بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

نەگىزگى ساتىعا مادەنيەت جەتكىزدى

2014.04.11 13:28  



  «التاي ارمانى» ارتتى كولەمدى كوللەكتيۆ بيمەن باستالعان ايماقتىق ءان-ءبي ۇيىرمەسىنىڭ 2014-جىلعى مادەنيەتتى اۋىلعا جەتكىزۋ قيمىلىنىڭ العاشقى مايدانى التاي قالاسىنىڭ قىزىلتاس قالاشىعىندا باستالدى.

  ءان-ءبي ۇيىرمەسىندەگى گۇلنار مەكەت قىزى، ەربول سۇلەيبەك ۇلى، بولات قۇماربەك ۇلى، حايكۇن قاتارلى انشىلەردىڭ تامىلجىتا شىرقاعان اندەرى مەن جاس بيشىلەردىڭ بۇرالا باسقان بيلەرى كورەرمەن قاۋىمىنىڭ قىزۋ قارسى الۋىنا يە بولىپ، ءالسىن-ءالى شاپالاق سوعىپ، كونسەرتتىڭ مەرەيىن اسىردى.

  قىزىلتاس قالاشىعىنىڭ تۇرعىنى ساعيزا بىلاي دەدى: «ايماقتىق ءان-ءبي ۇيىرمەسىندەگى ونەرپازداردىڭ اۋىلىمىزعا كەلىپ ونەر كورسەتكەندەرىنە راحىمەت، وسىنداي تاماشا ءان-كۇيدەن ءلاززات الىپ كوڭىلىم كوتەرىلىپ قالدى. ارتيستەردىڭ تالاپتارى ارىنداپ، وركەندەرى ءوسسىن».

  ايماقتىق ءان-ءبي ۇيىرمەسىنىڭ ارتيسى الما بىلاي دەدى: «ءبىز جىل باسىنان باستاپ، وسى قيمىلىعا ات سالىسىپ، تارتىمدى ءان، تاماشا بيلەر دايىنداپ، اۋىلداستارعا تاماشا رۋحاني ازىقپەن قامداۋدى ويلاستىرىپ، جان-جاقتىلى دايىندىق كوردىك. بۇگىن دە مىنە، ەڭبەگىمىز جانىپ، حالىقتىڭ قىزۋ قارسى الۋىنا يە بولىپ وتىرمىز».

  ۇعىسۋعا قاراعاندا، ايماقتىق ءان-ءبي ۇيىرمەسىنىڭ وسى كۇنگى كونسەرتى الەۋمەتتىك يگىلىك سيپاتىنداعى مادەنيەتتى اۋىلعا ءتۇسىرۋ قيمىلىنىڭ العاشقى مايدانى بولىپ، بۇل ۇيىرمەنىڭ پارتيانىڭ بۇقارالىق لۋشيان تاربيەسى، امالياتتىق قيمىلى بارسىنداعى ماڭىزدى شاراسى بولىپ، بيىل ايماعىمىزدىڭ ءارقايسى اۋدان، اۋىلدارىنا ارالاپ قويىپ، ايماعىمزىداعى ءار ۇلت حالىق بۇقاراسىنىڭ كۇن سايىن جوعارىلاپ كەلە جاتقان مادەني، رۋحاني تۇرمسىن بايىتۋدى ماقسات ەتكەن. («التاي گازەتىنىڭ» ءتىلشىسى ارداق بەيسقان ۇلى حابارلايدى)

  كەلۋ قاينارى: التاي اقپارات تورابى - التاي گازەتى

【1】 【2】 【3】 【4】 【5】 
جاۋاپتى رەداكتورى : نۇرعيسا قۇرمانجان ۇلى

 سۋرەت