مەملەكەتتىڭ بيولوگيالىق حاۋىپسىزدىك قاتەرىنەن ساقتانۋ - تىزگىندەۋ جانە جونگە سالۋ جۇيەسى قۇرىلىسىن كۇشەيتىپ، مەملەكەتتىڭ بيولوگيالىق حاۋىپسىزدىكتى جونگە سالۋ قۋاتىن جوعارىلاتۋ كەرەك

2021.09.30 14:35 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　بيولوگيالىق حاۋىپسىزدىك حالىقتىڭ ومىرىنە، دەنساۋلىعىنا سايادى، مەملەكەتتىڭ باياندى تىنىشتىعىنا سايادى، جۇڭحۋا ۇلتىنىڭ باياندى دامۋىنا سايادى، مەملەكەتتىڭ جالپى تۇلعالىق حاۋىپسىزدىگىنىڭ ماڭىزدى قۇرامداس بولىگى، سونداي - اق دۇنيە ءجۇزىنىڭ جاعدايىنا ىقپال جاسايتىن، ءتىپتى، ونى قايتا سومدايتىن ماڭىزدى كۇش. جاڭا جاعدايدا بيولوگيالىق حاۋىپسىزدىك قۇرىلىسىن كۇشەيتۋدىڭ ماڭىزدىلىعى مەن كوكەي تەستىلىگىن جەتە تانىپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، بيولوگيالىق حاۋىپسىزدىك زاڭىن دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ادامدى نەگىز ەتۋ، حاۋىپ - قاتەردەن ساقتانۋ، تۇرگە ءبولىپ باسقارۋ، سايكەستىرە سەلبەسۋ پرينسيبى بويىنشا، مەملەكەتتىڭ بيولوگيالىق حاۋىپسىزدىك قاتەرىنەن ساقتانۋ - تىزگىندەۋ جانە جونگە سالۋ جۇيەسى قۇرىلىسىن كۇشەيتىپ، مەملەكەتتىڭ بيولوگيالىق حاۋىپسىزدىكتى جونگە سالۋ قۋاتىن جوعارىلاتىپ، مەملەكەتتىڭ بيولوگيالىق حاۋىپسىزدىك قالتقىسىن شىن مانىندە بەكەمدەۋ كەرەك

　　مەملەكەتتىك بيولوگيالىق حاۋىپسىزدىكتى جونگە سالۋ جۇيەسىن كەمەلدەندىرىپ، ستراتەگيالىق، بولاشاقتىق زەرتتەۋدى، جوسپارلاۋدى كۇشەيتىپ، مەملەكەتتىڭ بيولوگيالىق حاۋىپسىزدىك ستراتەگياسىن كەمەلدەندىرۋ كەرەك. جۇيەلى جونگە سالۋدى جانە تۇتاس تىزبەك بويىنشا ساقتانۋ، تىزگىندەۋدى كۇشەيتىپ، جۇيەلى وي جۇگىرتۋدە تاباندى بولىپ، عىلمي شارا قولدانىپ، ءبىر تۇتاس جوسپارلاپ، تۇتاس تىزبەكتى جونگە سالۋدى مىقتى يگەرۋ كەرەك. بيولوگيالىق حاۋىپسىزدىكتىڭ ءتۇيىندى حاۋىپ - قاتەرى سالاسىن مىقتى يگەرىپ، تومەنگى شەكتە ويلاۋ مەن حاۋىپ - قاتەر تانىمىن كۇشەيتۋ كەرەك. بيولوگيالىق عىلىم - تەحنيكادا جاڭالىق اشۋدى جانە كاسىپ سالالاندىرىپ قولدانۋدى جەدەل ىلگەرىلەتىپ، بيولوگيالىق حاۋىپسىزدىك سالاسىنداعى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتىپ، مەملەكەتتىڭ بيولوگيالىق حاۋىپسىزدىك ستراتەگيالىق عىلىم - تەحنيكالىق كۇشىن قالىپتاستىرىپ، بيولوگيالىق حاۋىپسىزدىك عىلمي زەرتتەۋىنەن قامال الۋ مەحانيزمىن اقاۋسىزداندىرىپ، بيولوگيالىق تەحنيكانى زەرتتەۋ - اشۋدى، قولدانۋدى باقىلاۋ - باسقارۋدى قاتايتىپ، بيولوگيالىق تاجىريبەحانالاردى باسقارۋدى كۇشەيتىپ، عىلمي زەرتتەۋ نىساندارىنىڭ ەتيكالىق تەكسەرۋىن جانە عالىمداردىڭ ءمورال تاربيەسىن قاتايتۋ كەرەك. دۇنيە ءجۇزىنىڭ بيولوگيالىق حاۋىپسىزدىكتى جونگە سالۋىنا بەلسەنە ات سالىسىپ، حالىقارالىق قوعاممەن بىرگە كۇن سايىن اۋىرلاپ بارا جاتقان بيولوگيالىق حاۋىپسىزدىك سىن - سايىسىنا قول ۇستاسا توتەپ بەرىپ، بيولوگيالىق حاۋىپسىزدىك ساياساتىن بەلگىلەۋ، حاۋىپ - قاتەردى باعالاۋ، شۇعىل جاعدايعا توتەپ بەرۋ، ءۇن قوسۋ، ينفورماتسيادان ورتاق يگىلىكتەنۋ، قابىلەت قۇرىلىسى سياقتى جاقتارداعى ەكى جاقتى، كوپ جاقتى سەلبەستىك پەن اۋىس - كۇيىستى كۇشەيتۋ كەرەك

