مۇرات شەرىپجان:
اتا مەكەننىڭ ورنىقتىلىعىن قورعاعان ”ءشول دالا قىرانى“
انار بۇلت / شينجياڭ گازەتىنىڭ ءتىلشىسى ءپاريزات ابدۇل
2021.09.26 15:55 كەلۋ قاينارى : شينجياڭ گازەتى
قانقۇيلى زورلىقتى كۇش لاڭكەس ەلەمەنتتەرى الدىندا، ول ەرلىكپەن الدا ءجۇرىپ، قىزمەتتەستەرىنە: ”مەن الدىمەن شىعامىن“، - دەيدى؛ سۇيىكتى جاۋىنگەر سەرىكتەرىن جانىنا جاقىن تارتىپ، ولارعا ۇنەمى: ”وزدەرىڭدى جاقسى قورعاڭدار“، - دەيدى.
ول − حوتان ايماقتىق قوعام حاۋىپسىزدىگى مەكەمەسى پارتكومىنىڭ مۇشەسى، ورىنباسار مەكەمە باستىعى مۇرات شەرىپجان.
2000 - جىلى جۇڭگو حالىق قوعام حاۋىپسىزدىگى داشۋەسىنەن وقۋ تاۋىسقان مۇرات شەرىپجان تەڭىز بويىنداعى قالادا قالىپ قىزمەت ىستەۋ ورايىنان باز كەشىپ، اتا مەكەنىنە قايتىپ حالىق ساقشىسى بولدى. ساقشى بولعاننان بەرى مۇرات شەرىپجان ىلگەرىندى - كەيىندى 2 رەت جەكە 2 - دارەجەلى ەڭبەك، 4 رەت جەكە 3 - دارەجەلى ەڭبەك ءسىڭىردى، 2014 - جىلى ”بۇكىل ەلدىڭ قوعام حاۋىپسىزدىگى جۇيەسىندەگى 1 - دارەجەلى قاھارمان ۇلگى“ اتاعى بەرىلدى، 2015 - جىلى ”مەملەكەتتىك وزات قىزمەتكەر“ اتاعىنا داڭقپەن يە بولدى.
داڭق الدىندا، مۇرات شەرىپجان كىشى پەيىلدىلىكپەن: ”بۇل داڭق لاڭكەستىككە قارسى تۇرۋدىڭ ءبىرىنشى شەبىندە كۇرەسىپ جاتقان بارلىق قوعام حاۋىپسىزدىگى حالىق ساقشىلارىنا ورتاق داڭق. حالىق ساقشىسى رەتىندە، مەن جاستىق كوكتەمىممەن جانە ىستىق قانىممەن اتا مەكەمەنىمنىڭ جاراسىمدىلىعىن، ورنىقتىلىعىن قورعايمىن، حالىق بۇقاراسىنىڭ باقىتتى تۇرمىسىن قورعايمىن“، - دەدى.
ءبىر جولى زورلىقتى كۇش لاڭكەس ەلەمەنتتى تۇتقىنداۋ بارىسىندا ساقشىلار قىلمىس كۇماندىسىن تار كوشەگە ماجبۇرلەپ اكەلگەننەن كەيىن، مۇرات شەرىپجان قىلمىس كۇماندىسىنىڭ ءبىر جاق قولىن قالتاسىنا سالعاندىعىن بايقاپ قالادى، سونان قىلمىس كۇماندىسىندا بومبى بار بولۋى مۇمكىن دەگەن سەزىمگە كەلەدى! مۇرات شەرىپجان جاۋىنگەر سەرىكتەرىن كەيىن شەگىنۋگە بۇيىرىپ، ءوزى اتىلىپ بارىپ، بار كۇشىمەن قىلمىس كۇماندىسىن باعىندىرادى.
”سول ساتتە مەن ەشقانداي دىبىستى ەستىمەدىم، كوز الدىما تەك ۇيدەگىلەردىڭ ءجۇزى عانا كەلدى“، - دەدى مۇرات شەرىپجان ەسكە الىپ، بىرنەشە سەكۋندتان كەيىن ول سەلت ەتىپ سەرگىپ، ەڭ الدىمەن قىلمىس كۇماندىسىن باعىندىرعاننان كەيىن، قىلمىس كۇماندىسىنىڭ قالتاسىن اقتارعاندا ونىڭ قالتاسىندا ءىس جۇزىندە ۇساق - تۇيەك نارسەلەر عانا بار ەكەندىگىن بايقايدى.
