ۇزاققا سوزىلعان شەكارا جاڭا بەينەنى ايگىلەدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ − كورىكتى شەكارا ءوڭىر)
− پارتيانىڭ 18 - قۇرىلتايىنان بەرگى شەكارا وڭىرلەردىڭ دامۋ جەتىستىكتەرى تۋرالى جالپى شولۋ
«حالىق گازەتىنىڭ» ءتىلشىسى جياڭ جيە
2022.06.17 16:25 كەلۋ قاينارى : حالىق تورابى
كىرىس ءسوز
پارتيانىڭ نۇر - شۇعىلاسى شەكارا وڭىرگە توگىلدى، شەكارا وڭىردەگى حالىق پارتياعا ىنتىعادى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شەكارا وڭىرلەر كەدەيلىكتەن ارىلتۋدان قامال الۋدىڭ شەشۋشى شايقاسىندا شەشۋشى جەڭىسكە جەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، ەكونوميكاسى تەز دامىعان، حالىق تۇرمىسى كورنەكتى جاقسارعان، ۇلتتار ىنتىماقتاسىپ، العا باسقان، قوعامى جاراسىمدى، ورنىقتى، شەكارا قورعانىسى بەرىك، تىنىش تاماشا جاعداي جارىققا شىعىپ، ءار ۇلت كادر - جۇرتشىلىعىنىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمى اناعۇرلىم بەكەمدەلدى.
وسى كۇننەن باستاپ گازەتىمىز «جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ» نەگىزگى ايدارشاسىندا «كورىكتى شەكارا ءوڭىر» تارماق ايدارشاسىن اشىپ، باس شۋجي شي جينپيڭ مەن پارتيا ورتالىق كوميتەتىنىڭ شەكارا رايوندارعا دەگەن قامقورلىعى مەن مەيىرىن ىشكەرىلەي ۇگىتتەپ، شەكارا رايونداردىڭ جەدەل دامۋىنداعى وراسان زور وزگەرىستەر مەن كورنەكتى تابىستاردى تولىق ايگىلەپ، شەكارا رايونداعى حالىقتىڭ وزىنە سەنۋ، ءوزىن الۋەتتەندىرۋ، ىنتىماقتاسا كۇرەس جاساۋ سىندى تاماشا رۋحاني بەت - بەينەسىن جاندى ايگىلەپ، شەكارا رايونداعى ءار ۇلت كادر - جۇرتشىلىعىنىڭ پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سىندى ورتاق تىلەگىن تەرەڭ سۇيىسپەنشىلىكپەن بەينەلەپ، قالىڭ كادر - جۇرتشىلىقتى تولىق سەنىممەن جاڭا جورىققا اتتانىپ، جاڭا داۋىرگە ۇلەس قوسىپ، پارتيا 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتپەن قارسى الۋعا شابىتتاندىرادى.
شەكارا وڭىرلەر − ەلىمىزدىڭ سىرتقا ەسىك اشۋىنىڭ الدىڭعى شەبى، مەملەكەتتىڭ ناقتى قۋاتى مەن وبرازىن ايگىلەيتىن تەرەزە، مەملەكەت تەرريتورياسىنىڭ حاۋىپسىزدىگى مەن ەكولوگيالىق حاۋىپسىزدىگىنە كەپىلدىك ەتەتىن ماڭىزدى قالتقى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى شەكارانى باسقارۋدى ەل باسقارۋداعى ماڭىزدى ورىنعا قويىپ، «مەملەكەتتى باسقارۋدا، ءسوز جوق، شەكارانى باسقارۋ» ستراتەگيالىق يدەياسىن العا قويىپ، جاڭا داۋىردەگى شەكارانى گۇلدەندىرىپ، حالىقتى اۋقاتتاندىرۋ ارەكەتىن ىشكەرىلەي