اناردىڭ دانىندەي تىعىز ۇيىسامىز
− باس شۋجي شي جينپيڭنىڭ شينجياڭدا قىزمەت تەكسەرۋى رايونىمىزداعى ءار ۇلت كادر - بۇقاراسى اراسىندا قىزۋ اڭىس قوزعادى
انار بۇلت \ شينجياڭ گازەتىنىڭ تىلشىلەرى
2022.07.25 15:08 كەلۋ قاينارى : شينجياڭ گازەتى
شينجياڭنىڭ بايتاق دالاسىندا ۇنەمى شەشەك اتىپ، قۇلپىرا تۇسەتىن ءبىر گۇل بار، ول ءدال ۇلتتار ىنتىماعىنىڭ گۇلى؛ جۇرەك تۇكپىرىنە ۇيالاعان ءبىر ءتۇرلى تەرەڭ سۇيىسپەنشىلىك بار، ول ءدال ۇلتتار ىنتىماعىنىڭ سۇيىسپەنشىلىگى.
”ۇلتتارى ۇلى ىنتىماقتى جۇڭگونىڭ قاشاندا العان بەتتەن قايتپاي جەڭىسكە جەتەتىندىگى ءسوزسىز، نۇرلى بولاشاعى بولاتىندىعى ءسوزسىز“، ”ۇلتتار ىنتىماعى − ەلىمىزدەگى ءار ۇلت حالقىنىڭ جان تامىرى، شينجياڭداعى ءار ۇلت − جۇڭحۋا ۇلتى ۇلى شاڭىراعىنىڭ بولىنبەس مۇشەسى“... باس شۋجي شي جينپيڭ شينجياڭدا قىزمەت تەكسەرگەن كەزدە، ۇلتتار ىنتىماعىن ەسىنەن شىعارماي، ايقىن تالاپ قويىپ، ماڭىزدى ورنالاستىرۋ جاسادى. رايونىمىزداعى ءار ۇلت كادر - بۇقاراسى جابال مىنالاردى ءبىلدىردى: باس شۋجي نۇسقاعان بەتالىستان اۋىتقىماي، اناردىڭ دانىندەي تىعىز ۇيىسىپ، كورىكتى مەكەندى بىرگە قۇرامىز، كوركەم بولاشاقتى بىرگە جاراتامىز.
56 ۇلت جۇدىرىقتاي جۇمىلامىز
باس شۋجي شي جينپيڭ قىزمەت تەكسەرگەندە بىلاي دەپ اتاپ كورسەتتى: ءبىزدىڭ ۇلت نازاريامىز جانە ساياساتىمىز جاقسى، جارامدى.
”پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ ۇلت ماسەلەسىن شەشۋدىڭ جۇڭگوشا دۇرىس جولىمەن جۇرۋگە تاباندى بولىپ، جۇڭحۋا ۇلتى ۇلى ىنتىماعى تۋىن بيىك ۇستاپ، ۇلتتار تەڭدىگىن، ۇلتتار ىنتىماعىن، ۇلتتىق وڭىرلىك اۆتونوميانى، ۇلتتاردىڭ بىرگە گۇلدەنىپ - دامۋىن نەگىزگى مازمۇن ەتكەن ۇلت نازارياسىن جانە ۇلت ساياساتىن دايەكتىلەندىرىپ، تياناقتاندىرىپ، ’بەستى شىنايى مويىنداۋدى‘ ءار ۇلت بۇقاراسىنىڭ جۇرەگىنە تەرەڭ ۇيالاتتى، تيانشان الابىنان تىنىش، بەرەكەلى، قارىشتاپ دامىعان جاڭا لەپ ەستى“. اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋان) ۇلت، ءدىن نازارياسى وقىتۋىن زەرتتەۋ ورنىنىڭ دوتسەنتى فان يۇيشيان مىنالاردى ءبىلدىردى: باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ءار ۇلت پارتيا مۇشەلەرىن، كادرلاردى، بۇقارانى تىنىش، ىنتىماقتى اسا تاماشا جاعدايدى ايرىقشا قاستەرلەۋگە تاربيەلەپ، جەتەكتەپ، كورىكتى شينجياڭ قۇرۋدىڭ قۋاتتى بىرىككەن كۇشىن ۇيىستىرامىز.
