وڭتۇستىك شينجياڭنىڭ بار الابىنان تىڭ لەپ ەستى
انار بۇلت / شينجياڭ گازەتىنىڭ ءتىلشىسى جاڭ جىلي
2022.04.28 16:18 كەلۋ قاينارى : شينجياڭ گازەتى
اۋلادا جاپ - جاسىل ءجۇزىم سورەسىنىڭ استىندا گۇلدەر شەشەك اتقان؛ كەپتەر ۇياسىنان قاناتتانىپ كەلە جاتقان سار اۋىز بالاپان كەپتەرلەردىڭ سۇيكىمدى بەينەسى كورىنەدى؛ كوشە بويىندا رەتتى جايعاسقان جاسىل بەلدەۋدەن تىرشىلىك تىنىسى ەسەدى... 4 - ايدىڭ 23 - كۇنى توقسۋ اۋدانى وگەن اۋىلى قاراقۇم قىستاعىنىڭ تۇرعىنى حيۋار عۇپۇر بىرنەشە سۋرەتتى ءتۇسىرىپ، ءۇنحات ارقىلى نانكاي داشۋەسىندە دوكتورلىق وقىپ جاتقان قىزىنا جولدادى، ول قىزىنا اۋىلىنىڭ شىت جاڭا وزگەرىستەرىن ءسات سايىن كورسەتىپ تۇرادى.
نەشە اي بويى قايتپاعان ادام ءبىر كۇنى اۋىلعا جولى تۇسە قالسا، كوز الدىندا تاعى دا جاڭا بەينەلەر پايدا بولعانىن بايقايدى، مىنە بۇل قاراقۇم قىستاعىنان سىرتقا وقۋعا كەتكەندەردىڭ نەمەسە جۇمىس ىستەۋگە شىققانداردىڭ ورتاق اسەرى. وڭتۇستىك شينجياڭداعى 4 ايماق - وبلىستا، مۇنداي قىستاق بارشىلىق. بۇگىنگى وڭتۇستىك شينجياڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ بارىسىندا ۇزدىكسىز جاڭا بەت - بەينەسىن ايگى ەتتى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن ىقىلاستى قامقورلىعىندا، وڭتۇستىك شينجياڭداعى ءار ۇلت كادر - بۇقارا ءبىر نيەتپەن ىنتىماقتاسىپ قايراتتانا ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا جەتىپ، بۇكىل ەل حالقىمەن بىرگە دوڭگەلەك داۋلەتتى قوعامعا قادام تاستادى، وڭتۇستىك شينجياڭنىڭ بەت - بەينەسى كۇن سايىن جاڭارىپ، اي سايىن تۇلەجىدى.
ورايدى يگەرىپ، كاسىپ سالاسىنىڭ دامۋىن ىلگەرىلەتتى
كونەنىڭ ورنىن جاڭانىڭ باسۋى ۋاقىتتىڭ وزگەرۋىنە بولا توقتاپ قالمايدى. رەفورمانى جاپپاي تەرەڭدەتۋدىڭ كوكتەمگى تولقىنى وڭتۇستىك شينجياڭ وڭىرىنە لاپ قويعان ساتتە، وڭاي - وسپاق قولعا كەلمەيتىن كەلەلى وراي وڭتۇستىك شينجياڭنىڭ الدىنا تارتىلعان شاقتا، وزگەشە وڭىرلىك باسىمدىققا جانە بايلىق باسىمدىعىنا يە وڭتۇستىك شينجياڭ تولىق دايىندىق جاساپ، جالىندى ومىرشەڭ كۇشىن ايگىلەدى.