ىلگەرىلەتىپ، شەكارا وڭىرلەردىڭ ەكونوميكالىق، قوعامدىق دامۋىندا تاريحي تابىستارعا قول جەتكىزدى. پارتيا ورتالىق كوميتەتىنىڭ پارمەندى باسشىلىعىندا، شەكارا رايونداعى حالىق وزىنە سەنىم ارتىپ، ءوزىن الۋەتتەندىرىپ، ىنتىماقتاسا كۇرەس جاساپ، نەگىزدىك قۇرىلعىلار تىڭ ساتىعا كوتەرىلدى، ەرەكشەلىككە كاسىپتەر قارىشتاپ دامىدى، حالىق تۇرمىسى كۇننەن - كۇنگە جاقسارىپ، سىرتقا ەسىك اشۋ ورەسى ورنىقتى جوعارىلادى، شەكارا قورعانىسى شەكارا حاۋىپسىزدىگىن بەكەمدەدى، ۇلتتاردىڭ بەت - بەينەسى، ۇلتتار قاتىناسىنىڭ بەت - بەينەسى، ەكونوميكالىق، قوعامدىق دامۋدىڭ بەت - بەينەسى شىت جاڭا تۇسكە ەندى، جۇڭحۋا مادەنيەتىن شىنايى مويىنداۋ ۇزدىكسىز كۇشەيتىلىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى بۇرىن بولىپ كورمەگەن دارەجەدە كۇشەيدى. جۇڭحۋا ۇلتى ورتاق تۇلعا تانىمى ونان ارى بەكەمدەلدى، جۇڭحۋا ۇلتىنىڭ ۇيىسقىشتىعى مەن باۋراۋ قۋاتى بارىنشا جوعارىلادى، «جۇڭحۋا ۇلتى ءبىر ءۇيلى جانداي بولۋ، جۇڭگو ارمانىن ءبىر نيەت، ءبىر تىلەكپەن سومداۋ» تاماشا جاعدايى جارىققا شىقتى.
ەكونوميكالىق، قوعامدىق دامۋدا تاريحي تابىستارعا قول جەتتى، شەكارا رايوندار بۇكىل ەلمەن بىرگە جاپپاي دوڭگەلەك داۋلەتتى قوعامعا قادام تاستادى
900 دەن استام جىلىجاي، 3 مىڭ مۋ جەردەگى اشىققا ەگىلگەن كوك جيدەك، جىلىنا 2 مىڭ تونناعا جۋىق ءونىم ساتىلادى، ءونىم قۇنى 100 ميلليون يۋانعا تايايدى ... لياۋنيڭ ولكەسى كۋانديان مانزۋ اۆتونوميالى اۋدانى گۋلوۋزى اۋىلى گۋلوۋزى قىستاعىنا بارساڭىز، قىستاق تۇرعىندارىنىڭ تۇرمىسىنىڭ كۇننەن - كۇنگە جاقسارا تۇسكەنىن سەزىنەسىز.
كۋانديان يالۋ وزەنىنىڭ جاعاسىنا ورنالاسقان، لياۋنيڭ ولكەسىندەگى ەڭ ۇلكەن شەكارا اۋدان. گۋلوۋزى قىستاعىنىڭ تاياۋ جىلداردان بەرگى وزگەرىسىن پارتيانىڭ 18 - قۇرىلتايىنان بەرگى شەكارا وڭىرلەردىڭ ەكونوميكالىق، قوعامدىق دامۋدا قول جەتكىزگەن تاريحي تابىستارىنىڭ ىقشام كورىنىسى دەسە بولادى.
− ەكونوميكا قارىشتاپ دامىدى. جاز باسىندا شينجياڭ ۇيعۇر اۆتونوميالى رايونى قىزىلسۋ قىرعىز اۆتونوميالى وبلىسى اتۇش قالاسى سۇنتاع قالاشىعى ءازحان قىستاعىنداعى ءانجۇر ۇلتتىق سالت - سانا كوشەسى دۋمانعا بولەندى. ءازحان قىستاعى پارتيا ياچەيكاسى شۋجيىنىڭ ورىنباسارى لي يان بىلاي دەپ تانىستىردى: قىستاقتا ءانجۇر ەگىمشىلىگىن وزەك ەتىپ، مادەنيەت، ساياحات، اس - سۋ، اۋىل شارۋاشىلىق قوسىمشا ونىمدەرىن مانەرلەۋ سياقتى كوپ ءتۇرلى كاسىپتەردىڭ توعىسپالى دامۋىن جەبەدىك، 2021 - جىلى قىستاقتىڭ جان باسىندىق كىرىسى 12 مىڭ يۋانعا جەتتى.
