- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسىنىڭ ۋستاۆى
(جۇڭگو كوممۋنيستىك پارتياسى مەملەكەتتىك 18 - قۇرىلتايىندا ءىشىنارا وزگەرىس ەنگىزىلىپ، 2012 – جىلى 11 – ايدىڭ 14 - كۇنى قابىلداندى)
2012.11.21 15:42 كەلۋ قاينارى : حالىق تورابى
باس باعدارلاما
جۇڭگو كوممۋنيستىك پارتياسى ــــ جۇڭگو جۇمىسشى تابىنىڭ ۇزدىك قوسىنى، سونىمەن بىرگە جۇڭگو حالقىنىڭ جانە جۇڭحۋا ۇلتىنىڭ ۇزدىك قوسىنى، ول جۇڭگوشا سوتسياليزم ىستەرىنىڭ باسشى ۇيتقىسى، جۇڭگونىڭ وزىق وندىرگىش كۇشىنىڭ دامۋ تالابىنا، جۇڭگونىڭ وزىق مادەنيەتىنىڭ العا باسۋ بەتالىسىنا، جۇڭگوداعى حالىقتىڭ ەڭ كوبىنىڭ ءتۇبىرلى مۇددەسىنە ۋاكىلدىك ەتەدى. پارتيانىڭ ەڭ جوعارى مۇراتى جانە تۇپكى نىساناسى ــــ كوممۋنيزمدى جۇزەگە اسىرۋ.
جۇڭگو كوممۋنيستىك پارتياسى ماركسيزم، لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن جانە عىلمي دامۋ كوزقاراسىن ءوز قيمىلىنا قىبلاناما ەتەدى.
ماركسيزم - لەنينيزم ادامزات قوعامنىڭ تاريحي دامۋ زاڭدىلىعىن اشتى، ونىڭ نەگىزگى قاعيدالارى دۇرىس، قۇدىرەتتى ومىرشەڭدىك كۇشكە يە. جۇڭگو كوممۋنيستەرى تالپىنعان كوممۋنيزم ۇلى مۇراتى سوتسياليستىك قوعام جان - جاقتىلى جانە بارىنشا دامىعان نەگىزدە عانا جۇزەگە اسادى. سوتسياليستىك ءتۇزىمنىڭ دامۋى مەن كەمەلدەنۋى ــــ ۇزاق تاريحي بارىس. ماركسيزم - لەنينيزمنىڭ نەگىزگى قاعيدالارىنا تاباندى بولىپ، جۇڭگو حالقى ءوزى تاڭداعان، جۇڭگونىڭ جاعدايىنا ۇيلەسەتىن جولمەن جۇرگەندە، جۇڭگونىڭ سوتسياليزم ىستەرى، ءسوز جوق، ەڭ سوڭعى جەڭىسكە جەتەدى.
ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى ماركسيزم - لەنينيزمنىڭ نەگىزگى قاعيداسىن جۇڭگو توڭكەرىسىنىڭ ناقتى امالياتىمەن ۇشتاستىرىپ، ماۋ زىدۇڭ يدەياسىن جاراتتى. ماۋ زىدۇڭ يدەياسى ماركسيزم - لەنينيزمنىڭ جۇڭگودا قولدانىلۋى جانە دامۋى، جۇڭگونىڭ توڭكەرىسى مەن قۇرىلىس امالياتى ىسپاتتاعان دۇرىس نازاريالىق پرينسيپ جانە تاجىريبەلەردىڭ قورتىندىسى، جۇڭگو كوممۋنيستىك پارتياسىنىڭ كوللەكتيۆتىك اقىل - پاراساتىنىڭ جاۋھارى. ماۋ زىدۇڭ يدەياسىنىڭ جەتەكشىلىگىندە، جۇڭگو كوممۋنيستىك پارتياسى بۇكىل ەلدەگى ءار ۇلت حالقىنا باسشىلىق ەتىپ، يمپەرياليزمگە، فەوداليزمگە، بيۋروكرات كاپيتاليزمگە قارسى ۇزاق ۋاقىتتىق توڭكەرىستىك كۇرەستەر ارقىلى جاڭا دەموكراتيالىق توڭكەرىستىڭ جەڭىسىنە قول جەتكىزىپ، حالىق دەموكراتياسى ديكتاتۋراسىندىق جۇڭحۋا حالىق رەسپۋبليكاسىن قۇردى؛ رەسپۋبليكامىز قۇرىلعاننان كەيىن، ءساتتى تۇردە سوتسياليستىك وزگەرىستەر جاساپ، جاڭا دەموكراتيزمنەن سوتسياليزمگە ءوتۋدى اياقتاتىپ، سوتسياليستىك نەگىزگى ءتۇزىم ورناتىپ، سوتسياليستىك ەكونوميكانى، ساياسيدى جانە مادەنيەتتى دامىتتى.
