لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ جەر باسقارۋ زاڭىن اتقارۋ ەرەجەسى» جاريالاندى
2021.08.02 16:55 كەلۋ قاينارى : حالىق تورابى
شينحۋا اگەنتتىگى، 7 - ايدىڭ 30 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭنىڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ جەر باسقارۋ زاڭىن اتقارۋ ەرەجەسى» جاريالاندى، ەرەجە 2021 – جىلى 9 - ايدىڭ 1 – كۇنىنەن باستاپ اتقارىلادى.
ج ك پ ورتالىق كوميتەتى، مەملەكەتتىك كەڭەس جەر ءتۇزىمى رەفورماسىنا باسا ءمان بەردى. جەردى وتكىزىپ الۋ، كوللەكتيۆ تيجارات سيپاتىنداعى قۇرىلىسقا پايدالانىلاتىن جەردى بازارعا سالۋ، قورا - جايلىق جەر ءتۇزىمى رەفورماسىن تۇيىندە سىناق ەتۋ سياقتى تاجىريبەلەردى جاپپاي قورىتىندىلاۋ نەگىزىندە، مەملەكەتتىك كەڭەس مەملەكەتتىك حالىق قۇرىلتايى تۇراقتى كوميتەتىنە «جەر باسقارۋ زاڭىنا» وزگەرىس ەنگىزۋدى، كەمەلدەندىرۋدى ۇسىنىس ەتتى، جاڭا زاڭ 2020 – جىلى 1 - ايدىڭ 1 - كۇنىنەن باستاپ اتقارىلدى. زاڭ – ءتۇزىمىنىڭ يكەمدىلىگىن كۇشەيتىپ، پارتيا ورتالىق كوميتەتىنىڭ، مەملەكەتتىك كەڭەستىڭ جەر ءتۇزىمى رەفورماسى جونىندەگى شەشىم، ورنالاستىرۋلارىنىڭ تياناقتانۋىنا كەپىلدىك ەتۋ ءۇشىن، «ەرەجەدە» «جەر باسقارۋ زاڭى» ءتۇزىمى جۇلگەسىندە جەردى وتكىزىپ الۋ، كوللەكتيۆ تيجارات سيپاتىنداعى قۇرىلىسقا پايدالانىلاتىن جەردى بازارعا سالۋ، قورا – جايلىق جەردى باسقارۋ سياقتى ءتۇيىندى ماسەلەلەرگە نازار اۋدارىلىپ، ەگىستىك جەردى قورعاۋ كۇشەيتىلىپ، ەگىستىك جەردەگى «اۋىل شارۋاشىلىعىنان تىس پايدالانۋ»، «استىقتان باسقاعا پايدالانۋ»، سونداي – اق «قىستاقتار مەن تۇرعىنداردى بىرىكتىرۋ» بارىسىنداعى ەگىنشىلەردىڭ تىلەگىنە قايشى كەلەتىن كورنەكتى ماسەلەلەر كوزدە ۇستالىپ، ءتۇزىم شەگى اناعۇرلىم ايقىندالىپ، زاڭدىق جاۋاپكەرلىك كۇشەيتىلدى.
ءبىرىنشى، ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىرۋ. مەملەكەت ەگىستىك جەردى ەرەكشە قورعاۋدى بەلگىلەپ، ەگىستىك جەردىڭ ورماندى جەر، جايىلىم، باۋ - باقشا سياقتى باسقا دا اۋىل شارۋاشىلىعىنا پايدالانىلاتىن جەرلەرگە اينالۋىن قاتاڭ تىزگىندەيدى. ەگىستىك جەردى قورعاۋدىڭ جاۋاپكەرلىك تۇلعاسىن ايقىنداپ، ەگىستىك جەردى قورعاۋعا تولەم بەرۋ ءتۇزىمىن ورناتىپ، ەگىستىك جەردى تەكسەرىپ وتكىزىپ الۋ ءتۇزىمىن ارناعا ءتۇسىرىپ، قوعامدىق تۇلعالاردى جەردى رەتكە سالۋعا زاڭ بويىنشا قاتىناسۋعا شابىتتاندىرۋ كەرەك. ەگىستىك جەردى ءبۇلدىرۋ، جەردى قايتا يگەرۋ بورىشىن وتەۋدەن باس تارتۋ سياقتى زاڭعا قايشى ارەكەتتەردى جازالاۋ تەبىنىن ارتتىرىپ، ەگىستىك جەردىڭ «استىقتان باسقاعا پايدالانىلۋىنداعى» زاڭدىق جاۋاپكەرلىكتى ارتتىرۋ كەرەك.
ەكىنشى، جەردى وتكىزىپ الۋ ءتارتىبىن كەمەلدەندىرۋ. وتكىزىپ الىنعان جەردى الدىن الا حابارلاندىرۋ ءتۇزىمىن قوسىپ، الدىن الا حابارلاندىرۋدا وتكىزىپ الۋ كولەمى، وتكىزىپ الۋ ماقساتى، جەردىڭ قازىرگى جاعدايىن تەكسەرۋ جونىندەگى ورنالاستىرۋ سياقتى مازمۇندار قامتىلۋ كەرەك دەپ ايقىن بەلگىلەندى. اۋدان دارەجەلىدەن جوعارى جەرگىلىكتى حالىق ۇكىمەتتەرىنەن جەر تولەم اقىسى، ورنالاستىرۋ كومەك قاراجاتى سياقتى قاتىستى قاراجاتتاردى دەركەزىندە تياناقتاندىرۋ تالاپ ەتىلدى. قاتىستى قاراجاتتار تولىق تياناقتانباسا، جەردى وتكىزىپ الۋدى بەكىتۋگە بولمايدى. جەرى الىنعان شارۋالاردىڭ ات سالىسۋ ءتۇزىمىن كۇشەيتىپ، ولاردىڭ جاعدايدان حاباردار بولۋ ۇقىعىن، قاتىناسۋ ۇقىعىن، باقىلاۋ ۇقىعىن ءونىمدى جۇرگىزۋىن قامتاماسىز ەتۋ كەرەك.