”بىرتىندەپ زەردەلى قول ساعات، تاقتايشا كومپيۋتەر، شاعىن قۇلتەمىر وندىرۋگە ارالاساتىنىمدى بۇرىن ويلاۋعا دا باتىلىم بارمايتىن. ونىمدەردىڭ ۇزدىكسىز يتەراتيۆتەلۋ، دارەجەسىن جوعارىلاتۋ ورايىنا سۇيەنە وتىرىپ، جۇمساق بولشەكتىڭ دارەجەسىن جوعارىلاتۋ، ونىمدەردى سىناق ەتۋ، كىلتيپاندى ءبىر جاقتى ەتۋ جاقتارىندا كوبىرەك كۇش سالامىن“. 4 - ايدىڭ 24 - كۇنى جاڭاشار اۋدانى جوعارى عىلىم - تەحنيكالىق كاسىپ سالاسى جەتىلدىرۋ باقشاسىندا، شينجياڭ جۇڭكى زەردەلى عىلىم - تەحنيكا شەكتى سەرىكتەستىگىنىڭ سەح مەڭگەرۋشىسى ابدۇكەرىم سىدىق وسىلاي دەدى.
قاشقار ايماعىندا، حوتان ايماعىندا، اقسۋ ايماعىندا، قىزىلسۋ قىرعىز اۆتونوميالى وبلىسىندا ءبىر - بىرلەگەن نىساندار تياناقتانىپ، ءبىر - بىرلەگەن كاسىپ سالالارى ەڭسە كوتەرىپ، ەكونوميكانىڭ تيبىن جاڭالاپ دارەجەسىن جوعارىلاتۋدى ىلگەرىلەتۋدە، بۇرىنعى دامۋداعى ”قالتانىڭ ءتۇبى“ سانالاتىن بۇل جەرلەر قازىر بىرتىندەپ ”كاسىپ سالاسى شوعىرلانعان وڭىرگە“ جانە ”رەفورماداعى بيىك بەلەس“ بولۋعا بەت الدى.
جاقىنعى جىلداردا حوتان ايماعى كەدەيلەردى سۇيەمەلدەۋشى باستاماشى، تىرەكتى كاسىپورىندارعا سۇيەنىپ، ءتۇيىندى تۇردە ”ءجۇز مىڭ، ميلليون، ون ميلليون، ءجۇز ميلليون“ دارەجەلى اۋىل شارۋاشىلىعى جەتەكشى كاسىپ سالا شوعىرىن قالىپتاستىرىپ، ”ەگۋگە قولايلى بولسا ەگۋ، باعۋعا قولايلى بولسا باعۋ“ پرينسيبىنە ساي، ”باستاماشى كاسىپورىندار + سەلبەستىك كووپەراتيۆى + نەگىزدىك وتباسى + شارۋا وتباسى“ سىندى شارۋاشىلىق جۇرگىزۋ ۇلگىسىن قولدانىپ، ”كاسىپورىن ەگۋمەن ءبىر تۇتاس قامداۋ، جەم - شوپپەن ءبىر تۇتاس قامداۋ، ىندەتتەن، اۋرۋدان ءبىر تۇتاس ساقتانۋ جانە ونى ەمدەۋ، ءبىر تۇتاس تەحنيكالىق قىزمەت وتەۋ، قورعاۋ باعاسىمەن ءبىر تۇتاس ساتىپ الۋ“ سىندى ”بەس ءبىر تۇتاس“ قامتاماسىزدىق شاراسىن جۇرگىزىپ، شارۋالاردىڭ ءوز اۋلاسىنداعى قورا - ۇيشىكتەردە قويان، قاز، كەپتەر، قوي، ەسەك سياقتى ەرەكشە باعىمشىلىقتى دامىتۋعا جەتەكشىلىك ەتتى جانە دەم بەردى.
بيىل كوكتەمدە وڭتۇستىك شينجياڭداعى اشىق ەكونوميكانى جوعارى ساپالى دامىتۋدىڭ جوعارى بەلەسىن كۇش سالا قالىپتاستىرعان قاشقار جالپىلىق قورعامالى باجى اۋماعىندا، يمپورت - ەكسپورت زاتتارىن تولتىرا تيەگەن اۆتوكولىكتەر قايشالىستى. ءبىرىنشى ماۋسىمدا قاشقار جالپىلىق قورعامالى باجى اۋماعىندا يمپورت - ەكسپورت ساۋدا مولشەرى 3 ميلليارد يۋان بولىپ، سايكەس مەزگىلدەگىدەن ％552 ارتقان.
...