باتىس بولەكتەگى قۇرلىق، تەڭىز جاڭا ارناسى سياقتى قاتىناس تورابىنا سۇيەنىپ، شەكارا رايوندار شەكارا قىزمەتىن شىنايى ىستەپ، جاڭا دامۋ جاعدايىنا ىرىقتىلىقپەن قىزمەت ەتتى جانە توعىستى. ەرەكشە ەگىمشىلىك، باعىمشىلىق، شەكارا ساۋداسى - وڭدەۋ، شەكارا اتتاعان ەلەكتروندىق ساۋدا، مادەنيەت، ساياحات سياقتى حالىقتى اۋقاتتاندىرۋ كاسىپتەرى قارىشتاپ دامىپ، ءار ۇلت بۇقاراسىنىڭ كىرىسىن ارتتىرىپ، اۋقاتتانۋ جولدارى ۇزدىكسىز كەڭەيدى. 2000 - جىلدان 2020 - جىلعا دەيىن قۇرلىقتاعى شەكارا اۋدانداردىڭ (قالا، رايون، حوشۇن) وڭىرلىك ءوندىرىس جالپى ءونىم قۇنى 90 ميلليارد يۋانعا جەتپەيتىن وردەن ءبىر تريلليون يۋاننان استام ورەگە جەتتى؛ جان باسىندىق وڭىرلىك ءوندىرىس جالپى ءونىم قۇنى 4 مىڭ 400 يۋانعا جەتپەيتىن ورەدەن 40 مىڭ يۋاننان استامعا جەتتى.
− ءار ۇلت بۇقاراسىنىڭ تۇرمىس ورەسى بارىنشا جاقساردى. 2021 - جىلى 6 - ايدا سىچۋان - شيزاڭ تەمىر جولىنىڭ لحاسا - لينجى بولەگى ىسكە قوسىلدى. گۇلدەن اتتى پويەز وزەندى ەندەي ءوتىپ، شيزاڭداعى تۇڭعىش ەلەكترلەنگەن تەمىر جولدا جۇيتكىدى. لحاسادان لينجىعا دەيىنگى جول 3 ساعاتتان استام ۋاقىتقا قىسقارىپ، ءار ۇلت بۇقاراسى ونى «ىنتىماق جولى»، «باقىت جولى» دەپ القادى. تاياۋ جىلداردان بەرى شيزاڭنىڭ قاتىناس قۇرىلىسى تەزدەدى. ساناققا قاراعاندا، 2021 - جىلى شيزاڭ اۆتونوميالى رايونى قاتىناس قۇرىلىسىنا 36 ميلليارد 263 ميلليون يۋان قارجى قوسىپ، تاس جول، قاتىناس تۇراقتى مۇلكىنە 20 ميلليارد 100 ميلليون يۋان قارجى قوسىپ، تۇتاس رايوندا اۆتوموبيل قاتىناعان تاس جولدىڭ جالپى ۇزىندىعى 120 مىڭ كيلومەتردەن اسقان.
پارتيانىڭ 18 - قۇرىلتايىنان بەرى شەكارا وڭىردەگى 69 كەدەي اۋدان كەدەيلىك قالپاعىن تۇگەلدەي الىپ تاستاپ، حالىق سانى ءبىرشاما از ۇلتتار تۇتاس ۇلت بويىنشا كەدەيلىكتەن ارىلىپ، بۇكىل ەلمەن بىرگە جاپپاي دوڭگەلەك داۋلەتتى قوعامعا قادام تاستادى. شەكارا وڭىرلەردىڭ نەگىزدىك قۇرىلعى شارت - جاعدايى كۇن سايىن جاڭالانىپ، قاتىناستىڭ قولايلىلانۋ دەڭگەيى بارىنشا جوعارىلاپ، ينفورماتسيا، حابارلاسۋ تورابىنىڭ قامتىمى اناعۇرلىم كەڭەيىپ، ۇلتتاردىڭ ارالاسۋىن، ىشتەسۋىن، توعىسۋىن دامىتۋعا جانە جەبەۋگە قىزمەت وتەۋ قۋاتى جاپپاي جوعارىلادى. قالىڭ شەكارا تۇرعىندارىنىڭ تۇرعىن ءۇي حاۋىپسىزدىگى، اۋىز سۋ حاۋىپسىزدىگى پارمەندى قامتاماسىز ەتىلىپ، وقۋعا ءتۇسۋ قيىن بولۋ، اۋرۋ كورسەتۋ قيىن بولۋ ماسەلەسى ايتارلىقتاي شەشىلدى. وقۋ - اعارتۋ، ەمدەۋ، مادەنيەت، قوعامدىق قامتاماسىزداندىرۋ سياقتى الەۋمەتتىك قىزمەت وتەۋ دەڭگەيى بارىنشا جوعارىلاپ، ءار ۇلت بۇقاراسىنىڭ زاتتىق تۇرمىسى مەن رۋحاني تۇرمىسى كۇن سايىن بايىدى.