”’جاپپاي سوتسياليستىك وسىزاماندانعان مەملەكەت قۇرۋدا بىردە - ءبىر ۇلتتىڭ قاعىس قالۋىنا بولمايدى‘. باس شۋجيدىڭ ءسوزى ەكپىندى دە پارمەندى، تەرەڭ سۇيىسپەنشىلىككە تولى“. مەملەكەتتىك سالىق باس مەكەمەسى توقسۇن اۋداندىق سالىق مەكەمەسىنىڭ كادرى ءانۋار ايىتتىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان 7 جىلدىق قىزمەت تاجىريبەسى بار، ول باس شۋجيدىڭ سوزىنەن تەرەڭ اسەر الدى. ”مەن باس شۋجيدىڭ ىقىلاستى تاپسىرماسىن ەستە بەرىك ساقتاپ، ءار ۇلت بۇقاراسىنا مەملەكەتتىڭ سالىقتا تيىمدىلىك جاساۋ ساياساتتارىن ويداعىداي ۇگىتتەيمىن، سونىمەن بىرگە ءوز باسىمنان ونەگە كورسەتۋگە تاباندى بولىپ، ۇلتتار ىنتىماعىن ءىس جۇزىندىك ارەكەتىممەن قورعايمىن“، - دەدى.
30 نەشە جىلدىڭ الدىندا، قىستاق شيپاگەرى ما پىڭچىڭدى شايار اۋدانى تارىم اۋىلى يانتاقباش قىستاعىنىڭ تۇرعىندارى قىستاققا كەلىپ شيپاگەر بولۋعا شىن ىقىلاسپەن ۇسىنىس ەتتى، سودان باستاپ ول شارشاپ - شالدىققانىنا قاراماي، سانسىز قىستاق تۇرعىندارىن اۋرۋ ازابىنان ارىلتتى. ول ءار ۇلت بۇقاراسىمەن ءبىر ءۇيلى جانداي بولىپ، ۇلتتار ىنتىماعىنىڭ تاماشا ۇلگىسىنە اينالىپ، ”مەملەكەتتىك ۇلتتار ىنتىماعىنداعى، العاباسارلىعىنداعى ۇلگىلى جەكە“ اتاعىنا داڭقپەن يە بولدى.
”باس شۋجي ’ۇلتتار ىنتىماعى − ەلىمىزدەگى ءار ۇلت حالقىنىڭ جان تامىرى‘ دەپ باسا دارىپتەدى. ءبىز ءار ۇلت ءبىر نيەتپەن ىنتىماقتاسىپ پارتياعا ىلەسسەك، شينجياڭنىڭ ەرتەڭى، ءسوز جوق، اناعۇرلىم كوركەم بولادى“، - دەدى ما پىڭچىڭ.
”ۇلتتارى ۇلى ىنتىماقتى جۇڭگونىڭ قاشاندا العان بەتتەن قايتپاي جەڭىسكە جەتەتىندىگى ءسوزسىز، نۇرلى بولاشاعى بولاتىندىعى ءسوزسىز، ءبىزدىڭ ەكىنشى 100 جىلدىق كۇرەس نىسانامىز، ءسوزسىز، جەڭىسپەن جۇزەگە اسادى، جۇڭحۋا ۇلتىنىڭ ۇلى گۇلدەنۋى، ءسوزسىز، ىسكە اسادى“. ساۋان قالالىق حالىق پروكۋراتۋراسىنىڭ ساۋان قالاسى داچۋان اۋىلى يەجياحۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ءبىرىنشى شۋجيى جانيگۇل قابىلاحىمەت تەبىرەنە بىلاي دەدى: ”باس شۋجيدىڭ ءسوزى جۇرت جۇرەگىنە شابىت سيلاپ، ادامداردى ەكپىندەي ىلگەرىلەۋگە جەبەپ، بىزگە بولاشاقتىڭ جارقىن كورىنىسىن كورسەتتى“.
يەجياحۋ قىستاعىندا قازاق، حانزۋ، حۇيزۋ، ۇيعۇر، دۇڭشياڭ سياقتى كوپ ۇلت بۇقاراسى تۇرادى، كوپشىلىك ءبىر نيەتپەن ىنتىماقتاسىپ، بارعان سايىن باقىتتى تۇرمىس كەشىرۋدە. ”ءبىز باس شۋجيدىڭ تاپسىرماسىن ەستە بەرىك ساقتاپ، 56 ۇلت جۇدىرىقتاي جۇمىلىپ، تاباندىلىقتى ساقتاپ، قۇنىتتى دا ۇقىپتى بولىپ، ءبىر نيەتپەن سەلبەسىپ، اسقاق جىگەرمەن قايراتتانا ۇمتىلىپ، پارتيانىڭ باسشىلىعىندا ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن جالعاستىرا كۇرەس جۇرگىزەمىز“، - دەدى جانيگۇل.
ارالاسىپ، ىشتەسىپ، توعىسىپ، كۇش - قۋات ۇيىستىرامىز
شينجياڭنىڭ بايتاق دالاسىنا كوز جىبەرسەڭىز، تيانشان الابىنا جايعاسقان ۇلتتار ىنتىماعى ۇلكەن اۋلاسىندا ءار ۇلت بۇقاراسىنىڭ شادىمان ۇندەرى شارىقتاۋدا، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى ءار ۇلت كادرلارى مەن بۇقاراسىنىڭ سۇيىسپەنشىلىگىن كۇن سايىن كۇشەيتتى؛ ۇلتتار ىنتىماعىنداعى، العاباسارلىعىنداعى وزات ورىن قۇرۋ قيمىلى دابىرالى ورىستەتىلىپ، ۇلتتاردىڭ ارالاسۋ، ىشتەسۋ، توعىسۋ سەزىمىنىڭ دانەكەرى بارعان سايىن بەكەمدەلە ءتۇستى.
باس شۋجي شي جينپيڭ بىلاي دەپ باسا دارىپتەدى: ءار ۇلت بۇقاراسىنىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن بىرتىندەپ جۇزەگە اسىرۋدى ىلگەرىلەتىپ، ءار ۇلتتىڭ اناردىڭ دانىندەي تىعىز ۇيىسۋىن جەبەۋ كەرەك.
7 - ايدىڭ 18 - كۇنى تاڭەرتەڭ، حوتان قالاسى جييا اۋىلى ىنتىماق جاڭا قىستاعىنىڭ تۇرعىنى تۇرسىننيسا ازەز ۇيىنەن شىعىپ، ولشەمدەنگەن كوكونىس جىلىجايىنىڭ الدىنا كەلىپ، قىزىل بۇرىش مايساسىنىڭ، قىزاناق مايساسىنىڭ ءوسۋ جاعدايىن تەكسەردى.
ىنتىماق جاڭا قىستاعى − حوتان قالاسىنىڭ ۇلتتار ىنتىماعىن جەبەپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتۋ ءۇشىن 2014 - جىلى اتقارعان حالىق تۇرمىسى ينجەنەرياسى، كىرىكپەلى الەۋمەتتىك اۋماقتىڭ بەلسەندى ىزدەنىسى. 8 جىلدان بەرى، وسى ارادا تۇراتىن ءار ۇلتتان قۇرالعان 534 وتباسىنداعى بۇقارا قول ۇستاسا العا باسىپ، قۇرىلعىلى اۋىل شارۋاشىلىعىن دامىتۋ ارقىلى بايۋ جولىنا ءتۇستى.
”قىستاعىمىزدا ۇيعۇر قىستاق تۇرعىندارى باعىمشىلىق تاجىريبەسىن حانزۋ قىستاق تۇرعىندارىنا جەتكىزدى، حانزۋ قىستاق تۇرعىندارى ەگىمشىلىك باسقارۋ تەحنيكاسىن ۇيعۇر قىستاق تۇرعىندارىنا ۇيرەتتى. ءبىز بىرگە تۇرمىس كەشىرىپ، بىرگە ەڭبەك ىستەپ، بىرگە ۇيرەندىك، دوستىق سۇيىسپەنشىلىگىمىز بارعان سايىن تەرەڭدەدى“، - دەدى تۇرسىننيسا.