　　شينحۋا اگەنتتىگى، 9 - ايدىڭ 29 - كۇنى، بەيجيڭ. ج ك پ ورتالىق كوميتەتىنىڭ ساياسي بيۋروسى 9 - ايدىڭ 29 - كۇنى تۇستەن كەيىن ەلىمىزدىڭ بيولوگيالىق حاۋىپسىزدىك قۇرىلىسىن كۇشەيتۋ جونىندە 33 - رەتكى توپتىق ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا مىنالاردى دارىپتەدى: بيولوگيالىق حاۋىپسىزدىك حالىقتىڭ ومىرىنە، دەنساۋلىعىنا سايادى، مەملەكەتتىڭ باياندى تىنىشتىعىنا سايادى، جۇڭحۋا ۇلتىنىڭ باياندى دامۋىنا سايادى، مەملەكەتتىڭ جالپى تۇلعالىق حاۋىپسىزدىگىنىڭ ماڭىزدى قۇرامداس بولىگى، سونداي - اق دۇنيە ءجۇزىنىڭ جاعدايىنا ىقپال جاسايتىن، ءتىپتى، ونى قايتا سومدايتىن ماڭىزدى كۇش. جاڭا جاعدايدا بيولوگيالىق حاۋىپسىزدىك قۇرىلىسىن كۇشەيتۋدىڭ ماڭىزدىلىعى مەن كوكەي تەستىلىگىن جەتە تانىپ، جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، بيولوگيالىق حاۋىپسىزدىك زاڭىن دايەكتىلەندىرىپ، تياناقتاندىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ادامدى نەگىز ەتۋ، حاۋىپ - قاتەردەن ساقتانۋ، تۇرگە ءبولىپ باسقارۋ، سايكەستىرە سەلبەسۋ پرينسيبى بويىنشا، مەملەكەتتىڭ بيولوگيالىق حاۋىپسىزدىك قاتەرىنەن ساقتانۋ - تىزگىندەۋ جانە جونگە سالۋ جۇيەسى قۇرىلىسىن كۇشەيتىپ، مەملەكەتتىڭ بيولوگيالىق حاۋىپسىزدىكتى جونگە سالۋ قۋاتىن جوعارىلاتىپ، مەملەكەتتىڭ بيولوگيالىق حاۋىپسىزدىك قالتقىسىن شىن مانىندە بەكەمدەۋ كەرەك.

　　جۇڭگو ينجەنەريا اكادەمياسىنىڭ اكادەميگى، جۇڭگو اۋىل شارۋاشىلىق عىلىم اكادەمياسى باستىعىنىڭ ورىنباسارى ۋ كۇڭميڭ جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.