ولىممەن بەتپە - بەت كەلەتىندىكتەن، مۇرات شەرىپجاننىڭ ەڭ ”الاڭدايتىنى“ حالىق ساقشىسىنىڭ قۇربان بولۋى، وسى سەبەپتەن دە ول ۇستامدى دا باتىل قىزمەت ستيلىن قالىپتاستىرعان.
”ءاربىر دەلونى تەكسەرگەندە ول ۇنەمى اشۋ ءتۇيىنىن تاۋىپ شىعادى“. مۇرات شەرىپجاننىڭ تاربيەسىن كورگەن كوپتەگەن جاس حالىق ساقشىلارىنىڭ ءبىرى رەتىندە، حوتان ايماقتىق قوعام حاۋىپسىزدىگى مەكەمەسىنىڭ حالىق ساقشىسى ءانۋار اركىن بۇل اعاسىن شىن جۇرەكتەن قۇرمەتتەيدى.
”ءار جولى مىندەت وتەۋگە شىققاندا، مۇرات اعام ءبىزدىڭ الدىعا شىعۋىمىزعا جول بەرمەيدى، كىمدە - كىم بويسۇنباسا ول اشۋ شاقىرادى“، - دەدى ءانۋار.
تالاي جىلدان بەرى مۇرات شەرىپجان باستان - اياق زورلىقتى كۇش لاڭكەس قىلمىستىلارىنا سوققى بەرۋدىڭ ءبىرىنشى شەبىندە كۇرەس جۇرگىزىپ، حالىق ساقشىسىنىڭ مىندەت جاۋاپكەرشىلىگىن ادالدىقپەن وتەپ، ءبىر توپ ءىرى، ەلەۋلى دەلونى بارلاپ اشتى. تالاي شايقاستى باسىنان كەشىرگەن ونى قىزمەتتەستەرى ”ءشول دالا قىرانى“ دەپ اتادى.
”مۇرات شەرىپجان ماڭىنداعىلارعا ۇنەمى ساقشىلىق قىزمەتتى جاقسى ىستەۋ ءۇشىن، ىسىلعان شەبەرلىك بولماسا بولمايدى، زاڭعا جەتىك بولىپ قانا قويماي، قىلمىس زەرتتەۋ ءىلىمى، پسيحولوگيا، ەكونوميا سياقتى بىلىمدەردى دە جاقسى ۇيرەنۋ كەرەك، سوندا عانا جاۋدى جەڭۋگە بولادى دەپ وتىرادى. قولىنداعى دەلوسىن بىتىرگەننەن كەيىن، ول ىلعي قايتا قاداعالاپ، ەگجەي - تەگجەيلى تالداۋ جاساپ، تاجىريبەلەردى قورىتىندىلايدى. ول لاڭكەستىككە قارسى كۇرەس تاجىريبەلەرىن جاس حالىق ساقشىلارىنا بۇكپەسىز ۇيرەتتى ءارى استە دايىندىقسىز شايقاس جۇرگىزبەڭدەر دەپ قايتا - قايتا قاداعالاپ تاپسىردى“، - دەدى حوتان ايماقتىق قوعام حاۋىپسىزدىگى مەكەمەسىنىڭ حالىق ساقشىسى حۋ يۇيلۇڭ.
”ول بارلىق جەردە كاسىپتى ماڭىزدى ورىنعا قويدى، حالىق بۇقاراسىن ماڭىزدى ورىنعا قويدى، حالىق ساقشىسىنىڭ تاماشا وبرازىن ورناتتى“، - دەدى مۇرات شەرىپجانمەن 20 جىل بىرگە قىزمەت ىستەگەن حوتان ايماقتىق قوعام حاۋىپسىزدىگى مەكەمەسىنىڭ حالىق ساقشىسى وسمانجان احات.
جاۋاپكەرشىلىك ارقالاپ، ادالدىقتى كوڭىل تورىنە كەستەلەدى. مۇرات شەرىپجان قىزمەتتەستەرىن باستاپ، ءىس جۇزىندىك ارەكەتى ارقىلى اۋەلگى ماقسات پەن بورىشتى امالياتتا ايگىلەپ، جاۋاپكەرشىلىك ارقالاۋدى ادالدىقپەن ءتۇسىندىرىپ، ءوزى سۇيەتىن وسى قۇنارلى توپىراقتى قورعاۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
