وليمپيادا سپورت جارىسىنىڭ شۇعىلالى داستانىن جازىپ، جاڭا شۇعىلالى تابىستار جاراتايىق (باسماقالا)
− جۇڭگو دەنەتاربيە ۋاكىلدەر ۇيىرمەسىنىڭ زور تابىسپەن ورالۋىن قىزۋ قارسى الامىز
2021.08.09 16:13 كەلۋ قاينارى : حالىق تورابى
وليمپيادا جارىسى اياقتادى، جۇڭگو ساڭلاقتارى داڭقپەن ورالدى. 32 - كەزەكتى جازعى وليمپيادا سپورت جارىسىنا قاتىناسقان جۇڭگو دەنەتاربيە ۋاكىلدەر ۇيىرمەسى ۇزدىك سپورت ناتيجەسىمەن، جارىس مايدانىنداعى تارتىمدى بەينەسىمەن، كوتەرىڭكى رۋحاني كۇيىمەن وتان مەن حالىققا جاڭا داڭق اپەردى، جۇڭگو كوممۋنيستىك پارتياسى قۇرىلعانىنىڭ 100 جىلدىعىنا جاڭا كورىك قوستى. سىزدەر جاپا شەكتىڭىزدەر! وتان مەن حالىق سىزدەرگە العىس ايتادى!
باس شۋجي شي جينپيڭ بىلاي: قالىڭ دەنەتاربيە قىزمەتكەرلەرى ۇزاق ۋاقىتتىق اماليات بارىسىندا قورىتىندىلاعان ‹وتانعا داڭق اپەرۋ، قالتقىسىز ۇلەس قوسۋ، عىلمي شىندىققا جۇگىنۋ، تارتىپكە، زاڭعا بويسۇنۋ، ىنتىماقتاسا سەلبەسۋ، قايسارلىقپەن كۇرەس جاساۋدى› نەگىزگى مازمۇن ەتكەن جۇڭحۋا دەنەتاربيە رۋحى وڭاي - وسپاق قولعا كەلمەگەن، اسا باعالى، جاڭالىق اشۋ نەگىزىندە مۇراگەرلىك ەتىپ، ساۋلەلەندىرۋ كەرەك» دەپ اتاپ كورسەتكەن بولاتىن. وسى كەزەكتى وليمپيادا سپورت جارىسىندا ەلىمىزدىڭ دەنەتاربيە ساڭلاقتارى جاڭا تيپتى ايدارشا ۆيرۋس وكپە قابىنۋ ىندەتىنەن تۋىنداعان ءتۇرلى سايىستاردى جەڭىپ، قايسار ەرىك - جىگەرمەن پارتيا مەن حالىق ءۇشىن، دەنەتاربيە جارىس الاڭىندا تىڭ ۇلەس قوسىپ، 38 التىن مەدال، 32 كۇمىس مەدال، 18 قولا مەدال الدى. وليمپيادا جارىس الاڭىندا نارت قىزىل مەملەكەت تۋى ارت - ارتىنان كوتەرىلىپ، ايبىندى مەملەكەت ءانى قايتا - قايتا ورىندالىپ، بۇكىل دۇنيە ءجۇزىنىڭ نازارىن اۋداردى جانە قۇرمەتتەلدى. ەلىمىزدىڭ دەنەتاربيە ساڭلاقتارىنىڭ كورنەكتى بەينەسى وليمپيادا رۋحى مەن جۇڭحۋا دەنەتاربيە رۋحىن جاندى بەينەلەپ، وتانعا، ۇلتقا، وليمپيادا سپورت جارىسىنا، ومىرگە كورىك قوساتىن كۇرەس جىگەرىن جاندى ايگىلەپ، بۇكىل ەلدەگى ءار ۇلت حالقىنىڭ ۇلتتىق سەنىمى مەن بۇكىل دۇنيە جۇزىندەگى جۇڭحۋا ۇلاندارىنىڭ ۇلتتىق ماقتانىش سەزىمىن تاسقىنداتىپ، جۇڭحۋا ۇلتىنىڭ ۇيىسۋ قۋاتىن، باۋراۋ قۋاتىن، سەنىمىن كۇشەيتتى، بۇل − ۇلى وتانشىلدىق رۋحتىڭ ماڭىزدى بەينەلەنۋى.