− شەكارا بويىنداعى ەسىك اشۋ، كوركەيتۋ دەڭگەيى كورنەكتى جوعارىلادى. يۇننان ولكەسى حۇڭحى حاني - يزۋ اۆتونوميالى وبلىسى حىكوۋ ياۋزۋ اۆتونوميالى اۋدانى ۆيەتنامنىڭ لاۋجيە قالاسىمەن ىرگەلەسىپ جاتادى. 2019 - جىلى 8 - ايدىڭ 30 - كۇنى جۇڭگو (يۇننان) ەركىن ساۋدا سىناق رايونى حۇڭحى اۋماعى حىكوۋدا ماڭدايشالىق اسىپ ىرگە تەپتى، جەرگىلىكتى ورىن تۇزىمدە جاڭالىق اشۋ ابزالدىعىن تولىق ساۋلەلەندىرىپ، بۇكىل ەل بويىنشا سالىقتى، اقىنى ەلەكتروندى تولەۋدى الدىمەن اتقارىپ، «شەكارا اتتاعان ەلەكتروندىق ساۋدا + شەكارا بويىنداعى تۇرعىندار ءوزارا بازارشىلاۋ ساۋدا رايونىنىڭ» تيبىن وزگەرتىپ، دارەجەسىن جوعارىلاتۋدا جاڭالىق اشۋ ۇلگىسىن تۇڭعىش رەت جارىققا شىعارىپ، ەكسپورت زات اينالىمىنىڭ وزىندىك قۇنىن %29 تومەندەتتى.
پارتيانىڭ 18 - قۇرىلتايىنان بەرى شەكارا وڭىرلەر «ءبىر بەلدەۋ، ءبىر جولدى» بىرگە قۇرۋعا بەلسەنە قىزمەت وتەدى جانە ونىمەن توعىستى. قازىر شەكارا رايونداردا 17 شەكارا ەكونوميكالىق سەلبەستىك رايونى، 2 شەكارا اتتاعان ەكونوميكالىق سەلبەستىك رايونى، 9 ءتۇيىندى ەسىك اشۋ، كوركەيتۋ سىناق رايونى، 5 ەركىن ساۋدا سىناق رايونى (اۋماعى) بار. «13 – بەسجىلدىق» جوبا مەزگىلىندە شەكارالىق (شەكارا اتتاعان) ەكونوميكالىق سەلبەستىك رايوندارىندا يمپورت – ەكسپورت جالپى سوماسى 630 ميلليارد يۋانعا جەتىپ، جىلىنا ورتا ەسەپپەن %9.2 ارتىپ، 185 مىڭ ادام جۇمىستاندى.
جۇڭحۋا ۇلتى ورتاق تۇلعا تانىمىن بەرىك ورناتۋدىڭ يدەيالىق، مادەنيەت نەگىزى ۇزدىكسىز بەكەمدەلىپ، جۇڭحۋا مادەنيەتىن شىنايى مويىنداۋ ۇزدىكسىز كۇشەيدى
گيمالاي تاۋىنىڭ سولتۇستىك تارماق جەلىسىنىڭ وڭتۇستىك باۋرايىنداعى رىلا قارلى تاۋىنان الىسقا كوز سالساڭىز، شيزاڭ اۆتونوميالى رايونى شاننان قالاسى لۇڭزى اۋدانىنداعى يۇيماي اۋىلى انىق كورىنەدى. 50 نەشە جىلدىڭ الدىندا بۇكىل يۇيماي اۋىلىندا ءبىر ۇيدەگى ءۇش جان − جوگا، ياڭزۇڭ اپەكە - سىڭلىلەر جانە ولاردىڭ اكەسى ساڭجيەچۇيبا عانا تۇرمىس كەشىرەتىن، اكەسى مەن قىزى جارتى عاسىردان استام ۋاقىت تاباندىلىقپەن ىستەۋ ارقىلى وتاندى، مەكەندى ءسۇيۋدىڭ ايبىندى داستانىن جازدى؛ 50 نەشە جىلدان كەيىن 67 وتباسىداعى يۇيمايدىڭ 200 دەن استام جاڭا تۇرعىنى شەكارانى كۇزەتۋشىلەردىڭ قاتارىنا قوسىلدى.
