«شي جينپيڭ شاڭحايدا» باسپادان شىعىپ تاراتىلدى
2022.03.03 17:00 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 2 - كۇنى، بەيجيڭ. دەرەكتى ەستەلىك «شي جينپيڭ شاڭحايدا» اتتى كىتاپ تاياۋدا ج ك پ ورتالىق كوميتەتى پارتيا مەكتەبىنىڭ باسپاسىنان باسىلىپ شىعىپ، بۇكىل ەلدە تاراتىلدى.
شي جينپيڭ 2007 - جىلى 3 - ايدان 10 - ايعا دەيىن شاڭحاي قالالىق پارتكومنىڭ شۋجيى بولعان. شاڭحاي − جۇڭگو كوممۋنيستىك پارتياسىنىڭ دۇنيەگە كەلگەن جەرى، حالىقارالىق ءىرى قالا، ەلىمىزدىڭ رەفورما، دامۋ، ورنىقتىلىق ىستەرىندە ماڭىزدى ورىنعا يە. شي جينپيڭ ەرەكشە مەزگىلدە شاڭحايعا كەلىپ، قالالىق 9 - رەتكى پارتيا قۇرىلتايىنىڭ دايىندىق قىزمەتتەرىن ءتۇيىندى تۇردە يگەرىپ، پارتيا قۇرىلتايى ارقىلى ورتاق تانىم قالىپتاستىرىپ، جۇرت تىلەگىن ۇيىستىرىپ، رۋحتى سەرپىلتتى. ول مىندەتىن اتقارعاننان كەيىنگى ءبىرىنشى رەتكى اشىق قيمىلىندا جۇڭگو كوممۋنيستىك پارتياسىنىڭ 1 - قۇرىلتايى مەن 2 – قۇرىلتايىنىڭ جۇرتتارىن قۇرمەتپەن كورىپ، پارتيانىڭ داڭقتى تاريحىن قايتا ەسكە الىپ، توڭكەرىستىك داستۇرگە مۇراگەرلىك ەتۋدى دارىپتەدى. ول ءجيى تەكسەرۋ - زەرتتەۋ جۇرگىزىپ، شاڭحايدىڭ رايون، اۋداندارىنىڭ ءارقايسى سالالارىن ارالاپ شىقتى. ول پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالى تۇردە قورعاپ، بۇكىل پارتيانىڭ، بۇكىل ەلدىڭ قىزمەت جالپى جاعدايى تۇرعىسىنان شاڭحايدىڭ قىزمەتىن سانالى تۇردە قاداعالادى جانە ورنالاستىردى. ول: شاڭحاي رەفورما جاساپ، ەسىك اشۋ تۋىن بۇلجىماي بيىك ۇستاپ، دەربەس جاڭالىق اشۋ ارقىلى قالانىڭ باياندى دامۋىنا دەم بەرىپ، كاسىپ قۇرىلىمى ستراتەگياسىن رەتتەۋدى كۇش سالا ىلگەرىلەتىپ، ءبىرىنشى، ەكىنشى، ءۇشىنشى كاسىپتەردىڭ بىرگە دامۋىن بەلسەنە ىلگەرىلەتىپ، شاڭحايدىڭ چاڭجياڭ اتىراۋى وڭىرىندەگى سەلبەستىك پەن اۋىس - كۇيىستەگى جەتەكشىلىك رولىن ساۋلەلەندىرۋگە دەن قويۋ كەرەك، − دەگەندى دارىپتەدى. ول ءار جاقتىڭ پىكىرلەرى مەن ۇسىنىستارىن جيناقتاپ، شاڭحاي قالاسى رۋحىن جيناقتاپ، شاڭحايداعى قالىڭ كادرلار مەن بۇقارانىڭ سەنىمى مەن جىگەرىن تاسقىنداتتى. ول باستان - اياق حالىقپەن تىلەكتەس بولىپ، حالىق تۇرمىسى ماسەلەسىنە بار ىنتا - پەيىلىمەن نازار اۋداردى جانە ونى شەشتى. ول پارتيا قۇرىلىسىنا، اسىرەسە، پارتيا ستيلى، پاكتىك قۇرىلىسىنا وسكەلەڭ ءمان بەرىپ، ءمالى، اۋىل - قىستاق، كاسىپورىن، «ەكى جاڭا» ۇيىم سياقتىلاردى ارالاپ، رەفورما جاساپ، ەسىك اشۋ جانە سوتسياليستىك بازار شارۋاشىلىعىن دامىتۋ شارت - جاعدايىنداعى پارتيا قۇرىلىسى قىزمەتىنىڭ زاڭدىلىعىنا ۇيلەسەتىن، شاڭحاي سىندى ەرەكشە ءىرى قالانىڭ ەرەكشەلىگىنە يە نەگىزگى ساتى پارتيا قۇرىلىسىنىڭ جاڭا جولىن اشۋدى العا قويدى. ول تاعى ەرەكشە وليمپيادا جارىسى مەن ايەلدەر فۋتبول ساۋىتىنا تالاسۋ جارىسى، دۇنيە جۇزىلىك كورمەگە دايىندىق كورۋ سياقتى كەلەلى قيمىلداردى مىقتى يگەردى. شي جينپيڭ شاڭحايدا نەبارى 7 اي ۋاقىت بولعانىمەن، سول كەزدەگى شاڭحايدىڭ ىرىقسىز جاعدايىن تەز ارادا وزگەرتىپ، شاڭحايدىڭ دامۋىنا ايقىن نىسانا بەلگىلەپ، باعدار كورسەتىپ، دامۋ ناقتى ناتيجەلەرى ارقىلى كادرلار مەن بۇقارانىڭ وسكەلەڭ قۇپتاۋىنا جانە شىن جۇرەكتەن قولداۋىنا يە بولدى.
دەرەكتى ەستەلىك «شي جينپيڭ شاڭحايدا» اتتى كىتاپتا سول كەزدەگى شاڭحاي قالالىق پارتكوم مەن قالالىق ۇكىمەتتەگى باسشى جولداستار، قالاعا توتە قاراستى تاراۋلار مەن رايون، اۋداندارداعى باسشى كادرلار، مامان - وقىمىستىلار جانە تىلشىلەر قاتارلىلارمەن سۇحپات وتكىزۋ ارقىلى شي جينپيڭنىڭ شاڭحاي قالالىق پارتكومنىڭ شۋجيى مىندەتىن وتەگەن كەزدەگى نەگىزگى قىزمەتتەرى مەن كورسەتكەن مول ساياسي اقىل - پاراساتى، ەرەن باسشىلىق قابىلەتى، قۇلشىنا قىزمەت ىستەۋ رۋحى، حالىققا دەگەن شىنايى سۇيىسپەنشىلىگى جاندى دا شىنايى ايگىلەندى. وسى دەرەكتى ەستەلىكتىڭ باسپادان شىعۋى قالىڭ پارتيا مۇشەلەرىنىڭ، كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىنە، تۇسىنۋىنە ماڭىزدى پايدالانۋ ماتەريالىن ازىرلەدى، باسشى كادرلاردىڭ باسشىلىق قابىلەتى مەن باسشىلىق ورەسىن جوعارىلاتۋىنا جاندى وقۋلىق ازىرلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
