلبەسىپ، توقسۇن اۋدانىندا ايران وڭدەۋ زاۆودىن قۇردى، ونىمدەرى، باستىسى، شىعىس شينجياڭ مەن سولتۇستىك شينجياڭ بازارىنا ساتىلادى. اقسۋ قالاسىندا، كۇشار قالاسىندا ياسىن ايران ساتۋ ارناۋلى دۇكەنىن قۇردى. وسىدان از بۇرىن حوتان ايماعىنىڭ، قاشقار ايماعىنىڭ ساۋداگەرلەرى دە سەلبەستىك جاساپ، جەرگىلىكتى بازاردى اشۋدى جوسپارلاۋعا ياسىندى ىزدەي كەلدى.
قاريدار كوبەيدى، بازار كەڭەيدى، ياسىن 1500 شارشى مەترلىك زاۆود ۇيىنەن جانە بىرەۋىن جاڭادان سالدىردى، قازىر نەگىزگى تۇلعاسى سالىنىپ بولدى، 7 - ايدىڭ سوڭىندا وندىرىسكە قوسىلادى. ياسىن بۇدان بىلاي ايران بازارىن كۇش سالا كەڭەيتىپ، اناعۇرلىم كوپ قىستاق تۇرعىندارىن كىرىستى ارتتىرىپ بايۋعا باستايتىندىعىن ءبىلدىردى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
