حالىق گازەتى سارالاپ شىققان 2013 ـ جىلعى ەل ىشىندەگى 10 ءىرى حابار(3)

2013.12.30 16:26  

　　1 - تامىزدا «بەيجيڭ رايونىنداعى توراپ بەكەتتەرىندە وسەك ـ اياڭعا بىرلەسىپ تويتارىس بەرۋ تەكشەسى» رەسمي ىسكە قوسىلدى. سۋرەتتى سالعان: لي حى

　　3. توراپتىق وسەك - اياڭدارعا زاڭ بويىنشا شوعىرلى سوققى بەرىلدى

　　20 - تامىزدا قوعام حاۋىپسىزدىگى مينيسترلىگى ۇيىمدى تۇردە جاسالعان توراپتىق وسەك - اياڭدارعا زاڭ بويىنشا شوعىرلى سوققى بەرۋ ارناۋلى قيمىلىن جۇرگىزدى. ساقشى جاق بۇقارانىڭ اشكەرەلەۋى بويىنشا ۇقىپتىلىقپەن بارلاۋ جۇرگىزىپ، توراپتان پايدالانىپ زاڭسىز تيجارات جۇرگىزەتىن الەۋمەتتىك بايلانىس سەرىكتىكتەرى مەن قىلمىس وتكىزۋشى توراپتاردىڭ ءبىر توبىن ءساتتى تالقانداپ، دەلوعا قاتىستى ادامداردىڭ ءبىر توبىن قىلمىستىقىستەر رەتىندە زاڭ بويىنشا قاماۋعا الدى. 9 – قىركۇيەكتە ەڭ جوعارى حالىق سوت مەكەمەسى، ەڭ جوعارى حالىق پروكۋراتۋراسى «ينفورماتسيالىق توراپتان پايدالانىپ جالا جابۋ سىندى قىلمىستىق ىستەر دەلوسىنا زاڭ قولدانۋداعى ءبىرقانشا ماسەلە تۋرالى تۇسىندىرمەنى» بىرلىكتە جاريالاپ، توراپتان پايدالانىپ جالا جابۋ سىندى قىلمىستاردىڭ سازايىن تارتتىرۋعا ايقىن زاڭدىق ولشەم بەلگىلەدى. مەملەكەتتىك ينتەرنەت جينالىسى ۇندەۋ شىعارىپ، بۇكىل ەلدەگى ينتەرنەت كاسىبىمەن شۇعىلدانۋشىلاردان، ينتەرنەت ايگىلىلەرىنەن جانە قالىڭ توراپتاستاردان ءوزىن تەجەۋ جانە وزىنە شەك قويۋ ساناسىن كۇشەيتىپ، زاڭدار مەن زاڭ - ەرەجەلەر سىندى «جەتى زاڭدىق تەجەمگە» بىرلىكتە بويسۇنۋدى تالاپ ەتتى.