پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ
− شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەكتەپتەردىڭ يدەيالىق ساياسي قىزمەتىنە كوڭىل بولگەندىگى تۋرالى ەستەلىك
شينحۋا اگەنتتىگىنىڭ ءتىلشىسى ۋاڭ پىڭ
2021.12.03 16:33 كەلۋ قاينارى : شينجياڭ گازەتى
دارىندى تاربيەلەپ، بىلىكتىلەردى جەتىلدىرۋ − مەملەكەتتىڭ نەگىزى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا وقۋ - اعارتۋدىڭ ورنى مەن رولىنا نەمقۇرايدى قاراۋعا بولمايدى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى مەكتەپتەردىڭ يدەيالىق ساياسي قىزمەتىنە ايرىقشا ءمان بەردى. باس شۋجي شي جينپيڭ قانداي ادام تاربيەلەۋ، ادامدى قالاي تاربيەلەۋ، ادامدى كىم ءۇشىن تاربيەلەۋ سىندى وسى ءتۇبىرلى ماسەلەلەردى توڭىرەكتەي وتىرىپ ارت - ارتىنان ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، بەكىتۋ جاساپ، جاڭا داۋىردەگى مەكتەپتەردىڭ يدەيالىق ساياسي ساباعى قۇرىلىسىنا قاتىستى ءبىر قىدىرۋ بەتالىستىق سيپات، ءتۇبىرلى سيپات الاتىن ماسەلەلەرگە جۇيەلى، عىلمي، تەرەڭدەي جاۋاپ بەرىپ، مەكتەپتەردىڭ يدەيالىق ساياسي قىزمەتىنە ايقىن العا باسۋ بەتالىسىن كورسەتتى.
2016 - جىلى 12 - ايدىڭ 7 - كۇنىنەن 8 - كۇنىنە دەيىن جوعارى مەكتەپتەردىڭ يدەيالىق ساياسي قىزمەتى جونىندەگى مەملەكەتتىك ءماجىلىس اشىلدى. باس شۋجي شي جينپيڭ بىلاي دەپ باسا دارىپتەدى: ونەگە كورسەتىپ ادام تاربيەلەۋدى وزەكتى بۋىن ەتىپ، يدەيالىق ساياسي قىزمەتتى ءتالىم - تاربيەنىڭ، وقىتۋدىڭ جالپى بارىسىنا ءسىڭىرىپ، جالپى بارىستىق ادام تاربيەلەۋدى، جان - جاقتى ادام تاربيەلەۋدى جۇزەگە اسىرىپ، ەلىمىز جوعارى دارەجەلى وقۋ - اعارتۋ ىستەرى دامۋىنىڭ جاڭا جاعدايىن قۇلشىنا اشۋ كەرەك.
جوعارى وقۋ - اعارتۋدان نەگىزدىك وقۋ - اعارتۋعا، ونان كاسىپتىك وقۋ - اعارتۋعا دەيىن قالىڭ وقۋ - اعارتۋ قىزمەتكەرلەرى مەكتەپتەردىڭ يدەيالىق ساياسي قىزمەتىن ۇزدىكسىز كۇشەيتىپ جانە جاقسارتىپ، پارتيا ءۇشىن ادام تاربيەلەۋدىڭ، مەملەكەت ءۇشىن دارىندى تاربيەلەۋدىڭ تەلەگەي كۇشىن ۇيىستىرىپ، جۇڭحۋا ۇلتىنىڭ ۇلى گۇلدەنۋى ءۇشىن دارىندىلار جاعىنان قۋاتتى تىرەك ازىرلەدى.
بيىكتە تۇرىپ الىستى بولجادى، تۋ ۇستاپ باعدار بەلگىلەدى
شي جينپيڭ جولداستى ۇيتقى ەتكەن پارتيا ورتالىق كوميتەتى ۇلتتى گۇلدەندىرۋ ۇلى مىندەتىن ارقالايتىن ءداۋىر جاڭا ادامدارىن باۋلۋدىڭ ستراتەگيالىق بيىك تۇرعىسىندا تۇرىپ، مەكتەپتەردىڭ يدەيالىق ساياسي قىزمەتىنە ءتۇبىرلى بويسۇنۋ ولشەمىن ازىرلەدى
100 جىلدىق پارتيا تاريحى مول رۋحاني ءناردى قامتىپ، مەكتەپتەردىڭ يدەيالىق ساياسي قىزمەتتى ىلگەرىلەتۋىنە، مۇرات - سەنىم نەگىزىن بەكەمدەۋىنە جاندى وقۋلىق ازىرلەدى.
”حۇڭمەي گۇلى قۇلپىرا اشىلىپ، كوركى كوز تارتتى...“. بيىل 6 - ايدا پارتيا قۇرىلعاندىعىنىڭ 100 جىلدىعى قارساڭىندا، سيمفونيالى تەاتر «جياڭجيە» چيڭحۋا داشۋەسىنىڭ جاڭا چيڭحۋا ساباقحاناسىندا قويىلدى. تەاتردەگى ”جياڭجيەنىڭ“ سەنىمى بەرىك، پارتياعا ادال بولعان، باسىن ءباي تىككەن توڭكەرىستىك رۋحى زالداعى وقىتۋشى - وقۋشىلاردى تەرەڭ اسەرلەندىردى.