تاريح، جاراتىلىس سياقتى كوپ جاقتى سەبەپتەردەن، وڭتۇستىك شينجياڭداعى 4 ايماق - وبلىستىڭ وڭىرلىك ەكونوميكالىق، قوعامدىق دامۋى ۇزاق ۋاقىتتان بەرى سالىستىرمالى مەشەۋ بولدى، بۇرىن مەملەكەتتىك ”ءۇش رايون، ءۇش وبلىستاعى“ اۋىر كەدەي رايوننىڭ ءبىرى، شينجياڭنىڭ دامۋىنداعى ولقى تۇس بولاتىن. قازىر وڭتۇستىك شينجياڭدا ەرەسەن زور وزگەرىستەر تۋىلدى، بۇنى كەڭىنەن ورنالاستىرىلعان، جوعارى باستامادان باستالعان، تەبىنى كۇشتى ءبىر قىدىرۋ رەفورما شارالارىنىڭ ىركەس - تىركەس تياناقتانۋىنان بولە قاراۋعا بولمايدى.
سونىمەن بىرگە وڭتۇستىك شينجياڭداعى 4 ايماق، وبلىس نازاردى شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، حالىق بۇقاراسىنىڭ ءتۇبىرلى مۇددەسىن شىعار ءتۇيىن ەتە وتىرىپ رەفورمانى جوسپارلاپ، رەفورمانى ىلگەرىلەتىپ، رەفورما، دامۋ بارىسىن ءار ۇلت حالقىنا تاماشا تۇرمىس جاراتۋ بارىسىنا اينالدىردى.
تالاي - تالاي رەفورما اتقارۋ جوباسىنىڭ تياناقتانۋى، تالاي - تالاي رەفورما مىندەتىنىڭ ىلگەرىلەۋى وڭتۇستىك شينجياڭنىڭ 4 ايماق - وبلىسىنداعى قالا، اۋىلداردىڭ دامۋ ومىرشەڭدىك كۇشىن، دارىندىلاردىڭ جاڭالىق اشۋ قابىلەتىن جانە بۇقارانىڭ ىشكى قوزعاۋشى كۇشىن مازداتتى، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.
قيىن ماسەلەلەردى شەشىپ، حالىق تۇرمىسىنداعى ولقىلىقتاردى تولىقتادى
حالىق تۇرمىسى بارىنەن ماڭىزدى.
باس شۋجي شي جينپيڭ ۇلتتىق وڭىرلەردەگى حالىقتىڭ تۇرمىس جاعدايىن ويىنان شىعارمادى. 2014 - جىلى 4 - ايدىڭ 28 - كۇنى شينجياڭدا قىزمەت تەكسەرگەن باس شۋجي شي جينپيڭ كونەشار اۋدانى توققۇزاق قالاشىعى اياققى مانگەن قىستاعىنا بارىپ كادرلار مەن بۇقاراعا امانداسقاندا: ”مەنىڭ سىزدەرگە امانداسا كەلۋىم − پارتيانىڭ حالىقتى يگىلىككە كەنەلتۋ ساياساتتارىنىڭ جۇرت جۇرەگىنە تەرەڭ ۇيالاعان - ۇيالاماعاندىعىن، رول اتقارعان - اتقارماعاندىعىن سىننان وتكىزۋ“، - دەگەن ەدى.
قالا، اۋىلداردىڭ حاۋىپسىز اۋىز سۋ ينجەنەرياسى، كەدەيلەردى قونىس جاڭالاپ سۇيەمەلدەۋ ينجەنەرياسى، كومىردى ەلەكترگە وزگەرتۋ ينجەنەرياسى جانە جۇمىستاندىرۋ، وقۋ - اعارتۋ، ەمدەۋ، قوعامدىق قامسىزداندىرۋ سياقتى حالىق تۇرمىسى ينجەنەريالارىنىڭ اتقارىلۋى حالىق تۇرمىسىن قامتاماسىز ەتۋدەگى ولقىلىقتاردى تولىقتادى، ءار ۇلت بۇقاراسىنىڭ ىرىس - قۇتىن ارتتىردى.