11 - كەزەكتى ورتالىق كوميتەتتىڭ ءۇشىنشى جالپى ماجىلىسنەن بەرى، دىڭ شياۋپيڭ جولداستى باستى ۋاكىل ەتكەن جۇڭگو كوممۋنيستەرى رەسپۋبليكامىز قۇرىلعاننان بەرگى ۇنامدى، ۇنامسىز جاقتارداعى تاجىريبەلەردى قورتىندىلاپ، يدەيانى ازات ەتىپ، شىندىقتى ىس جۇزىنەن ىزدەپ، بۇكىل پارتيانىڭ قىزمەت ءتۇيىنىن ەكونوميكالىق قۇرىلىسقا اۋدارىپ، رەفورما جۇرگىزىپ، ەسىك اشىپ، سوتسياليزم ىستەرى دامۋىنىڭ جاڭا ءداۋىرىن اشىپ، جۇڭگوشا سوتسياليزم قۇرۋ لۋشيانىن، باعىتىن، ساياساتىن بىرتە - بىرتە قالىپتاستىرىپ، جۇڭگودا سوتسياليزم قۇرۋدىڭ، ونى بەكەمدەۋدىڭ جانە دامىتۋدىڭ نەگىزگى ماسەلەلەرىن بايىمداپ، دىڭ شياۋپيڭ نازارياسىن جاراتتى. دىڭ شياۋپيڭ نازارياسى ماركسيزم - لەنينيزمنىڭ نەگىزگى قاعيداسىن قازىرگى زامانعى جۇڭگونىڭ امالياتىمەن جانە زامانالىق ەرەكشەلىگىمەن ۇشتاستىرۋدىڭ تۋىندىسى، ماۋ زىدۇڭ يدەياسىنىڭ جاڭا تاريحي جاعدايدا جالعاستىرىلۋى جانە دامىتىلۋى، ماركسيزمنىڭ جۇڭگودا دامۋىنىڭ جاڭا جاڭا كەزەڭى، قازىرگى زامانعى جۇڭگونىڭ ماركسيزمى، جۇڭگو كوممۋنيستىك پارتياسىنىڭ كوللەكتيۆتىك اقىل - پاراساتىنىڭ جاۋھارى، ول ەلىمىزدىڭ سوتسياليستىك وسىزاماندانۋ ىستەرىن ۇزدىكسىز العا جەتەلەۋدە.