كوپتەگەن وقىتۋشى - وقۋشىلار تەاتردى كورىپ بولعاننان كەيىن تەبىرەنە: ”بۇل فورماسى جاندى پارتيا تاريحى ساباعى بولدى، ءبىزدى جەلەكتى قاھارمان ’جياڭجيە‘ تۋرالى اناعۇرلىم تەرەڭ، اناعۇرلىم جان - جاقتى تانىمعا يە ەتۋمەن بىرگە، بۇدان كەيىنگى ۇيرەنۋ، تۇرمىس بارىسىندا ماڭگى كۇرەس جاسايتىن، رياسىز ۇلەس قوساتىن بەرىك مۇرات ورناتىپ، اعا بۋىنداردىڭ رۋحىنا ءىس جۇزىندىك ارەكەتىمىزبەن اناعۇرلىم ويداعىداي مۇراگەرلىك ەتۋگە شابىتتاندىردى“، - دەستى.
بيىل 4 - ايدا باس شۋجي شي جينپيڭ چيڭحۋا داشۋەسىندە قىزمەت تەكسەرگەندە بىلاي دەپ اتاپ كورسەتتى: ”ونەگە كورسەتىپ ادام تاربيەلەۋدى ءتۇبىرلى مىندەت ەتۋگە تاباندى بولىپ، مەملەكەتكە قىزمەت ەتۋدى ەڭ جوعارى تالپىنىس، پاندەر قۇرىلىسىن دامۋدىڭ نەگىزى، رەفورمانى تەرەڭدەتۋدى قۋاتتى قوزعاۋشى كۇش، پارتيا قۇرىلىسىن كۇشەيتۋدى پارمەندى كەپىلدىك ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا ءۇشىن ادام تاربيەلەۋ، مەملەكەت ءۇشىن دارىندى تاربيەلەۋ كەرەك“.
عاسىرلىق ۇلى ءىس وقۋ - اعارتۋدى نەگىز ەتەدى. پارتيامىز جۇڭحۋا ۇلتىنىڭ ماڭگىلىك ۇلى ءىسىن مۇرات ەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىن قورعايتىن، جۇڭگوشا سوتسياليزم ىستەرى ءۇشىن ءومىر بويى كۇرەس جۇرگىزۋدى مۇرات ەتكەن ءار ۇرپاق جارامدى دارىندىلاردى جەتىلدىرۋ كەرەك. وسى ءتۇبىرلى ماسەلەدە، ءسوز جوق، تۋى ايقىن بولۋ، استە ءدۇدامال بولماۋ كەرەك.
جۇڭگو ساياسي - زاڭ داشۋەسى، چيڭحۋا داشۋەسى سياقتى جوعارى مەكتەپتەرگە بارىپ قىزمەت تەكسەرۋدەن، تەكسەرۋ - زەرتتەۋ جۇرگىزۋدەن جوعارى مەكتەپتەردىڭ يدەيالىق ساياسي قىزمەتى جونىندەگى مەملەكەتتىك ءماجىلىس سياقتى ماجىلىستەردە ماڭىزدى ءسوز سويلەۋگە، ونان شانشي جاۋجين بەيلياڭ قىزىل ارميا باستاۋىش مەكتەبى سياقتى مەكتەپتەرمەن حات - حابار الىسقان تەرەڭ سۇيىسپەنشىلىككە دەيىن، باس شۋجي شي جينپيڭ پارتيا مەن مەملەكەت ىستەرىنىڭ دامۋ جالپى جاعدايىن شىعار ءتۇيىن ەتىپ، مەكتەپتەردىڭ يدەيالىق ساياسي قىزمەتىن كۇشەيتۋ جونىندە ايقىن تالاپ قويدى.
ءسوز جوق، دۇرىس ساياسي بەتالىسقا تاباندى بولۋ كەرەك −
”ماركسيزم عىلمي نازارياسىن قاجىماي - تالماي تاراتىپ، ماركسيزم نازارياسى تاربيەسىن ويداعىداي يگەرىپ، وقۋشىلاردىڭ ءومىر بويى تولىسۋى ءۇشىن عىلمي يدەيالىق نەگىز قالاۋ كەرەك. سوتسياليستىك وزەكتى قۇن كوزقاراسىن قاجىماي - تالماي جەتىلدىرىپ جانە اسقاقتاتىپ، قالىڭ وقىتۋشى - وقۋشىلاردى سوتسياليستىك وزەكتى قۇن كوزقاراسىنىڭ بەرىك سەنۋشىلەرى، بەلسەندى تاراتۋشىلارى، ونەگەلى امالياتشىلارى بولۋعا جەتەكتەۋ كەرەك“.
ءسوز جوق، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋ كەرەك −
”ونەگە كورسەتىپ ادام تاربيەلەۋدى يدەيا - ءمورال تاربيەسىنىڭ، مادەنيەت - ءبىلىم تاربيەسىنىڭ، قوعامدىق اماليات تاربيەسىنىڭ ءتۇرلى بۋىندارىمەن توعىستىرىپ، نەگىزدىك وقۋ - اعارتۋدىڭ، كاسىپتىك وقۋ - اعارتۋدىڭ، جوعارى وقۋ - اعارتۋدىڭ ءتۇرلى سالالارىمەن ساباقتاستىرۋ، ءپان جۇيەسىن، وقىتۋ جۇيەسىن، وقۋلىق جۇيەسىن، باسقارۋ جۇيەسىن وسى نىسانانى ارقاۋ ەتە وتىرىپ جوبالاۋ، وقىتۋشىلار وسى نىسانانى ارقاۋ ەتە وتىرىپ وقىتۋى، وقۋشىلار وسى نىسانانى ارقاۋ ەتە وتىرىپ وقۋى كەرەك“.