2014 - جىلدان 2019 - جىلعا دەيىن شينجياڭدا قالا - قالاشىقتاردا تىڭنان جۇمىستانعاندار جىلىنا ورتا ەسەپپەن 471 مىڭ 200 ادامنىڭ ۇستىندە ارتتى، مۇنىڭ ىشىندە وڭتۇستىك شينجياڭ وڭىرىندە 148 مىڭ ادام بولىپ، ％31.4 سالىستىرمانى ۇستادى؛ اۋىل - قىستاقتاعى ارتىق ەڭبەككۇشتەردەن جىلىنا ورتا ەسەپپەن 2 ميلليون 763 مىڭ ادام - رەتتەن استام باسقا سالاعا ويىسىپ جۇمىستاندى، مۇنىڭ ىشىندە وڭتۇستىك شينجياڭ وڭىرىندە ءبىر ميلليون 678 مىڭ ادام - رەت بولىپ، ％60تەن استام سالىستىرمانى ۇستادى.
كەدەيلىكتەن ارىلتۋدان قامال الۋ شايقاسىنىڭ جەڭىسىنە جالپى بەتتىك جەتۋ بارىسىندا، 2018 - جىلدىڭ باسىندا اۆتونوميالى رايون «وڭتۇستىك شينجياڭنىڭ 4 ايماق - وبلىسىنداعى اۋىر كەدەي وڭىرلەردە كەدەيلىكتەن ارىلتۋدان قامال الۋدى اتقارۋ جوباسىن (2018 - جىلدان 2020 - جىلعا دەيىن)» جاساپ، وڭتۇستىك شينجياڭنىڭ 4 ايماق - وبلىسىنىڭ كەدەيلىكتەن ارىلتۋدان قامال الۋداعى كەدەيلىكتى ازايتۋ جوسپارىن جانە ساياسات - شارالارىن ايقىنداپ، وڭتۇستىك شينجياڭنىڭ 4 ايماق - وبلىسىنا ەرەكشە سۇيەمەلدەۋ ساياساتىن بەرىپ، قازىنالىق كەدەيلەردى ارناۋلى سۇيەمەلدەۋ قاراجاتىنىڭ ％80تەن استامىن وڭتۇستىك شينجياڭنىڭ 4 ايماق - وبلىسىنا پايدالانىپ، اۋىر كەدەيلىك ماسەلەسىن كۇش سالا شەشتى.
اقتاۋ اۋدانى پىلال اۋىلى جايىلعان قىستاعىنىڭ قىستاق تۇرعىنى ابىلا اتاقتىڭ نازارىندا وسى جىلدارى پارتيا مەن ۇكىمەت اتقارعان حالىق تۇرمىسى ينجەنەرياسى جىل سايىن كوبەيىپ، تەبىنى جىل سايىن ارتتى. حالىق تۇرمىسى ينجەنەرياسى الا كەلگەن تيىمدىلىك الدەقاشان بۇقارانىڭ ءوندىرىس، تۇرمىسىنىڭ ءار جاعىمەن بىتە قايناستى.
2019 - جىلى 7 - ايدا G3012 قاشقار (جاڭاشار) − قاعىلىق − قاراقاش جوعارى جىلدامدىقتى تاس جولىنىڭ 2 - مەرزىمدىك ينجەنەرياسى سالىنىپ ءبىتىپ، اۆتوكولىك قاتىناپ، وڭتۇستىك شينجياڭنىڭ 4 ايماق - وبلىسى اراسىندا تۇڭعىش رەت جوعارى جىلدامدىقتى تاس جولدى تۇتاستىردى؛ 2020 - جىلى 12 - ايدا كەريا ۋانفاڭ اۋەجايى رەسمي پايدالانۋعا بەرىلىپ، قۇربان اتايدىڭ اۋىلىنداعى ادامداردىڭ ”ەسىك الدىنان ۇشاققا وتىرۋ“ ارمانى رەالدىققا اينالدى؛ بيىل 1 - ايدا وڭتۇستىك شينجياڭ تەمىر جولىندا اقسۋدان ساتما بەكەتىنە دەيىنگى 40 كيلومەترگە تاياۋ جەلىنىڭ دارەجەسىن كوتەرىپ، جاڭالاۋ ينجەنەرياسى تابىسپەن تامامدالدى، بۇل شينجياڭدى تارىم ويپاتى اينالىپ وتەتىن تەمىر جولى اينالىمى جەلىسىنىڭ جىكسىز تۇتاسۋدى جۇزەگە اسىرعاندىعىن كورسەتەدى.