13 - كەزەكتى ورتالىق كوميتەتتىڭ ءتورتىنشى جالپى ماجىلىسنەن بەرى، جياڭ زىمين جولداستى باستى ۋاكىل ەتكەن جۇڭگو كوممۋنيستتەرى جۇڭگوشا سوتسياليزم قۇرۋدىڭ امالياتى بارىسىندا سوتسياليزمنىڭ قانداي بولاتىندىعى، ونى قالاي قۇرۋ كەرەكتىگى جانە قانداي پارتيا قۇرۋ، پارتيانى قالاي قۇرۋ كەرەكتىگى جونىندەگى تانىمىن تەرەڭدەتىپ، پارتيانى، ەلدى باسقارۋدىڭ تىڭ، قىمباتتى تاجىريبەلەرىن توپتاپ، ”ۇشكە ۋاكىلدىك ەتۋ“ ماڭىزدى يدەياسىن قالىپتاستىردى. ”ۇشكە ۋاكىلدىك ەتۋ“ ماڭىزدى يدەياسى ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسىنىڭ جالعاستىرىلۋى جانە دامىتىلۋى، ول قازىرگى دۇنيە ءجۇزى مەن جۇڭگونىڭ دامۋ وزگەرىسىنىڭ پارتيا مەن مەملەكەت قىزمەتى جونىنەن قويعان تىڭ تالاپتارىن بەينەلەيدى، پارتيا قۇرىلىسىن كۇشەيتۋدىڭ جانە جاقسارتۋدىڭ، ەلىمىز سوتسياليزمىنىڭ ءوزىن كەمەلدەندىرۋى مەن دامۋىن ىلگەرىلەتۋدىڭ كۇشتى نازاريالىق قارۋى، جۇڭگو كوممۋنيستىك پارتياسىنىڭ كوللەكتيۆتىك اقىل - پاراساتىنىڭ جاۋھارى، پارتيا، ءسوز جوق، ۇزاق ۋاقىت بويى تاباندى بولۋعا ءتيىستى جەتەكشى يدەيا. ”ۇشكە ۋاكىلدىك ەتۋگە“ باستان - اياق تاباندى بولۋ پارتيامىزدىڭ پارتيا بولىپ تۇرۋىنىڭ، بيلىك جۇرگىزۋىنىڭ نەگىزى، كۇش - قۋاتىنىڭ قاينارى.
16 - قۇرىلتايدان بەرى حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى دىڭ شياۋپيڭ نازارياسى مەن ”ۇشكە ۋاكىلدىك ەتۋ“ ماڭىزدى يدەياسىن جەتەكشى ەتۋگە تاباندى بولىپ، دامۋدىڭ جاڭا تالابىنا ساي، جاڭا جاعدايدا قانداي دامۋدى جۇزەگە اسىرۋ، قالاي دامۋ دەگەن كەلەلى ماسەلەلەردى ىشكەرىلەي تانىپ جانە وعان دۇرىس جاۋاپ بەرىپ، ادامدى نەگىز ەتىپ، جاپپاي، سايكەستى، ءۇرتىس دامۋ سىندى عىلىمي دامۋ كوزقاراسىن قالىپتاستىردى. عىلمي دامۋ كوزقاراسى ــــ ماركسيزم - لەنينيزم، ماۋ زىدۇڭ يدەياسى، دىڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسىمەن تامىرلاس ءارى داۋىرمەن بىرگە ىلگەرىلەۋ جونىندەگى عىلمي نازاريا، دامۋ جونىندەگى دۇنيەگە ماركستىك كوزقاراس پەن ءادىس نازارياسىنىڭ شوعىرلى بەينەلەنۋى، ماركسيزمنىڭ جۇڭگوشالانۋىنىڭ ەڭ جاڭا جەتىستىگى، جۇڭگو كوممۋنيستەرىنىڭ كوللەكتيۆتىك اقىل - پاراساتىنىڭ جاۋھارى، جۇڭگوشا سوتسياليزمدى دامىتۋدا تاباندى بولۋعا جانە دايەكتىلەندىرۋگە ءتيىستى كەلەلى جەتەكشى يدەيا.
رەفورما جۇرگىزىپ، ەسىك اشقاننان بەرى ءبىزدىڭ بارلىق تابىستار مەن العاباسارلىققا قول جەتكىزۋىمىزدىڭ ءتۇبىرلى سەبەبى، سايىپ كەلگەندە، مىناۋ: جۇڭگوشا سوتسياليزم جولىن اشىپ، جۇڭگوشا سوتسياليزم نازارياسى جۇيەسىن قالىپتاستىرىپ، جۇڭگوشا سوتسياليزم ءتۇزىمىن ورناتتىق. بۇكىل پارتياداعى جولداستار پارتيا سانسىز ماشاقاتتاردى باستان كەشىرە وتىرىپ اشقان وسى جولدى، وسى نازاريا جۇيەسىن، وسى ءتۇزىمدى بارىنشا ايالاپ، وعان ۇزاق ۋاقىت تاباندى بولىپ جانە ۇزدىكسىز دامىتىپ، جۇڭگوشا سوتسياليزمنىڭ ۇلى تۋىن بيىك ۇستاپ، وسىزاماندانۋ قۇرىلىسىن ىلگەرىلەتۋ، وتاندى بىرلىككە كەلتىرۋ، دۇنيە بەيبىتشىلىگىن قورعاۋ جانە بىرگە دامۋدى جەبەۋ سىندى ءۇش ۇلى تاريحي مىندەتتى ورىنداۋ جولىندا كۇرەسۋلەرى ءتيىس.