پارتيانىڭ 18 - قۇرىلتايىنان بەرى وتاندى ءسۇيۋ، شەكارانى قورعاۋ يدەياسى جۇرت جۇرەگىنە تەرەڭ ۇيالادى. شەكارا وڭىردەگى كادر - جۇرتشىلىق باس شۋجي شي جينپيڭنىڭ قۇربان اتايدىڭ ۇرپاقتارىنا، جوگا، ياڭزۇڭ اپەكە - سىڭلىلەرگە جانە ساڭيۋان شەكارا قىستاعىنداعى ساقا ياچەيكا شۋجيلەرىنە جازعان جاۋاپ حاتىنىڭ رۋحىن ىشكەرىلەي ۇيرەنىپ، دايەكتىلەندىرىپ، قىزىل گەندى جالعاستىرىپ، قىزىل قان تامىردى جالعاستىردى، ءار ۇلت بۇقاراسى «پارتيانى قىزۋ ءسۇيۋدىڭ، وتاندى قىزۋ ءسۇيۋدىڭ، جۇڭحۋا ۇلتى ۇلى شاڭىراعىن قىزۋ ءسۇيۋدىڭ ۇلگىسى»، «قاسيەتتى مەملەكەت تەريتورياسىنىڭ قورعاۋشىسى، باقىتتى مەكەننىڭ قۇرۋشىسى» بولۋعا قۇلشىندى. جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت - تاربيەسى ىشكەرىلەي ورىستەتىلىپ، ءار ۇلت بۇقاراسىنىڭ مەملەكەت تانىمى، حالىق تانىمى، مەملەكەت قورعانىسى تانىمى ۇزدىكسىز كۇشەيدى.
2021 - جىلى 9 - ايدا مەملەكەتتىك ۇلت ىستەرى كوميتەتى ۇيىمداستىرعان «پارتيانىڭ نۇر - شۇعىلاسى شەكارا ءوڭىردى نۇرلاندىردى، ءار ۇلت ۇلاندارى پارتياعا ىنتىعادى − مەملەكەتتىك شەكارانى گۇلدەندىرىپ، حالىقتى اۋقاتتاندىرۋ جەتىستىگى كورمەسى» بەيجيڭدە وتكىزىلىپ، شەكارا وڭىردەگى، ۇلتتىق وڭىرلەردەگى حالىقتىڭ الاڭسىز تىرشىلىك ەتۋ جاندى جاعدايىن جانە ءار ۇلت حالقىنىڭ پارتيانىڭ سوزىنە قۇلاق اسۋ، پارتيانىڭ شاپاعاتىنا العىس ايتۋ، پارتياعا ىلەسۋ بەرىك بەكىمى مەن سەنىمىن تولىق ايگىلەپ، جۇرت تىلەگىن ۇيىستىرىپ، ءار ۇلت بۇقاراسىنىڭ شەكارانى ويداعىداي قورعاۋ، مەكەندى ويداعىداي گۇلدەندىرۋ ىنتاسىن تاسقىنداتتى.
2019 - جىلى 5 - ايدا مەملەكەتتىك ۇلت ىستەرى كوميتەتىنىڭ «جۇڭحۋا ۇلتى ءبىر ءۇيلى جانداي» اتىنداعى مادەنيەتتى نەگىزگى ساتىعا ءتۇسىرۋ قيمىلى ىشكى موڭعۇل اۆتونوميالى رايونى ۇلانچاپ قالاسىنىڭ سىزى - ۋاڭ حوشۇنىندا وتكىزىلىپ، قۇنى 100 مىڭ يۋاندىق كىتاپ ۇسىنىپ، چيڭحۋا داشۋەسىنە قاراستى 1 - شيپاحانانىڭ ماماندارى اقىسىز دياگنوز قويۋعا ۇيىمداستىرىلدى. «جۇڭحۋا ۇلتى ءبىر ءۇيلى جانداي» اتىنداعى مادەنيەتتى نەگىزگى ساتىعا ءتۇسىرۋ قيمىلى − مەملەكەتتىك ۇلت ىستەرى كوميتەتىنىڭ مادەنيەت، ۇگىت قىزمەتىندەگى ماڭىزدى قيمىل، وندا ويىن قويۋ، كىتاپ جەتكىزۋ، ەمدەۋ سياقتى تاسىلدەر ارقىلى شەكارا وڭىردەگى ءار ۇلت بۇقاراسىنىڭ رۋحاني مادەنيەت تۇرمىسى ونان ارى بايىتىلدى.
مىنە، بۇلار − پارتيانىڭ 18 - قۇرىلتايىنان بەرى جۇڭحۋا ۇلتىنىڭ ورتاق رۋحاني مەكەنىن جەدەل قۇرىپ، بۇقارالىق نەگىزگى تاقىرىپتىق ۇگىت - تاربيە قيمىلىن كەڭ كولەمدە ورىستەتىپ، ءار ۇلت بۇقاراسى اراسىندا سوتسياليستىك وزەكتى قۇن كوزقاراسىن ىشكەرىلەي جەتىلدىرۋدىڭ جانە امالياتتا ايگىلەۋدىڭ جاندى كورىنىسى. مەملەكەتتە ءبىر تۇتاس قولدانىلاتىن ءتىل - جازۋدى تاباندىلىقپەن جالپىلاستىرىپ، ۇلتتاردىڭ تاڭداۋلى ءداستۇرلى مادەنيەتىنىڭ جاسامپازدىقپەن جاڭالانىپ دامۋىن ىلگەرىلەتۋ ارقىلى ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋى ۇزدىكسىز كۇشەيدى.
سونىمەن قاتار، ءار ۇلت حالقىنىڭ ارالاسۋى، ىشتەسۋى، توعىسۋى اناعۇرلىم كەڭ كولەمدە تەرەڭدەدى. نەگىزدىك قۇرىلعى شارت - جاعدايىنىڭ بارىنشا جاقسارۋى شەكارا ءوڭىر مەن ىشكى ولكەنىڭ اراسىن جاقىنداتىپ، ۇلتتاردىڭ ارالاسۋ، ىشتەسۋ، توعىسۋ شارت - جاعدايىن جاقسارتتى. ۇلتتار ىنتىماعى، العاباسارلىعىنداعى وزات ورىن قۇرۋ قىزمەتى شەكارا وڭىرگە قاراي ۇزدىكسىز كەڭەيىپ، شەكاراداعى ۇلتتار ىنتىماعى، العاباسارلىعىنداعى ۇلگىلى ءدالىز قۇرىلىسى تىڭعىلىقتى ىلگەرىلەتىلدى. شىعىس، باتىس بولىكتەردىڭ سەلبەستىگى، باعىتتامالى كومەكتەسۋ، ءتۇيىندى تۇردە سۇيەمەلدەۋ سياقتى مەحانيزمدەرگە سۇيەنىپ، «جۇپ قۇراۋ»، «قول ۇستاسۋ»، «ءبىر ءۇيلى جانداي بولۋ» سياقتى ۇلتتار ىنتىماعى بىرلەسكەن دوستىق قيمىلدارى كەڭ كولەمدە ورىستەتىلىپ، ستۋدەنتتەردىڭ باتىس بولىككە ەرىكتى قىزمەت وتەۋ جوسپارى، «ءۇش ءوڭىر» دارىندىلارىن قولداۋ جوسپارى سياقتىلار ىشكەرىلەي اتقارىلىپ، ۇلتتاردىڭ ارالاسۋ، ىشتەسۋ، توعىسۋىنىڭ كەڭدىگى مەن تەرەڭدىگى ۇزدىكسىز كەڭەيدى.
شەكارا ءوڭىردىڭ حاۋىپسىزدىك، ورنىقتىلىق جالپى جاعدايى ۇزدىكسىز بەكەمدەلىپ، نەگىزگى ساتىنى باسقارۋدىڭ وسىزاماندانۋ دەڭگەيى ۇزدىكسىز جوعارىلادى
دوستىق وتكەلى گۋاڭشي جۋاڭزۋ اۆتونوميالى رايونىنىڭ پيڭشياڭ قالاسىنا ورنالاسقان، گۋاڭشيدىڭ شەكارادان كىرىپ - شىعۋ شەكارا قورعانىسىن تەكسەرۋ باس پۋنكتى چۇڭزو شەكارا باسقارۋ تارماق اترەتىنىڭ دوستىق وتكەلى شەكارا ساقشى بولىمشەسى وسى ارادا تۇراتىن داڭقتى قوسىن. وسى قاراستى رايوننىڭ جالپى اۋماعى 15 شارشى كيلومەتر، كورشى ەل ۆەتناممەن شەكارالاسادى، حانزۋ، جۋاڭزۋ، مياۋزۋ، ياۋزۋ، دۇڭزۋ، جيڭزۋ سياقتى 10 نەشە ۇلت قونىستانعان، 3 مىڭنان استام ساۋداگەر بار. دەلونى تەز، ءونىمدى ءبىر جاقتى ەتىپ، ءتۇرلى قايشىلىقتار مەن داۋ - شارلاردى سول جەردىڭ وزىندە شەشۋ ءۇشىن، دوستىق شەكارا ساقشى بولىمشەسى جاڭا داۋىردەگى «فىڭچياۋ تاجىريبەسىن» امالياتتا ايگىلەپ، ىلگەرىندى - كەيىندى شەكارا ساۋداسىن باقىلاۋ - باسقارۋ ورتالىعى، جۇڭگو شىعىس وڭتۇستىك ازيا وداعى جەمىس - جيدەك ساۋدا ورتالىعى سياقتى ورىنداردا 5 بىرلەسكەن جاراستىرۋ كەڭسەسىن قۇردى، تاياۋ جىلداردان بەرى مىڭنان استام قايشىلىق پەن داۋ - شاردى جاراستىردى.
پارتيانىڭ 18 - قۇرىلتايىنان بەرى شەكارانى ورنىقتىرۋ، شەكارانى بەكەمدەۋ، شەكارانى گۇلدەندىرۋ قىزمەتى ۇزدىكسىز كۇشەيىپ، شەكارا وڭىرلەردى باسقارۋدىڭ وسىزاماندانۋ دەڭگەيى ۇزدىكسىز جوعارىلادى. «جۇڭحۋا حالىق رەسپۋبليكاسىنىڭ قۇرلىقتىق مەملەكەت شەكاراسى زاڭى» سياقتىلار جاريالانىپ، اتقارىلىپ، شەكارانى باسقارۋدىڭ زاڭمەن باسقارۋ نەگىزى ۇزدىكسىز بەكەمدەلدى. شەكارا بويىنداعى فينانس جالپىلىق رەفورماسى، شەكارا تۇرعىندارىنىڭ ءوزارا بازارشىلاۋ ساۋداسىنداعى يمپورت تاۋارلارىن وسى وڭىردە مانەرلەۋ، وڭدەۋ سىناق ءتۇيىنى سياقتى رەفورمانىڭ پايداسى ۇزدىكسىز جارىققا شىعىپ، جالپىلىق جەتەكتەۋ اسەرى بىرتىندەپ كورنەكتىلەندى. گۋاڭشيدى مىسالعا الساق، 2021 - جىلى شەكارا تۇرعىندارىنىڭ بازارشىلاۋ ساۋداسىنداعى يمپورت - ەكسپورت سوماسى 41 ميلليارد 970 ميلليون يۋانعا جەتىپ، 2020 - جىلداعىدان %48.3 ارتقان.