2018 - جىلى 8 - ايدا سۋباسى سۋ قويماسى جالپى بەتتىك سالىنىپ بولىپ، پايدالانۋعا بەرىلىپ، نەشە ۇرپاق كەلپىندىكتەردىڭ ”سۋ قويماسى ارمانى“ جۇزەگە استى؛ 2019 - جىلى 11 - ايدا ياركەن اۋدانى مەن اقتاۋ اۋدانىنىڭ تۇيىلىسكەن جەرىندەگى اراتاش سۋ يگىلىگى ءتۇيىنى ينجەنەرياسى سۋ قويما توسپاسىنىڭ تيەگى بەكىتىلىپ سۋ ساقتاپ، ياركەن وزەنى الابى سۋ اپاتى ءجيى تۋىلاتىن تاريحقا تۇبەگەيلى قوش ايتتى؛ بيىل 3 - ايدا ءۇشتۇرپان اۋدانى مەن ونسۋ اۋدانىنىڭ تۇيىلىسكەن جەرىندەگى داشىشيا سۋ يگىلىگى ءتۇيىنى ينجەنەرياسىنا جيىنى 3 ميلليارد 649 ميلليون يۋان قارجى سالىندى، بۇل ينجەنەريا تارىم وزەنىنىڭ نەگىزگى اعارى ەكولوگياسىنىڭ سۋمەن قامداۋ، قوسىمشا سۋارۋ، تاسقىننان ساقتانۋ سياقتى كەشەندى يقۋاتىن، سونداي - اق وڭتۇستىك شينجياڭداعى 4 ايماق - وبلىسىتىڭ ەلەكتردەن پايدالانۋ قاۋىرت مەزگىلىندە رەتتەۋ جۇرگىزۋ مىندەتىن ارقالايدى.
پارتياعا العىس ايتىپ، دامۋ سەنىمىن نىعايتتى
مويىماس تاباندىلىقپەن العا باسىپ، باياندى ەسە قوستى. پارتيا 18 - قۇرىلتايىنان بەرى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، وڭتۇستىك شينجياڭداعى ءار ۇلت كادر - بۇقاراسى ”قيىنشىلىق پەن جاپا - ماشاقات ادامدى شىڭداپ، تابىسقا جەتەلەيدى“ دەگەندى اناعۇرلىم تەرەڭ سەزىنىپ، ”پارتيانىڭ سوزىنە قۇلاق اسۋ، پارتياعا العىس ايتۋ، پارتياعا ىلەسۋ“ جونىندە اناعۇلىم كۇشتى تانىمعا يە بولدى.
4 - ايدىڭ 23 - كۇنى ءۇشتۇرپان اۋدانى اقيار قالاشىعىنداعى شينجياڭ جىنشيڭيۋان مال شارۋاشىلىق شەكتى جاۋاپكەرلىك سەرىكتەستىگىندە، باعىمشىلىق تەحنيگى پارحات امەت قىزمەتتەن تۇسكەننەن كەيىن ۇيىنە قايتپاي قورانىڭ جانىندا بۇزاۋ، قوزىلاردىڭ مارقايۋ جاعدايىن باقىلاپ، ءىشتى سيىر، قويلاردى كۇتىمدەدى.
”مەن كەدەي بولاتىنمىن، 2017 - جىلى جىنشيڭيۋان مال شارۋاشىلىق سەرىكتەستىگىنە جۇمىسقا كەلگەننەن كەيىن، ۇزاماي كەدەيلىكتەن ارىلعاننىڭ سىرتىندا باعىمشىلىق تەحنيكاسىن يگەردىم. قازىر سەرىكتەستىكتىڭ ىستەرى بارعان سايىن ۇلعايىپ، مەنىڭ ارىنىم دا بارعان سايىن ارتتى. مەن تەحنيكانى جاڭا قىزمەتكەرلەرگە ۇيرەتىپ، كوپشىلىكپەن بىرگە بايۋدى ويلايمىن“، - دەدى پارحات امەت.