ءسوز جوق، يدەيالىق ساياسي ساباقتىڭ ماڭىزدى رولىن ويداعىداي ساۋلەلەندىرۋ كەرەك −
”ءبىز جۇڭگوشا سوتسياليستىك وقۋ - اعارتۋمەن شۇعىلدانعان ەكەنبىز، يدەيالىق ساياسي ساباقتى باتىلدىقپەن اشۋىمىز، جاڭا ءداۋىر جۇڭگوشا سوتسياليزم يدەياسىمەن رۋح سومداپ، ادام تاربيەلەپ، وقۋشىلاردى جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن كۇشەيتۋگە جەتەلەپ، وتانشىلدىق سۇيىسپەنشىلىگىن نىعايتىپ، وتانشىلدىق ىنتاسىن، مەملەكەتتى قۇدىرەتتەندىرۋ مۇراتىن، وتاننىڭ ءۇمىتىن اقتاۋ ارەكەتىن جۇڭگوشا سوتسياليزم ىستەرىنە تاباندى بولۋ جانە ونى دامىتۋ، سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كۇرەسىنە سانالىلىقپەن ءسىڭىرۋىمىز كەرەك“.
مەملەكەت گۇلدەنۋ ءۇشىن، ءسوزسىز، وقىتۋشىلاردى ارداقتاۋ، ۇستازداردى قۇرمەتتەۋ كەرەك.
پارتيا 18 - قۇرىلتايىنان بەرى باس شۋجي شي جينپيڭ وقىتۋشى قاۋىمنىڭ رولى، ورنى جونىندە ۇزدىكسىز جاڭا دا اناعۇرلىم جوعارى تالاپتار قويدى ءارى مەكتەپتەردىڭ يدەيا، ساياسي نازاريا ساباعى وقىتۋشىلارىنىڭ اڭگىمە ءماجىلىسىن ءوزى باسقارىپ اشىپ، وقىتۋشىلار قوسىنى قۇرىلىسىنا ايقىن بەتالىس كورسەتتى −
”يدەيا، ساياسي نازاريا ساباعىن جاقسى ءوتۋدىڭ تەتىگى وقىتۋشىدا، تەتىگى وقىتۋشىلاردىڭ بەلسەندىلىگىن، ىرىقتىلىعىن، جاسامپازدىعىن ساۋلەلەندىرۋدە. يدەيالىق ساياسي ساباق وقىتۋشىلارى وقۋشىلاردىڭ جان دۇنيەسىنە شىنايىلىقتىڭ، ىزگىلىكتىڭ جانە كوركەمدىكتىڭ تۇقىمىن سەۋىپ، وقۋشىلاردى ءومىردىڭ ءبىرىنشى تۇيمەسىن دۇرىس تۇيمەلەۋگە جەتەكتەۋ كەرەك“.
جوعارى، ورتا، باستاۋىش مەكتەپتەردەگى تۇرلىشە وقۋشىلار شوعىرى جونىندە باس شۋجي شي جينپيڭ ولاردىڭ ەسەيىپ - ەرجەتۋ ەرەكشەلىگىن تەرەڭ يگەرىپ، يدەيالىق ساياسي قىزمەتتى كۇشەيتۋ تۇرعىسىنان شىنايى ءۇمىتىن العا قويدى.
باس شۋجي جياڭسۋ ولكەسى حۋاي - ان قالاسى شين - ان باستاۋىش مەكتەبىندەگى پيونەرلەرگە جاۋاپ حات قايتارىپ، ولاردى شىن ىقىلاسپەن ىنتالاندىردى: ”سىزدەردىڭ ءوسىپ - جەتىلۋدەگى ءوز ءىس جۇزىندىكتەرىڭىزبەن ۇشتاستىرىپ پارتيا تاريحىن ويداعىداي ۇيرەنىپ، قاھارمان ۇلگىلى تۇلعالاردى ونەگە تۇتىپ، پارتيانىڭ سوزىنە قۇلاق اسۋ، پارتياعا ىلەسۋ بەكىمدەرىڭىزدى كىشكەنتايلارىڭىزدان بەكەمدەپ، قاجىرلىلىقپەن ۇيرەنىپ، مۇرات ورناتىپ، مىنەز - قۇلىقتارىڭىزدى شىڭداپ، ونەر - قابىلەتتەرىڭىزدى ءوسىرىپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى جەتىلۋگە قۇلشىنۋلارىڭىزدى ءۇمىت ەتەمىن“.
شاندان پەيلي مەكتەبىنە بارىپ قىزمەت تەكسەرگەندە، باس شۋجي ىقىلاسقا تولى ءسوز سويلەپ، وقۋشىلاردان دەن قويا ۇيرەنىپ، اناعۇرلىم كوپ قولدانبالى شەبەرلىكتەر يگەرىپ، مەملەكەتكە جارامدى، مەملەكەت قاجەت ەتەتىن دارىندىلاردان بولۋعا قۇلشىنۋدى ءۇمىت ەتتى.
شينان بىرلەسكەن داشۋەسىنىڭ مۇراجايىن ەكسكۋرسيالاعاندا باس شۋجي اسا تەرەڭ ماعىنادا بىلاي دەدى: ”دۇرىس ءبىلىم بەرۋ بەتالىسىنا تاباندى بولىپ، پارتيانىڭ وقۋ - اعارتۋ باعىتىن تياناقتاندىرىپ، جوعارى ساپالى وقىتۋشىلار قوسىنى قۇرىلىسىن كۇشەيتىپ، تاريح سەزىمىنە يە، جاۋاپكەرشىلىك سەزىمگە يە، اسقاق مۇراتقا يە ءداۋىر جاڭا ادامدارىن جەتىلدىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا دارىندىلار جاعىنان پارمەندى تىرەك ازىرلەۋ كەرەك“.