ەلىمىز سوتسياليزمنىڭ العاشقى كەزەڭىندە تۇر ءارى وسى كەزەڭدە ۇزاق ۋاقىت تۇرادى. بۇل ــــ ەكونوميكاسى، مادەنيەتى مەشەۋ جۇڭگو سوتسياليستىك وسىزامانداندىرۋدى جۇزەگە اسىرۋدا اتتاپ كەتۋگە بولمايتىن تاريحي كەزەڭ، بۇعان ءجۇز جىلداي ۋاقىت قاجەت. ەلىمىزدىڭ سوتسياليستىك قۇرىلىسىندا، ءسوزسىز، ەلىمىزدىڭ مەملەكەت جاعدايىن نەگىزگە الىپ، جۇڭگوشا سوتسياليزم جولىمەن ءجۇرۋ كەرەك. قازىرگى كەزەڭدە ەلىمىز قوعامىنداعى باستى قايشىلىق ــــ حالىقتىڭ كۇن سايىن ارتىپ وتىرعان ماتەريالدىق جانە مادەنيەتتىك قاجەتى مەن مەشەۋ قوعامدىق ءوندىرىس اراسىنداعى قايشىلىق. ىشكى فاكتورلارعا جانە سىرتقى ىقپالعا بايلانىستى، تاپتىق كۇرەس بەلگىلى كولەمدە ءالى دە ۇزاق ۋاقىت ءومىر سۇرەدى، بەلگىلى شارت - جاعدايدا شيەلەنىسۋى دە مۇمكىن، ءبىراق ول باستى قايشىلىق بولۋدان قالدى. ەلىمىز سوتسياليستىك قۇرىلىسىنىڭ ءتۇبىرلى مىندەتى ــــ وندىرگىش كۇشتى ونان ارى ازات ەتىپ، دامىتىپ، سوتسياليستىك وسىزامانداندىرۋدى بىرتە - بىرتە جۇزەگە اسىرۋ، سونداي - اق وسى ءۇشىن وندىرىستىك قاتىناس پەن قوندىرماداعى وندىرگىش كۇشتەردىڭ دامۋىنا ۇيلەسپەيتىن جاقتار مەن بۋىندارعا رەفورما جاساۋ. ءسوزسىز، جالپىلىق مەنشىكتى نەگىزگى تۇلعا ەتكەن، الۋان ءتۇرلى مەنشىكتەگى شارۋاشىلىق قاتار داميتىن نەگىزگى شارۋاشىلىق تۇزىمىنە، ەڭبەگىنە قاراي ءبولۋدى نەگىزگى تۇلعا ەتكەن، ءبولىستىڭ كوپ ءتۇرلى فورماسى قاتار ءومىر سۇرەتىن ءبولىس تۇزىمىنە تاباندى بولۋ جانە ونى كەمەلدەندىرۋ، ءبىر ءبولىم رايونداردىڭ جانە ءبىر ءبولىم ادامداردىڭ الدىمەن اۋقاتتانۋىنا دەم بەرىپ، كەدەيلىكتى بىرتە - بىرتە جويىپ، بىرگە اۋقاتتانۋ، ءوندىرىستى دامىتۋ جانە قوعامدىق بايلىقتى ارتتىرۋ نەگىزىندە حالىقتىڭ كۇن سايىن ارتىپ وتىرعان ماتەريالدىق، مادەنيەتتىك قاجەتىن ۇزدىكسىز قاناعاتتاندىرىپ، ادامنىڭ جان - جاقتىلى دامۋىن جەبەۋ كەرەك. دامۋ ــــ پارتيامىزدىڭ بيلىك جۇرگىزىپ، ەلدى كوركەيتۋىندەگى ماڭداي الدى مىندەت. سان - سالالى قىزمەتتىڭ بارىندە