وڭتۇستىك شينجياڭنىڭ دامۋداعى وراسان زور الۋەتىن تانىپ، ۇكىمەتتىڭ فۋنكتسيالىق تاراۋلارىنىڭ قىزمەت وتەۋى ۇزدىكسىز جاقسارعاندىعىن كورگەندىكتەن، حوتان حايلو ءپىشىندى ماتەريالدار شەكتى سەرىكتەستىگىنىڭ قىزمەتكەرلەرىنىڭ تەبىنى كۇشەيە ءتۇستى. بيىل اتالعان سەرىكتەستىك اسىلىندەگى جىلىنا 10 مىڭ توننا پلاستيكالىق بولات ءپىشىندى ماتەريالىن ءوندىرۋ نەگىزىندە، تاعى دا جىلىنا 10 مىڭ توننا اليۋمين قورىتپاسى ءپىشىندى ماتەريالى ءوندىرىس جەلىسىن ۇستەپ، اۋىل - قىستاقتاعى ءتىپتى دە كوپ ەڭبەككۇشتەردىڭ جۇمىستانىپ، كىرىستەرىن ارتتىرۋىن جەبەدى.
زاۆود سەحتارى مەن اۋىل - قىستاقتاعى شەبەرلىككە باۋلۋ كۋرستارى ۇدايلىققا اينالدى. اسىرەسە، قىس پەن كوكتەم سىندى ەگىس جۇمىسىنىڭ سايابىر ماۋسىمدارىندا قىستاق تۇرعىندارى قىستاقتىڭ وزىندە - اق ”زاكاز ۇلگىسىندەگى“ باۋلۋ كۋرستارىنان تەگىن وقيتىن بولدى. استىق، ماقتا، جەمىس پەن قۇرىلعىلى اۋىل شارۋاشىلىق ەگىنشىلىگى باپتاۋ تەحنيكاسىنان، بورداقىلاۋ جانە مال شارۋاشىلىعى، مال دارىگەرلىگى تەحنيكاسىنان زەردەلىلەنگەن اۋىل شارۋاشىلىق ماشينالارى مەن قۇرىلىس ماشينالارىن جۇرگىزۋگە، اسپازدىق جانە اشەكەي بۇيىمداردى جاساۋ سياقتىلارعا دەيىن، اۋىل - قىستاقتى گۇلدەندىرۋدىڭ ىلگەرىلەۋىنە ىلەسە، اۋىل - قىستاق باۋلۋ كۋرستارىنىڭ ساباق تۇرلەرى ۇزدىكسىز مولايدى. عىلىم - تەحنيكاعا زور باۋلۋ قالىڭ ەگىنشى - مالشىلاردىڭ كىرىستى ارتتىرىپ بايۋىنىڭ، نەگىزگى ساتى كادرلارىنىڭ ءىس ىستەپ، ناتيجە جاراتۋ بەلسەندىلىگىن قاۋلاتتى.
قازىر وڭتۇستىك شينجياڭداعى 4 ايماق - وبلىستىڭ اۋىل - قىستاقتارىندا اۋىل - قىستاقتى گۇلدەندىرۋ، اۋىل - قىستاق قونىس ورتاسىن رەتتەۋ - وڭاۋ، ۇلتتار ىنتىماعىنان ۇلگى كورسەتەتىن اۋىل - قىستاق جانە جەلەكتىلەر ۇلگى كورسەتۋ بازاسىن قۇرۋ سياقتىلار دابىرالى ورىستەتىلۋدە؛ ادەبيەت - كوركەمونەر ۇيىرمەسىنە، ەرىكتىلەر قىزمەت وتەۋىنە قىستاق تۇرعىندارى جابال قاتىناسۋدا... سەنىم مەن باقىت شالقىعان كوڭىلدى جۇزدەر وڭتۇستىك شينجياڭنىڭ جاڭا سالت، جاڭا بەت - بەينەسىنىڭ شىنايى كارتيناسى ىسپەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