......
يدەيا كورەگەن، سۇيىسپەنشىلىك تەرەڭ بولدى.
باس شۋجي شي جينپيڭنىڭ ىقىلاستى قامقورلىعىندا، ءار دارەجەلى، ءار ءتۇرلى مەكتەپتەر پارتيانىڭ وقۋ - اعارتۋ باعىتىن جاپپاي دايەكتىلەندىرىپ، يدەيالىق ساياسي تاربيەنىڭ جاڭالىق اشا دامۋىن ۇزدىكسىز ىلگەرىلەتىپ، سوتسياليستىك وزەكتى قۇن كوزقاراسىن جەتىلدىرۋ مەن امالياتتا ايگىلەۋدى ءتالىم - تاربيەنىڭ، وقىتۋدىڭ تۇتاس بارىسىنا ءسىڭىرىپ، قالىڭ جاستار مەن ورەندەردى ۇيرەنۋ، ويلانۋ، امالياتتا ايگىلەۋ، ءتۇسىنۋ بارىسىندا تىڭ ومىرشەڭدىك كۇشتى قاۋلاتۋعا، جاڭا بەينە ايگىلەۋگە جەتەكتەدى.
جۇيەلى جوبالاپ، كوپ ءتۇرلى شارانى قاتار قولداندى
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىلگەرىلەتۋىندە، ءبىر قىدىرۋ قاتىستى شارالار ىركەس - تىركەس شىعارىلىپ، مەكتەپتەردىڭ يدەيالىق ساياسي قىزمەتىنىڭ ۇزدىكسىز تىڭ ساتىعا كوتەرىلۋىن ىلگەرىلەتتى
”ياچەيكادا قازىر ءجۇرىلىپ جاتقان عىلمي زەرتتەۋ نىساندارى، ەرىكتى قىزمەت وتەۋ قىزمەتى سياقتىلارعا مەڭزەس، ۇستازدار مەن شاكىرتتەردىڭ جاقسى ىستەي بەرۋىن ءۇمىت ەتەمىن“. جۋىقتا جىجياڭ داشۋەسى جۇقپالى اۋرۋلار عىلىمىنىڭ 2017 - جىلدىق دوكتورانتى جوۋ مىڭحاۋ پارتيا ياچەيكاسىنىڭ شۋجيى قىزمەتىن وتكىزىپ بەرىپ جاتتى.
جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كەزىندە، ياچەيكاداعى وقۋشىلار ءپان باسىمدىعىن ساۋلەلەندىردى، ولار ءتۇرلى جولدارمەن جىلۋ اتاپ، زات اتاپ، ىندەتكە قارسى اتتانۋعا كومەك بەرىپ، عىلمي تۇردە ىندەتكە قارسى اتتانۋ بىلىمدەرىن ىرىقتىلىقپەن تاراتتى؛ نەمەسە جاڭا تيپتى ايدارشا ۆيرۋس وكپە قابىنۋىن عىلمي زەرتتەۋدەن قامال الۋ نىسانىنا بەلسەندىلىكپەن قاتىناسىپ، زەرتتەۋ جەتىستىكتەرىن ىندەتتەن ساقتانۋ - تىزگىندەۋ بارىسىندا قولدانىپ، جاس پارتيا مۇشەلەرىنىڭ جاۋاپكەرشىلىگى مەن بورىشىن ايگىلەدى.
2018 - جىلى 9 - ايدىڭ 10 - كۇنى باس شۋجي شي جينپيڭ مەملەكەتتىك وقۋ - اعارتۋ جينالىسىندا بىلاي دەپ باسا دارىپتەدى: ”ءار دارەجەلى، ءار ءتۇرلى مەكتەپتەردەگى پارتيا ۇيىمدارى مەكتەپتىڭ پارتيا قۇرىلىسى قىزمەتىن ويداعىداي يگەرۋدى ءبىلىم بەرۋدەگى، مەكتەپ باسقارۋداعى نەگىزگى قابىلەت ەتىپ، پارتيانىڭ وقۋ - اعارتۋ باعىتىن مەكتەپ قىزمەتىنىڭ ءتۇرلى جاقتارىندا جاپپاي دايەكتىلەندىرۋ كەرەك. يدەيالىق ساياسي قىزمەت − مەكتەپتىڭ ءتۇرلى قىزمەتىنىڭ جان تامىرى، ءار دارەجەلى پارتكومدار، ءار دارەجەلى وقۋ - اعارتۋ باسقارۋ تاراۋلارى، مەكتەپ پارتيا ۇيىمدارى تۇگەلدەي وسى قىزمەتتى، ءسوز جوق، مىقتاپ يگەرۋ كەرەك. يدەيالىق ساياسي قىزمەت ىستەۋگە شەبەر ساياسي قىزمەت قوسىنىن مۇقيات باۋلىپ جانە ۇيىمداستىرىپ، يدەيالىق ساياسي قىزمەتتى ۇنەمى ىستەۋ، جەكە ادامعا دەيىن ىستەۋ كەرەك“.