　　شي جينپيڭ ۇيرەنۋدى باسقارعاندا ماڭىزدى ءسوز سويلەدى. ول مىنانى اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى بيولوگيالىق حاۋىپسىزدىك قۇرىلىسىن كۇشەيتۋدى اناعۇرلىم كورنەكتى ورىنعا قويىپ، مەملەكەت حاۋىپسىزدىگى ستراتەگياسىنا كىرگىزدى، بيولوگيالىق حاۋىپسىزدىك زاڭىن جاريالاپ اتقاردى، مەملەكەتتىڭ بيولوگيالىق حاۋىپسىزدىك ساياساتى مەن مەملەكەتتىڭ بيولوگيالىق حاۋىپسىزدىك ستراتەگياسىن شىعاردى، مەملەكەتتىڭ بيولوگيالىق حاۋىپسىزدىك قىزمەتىن ۇيىمداستىرۋ – باسشىلىق ەتۋ ءتۇزىلىس، مەحانيزمىن اقاۋسىزداندىردى، بيولوگيالىق حاۋىپسىزدىكتەگى اۋىر قاتەرگە بەلسەنە توتەپ بەردى، بيولوگيالىق بايلىقتى قورعاۋدى، پايدالانۋدى كۇشەيتتى، بۇكىل پارتيانىڭ، بۇكىل ەلدىڭ، بۇكىل قوعامنىڭ كۇشىن جۇمىلدىرىپ جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ حالىقتىق شايقاسىن ويداعىداي جۇرگىزدى، ەلىمىزدىڭ بيولوگيالىق حاۋىپسىزدىك ساقتىق تانىمى مەن قورعانۋ قابىلەتى ۇزدىكسىز كۇشەيدى، بيولوگيالىق حاۋىپسىزدىك نەگىزىن قورعاۋ ۇزدىكسىز بەكەمدەلدى، بيولوگيالىق حاۋىپسىزدىك قۇرىلىسىندا تاريحي تابىستارعا قول جەتكىزىلدى.

　　شي جينپيڭ مىنالاردى دارىپتەدى: قازىر ءداستۇرلى بيولوگيالىق حاۋىپسىزدىك ماسەلەسى مەن جاڭاشا بيولوگيالىق حاۋىپسىزدىك قاتەرى ءوزارا قاباتتاسىپ، شەكارا سىرتىنداعى بيولوگيالىق حاۋىپ - قاتەر مەن ىشكى بيولوگيالىق حاۋىپ - قاتەردىڭ توعىسۋى قاتار ءومىر ءسۇرىپ، بيولوگيالىق حاۋىپسىزدىك قاتەرىندە كوپتەگەن جاڭا ەرەكشەلىك جارىققا شىقتى، ەلىمىزدىڭ بيولوگيالىق حاۋىپسىزدىك قاتەرىنەن ساقتانۋ - تىزگىندەۋ جانە جونگە سالۋ جۇيەسىندە ءالى دە ولقىلىقتار، السىزدىكتەر ورىن تەۋىپ وتىر. ەلىمىزدىڭ بيولوگيالىق حاۋىپسىزدىك جاعدايىنا عىلمي تالداۋ جاساپ، ءدوپ كەلگەن حاۋىپ - قاتەر مەن سىن - سايىستى يگەرىپ، بيولوگيالىق حاۋىپسىزدىك قۇرىلىسىن كۇشەيتۋدىڭ وي جەلىسى مەن شارالارىن ايقىنداۋ كەرەك.

　　شي جينپيڭ بىلاي دەپ اتاپ كورسەتتى: مەملەكەتتىڭ بيولوگيالىق حاۋىپسىزدىكتى جونگە سالۋ جۇيەسىن كەمەلدەندىرىپ، ستراتەگيالىق، كورەگەندىك تۇرعىدان زەرتتەۋ - جوسپارلاۋدى كۇشەيتىپ، مەملەكەتتىڭ بيولوگيالىق حاۋىپسىزدىك ستراتەگياسىن كەمەلدەندىرۋ كەرەك. پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، بۇقارا ات سالىساتىن، زاڭمەن جونگە سالۋ ارقىلى قامتاماسىز ەتىلەتىن بيولوگيالىق حاۋىپسىزدىكتى جونگە سالۋ مەحانيزمىن اقاۋسىزداندىرىپ، ءار دارەجەلى بيولوگيالىق حاۋىپسىزدىك قىزمەتىن سايكەستىرۋ مەحانيزمىن كۇشەيتۋ كەرەك. زاڭ شىعارۋ، زاڭ اتقارۋ، ءادىليا، زاڭ جالپىلاستىرۋ، زاڭعا بويسۇنۋ بۋىندارىنان باستاپ جاپپاي كۇش سالىپ، مەملەكەتتىڭ بيولوگيالىق حاۋىپسىزدىك زاڭ - ەرەجە جۇيەسى مەن تۇزىمدىك قامتاماسىزداندىرۋ جۇيەسىن اقاۋسىزداندىرىپ، بيولوگيالىق حاۋىپسىزدىك زاڭ - ەرەجەلەرى مەن بيولوگيالىق حاۋىپسىزدىك بىلىمدەرى جونىندەگى ۇگىت - تاربيەنى كۇشەيتىپ، تۇتاس قوعامنىڭ بيولوگيالىق حاۋىپسىزدىك قاتەرىنەن ساقتانۋ تانىمىن جوعارىلاتۋ كەرەك. بىرلەسىپ ساقتانۋ، بىرلەسىپ تىزگىندەۋ، كوپ بولىپ ساقتانۋ، كوپ بولىپ تىزگىندەۋ سىندى نەگىزگى ساتىنىڭ نەگىزىن بەكەمدەپ، بيولوگيالىق حاۋىپسىزدىك قاتەرىنەن ساقتانۋ - تىزگىندەۋدىڭ حالىقتىق شايقاسىن ويداعىداي جۇرگىزۋ كەرەك.