ۇلى ءىس ۇلى رۋحقا مۇقتاج، ۇلى رۋح ۇلى ىسكە قول جەتكىزەدى. «جۇرەك تۇكپىرىنەن تۇتانعان جۇڭگو كۇشى» مالتاۋ سپورتشىسى جاڭ يۇيفەيدىڭ ىركەس - تىركەس التىن مەدال الىپ، رەكورد جاراتۋىنا كومەكتەستى؛ «كومبەگە قاراماي، بار كۇشىن سالۋ» پوزيتسياسىمەن ءوزىن – ءوزى جىگەرلەندىرگەن تاق - تۇق دوپ سپورتشىسى ما لۇڭ دۇنيە جۇزىلىك ءبىرقانشا ءىرى جارىستا قاتارىنان 2 رەت اعا جۇلدەگەر بولدى؛ گيمناستيكا شەبەرى شياۋ روتىڭ ەلدەن ەرەك ونەرى مەن جەڭىلىسكە مويىنسال بولماۋ رۋحى ارقىلى ادامداردىڭ القاۋىنا يە بولدى؛ «جارىس مايدانىنداعى ۇشقىر ادام» سۋ بيڭتيان وليمپيادا سپورت جارىسىنىڭ 100 مەترلىك شەشۋشى جارىسىنا تۇڭعىش رەت كىرگەن جۇڭگولىق ساڭلاققا اينالدى... ەلىمىزدىڭ دەنەتاربيە ساڭلاقتارىنىڭ كورنەكتى بەينەسى قۇدىرەتتى وڭ ەنەرگيانى ايگىلەدى، «ادام ومىرىندە نەشە رەت سايىسا الادى» دەيتىن كۇرەسكەرلىك رۋحتى ايگىلەدى. ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن وسىنداي رۋح قاجەت. ءبىز بۇكىل قوعامدا ەلىمىزدىڭ دەنەتاربيە ساڭلاقتارى كورسەتكەن كۇرەسكەرلىك رۋحتى بارىنشا ساۋلەلەندىرىپ، ونى بۇكىل ەلدەگى ءار ۇلت حالقىنىڭ ىنتىماقتاسا كۇرەس جاسايتىن قۇدىرەتتى رۋحاني كۇشىنە اينالدىرۋىمىز كەرەك.
باس شۋجي شي جينپيڭ: «دەنەتاربيەدە قۇدىرەتتى ەل قۇرۋ − جاپپاي سوتسياليستىك وسىزاماندانعان مەملەكەت قۇرۋداعى ماڭىزدى نىسانا» دەپ اتاپ كورسەتكەن بولاتىن. كۇرەسكە تولى جاڭا ءداۋىر، ەكپىندەي ىلگەرىلەگەن جاڭا جورىقتا ەلىمىز دەنەتاربيە قىزمەتىنىڭ «دەنەتاربيە قيمىلىن دامىتىپ، حالىقتىڭ دەنە قۋاتىن كۇشەيتۋ» سىندى ءتۇبىرلى مىندەتىن مىقتى يگەرىپ، ەلىمىزدىڭ باسەكەلىك دەنەتاربيە جالپىلىق قۋاتىن ونان ارى جوعارىلاتىپ، باسەكەلىك سپورتتى اناعۇرلىم جاقسى، اناعۇرلىم تەز، اناعۇرلىم جوعارى ورەلى، اناعۇرلىم پارمەندى ورىستەتىپ، كەلەلى حالىقارالىق جارىستاردا وتانعا داڭق اپەرۋ قابىلەتىن جوعارىلاتۋ؛ جالپى حالىقتىق دەنە شىنىقتىراتىن مەملەكەت ستراتەگياسىن تياناقتاندىرىپ، جالپى حالىقتىڭ، اسىرەسە، قالىڭ جاستار مەن ورەندەردىڭ دەنە شىنىقتىرۋ قيمىلىن كەڭىنەن ورىستەتۋىن ىلگەرىلەتىپ، سالاماتتى جۇڭگو قۇرىلىسىن جەبەۋ؛ دەنەتاربيە رەفورماسىندا جاڭالىق جاراتۋ قادامىن تەزدەتىپ، بۇكىل ەل بولىپ جۇمىلۋ ءتۇزىلىسىنىڭ شىڭعا شىعۋداعى ماڭىزدى رولىن اناعۇرلىم ويداعىداي ساۋلەلەندىرىپ، بۇقارالىق سپورتتىڭ دەنەتاربيە نەگىزىن بەكەمدەۋدەگى ماڭىزدى رولىن اناعۇرلىم ويداعىداي ساۋلەلەندىرىپ، ەلىمىزدىڭ دەنەتاربيە ىستەرىنىڭ دامۋىنا تىڭ ومىرشەڭدىك كۇش قوسۋ كەرەك.