باس شۋجي شي جينپيڭنىڭ تالابىن ەستە بەرىك ساقتاعان قاتىستى تاراۋلار ءبىر قىدىرۋ ناقتى شارالاردى ىركەس - تىركەس شىعارىپ جانە اتقارىپ، ءبىلىم بەرۋدىڭ، مەكتەپ باسقارۋدىڭ ساياسي نەگىزىن ۇزدىكسىز بەكەمدەپ، مەكتەپتەردىڭ يدەيالىق ساياسي قىزمەتىن ناقتى تياناقتاندىردى؛«جاڭا داۋىردەگى وقۋ - اعارتۋدى باعالاۋ رەفورماسىن تەرەڭدەتۋ جونىندەگى جالپى تۇلعالىق جوبا» وقۋ - اعارتۋدى باعالاۋداعى جەتەكشىلىك رولىن تولىق ساۋلەلەندىرىپ، عىلمي تۇردە ادام تاربيەلەۋ نىساناسىن ورناتۋعا جەتەكتەپ، وقۋ - اعارتۋدىڭ دۇرىس دامۋ بەتالىسىنا شىنايى كەپىلدىك ەتتى؛
جوعارى، ورتا، باستاۋىش مەكتەپتەردىڭ يدەيالىق ساياسي ساباعىن ءبىر تۇلعالاندىرۋ قۇرىلىسىنا جەتەكشىلىك ەتۋ كوميتەتىن قۇرىپ، جوعارى، ورتا، باستاۋىش مەكتەپتەردىڭ يدەيالىق ساياسي ساباعىن ءبىر تۇلعالاندىرۋ قۇرىلىسىنا باسشىلىق ەتتى ءارى جەتەكشىلىك ەتۋ، كەڭەس بەرۋ، ۇلگى كورسەتۋ، باۋلۋ سياقتى قىزمەتتەردى ورىستەتتى؛
«جوعارى مەكتەپتەردىڭ يدەيالىق ساياسي قىزمەتى جۇيەسىن جەدەل قۇرۋ جونىندەگى پىكىر»، «جۇڭگو كوممۋنيستىك پارتياسى ادەتتەگى جوعارى مەكتەپتەردىڭ نەگىزگى ساتى ۇيىمدىق قىزمەت ەرەجەسى» قاتارلىلار ىركەس - تىركەس باسىلىپ تاراتىلىپ، جوعارى مەكتەپتەردىڭ پارتيا قۇرىلىسى مەن جوعارى وقۋ - اعارتۋ ىستەرى دامۋىنىڭ تەرەڭ توعىسۋىن ىلگەرىلەتتى؛
«وسى زامانعى كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋ جونىندەگى پىكىردە» بىلاي دەپ ايقىن العا قويىلدى: ”يدەيا، ساياسي نازاريا ساباعىنىڭ ساپاسى مەن ونىمدىلىگىن جوعارىلاتۋ“، ”كاسىپتىك مەكتەپتەر يدەيالىق ساياسي ءتالىم - تاربيە ساباعى وقىتۋشىلارىنىڭ وقىتۋ قابىلەتى جارىسىن وتكىزۋ“...
جوعارى ساپالى يدەيالىق ساياسي ءتالىم - تاربيە يدەيالىق ساياسي ساباق قۇرىلىسىنىڭ ورەسىن جان - جاقتى جوعارىلاتۋدى قاجەت ەتەدى.
باس شۋجي شي جينپيڭ بىلاي دەپ اتاپ كورسەتتى: ”باسقا ءارقايسى پاندەردە نەگىزگى ارنانى مىقتاپ يگەرىپ، جاۋاپكەرشىلىكتى ويداعىداي تياناقتاندىرىپ، ءار ءتۇرلى ساباقتاردىڭ يدەيالىق ساياسي نازاريا ساباعىمەن ءبىر بەتالىستا بىرگە جۇرىلۋىنە مۇمكىندىك جاساپ، سايكەستى ونىمدىلىك قالىپتاستىرۋ كەرەك“.
«جوعارى مەكتەپ ساباقتارىنىڭ يدەيالىق ساياسي قۇرىلىسىنا جەتەكشىلىك ەتۋ باعدارلاماسىندا» بىلاي دەپ ايقىن العا قويىلدى: وقىتۋشىلار قوسىنى سىندى ”نەگىزگى كۇشتى“، ساباق قۇرىلىسى سىندى ”نەگىزگى شايقاس مايدانىن“، ساباقحانا وقىتۋى سىندى ”نەگىزگى ارنانى“ مىقتاپ يگەرىپ، ءار ءتۇرلى ساباقتار مەن وقىتۋ ادىستەرىندە ساقتالعان يدەيالىق ساياسي ءتالىم - تاربيە قاينارىن تەرەڭ اشىپ، بارلىق جوعارى مەكتەپتەرگە، بارلىق وقىتۋشىلارعا، بارلىق ساباقتارعا ادام تاربيەلەۋ جاۋاپكەرشىلىگىن ارقالاتىپ، يدەيالىق ساياسي ءتالىم - تاربيەنى دارىندىلاردى تاربيەلەۋ جۇيەسىنە ءسىڭىرىپ، قۇن سومداۋ، ءبىلىم بەرۋ جانە قابىلەتتى باۋلۋدى تىعىز توعىستىرىپ، كورنەكتى تاربيە مەن كومەسكى تاربيەنىڭ بىرلىگىن جۇزەگە اسىرىپ، جاپپاي، تۇتاس بارىستا، جان - جاقتى ادام تاربيەلەۋدىڭ ۇلكەن ارناسىن قالىپتاستىرۋدى ىلگەرىلەتۋ كەرەك.
جوعارى ساپالى يدەيالىق ساياسي ءتالىم - تاربيە جوعارى ساپالى وقىتۋشىلار قوسىنىنان ايرىلا المايدى.