　　شي جينپيڭ بىلاي دەپ دارىپتەدى: جۇيەلى جونگە سالۋدى جانە تۇتاس تىزبەك بويىنشا ساقتانۋ، تىزگىندەۋدى كۇشەيتىپ، جۇيەلى وي جۇگىرتۋدە تاباندى بولىپ، عىلمي شارا قولدانىپ، ءبىر تۇتاس جوسپارلاپ، تۇتاس تىزبەكتى جونگە سالۋدى مىقتى يگەرۋ كەرەك. بيولوگيالىق حاۋىپسىزدىك قاتەرىن باقىلاۋ - ولشەۋ، ساقتاندىرۋ تورىن مىقتاپ توقىپ، باقىلاۋ - ولشەۋ، ساقتاندىرۋ جۇيەسىن اقاۋسىزداندىرىپ، نەگىزگى ساتىنىڭ باقىلاۋ - تەكسەرۋ پۋنكتى قۇرىلىسىن ءتۇيىندى تۇردە كۇشەيتىپ، سوڭعى بۋىنداعى بايقاۋ قابىلەتىن جوعارىلاتۋ كەرەك. تۇتقيىل تۋىلاتىن جۇقپالى اۋرۋلار، حايۋاناتتار مەن وسىمدىكتەردەگى اۋىر ىندەت، ميكرو ورگانيزمدەردىڭ دارىگە توزىمدىلىگى، بيولوگيالىق تەحنيكالىق ورتانىڭ حاۋىپسىزدىگى سياقتى حاۋىپ - قاتەر فاكتورلارىن جەدەل سەزىپ، پارىقتاپ، ەرتە بايقاۋ، ەرتە ساقتاندىرۋ، ەرتە توتەپ بەرۋ كەرەك. ءىرى بيولوگيالىق حاۋىپسىزدىك توسىن وقيعالارىنا شۇعىل توتەپ بەرۋ جوباسىن ورناتىپ جانە كەمەلدەندىرىپ، شۇعىل جاعدايعا توتەپ بەرۋ، ءۇن قوسۋ مەحانيزمىن كەمەلدەندىرۋ كەرەك. شۇعىل جاعدايعا توتەپ بەرەتىن زاتتار مەن قۋات قورىن كۇشەيتىپ، ناقتى زاتتاردى دا، ءوندىرىس قۋاتىن دا ساقتاۋ كەرەك. بەلسەنە ساقتانىپ، ىرىقتىلىقپەن جونگە سالىپ، ادام مەن حايۋاناتتاعى اۋرۋدان بىردەي ساقتانىپ، وتكەلدى الدىعا جىلجىتۋدا تاباندى بولىپ، ادام مەن حايۋاناتقا بىردەي تارايتىن اۋرۋدىڭ جولىن تۋ باستان توسۋ كەرەك. اناعۇرلىم دالمە - ءدال، اناعۇرلىم ءونىمدى ساقتانۋدى تياناق ەتىپ، نەگىزگى ساتىداعى حايۋاناتتار مەن وسىمدىكتەردە بولاتىن جۇقپالى اۋرۋلاردان ساقتانۋ - تىزگىندەۋ ءتۇزىلىس، مەحانيزمىن ىركىلىسسىزدەندىرىپ، قۇرىلىمداردىڭ ورنىن ايقىنداپ، كاسىپتىك قابىلەتتى جوعارىلاتىپ، نەگىزگى ساتىنىڭ نەگىزىن بەكەمدەۋ كەرەك.

