شي جينپيڭنىڭ از ۇلت «دوستار اۋماعى»

2015.03.09 16:17   كەلۋ قاينارى : حالىق تورابى

　　8– ناۋرىز تۇستەن بۇرىن شي جينپيڭ گۋاڭشي ۋاكىلدەر ۇيىرمەسىنىڭ قاراۋىنا قاتىناستى، بۇل شي جينپيڭنىڭ بيىل بايانداما - قۇجاتتار قاراۋىنا قاتىناسقان تۇڭعىش اۆتونوميالى رايوندىق ۋاكىلدەر ۇيىرمەسى بولىپ، از ۇلت باۋىرلاستارعا دەگەن قامقورلىعىن ايگىلەدى.

　　حالىق گازەتى جالپىلىق مەديا تەكشەسىنەن ۇعىسۋعا قاراعاندا، شي جينپيڭنىڭ كوپتەگەن از ۇلت دوستارى بار ەكەن، تومەندە شي جينپيڭنىڭ از ۇلت «دوستار اۋماعىندا» كىمدەردىڭ بار ەكەنىن كورەيىك.

　　دۇڭشياڭ دوسى ما مايجى

　　2013– جىلى 3 – اقپان تۇستەن كەيىن گانسۋ ولكەسىندە قىزمەتتى كوزدەن كەشىرىپ جۇرگەن شي جينپيڭ قۇز قيالى تاۋ جولىن ەلەڭ قۇرلى كورمەي، تەرەڭ تاۋ قويناۋىنا ورىن تەپكەن لينشيا حۇيزۋ اۆتونوميالى وبلىسى دۇڭشياڭزۋ اۆتونوميالى اۋدانى بۋلىڭگوۋ قىستاعىنداعى دۇڭشياڭ بۇقاراسىنا امانداسا كەلدى. قىستاق تۇرعىنى ما مايجىنىڭ وتباسىندا شي جينپيڭ ونىڭ وتباسىنداعىلارمەن اقتارىلا اڭگىمەلەسىپ، ولاردىڭ ءىشىپ – جەم جاعدايىن، ەڭ تومەنگى تۇرمىستىق قامتاماسىزداندىرۋ جاعىندا كەپىلدىك بار – جوقتىعىن، ەمدەلۋ جاعىندا قامتاماسىزداندىرىلعان – قامتاماسىزداندىرىلماعاندىعىن، بالالارىنىڭ وقۋعا تۇسكەن – تۇسپەگەندىگىن سۇراستىردى، بارلىق جۇمىستىڭ ويداعىداي ىستەلىپ جاتقاندىعىن ەستىگەننەن كەيىن، باس شۋجي قاتتى رازى بولدى. باس شۋجي تاعى دا ما مايجىنىڭ ەكى ۇلىنا ۇيرەنۋ قۇرالدارىن بەردى.