باس شۋجي شي جينپيڭ بىلاي دەپ باسا دارىپتەدى: ”وقىتۋشىلىق ستيل، وقىتۋشىلىق ءمورال قۇرىلىسىن كۇشەيتۋدە وقىتۋ مەن ادام تاربيەلەۋدىڭ بىرلىگىنە تاباندى بولىپ، سوزىمەن تاربيەلەۋ مەن ىسىمەن تاربيەلەۋدىڭ بىرلىگىنە تاباندى بولىپ، زەر سالا سۇراۋ مەن قوعامعا نازار اۋدارۋدىڭ بىرلىگىنە تاباندى بولىپ، ءىلىم ەركىندىگى مەن ءىلىم جۇيەسىنىڭ بىرلىگىنە تاباندى بولىپ، قالىڭ وقىتۋشىلاردى ءمورال ارقىلى ءوزىن تۇلعالاۋعا، ءمورال ارقىلى ءبىلىمىن جەتىلدىرۋگە، ءمورال ارقىلى ءتالىم - تاربيە بەرۋگە جەتەكتەۋ كەرەك“.
«جاڭا داۋىردە وقىتۋشىلىق ءمورال، وقىتۋشىلىق ستيل قۇرىلىسىن كۇشەيتۋ جانە جاقسارتۋ جونىندەگى پىكىر» سوتسياليستىك وزەكتى قۇن كوزقاراسىن وقىتۋشىلىق ءمورال، وقىتۋشىلىق ستيل قۇرىلىسىنىڭ تۇتاس بارىسىنا ءسىڭىردى؛ «جاڭا داۋىردەگى جوعارى مەكتەپتەردەگى يدەيا، ساياسي نازاريا ساباعى وقىتۋشىلار قوسىن قۇرىلىسىنىڭ بەلگىلەمەسىندە» بىلاي دەپ باسا دارىپتەلدى: جوعارى مەكتەپتەر مەكتەپتەگى تولىق كۇندىك وقۋداعى وقۋشىلاردىڭ جالپى سانىنا نەگىزدەلىپ، قاتاڭ تۇردە وقىتۋشى مەن وقۋشى سالىستىرماسى 1: 350گە تومەن بولماۋ سالىستىرماسى بويىنشا ارناۋلى يدەيالىق ساياسي ساباق وقىتۋشىلىق قىزمەت ورنىن بەلگىلەۋى ءتيىس؛ 2021 - جىلى ورتالىقتىڭ ”ارناۋلى جۇمىس ورنىنا قابىلداۋ جوسپارى“ اۋىل - قىستاق مەكتەپتەرى ءۇشىن ارناۋلى جۇمىس ورنىنداعى وقىتۋشىلاردى ءتۇيىندى تولىقتاپ، يدەيا ساياسي سياقتى پاندەر وقىتۋشىسى جەتىسپەۋ، ءالسىز بولۋ جايتىنە مەڭزەس وقىتۋشى تولىقتاۋدى اناعۇرلىم كۇشەيتتى...
جاڭا داۋىردە مەكتەپتەردەگى يدەيالىق ساياسي قىزمەتتى ويداعىداي ىستەۋ تاسىلدە، ادىستە جاڭالىق اشۋدى قاجەت ەتەدى.
باس شۋجي شي جينپيڭ بىلاي دەپ باسا دارىپتەدى: يدەيا، ساياسي نازاريا ساباعىنا رەفورما جاساۋدى، جاڭالىق اشۋدى ىلگەرىلەتىپ، يدەيالىق ساياسي ساباقتىڭ يدەيالىق سيپاتىن، نازاريالىق سيپاتىن جانە تارتىمدىلىعىن، باعىتتامالىلىعىن ۇزدىكسىز كۇشەيتۋ كەرەك.
بيىل 5 - ايدا 12 تۇردەگى 200 الەۋمەتتىك ءۇنحات تۇعىرى ”تۇڭعىش توپتاعى جوعارى مەكتەپتەردىڭ يدەيالىق ساياسي الەۋمەتتىك ءۇنحات تۇعىرى ءتۇيىندى قۇرىلىسى تىزىمدىگىنە“ ەنگىزىلدى. ءتۇيىندى جۇرىلەتىن وسى الەۋمەتتىك ءۇنحات تۇعىرلارى فورماسى جاڭا، قاتىناسۋ كولەمى كەڭ ءبىر توپ ينتەرنەتتىك يدەيالىق ساياسي ماركا نىسانىن قالىپتاستىرۋ ارقىلى تۇسىنۋگە قولايلى، كەڭىنەن قارسى الىنعان جاڭا مەديالىق ءبىر توپ ءونىم شىعارىپ، ينتەرنەتتىك يدەيالىق ساياسيدا جاڭالىق اشا دامۋ ارقىلى جوعارى مەكتەپتەردىڭ يدەيالىق ساياسي قىزمەتىنىڭ ىشكەرىلەۋىن، ناقتىلانۋىن ىلگەرىلەتتى.
ساياسات دالمە - ءدال، ناقتى بولدى، شارالاردىڭ ونىمدىلىگى جۇرتتى شاتتاندىردى.