　　شي جينپيڭ مىنالاردى اتاپ كورسەتتى: بيولوگيالىق حاۋىپسىزدىكتىڭ ءتۇيىندى حاۋىپ - قاتەرى سالاسىن مىقتى يگەرىپ، تومەنگى شەكتە ويلاۋ مەن حاۋىپ - قاتەر تانىمىن كۇشەيتۋ كەرەك. بيولوگيالىق بايلىق حاۋىپسىزدىگىن باقىلاۋ - باسقارۋدى كۇشەيتىپ، بيولوگيالىق بايلىق پەن ادامزاتتىڭ گەنەتيكالىق بايلىعى تىزىمدىگىن جاساۋ، كەمەلدەندىرۋ كەرەك. شەكارادان كىرۋدەگى كارەنتيندەۋدى كۇشەيتىپ، كومەسكى حاۋىپ - قاتەرگە تالداۋ جاساۋدى جانە بەلگىلەمەگە، زاڭعا قايشى ارەكەتتەردى جازالاۋدى كۇشەيتىپ، مەملەكەت قاقپاسى وتكەلىن باتىل بەكەمدەۋ كەرەك. اۋرۋ كىرگىزگەن ءارى اۋىر زيان تۋدىرعانداردىڭ جاي - جاپسارىن انىقتاپ، «ءبىر تۇرگە ءبىر شارا قولدانۋ» ارقىلى دالمە - ءدال جونگە سالىپ، ىندەتتى ءونىمدى تۇردە جويۋ كەرەك. ەل ىشىندەگى اۋرۋ قوزدىرعىش ميكروورگانيزم تاجىريبەحاناسىنىڭ بيولوگيالىق حاۋىپسىزدىگىن باسقارۋدى كۇشەيتىپ، قاتىستى نورمالى ولشەمدەردى قاتاڭ اتقارىپ، تاجىريبە ۇلگىلەرىن، تاجىريبە جانۋارلارىن، تاجىريبە قيمىلدارىنداعى جاراقسىز زاتتاردى قاتاڭ باسقارۋ كەرەك. ميكروورگانيزم دارىلەرىن ىستەتۋ مەن قالدىقتارىن باسقارۋدى كۇشەيتۋ كەرەك.

　　شي جينپيڭ مىنالاردى دارىپتەدى: بيولوگيالىق عىلىم - تەحنيكادا جاڭالىق اشۋدى جانە كاسىپ سالالاندىرىپ قولدانۋدى جەدەل ىلگەرىلەتىپ، بيولوگيالىق حاۋىپسىزدىك سالاسىنداعى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى ىلگەرىلەتىپ، مەملەكەتتىڭ بيولوگيالىق حاۋىپسىزدىك ستراتەگيالىق عىلىم - تەحنيكالىق كۇشىن قالىپتاستىرىپ، بيولوگيالىق حاۋىپسىزدىك عىلمي زەرتتەۋىنەن قامال الۋ مەحانيزمىن اقاۋسىزداندىرىپ، بيولوگيالىق تەحنيكانى زەرتتەۋ - اشۋدى، قولدانۋدى باقىلاۋ - باسقارۋدى قاتايتىپ، بيولوگيالىق تاجىريبەحانالاردى باسقارۋدى كۇشەيتىپ، عىلمي زەرتتەۋ نىساندارىنىڭ ەتيكالىق تەكسەرۋىن جانە عالىمداردىڭ ءمورال تاربيەسىن قاتايتۋ كەرەك. بيولوگيالىق تەحنيكانىڭ اقاۋسىز دامۋىن جەبەپ، عىلىمعا قۇرمەت ەتۋ، باقىلاۋ - باسقارۋدى قاتايتۋ، زاڭ - ەرەجەگە ساي بولۋ، حاۋىپسىزدىككە كەپىلدىك ەتۋ العى شارتىندا، بيولوگيالىق تۇقىم جەتىلدىرۋ، بيولوگيالىق ءدارى جاساۋ سياقتى سالالاردىڭ كاسىپ سالالانۋىن، قولدانىلۋىن تارتىپپەن ىلگەرىلەتۋ كەرەك. تاڭداۋلى ءداستۇرلى ۇستانىمدى وسى زامانعى بيولوگيالىق تەحنيكامەن ۇشتاستىرىپ، جۇڭگوشا، باتىسشا شيپاگەرلىكتى ۇشتاستىرىپ، جۇڭگوشا، باتىسشا دارىلەردى قاتار قولدانىپ، بيولوگيالىق جولمەن ساقتانۋ، جاسىل ساقتانۋ تەحنيكاسى مەن ۇلگىسىن شوعىرلى جالپىلاستىرىپ، باكتەرياعا قارسى دارىلەردەن پايدالانۋدى سايكەستى ارناعا ءتۇسىرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جەبەۋ كەرەك.