بەيجيڭ 2022 - جىلعى قىسقى وليمپيادا سپورت جارىسى، مۇگەدەكتەر قىسقى وليمپيادا سپورت جارىسى − دۇنيە جۇزىندەگى ءار ەلدىڭ سالتاناتتى جينالىسى، دۇنيە جۇزىندەگى سپورتشىلاردىڭ ءادىل باسەكە ساحناسى، بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن ويداعىداي وتكىزۋ − پارتيا مەن مەملەكەتتىڭ ءىرى ءىسى، ءبىزدىڭ حالىقارالىق قوعامعا بەرگەن ايبىندى ۋادەمىز. سەنىمدى بەكەمدەپ، قايراتتانا ۇمتىلىپ، كەمەلدەندىرە ءتۇسىپ، قيىنشىلىقتاردى جەڭىپ، جاڭا دامۋ ۇستانىمىن مۇقيات دايەكتىلەندىرىپ، «جاسىل بولۋ، بىرگە يگىلىكتەنۋ، اشىق، پاك بولۋ» سىندى وليمپيادا سپورت جارىسىن وتكىزۋ نەگىزگى ۇستانىمدارىن وليمپيادا سپورت جارىسىن وتكىزۋ دايىندىق قىزمەتىنىڭ تۇتاس بارىسىنا ءسىڭىرىپ، ءتۇرلى دايىندىق قىزمەتتەردى بار كۇشپەن ويداعىداي ىستەپ، بەيجيڭ قىسقى وليمپيادا سپورت جارىسىنىڭ، قىسقى مۇگەدەكتەر وليمپيادا سپورت جارىسىنىڭ ۇنەمشىل، حاۋىپسىز، تارتىمدى وليمپيادا سالتاناتتى جينالىسىنا اينالۋىنا كەپىلدىك ەتۋ كەرەك. بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزۋ ارقىلى ەلىمىزدىڭ قار - مۇز سپورتىنىڭ قارىشتاپ دامۋىن ىلگەرىلەتىپ، جاڭا داۋىردەگى دەنەتاربيە ىستەرىنىڭ ساپالى دامۋىن ىلگەرىلەتۋ كەرەك.
دەنەتاربيە كۇشەيسە، مەملەكەت قۇدىرەتتەنەدى، مەملەكەت قۇدىرەتتەنسە، دەنەتاربيە كۇشەيەدى. دەنەتاربيە حالىقتىڭ سالاماتتىق دەڭگەيىن جوعارىلاتۋدا، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدا، ادامنىڭ جان - جاقتى دامۋىن جەبەۋدە ماڭىزدى مانگە يە، ول ەكونوميكالىق، قوعامدىق دامۋدى جەبەۋدە، مەملەكەتتىڭ مادەنيەت جۇمساق كۇشىن ايگىلەۋدە ماڭىزدى مانگە يە. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جۇڭحۋا دەنەتاربيە رۋحىن بارىنشا ساۋلەلەندىرىپ، دەنەتاربيەدە قۇدىرەتتى ەل بولۋ قۇرىلىسىن جەدەلدەتىپ، قايسارلىقپەن كۇرەس جاساپ، ەرلىكپەن العا ۇمتىلىپ، ءبىر نيەتپەن ىنتىماقتاسىپ، ەكىنشى 100 جىلدىق كۇرەس نىساناسىنا، جۇڭحۋا ۇلتىنىڭ ۇلى گۇلدەنۋى سىندى ۇلى بولاشاققا قاراي ۇزدىكسىز العا باسۋىمىز كەرەك!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