ءۇشىنشى، ەگىنشىلەردىڭ قورا - جايلىق جەرىنىڭ زاڭدى ۇقىق - مۇددەسىن قامتاماسىزداندىرۋدى كۇشەيتۋ. قورا - جايلىق جەردى ءوتىنىش ەتۋ، تەكسەرىپ بەكىتۋ ءتارتىبىن ايقىنداپ، جەرگىلىكتى ۇكىمەتتەردەن قۇرىلىسقا پايدالانىلاتىن جەر كورسەتكىشىن زاڭ بويىنشا ورنالاستىرىپ، اۋىل - قىستاق تۇرعىندارىنىڭ قورا - جايلىق جەر قاجەتىن ۇيلەسىمدى قامتاماسىزداندىرۋدى تالاپ ەتۋ كەرەك. ەگىنشىلەردىڭ زاڭ بويىنشا العان قورا - جايلىق جەر ۇقىق - مۇددەسىنە قول سۇعۋعا، ەگىنشىلەردىڭ تىلەگىنە قايشىلىق جاساپ، قورا - جايلىق جەردى زورلىقپەن اينالىمعا سالۋعا، ەگىنشىلەردىڭ زاڭ بويىنشا العان قورا - جايلىق جەرىن زاڭعا قايشى قايتارىپ الۋعا، قورا - جايلىق جەردەن شەگىنىپ شىعۋدى ەگىنشىلەردىڭ قالاعا كىرىپ قونىستانۋىنىڭ شارتى ەتۋگە، ەگىنشىلەردى قورا - جايلىق جەردەن كوشىپ كەتۋگە زورلاۋعا تيىم سالىنادى.
ءتورتىنشى، كوللەكتيۆ تيجارات سيپاتىنداعى قۇرىلىسقا پايدالانىلاتىن جەردىڭ بازارعا كىرۋىۋ ارناعا ءتۇسىرۋ. مەملەكەت جەرى كەڭىستىك پلانىن ءبىر تۇتاس جوسپارلاۋ جانە كوللەكتيۆ تيجارات سيپاتىنداعى قۇرىلىسقا پايدالانىلاتىن جەردىڭ ورنالاسۋى مەن پايدالانىلۋ ورنىن ۇيلەسىمدى ايقىنداۋ كەرەك، جاراتىلىستىق بايلىقتى باسقارۋشى تاراۋلار مەملەكەت جەرى كەڭىستىك پلانىنا ساي جوبا شارتىن العا قويۋ كەرەك. جەر مەنشىك ۇقىعى يەسى كوللەكتيۆ تيجارات سيپاتىنداعى قۇرىلىسقا پايدالانىلاتىن جەردى وتكەرمەلەۋ، مايعا بەرۋ سياقتى جوبالاردى زاڭ بويىنشا جاساپ، ءوز جەرىنىڭ جەر شەكارا ورنى، اۋدانى، پايدالانۋ ورنى، جوبالاۋ شارت - جاعدايى، كاسىپ سالاسىنا كىرۋگە رۇقسات ەتۋ جانە ەكولوگيالىق ورتانى قورعاۋ تالابى، پايدالانۋ مەرزىمى، ساۋدا ءتاسىلى، بازارعا كىرۋ باعاسى، كوللەكتيۆ تابىس ءبولىسىن ورنالاستىرۋ سياقتى مازمۇنداردى انىق جازادى. «بازارعا كىرۋ» ارقىلى جەردەن پايدالانۋشىنى مەردىگەر شاقىرۋ، باسەكەمەن ساتۋ، ماڭدايشالىق اسۋ نەمەسە كەلىسىم جاساسۋ سياقتى تاسىلدەرمەن بەلگىلەۋدى، ەكى جاق جازباشا توقتام جاساسۋدى جانە ەستەلىككە الۋدى تالاپ ەتەدى.
بەسىنشى، جەردەن پايدالانۋدى تەكسەرىپ بەكىتۋ ءتارتىبىن ساپالىلاندىرۋ. مەملەكەتتىك كەڭەستىڭ جەردەن پايدالانۋدى تەكسەرىپ بەكىتۋگە قاتىستى رەفورما رۋحىن دايەكتى تياناقتاندىرىپ، تەكسەرىپ بەكىتۋ دارەجەسىن ازايتىپ، اۋىل شارۋاشىلىعىنا پايدالانىلاتىن جەردى باسقاعا پايدالانۋ جوباسىن بەكىتۋ ۇقىعى بار حالىق ۇكىمەتىنە تىكەلەي جولداپ بەكىتتىرەدى، ەندىگارى «دارەجە بويىنشا» تەكسەرىپ بەكىتۋگە جولدانبايدى. تەكسەرىپ بەكىتۋ ماتەريالدارىن قاراپايىمداستىرىپ، بۇرىنعى «ءبىر شۋجيدىڭ 4 جوباسىن» اۋىل شارۋاشىلىعىنا پايدالانىلاتىن جەردى باسقاعا پايدالانۋ جوباسى مەن جەردى وتكىزىپ الۋ ءوتىنىشى ەتىپ بىرىكتىرۋ كەرەك. دەربەس ورىن تاڭدالاتىن قۇرىلىس وبيەكتىلەرىنە پايدالانىلاتىن جەردى الدىن الا تەكسەرۋ جانە ورىن تاڭداۋ پىكىرناماسىن بىرىكتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