　　شي جينپيڭ بىلاي دەپ اتاپ كورسەتتى: دۇنيە ءجۇزىنىڭ بيولوگيالىق حاۋىپسىزدىكتى جونگە سالۋىنا بەلسەنە ات سالىسىپ، حالىقارالىق قوعاممەن بىرگە كۇن سايىن اۋىرلاپ بارا جاتقان بيولوگيالىق حاۋىپسىزدىك سىن - سايىسىنا قول ۇستاسا توتەپ بەرىپ، بيولوگيالىق حاۋىپسىزدىك ساياساتىن بەلگىلەۋ، حاۋىپ - قاتەردى باعالاۋ، شۇعىل جاعدايعا توتەپ بەرۋ، ءۇن قوسۋ، ينفورماتسيادان ورتاق يگىلىكتەنۋ، قابىلەت قۇرىلىسى سياقتى جاقتارداعى ەكى جاقتى، كوپ جاقتى سەلبەستىك پەن اۋىس - كۇيىستى كۇشەيتۋ كەرەك. «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارتتاسۋشى جاقتار جينالىسىن ويداعىداي وتكىزىپ، «2020 - جىلدان كەيىنگى دۇنيە جۇزىلىك ورگانيزمدەردىڭ الۋان تۇرلىلىگى جۇلگەسىن» جاساۋدى ىلگەرىلەتىپ، دۇنيە جۇزىنە جۇڭگونىڭ اقىل - پاراساتىن ارناپ، جۇڭگو جوباسىن ۇسىنۋ كەرەك. عىلمي پرينسيپ، عىلمي ەرەجە بويىنشا جاڭا تيپتى ايدارشا ۆيرۋستىڭ تەگىن انىقتاۋ قىزمەتىن ىلگەرىلەتۋدى دارىپتەۋ كەرەك.

　　شي جينپيڭ بىلاي دەپ دارىپتەدى: بيولوگيالىق حاۋىپسىزدىك قۇرىلىسىن كۇشەيتۋ − ۇزاق ۋاقىتتىق ءارى جاپالى مىندەت، ول ۇزدىكسىز كۇش سالۋدى، تىڭعىلىقتى ىلگەرىلەتۋدى قاجەت ەتەدى. ءار دارەجەلى پارتكومدار (پارتگرۋپپالار) مەن ۇكىمەتتەر يدەيالىق تانىم مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، بيولوگيالىق حاۋىپسىزدىك قىزمەتىنىڭ جاۋاپكەرلىگىن ناقتاپ تياناقتاندىرىپ، اركىم ءوز جاۋاپكەرلىگىن ءبىلىپ، اركىم ءوز جاۋاپكەرلىگىن ادا ەتۋى كەرەك. ۇسىنىلىم سەرپىنىن ارتتىرىپ، ساياسات - شارالاردى كەمەلدەندىرىپ، فاكتورمەن قامتاماسىز ەتۋدى كۇشەيتىپ، بيولوگيالىق حاۋىپسىزدىك قۇرىلىسىنىڭ ءتۇيىندى مىندەتتەرىن ناقتى، ويداعىداي يگەرىپ، ناتيجە شىعارىپ، بيولوگيالىق حاۋىپسىزدىك قاتەرىنەن ساقتانۋ - تىزگىندەۋ جانە جونگە سالۋ جۇيەسىنىڭ وسىزاماندانۋ دەڭگەيىن جوعارىلاتىپ، مەملەكەتتىڭ بيولوگيالىق حاۋىپسىزدىكتەگى ىرىقتىلىق ۇقىعىن مىقتاپ يگەرۋ كەرەك. جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋدى تاباندىلىقپەن مىقتى يگەرىپ، بەيعامدىققا سالىنۋ يدەياسىن، شايقاستان قاجۋ كوڭىل كۇيىن، باق سىناۋ ويىن، بوساڭسۋ پيعىلىن باتىل جەڭىپ، ءتۇرلى ساقتانۋ - تىزگىندەۋ شارالارىن قاتاڭ، ءجىتى تياناقتاندىرىپ، وڭاي - وسپاق قولعا كەلمەگەن ساقتانۋ - تىزگىندەۋ جەتىستىكتەرىن ساقتاپ قالۋ كەرەك.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

نازار سالا كەتەرسىز

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved