جوعارى مەكتەپ ەمتيحانىنا قاتىناسقان وقۋشىلار مەن اتا – انالار، مىناداي 6 نارسەنى جاريالاماڭىز
2022.06.30 13:10 كەلۋ قاينارى : حالىق تورابى
ورتالىق راديو تورابىنىڭ ءتىلشىسى لاڭ چي 6 – ايدىڭ 29 – كۇنى تاييۋاننان حابارلايدى. جوعارى مەكتەپ ەمتيحانى اياقتاپ، ناتيجە شىققان سوڭ، وقۋشىلاردىڭ ەسكە الۋىنا تاتيتىن ساتتەر كوپ بولادى، وسى ساتتەردى سۋرەتكە ءتۇسىرىپ، الەۋمەتتىك جەلىلەردە جاريالاۋ كوپتەگەن ادامداردىڭ ادەتىنە اينالعان. جۋىردا، سانشي ولكەسى تاييۋان قالاسى الدامكوستىككە قارسى تۇرۋ ورتالىعى اڭداتپا جاريالادى، مىناداي 6 ءتۇرلى نارسەنى، استە، جاريالاۋىڭىزعا بولمايدى.
ەمتيحانعا قاتىناسۋ كۋالىگى
جوعارى مەكتەپ ەمتيحانى اياقتاعان سوڭ، ەمتيحانعا قاتىناسۋ كۋالىگىن، ءسوزسىز، ويداعىداي ساقتاۋىڭىز كەرەك. ەگەر ەمتيحانعا قاتىناسۋ كۋالىگىن دوستار شەڭبەرىنە جاريالاساڭىز، ازاماتتىق كۋالىك ءنومىرى قاتارلى ماڭىزدى ينفورماتسيالاردى بۇزاقىلار پايدالانۋى مۇمكىن.
ازاماتتىق كۋالىك
ازاماتتىق كۋالىكتىڭ ءنومىرىن كومەسكىلەندىرسە بولعانى، ماسەلە شىقپاي ما؟ ولاي ەمەس! ازاماتتىق كۋالىكتىڭ بەتىندەگى ءنومىر مەن اتى – ءجونىڭىزدى كومەسكىلەندىرگەنىڭىزبەن، سۋرەتتى قالپىنا كەلتىرۋ تەحنيكاسىنان ازداپ حابارى بار بۇزاقىلاردىڭ قولىنا تۇسسە، ءاپ - ساتتە قالپىنا كەلتىرەدى نەمەسە وزگەرتىپ پايدالانادى.
ەمتيحان بەرگەندەگى وقۋشىلىق ءنومىرى مەن قۇپيا سيفرى
وقۋشىلىق ءنومىرى جوعارى مەكتەپ ەمتيحانى مەزگىلىندە ەڭ كوپ پايدالانىلاتىن ءنومىر، جوعارى مەكتەپ ەمتيحانىنىڭ ناتيجەسىن تەكسەرۋ، وقۋعا قابىلداۋ ناتيجەسىن تەكسەرۋ، دەنساۋلىعىن تەكسەرۋ بارىسىندا وسى ءنومىردى ەنگىزۋ كەرەك. ءوزىڭىزدىڭ قۇپيالىعىڭىزدى قورعاۋ ءۇشىن، استە، بۇل ءنومىردى جاريالاماڭىز!
ەمتيحان ناتيجەسى نەمەسە ناتيجەنى تەكسەرۋ بەتى
ەمتيحاندى جاقسى بەرگەن وقۋشىلاردىڭ ەمتيحان ناتيجەسىن جاريالاۋىن تۇسىنۋگە بولادى. الايدا، تەكسەرۋ بەتىن تىكەلەي سۋرەتكە تارتىپ شىعارسا، ەمتيحان بەرگەن وقۋشىنىڭ تىركەلۋ ءنومىرى، اتى – ءجونى قاتارلى ماڭىزدى ينفورماتسيالار جاريا بولادى.
جوعارى مەكتەپ تالاپ كەستەسىنىڭ قاعاز جۇزىندەگى كەستەسى
تالاپ كەستەسىن ينتەرنەت ارقىلى تولتىرۋدان سىرت، ەمتيحان بەرگەن وقۋشىلار قاعاز جۇزىندەگى كەستەنى دە تولتىرۋى ءارى وعان قول قويۋى قاجەت. كەيبىر وقۋشىلار ەستەلىك قالدىرۋ ءۇشىن، قاعاز جۇزىندەگى كەستەنى سۋرەتكە تارتادى، الايدا، بۇل سۋرەتتى جاريالاۋدان اباي بولىپ، جەكەلىك ينفورماتسياڭىزدىڭ جاريا بولۋىنان ساقتانعانىڭىز ابزال.
جوعارى مەكتەپكە قابىلداۋ ۇقتىرۋى
كوپتەگەن مەكتەپتەردىڭ جوعارى مەكتەپكە قابىلداۋ ۇقتىرۋى وتە ادەمى جاسالادى، وقۋشىلار ۇقتىرۋدى تاپسىرىپ العان سوڭ، كوپشىلىككە كورسەتۋدى ويلايدى. الايدا، ۇقتىرۋدىڭ ىشكى بەتىندە وقۋشىنىڭ سۋرەتى، اتى – ءجونى، ازاماتتىق كۋالىك ءنومىرى، ەمتيحانعا قاتىناسۋ كۋالىگىنىڭ ءنومىرى، وقۋشىلىق ءنومىرى، قابىلدانعان كاسىبى، ءتىپتى داشۋەدەگى وقۋ ءنومىرى جازىلادى، ەگەر بۇزاقىلار بۇل ينفورماتسيالاردى ءبىلىپ السا، ەمتيحان بەرگەن وقۋشىنىڭ الدامكوستەردەن كەلگەن مازالاۋ تەلەفونىن قابىلداۋ مولشەرى زور مولشەردە ارتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