سوتسياليستىك قوعامنىڭ وندىرگىش كۇشتەرىن دامىتۋعا، سوتسياليستىك مەملەكەتتىڭ جالپىلىق قۋاتىن ارتتىرۋعا، حالىقتىڭ تۇرمىس ورەسىن جوعارىلاتۋعا ءتيىمدى بولۋدى جالپى شىعار ءتۇيىن جانە سىننان وتكىزۋدىڭ ولشەمى ەتۋ، ەڭبەكتى، ءبىلىمدى، دارىندىلاردى، جاسامپازدىقتى قۇرمەتتەۋ، دامۋدا حالىقتى كوكەيدە ساقتاۋ، حالىققا سۇيەنۋ، دامۋدىڭ جەتىستىكتەرىنەن حالىقتى يگىلىكتەندىرۋ كەرەك. جاڭا عاسىرعا وتكەندە، ەلىمىز جاپپاي دوڭگەلەك داۋلەتتى قوعام قۇرۋعا قادام تاستاپ، سوتسياليستىك وسىزامانداندىرۋدى ىلگەرىلەتۋدىڭ جاڭا دامۋ كەزەڭىن جەدەلدەتەدى. جۇڭگوشا سوتسياليزم ىستەرىنىڭ جالپى تۇلعالىق ورنالاسىمى بويىنشا، ەكونوميكالىق، ساياسي قۇرىلىستى، مادەنيەت قۇرىلىسىن، قوعامدىق قۇرىلىستى، ەكولوگيالىق وركەنيەت قۇرىلىسىن، ءسوز جوق، جالپى بەتتىك ىلگەرىلەتۋ كەرەك. جاڭا عاسىردىڭ جاڭا ساتىسىندا شارۋاشىلىق پەن الەۋمەتتىك دامۋدىڭ ستراتەگيالىق نىساناسى مىناۋ: العاشقى قادامدا جەتكەن دوڭگەلەك داۋلەتتى ورەنى بەكەمدەپ جانە دامىتىپ، پارتيانىڭ قۇرىلعانىنا 100 جىل تولعان كەزدە ءبىر ميلليارد نەشە ءجۇز ميلليون حالىققا يگىلىك اكەلەتىن ءتىپتى دە جوعارى ورەدەگى دوڭگەلەك داۋلەتتى قوعام قۇرۋ؛ رەسپۋبليكامىز قۇرىلعانىنا 100 جىل تولعان كەزدە، حالىقتىق ءوندىرىستىڭ ادام باسىندىق جالپى قۇنىن ورتا دارەجەدەگى دامىعان ەلدەردىڭ دەڭگەيىنە جەتكىزىپ، وسىزامانداندىرۋدى نەگىزىنەن جۇزەگە اسىرۋ.
جۇڭگو كوممۋنيستىك پارتياسىنىڭ سوتسياليزمنىڭ العاشقى كەزەڭىندەگى نەگىزگى لۋشيانى: بۇكىل ەلدەگى ءار ۇلت حالقىنا باسشىلىق ەتىپ جانە ولاردى ىنتىماقتاستىرىپ، شارۋاشىلىق قۇرىلىستى وزەك ەتىپ، ءتورت نەگىزگى پرينسيپكە، رەفورمالاۋعا، ەسىك اشۋعا تاباندى بولىپ، ءوز كۇشىمىزگە سۇيەنىپ ءومىر ءسۇرىپ، قاجىرلىلىقپەن يگىلىك جاراتىپ، ەلىمىزدى باي، قۇدىرەتتى، دەموكراتيالى، وركەنيەتتى جانە جاراسىمدى سوتسياليستىك وسىزاماندانعان ەل ەتىپ قۇرىپ شىعۋ جولىندا كۇرەسۋ.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