تاڭ اتىپ كەلەدى، يۇننان ولكەسى شيشۋاڭباننا دايزۋ اۆتونوميالى وبلىسى مىڭحاي اۋدانى دالو قالاشىعى دالو قىستاعى پارتيا باس ياچەيكاسىنىڭ شۋجيى يان يانبيان ورنىنان تۇرىپ، رەتتى كيىنىپ، موتوتسيكلگە ءمىنىپ، ءوزى جاۋاپتى بولعان شەكارا سىزىعىن شارلاۋعا كىرىستى. «باستىسى، كۇدىكتى ادامداردىڭ بار - جوقتىعىن، شەكارا بويىنداعى فيزيكالىق كەدەرگى قۇرىلعىلارىنىڭ بۇلىنگەن - بۇلىنبەگەنىن تەكسەرۋ كەرەك». يان يانبيان بىلاي دەدى: بۇدان سىرت، حالىق جاساقتارىن باستاپ شەكارا قورعانىس ساقشى بولىمشەسىندەگى حالىق ساقشىلارىمەن بىرگە شارلاۋ جۇرگىزەمىز. دالو قىستاعى مەحانيزم ورناتۋ، پارتيا قۇرىلىسىن كۇشەيتۋ ارقىلى اۋىل - قىستاق نەگىزگى ساتى پارتيا ۇيىمدارىنىڭ جاۋىنگەر قامالدىق رولى مەن پارتيا مۇشەلەرىنىڭ اۆانگارد ۇلگىلىك رولىن ساۋلەلەندىرىپ، قىستاق تۇرعىندارىن شەكاراداعى ىندەتتەن ساقتانۋ - تىزگىندەۋ تورىن بەكەمدەۋگە باستادى.
تاياۋ جىلداردان بەرى پارتيا قۇرىلىسىن يگەرۋ ارقىلى شەكارانى بەكەمدەپ، قورعانىستى بەكەمدەپ، قاسيەتتى مەملەكەت جەرىن ويداعىداي قورعاپ، پارتيا قۇرىلىسىن يگەرۋ ارقىلى اۋىل - قىستاقتى گۇلدەندىرۋدى جەبەپ، كورىكتى مەكەن قۇرىپ، پارتيا قۇرىلىسىن يگەرۋ ارقىلى نەگىزگى ساتىنى باسقارۋدى جەبەپ، ۇلتتار ىنتىماعىن ويداعىداي قورعادى، يۇننان ولكەسى «شەكارا ءوڭىر پارتيا قۇرىلىسى ءدالىزى» قۇرىلىسىن مىقتى يگەرىپ، نەگىزگى ساتى پارتيا ۇيىمىنىڭ ساياسي فۋنكتسياسى مەن ۇيىمدىق قۋاتىن ۇزدىكسىز كۇشەيتىپ، نەگىزگى ساتىنىڭ قوعامدىق باسقارۋ قۋاتىن كورنەكتى جوعارىلاتىپ، مەملەكەتتىڭ تۇتاستىعىن، ۇلتتاردىڭ ىنتىماعىن، شەكارانىڭ ورنىقتىلىعىن قورعاۋدىڭ پارمەندى قالتقىسىن بەكەمدەپ، شەكارا ءوڭىردىڭ تىنىش، جاراسىمدى جاعدايىن اناعۇرلىم بەكەمدەدى.
2021 - جىلى 10 – ايدا مەملەكەتتىك حالىق قۇرىلتايىنىڭ تۇراقتى كوميتەتى قۇرلىقتاعى مەملەكەت شەكاراسى زاڭىن قاراپ ماقۇلداپ، ءبىر تۇتاس ارناعا تۇسكەن مەملەكەت شەكاراسىن باسقارۋ ءتۇزىمىن ورناتۋدىڭ ارقالىق، تىرەۋلەرىن ازىرلەپ، جاڭا داۋىردەگى پارتيا، ۇكىمەت، ارميا، ساقشى، حالىقتىڭ كۇش بىرىكتىرە وتىرىپ شەكارانى بەكەمدەپ، قورعانىستى نىعايتۋعا، سونداي - اق شەكارا وڭىرلەردىڭ ۇزاق بولاشاقتىق دامۋىنا تۇزىمدىك نەگىز قالادى.
شەكارا وڭىرلەر − كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدىڭ، كەڭەيتۋدىڭ، اۋىل - قىستاقتى گۇلدەندىرۋ ستراتەگياسىن اتقارۋدىڭ، مەملەكەت حاۋىپسىزدىگىن قورعاۋدىڭ ءتۇيىنى، جاڭا داۋىردەگى پارتيانىڭ شەكارانى ورنىقتىرۋ، شەكارانى بەكەمدەۋ، شەكارانى گۇلدەندىرۋ قىزمەتىن تەك كۇشەيتۋگە بولادى، السىرەتۋگە بولمايدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار ۇلت حالقى ۇلى وتاندى بىرگە قۇرىپ، تاماشا تۇرمىستى بىرگە جاراتسا، شەكارا ءوڭىر، ءسوز جوق، اناعۇرلىم كوركەم بولاشاقتى قارسى الاتىن بولادى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
