باس اماندىعىنا زيان جەتكىزۋ سەبەپتى بەرىلەتىن تولەمنىڭ ولشەمى 5 – ايدىڭ 1 – كۇنىنەن باستاپ قالا مەن اۋىلدا بىردەي ولشەمدە بولادى
2022.04.28 15:20 كەلۋ قاينارى : حالىق تورابى
حالىق گازەتىنىڭ ءتىلشىسى ني ي 4 – ايدىڭ 27 – كۇنى بەيجيڭنەن حابارلايدى. ءتىلشىنىڭ ەڭ جوعارى حالىق سوتىنان ۇعىسۋىنشا، «ەڭ جوعارى حالىق سوتىنىڭ ‹ەڭ جوعارى حالىق سوتى جاريالاعان باس اماندىعىنا زيان جەتكىزۋ سەبەپتى تولەم بەرۋ دەلوسىن قاراۋدا قولدانىلاتىن زاڭدارعا قاتىستى ءبىرقىدىرۋ ماسەلەلەر جونىندەگى تۇسىنىكتەمەسىنە› وزگەرىس ەنگىزۋ جونىندەگى قاۋلىسى» 2022 – جىلى 5 – ايدىڭ 1 – كۇنىنەن باستاپ اتقارىلادى، مۇندا باس اماندىعىنا زيان جەتكىزۋ سەبەپتى بەرىلەتىن تولەمگە قالا مەن اۋىلدا پارىقتى ولشەم قولدانۋدى قالا – قالاشىقتارداعى تۇرعىندارعا ءبىرتۇتاس ولشەم بويىنشا ەسەپتەۋگە وزگەرتكەن.
ەڭ جوعارى حالىق سوتىنىڭ بۇرىنعى ءادىليالىق تۇسىنىكتەمەسىندە بىلاي دەپ بەلگىلەنگەن: مۇگەدەكتىك سەبەبىنەن بەرىلەتىن تولەم، قازا بولۋ سەبەبىنەن بەرىلەتىن تولەم قالا – قالاشىق تۇرعىندارىنىڭ ءوز مەڭگەرۋىندەگى ورتاشا كىرىسى مەن اۋىل – قىستاق تۇرعىندارىنىڭ ورتاشا ناق كىرىسىنىڭ ولشەمى بويىنشا ەسەپتەلەدى، كۇتىمگە الىنۋشىنىڭ تۇرمىستىق قاراجاتى قالا – قالاشىق تۇرعىندارىنىڭ ورتاشا تۇتىنۋ سيپاتتى شىعىمى مەن اۋىل – قىستاق تۇرعىندارىنىڭ ورتاشا تۇرمىستىق تۇتىنۋ شىعىمىنىڭ ولشەمى بويىنشا ەسەپتەلەدى. وسى رەت وزگەرىس ەنگىزىلگەن سوڭ، مۇگەدەكتىك سەبەبىنەن بەرىلەتىن تولەم، قازا بولۋ سەبەبىنەن بەرىلەتىن تولەم قالا – قالاشىق تۇرعىندارىنىڭ ءوز مەڭگەرۋىندەگى ورتاشا كىرىسىنىڭ ولشەمى بويىنشا ەسەپتەلەتىن بولىپ وزگەرتىلگەن، كۇتىمگە الىنۋشىنىڭ تۇرمىستىق قاراجاتى قالا – قالاشىق تۇرعىندارىنىڭ ورتاشا تۇتىنۋ شىعىمىنىڭ ولشەمى بويىنشا ەسەپتەلەتىن بولىپ وزگەرتىلگەن.
ەڭ جوعارى حالىق سوتى حالىقتىق 1 – سوتىنىڭ جاۋاپتىسىنىڭ ايتۋىنشا، قالا – قالاشىق تۇرعىندارىنا باعىتتالعان ولشەمدى ءبىرتۇتاس قولدانۋ ارقىلى بۇرىنعى قالا مەن اۋىل اراسىنداعى نوپوس سالاۋاتى ۇقسامايتىن تۇرعىندارعا ساياتىن تولەم بەرۋ سوماسىنداعى پارىقتىڭ ءبىرشاما زور بولۋ جاعدايى وزگەرتىلگەن. مىسالى، سوت مەكەمەسى بەيجيڭدەگى اۋىل – قىستاق تۇرعىنى زيانعا ۇشىراپ قازا بولعان دەلونى قابىلداعان بولسا، ەگەر ساناق مەكەمەسى جاريالاعان 2020 – جىلعى اۋىل – قىستاق تۇرعىندارىنا سايكەستى كورسەتكىش بويىنشا ەسەپتەگەندە، قازا بولۋ سەبەپتى بەرىلەتىن تولەم قاراجاتى (كۇتىمگە الىنۋشىنىڭ تۇرمىستىق قاراجاتى قازا بولۋ سەبەپتى بەرىلەتىن تولەم قاراجاتىنىڭ ىشىندە ەسەپتەلەدى) ەڭ جوعارى بولعاندا شامامەن ءبىر ميلليون 20 مىڭ يۋان بولادى. وسى جولى وزگەرىس ەنگىزىلگەن سوڭ، اۋىل - قىستاقتا تۇراتىن تۇرعىندارعا ساياتىن دەلولاردا دا، بۇل قاراجات قالا – قالاشىق تۇرعىندارىنا ساياتىن دەلولارمەن ۇقساس ولشەم بويىنشا بەرىلەدى، ەڭ جوعارى بولعاندا، قازا بولۋ سەبەپتى بەرىلەتىن تولەم قاراجاتى (كۇتىمگە الىنۋشىنىڭ تۇرمىستىق قاراجاتى قازا بولۋ سەبەپتى بەرىلەتىن تولەم قاراجاتىنىڭ ىشىندە قامتىلادى) شامامەن 2 ميلليون 340 مىڭ يۋان بولادى.
اتالعان جاۋاپتىنىڭ ايتۋىنشا، باس اماندىعىنا زيان جەتكىزۋ سەبەپتى تولەم بەرۋگە ساياتىن دەلودا، مۇگەدەك بولۋ سەبەپتى بەرىلەتىن تولەم قاراجاتىن، قازا بولۋ سەبەپتى بەرىلەتىن تولەم قاراجاتىن جانە كۇتىمگە الىنۋشىنىڭ تۇرمىستىق قاراجاتىن قالا – قالاشىق تۇرعىندارىنا باعىتتالعان ءبىرتۇتاس ولشەم بويىنشا ەسەپتەۋ ارقىلى قالا مەن اۋىلدىڭ توعىسپالى دامۋىن ىلگەرىلەتىپ، حالىق جۇرتشىلىعىنىڭ، وتە – موتە، اۋىل – قىستاقتاعى تۇرعىنداردىڭ حاۋىپسىزدىك سەزىمىن جانە تابىس سەزىمىن ۇزدىكسىز جوعارىلاتۋعا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