ماركسيزم نازارياسى عىلمي اتاق تۇيىندەرىنىڭ سانى ۇزدىكسىز ارتىپ، ”جالپىلىق يدەيالىق ساياسي ساباق“ قۇرىلىسى ارناسى ۇزدىكسىز كەڭەيىپ، يدەيالىق ساياسي ساباق وقىتۋشىلار قوسىنى جەدەل زورايىپ، ”جالپىلىق يدەيالىق ساياسي ساباعىن بىرگە وقۋ“ بۇكىل ەلدەگى جاس تىڭدارماندار اراسىندا قىزىعا تىڭدايتىن ونىمدىلىك قالىپتاستىرىپ، جوعارى ساپالى يدەيالىق ساياسي ساباق قۇرىلىسى جالپى بەتتىك ىلگەرىلەتىلدى... قازىر يدەيالىق ساياسي ساباقتار ”جاقتاۋشى از، قوستاۋشى ساناۋلى“ كۇيدەن ”بىرتىندەپ سىڭۋگە“ قاراي ءوتىپ، قالىڭ وقۋشىلار اراسىندا مازمۇندى، تارتىمدى، تاتىمدى ”التىن ساباققا“ اينالىپ، وقۋشىلاردىڭ ءوسىپ - جەتىلۋىنىڭ، دارىندىعا اينالۋىنىڭ عىلمي يدەيالىق نەگىزىن اناعۇرلىم بەكەمدەدى.
جەلكەن كوتەرىلىپ، جارىسا ەسكەك ەسىلدى
قالىڭ وقىتۋشى - وقۋشىلار باس شۋجي شي جينپيڭنىڭ تاپسىرماسىن ەستە بەرىك ساقتاپ، مەكتەپتەردىڭ يدەيالىق ساياسي قىزمەتى ۇزدىكسىز العا باسىپ، جاستار مەن ورەندەردىڭ ۇلتتى گۇلدەندىرۋدىڭ ءداۋىر اۋىر جۇگىن ءتىپتى دە ويداعىداي ارقالاۋىن ىلگەرىلەتتى
اسقاق جيڭگاڭشان تاۋى، قاتپار - قاتپار جالاما قۇزدار، جۇڭگو توڭكەرىسىنىڭ ۇشقىنى وسى ارادان جالىن بولىپ قاۋلاعان.
6 - ايدىڭ 11 - كۇنى 7 - كەزەكتى جۇڭگو حالىقارالىق ”ينتەرنەت +“ داشۋە وقۋشىلارىنىڭ جاڭالىق اشۋ، شارۋاشىلىق قۇرۋ جارىسىنىڭ ”جاستاردىڭ قىزىل ءتۇستى ارمان ساپارىن“ بۇكىل مەملەكەتتە باستاۋ سالتى جياڭشيدىڭ جيڭگاڭشان تاۋىندا وتكىزىلدى ءارى شاڭحاي، شىنجىن، جياشيڭ، يان - ان، شيۇڭ - ان سياقتى جەرلەرمەن بىرلەسىپ ارەكەتتەنىپ، پارتيا قۇرىلعاندىعىنىڭ 100 جىلدىق تاريحىمەن بايلانىستىرىپ، ۋاقىت پەن كەڭىستىكتەن شارىقتاپ وتكەن جيڭگاڭشان رۋحىن اسقاقتاتتى.
باس شۋجي شي جينپيڭ تەرەڭ ماعىنادا بىلاي دەپ اتاپ كورسەتكەن بولاتىن: ”يدەيالىق ساياسي قىزمەت، تۇبىرىنەن العاندا، ادامعا ىستەلەتىن قىزمەت، مۇندا، ءسوز جوق، وقۋشىلاردى نەگىز ەتىپ، وقۋشىلارعا قامقورلىق جاساپ، وقۋشىلارعا قىزمەت وتەپ، وقۋشىلاردىڭ يدەيالىق دەڭگەيىن، ساياسي ساناسىن، ءمورالدىق قاسيەتىن، مادەني بىلىكتىلىگىن ۇزدىكسىز جوعارىلاتىپ، وقۋشىلاردى ءمورالدى دا قابىلەتتى، جان - جاقتى جەتىلگەن دارىندى ەتىپ باۋلۋ كەرەك“.
سامالمەن بىرگە جەلكەن كوتەرىلىپ، قامشى سالدىرماي العا جۇيتكىدى.
باس شۋجي شي جينپيڭنىڭ شىن ىقىلاستى تاپسىرماسى قالىڭ وقىتۋشى - وقۋشىلاردىڭ جۇرەگىنە مۇرات - سەنىمنىڭ تۇقىمىن ەكتى. مەكتەپتەردىڭ يدەيالىق ساياسي قىزمەتى ءىستىڭ ىڭعايىنا قاراي بەيىمدەلىپ، ۋاقىتقا قاراي ىلگەرىلەتىلىپ، جاعدايعا قاراي جاڭالانىپ، ۇزدىكسىز كۇشەيگەن، كەمەلدەنگەن، ۇزدىكسىز العا باسقان، جاقسارعان دامۋ جاعدايىن ايگىلەدى.
بۇل ءتىپتى دە جوعارى ساپالى يدەيالىق ساياسي وقۋلىق −
بيىل كۇزگى وقۋ ماۋسىمى باستالعاندا، «شي جينپيڭ جاڭا ءداۋىر جۇڭگوشا سوتسياليزم يدەياسى وقۋشىلار وقۋلىعى» بۇكىل مەملەكەتتىڭ جەر - جەرىندەگى ورتا، باستاۋىش مەكتەپتەردە پايدالانۋعا بەرىلدى.
بۇل توتەنشە قارسى الىنعان يدەيالىق ساياسي ساباقحانا −
”1 - شىلدە“ قارساڭىندا ”قىزىل گەندى جالعاستىرىپ، ءداۋىردىڭ جاڭا ادامى بولۋعا قۇلشىنايىق“ نەگىزگى تاقىرىپتىق تاربيەسىن باستاۋ سالتى وتكىزىلدى، ”1 - قازان“ كەزىندە ”مەن جانە مەنىڭ وتانىم“ نەگىزگى تاقىرىپتىق تاربيە جەلىلەس قيمىلدارى وتكىزىلدى... بيىل جىل باسىنان بەرى شينجياڭنىڭ ءۇرىمجى قالاسىنداعى 36 - باستاۋىش مەكتەپ ءبىرسىپىرا ەرەكشە ۋاقىت تۇيىندەردەگى ەرەكشە قيمىلدار ارقىلى بالالاردىڭ وتانشىلدىق تاربيەنى وزدىكتەرىنەن بىرتىندەپ قابىلداۋىنا مۇمكىندىك جاسادى.
بۇل اناعۇرلىم بۇلجىماس ءورىس اشا ەكپىندەي ىلگەرىلەۋ −
شي - ان قاتىناس داشۋەسىنىڭ مەكتەپ اۋلاسىنداعى شيچيان الاڭىنا كەلگەندە، وقىتۋشى - وقۋشىلار ۇنەمى ايالداپ قاراپ وتەدى.
شي - ان قاتىناس داشۋەسىنىڭ يدەيالىق ساياسي ساباعىندا وقىتۋشىلار شي - انعا كوشۋ كەزىندەگى ساقا پروفەسسورلاردى ساباقحاناعا ۇسىنىس ەتىپ، ”شي - انعا كوشۋ رۋحىن“ يدەيالىق ساياسي ءتالىم - تاربيەمەن توعىستىردى. ”شي - انعا كوشۋ رۋحىنىڭ“ جاڭا جالعاستىرۋشىلارى اعا بۋىندار قالدىرعان رۋح بايلىعىن ءىس جۇزىندىك ارەكەتتەرى ارقىلى ۇزدىكسىز تاراتتى جانە اسقاقتاتتى.
قالىڭ كەمە باسەكەلەسىپ، جارىسا جەلكەن كوتەرىپ، تولقىن جارا شالعايعا بەت تۇزەدى.
بۇگىنگى يدەيالىق ساياسي ساباقتا كاسىپتىك وقۋ - اعارتۋ مەن يدەيالىق ساياسي ءتالىم - تاربيەنى تىعىز بىرلەستىرۋدىڭ ”ەڭ سوڭعى ءبىر كيلومەترىن“ بىرتىندەپ تۇتاستىرۋ بارىسىندا، ”جەكە ورىنداۋدان“ ”توپتىق ورىنداۋعا“ ويىستى. يدەيالىق ساياسي ساباق ۇستانىمى كەڭ كولەمدە ورتاق تانىم قالىپتاستىردى، قالىڭ وقىتۋشىلار يدەيالىق ساياسي ساباق قۇرىلىسىن ورىستەتۋ تانىمىن جانە قابىلەتىن جالپى بەتتىك جوعارىلاتىپ، وقۋ - اعارتۋدى دامىتۋدىڭ جويقىن قوزعاۋشى كۇشىن قالىپتاستىردى.
تاياۋدا عانا پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىندا» ”پارتيانىڭ وقۋ - اعارتۋ باعىتىن جاپپاي دايەكتىلەندىرىپ، وقۋ - اعارتۋ ىستەرىن الدىمەن دامىتىپ، وقۋ - اعارتۋدىڭ ءتۇبىرلى مىندەتى ءمورال ارقىلى ادام تاربيەلەۋ ەكەندىگىن ايقىنداپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتىلى جەتىلگەن سوتسياليزم قۇرىلىسشىلارى مەن ءىزباسارلارىن تاربيەلەۋ كەرەك“ دەپ ايقىن اتاپ كورسەتىلدى.
جالپى ءماجىلىس جابىلعان كۇنى كەشتە ءبىر رەتكى نەگىزگى تاقىرىپتىق پارتيا كۇنى قيمىلى شاڭحاي قاتىناس داشۋەسى ماركسيزم شۋەيۋانىندا وتكىزىلدى. شۋەيۋاننىڭ ماركسيزم نازارياسى ماگيسترلەر پارتيا ياچەيكاسىنداعى بارلىق پارتيا مۇشەلەرى ياچەيكا شۋجيىنىڭ جەتەكشىلىگىندە جالپى ءماجىلىستىڭ مازمۇنداماسىن ۇيرەنىپ، تانىمدارى مەن اسەرلەرىن اڭگىمەلەدى.
تارام - تارام نۇردان شوق - شوق شۇعىلا تارايدى، اي سايىن جينالىپ، جىل سايىن قوردالانا كەلە كوركەم كورىنىس قالىپتاستىرادى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل مەملەكەتتىڭ وقۋ - اعارتۋ شەبى جاڭا ءداۋىردىڭ ايبىندى شىعىس جەلىمەن، يدەيالىق ساياسي قىزمەتتى ءتالىم - تاربيەنىڭ، وقىتۋدىڭ تۇتاس بارىسىنا ءسىڭىرىپ، قالىڭ جاستار مەن ورەندەردى حالىق اراسىنا تامىر تارتۋدى، مەملەكەتكە ۇلەس قوسۋدى مۇرات تۇتۋعا، ۇلتتى گۇلدەندىرۋ ۇلى مىندەتىن ارقالاي الاتىن ءداۋىر جاڭا ادامدارى بولىپ جەتىلۋگە، تىڭ دا شۇعىلالى داستاندى جالعاستى جازۋعا جەتەكتەۋدە.
(شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