”سەرىكتەستىگىمىز كوپ ۇلت قىزمەتكەرلەرى بار ۇلكەن شاڭىراق، كوپشىلىكتىڭ بارلىعى شينجياڭدا جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن قۇرۋ جولىندا قۇلشىنۋدا“. حۋاديان شينجياڭ ەلەكتر شىعارۋ شەكتى سەرىكتەستىگى پارتكومىنىڭ شۋجيى، باسالقاسى حان سۇڭ مىنالاردى ءبىلدىردى: حۋاديان بۇكىل شينجياڭداعى ەڭ ۇلكەن ەلەكتر شىعارۋ كاسىپورنى رەتىندە، ەلەكتر قۋاتىمەن قامداۋدى، سونداي - اق بۇكىل شينجياڭنىڭ 14 اۋدان، قالاسىنداعى جالپى اۋماعى 170 ميلليون شارشى مەتر اۋماقتاعى 2 ميلليونعا جۋىق تۇتىنۋشىنى جىلۋمەن قامداۋدى ۇستىنە العان. مۇنىڭ ىشىندە، وڭتۇستىك شينجياڭدا جيىنى 5 ميلليارد 200 ميلليون يۋان قارجى قوسىپ، جوعارى مەكتەپتەردەن وقۋ تاۋىسقان جەرگىلىكتى ءار ۇلت وقۋشىلارىنان، سونداي - اق ەڭبەككە جىبەرىلگەن جۇمىسشىلاردان 2700دەن استام ادامدى جۇمىسقا قابىلدادى. بۇل نىسان ءار ۇلت بۇقاراسىنىڭ جۇمىستانۋىن جەبەپ قانا قالماستان، جەرگىلىكتى ورىننىڭ ەلەكتردەن پايدالانۋ، پارمەن جىلىنۋ ساپاسىن دا جوعارىلاتتى.
اقسۋ قالاسى ۋاڭسان كوشەسىندە، بۇكىل شينجياڭداعى تۇڭعىش ۇلتتار ىنتىماعى، العاباسارلىعىن جەبەۋ قوعامى − ۋاڭسان كوشەسى ۇلتتار ىنتىماعى، العاباسارلىعىن جەبەۋ قوعامىنىڭ قۇرىلعانىنا 4 جىل بولدى. ءار ۇلت ساۋداگەرلەرى تۋىس بولىپ جۇپتاسىپ، ساۋدادا ءوزارا كومەكتەسىپ، ءبىرىن - ءبىرى سۇيەمەلدەيدى.
ۋاڭسان كوشەسى ۇلتتار ىنتىماعى، العاباسارلىعىن جەبەۋ قوعامىنىڭ ورىنباسار باستىعى مامەتجان قاسىم بىلاي دەدى: ”تۇرلىشە ۇلتتان قۇرالعان ساۋدا سەرىكتەرىنىڭ اراسىندا قيىنشىلىق الدىندا سەلبەسىپ كۇش توپتاۋ، قيىن - قىستاۋدى بىرگە وتكەرۋ، وراي الدىندا قول ۇستاسىپ بىرگە ىلگەرىلەۋ، ءبىر نيەتپەن سەلبەسۋ، مۇددە الدىندا ءوزارا جول بەرىسىپ، سەلبەسىپ تەڭ يگىلىككە كەنەلۋ كوپشىلىكتىڭ ورتاق تانىمى مەن سانالى ارەكەتىنە اينالدى. ۇلتتار ىنتىماعىن وسىنداي كىشكەنە ىستەردەن باستاپ ىستەۋ كەرەك“.
”مىناۋ قان قىسىمىن تومەندەتەتىن ءدارى، ۋاعىندا جەۋدى ۇمىتپاڭىز. مىنالار ءوزىم تۇيگەن ءمانتى، ءوزىم پىسىرعان پالاۋ، ءدامىن تاتىڭىز“... 7 - ايدىڭ 16 - كۇنى، التاي ايماقتىق پارتكوم ۇيىمداستىرۋ ءبولىمىنىڭ كادرى گۇليا ەرجان قابا اۋدانى جايىلما اۋىلى جايىلما قىستاعىنداعى تۋىسى لي مەي قارياعا امانداسا كەلدى.
”باس شۋجي ’جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك‘دەپ باسا دارىپتەدى. ءبىز ءاربىرىمىز ’اناردىڭ ءدانىمىز‘، ءبىر نيەتپەن سەلبەسسەك بولعانى، مەكەنىمىزدى ءتىپتى دە كورىكتى ەتىپ قۇرىپ شىعا الامىز“، - دەدى گۇليا.
ءدىننىڭ اقاۋسىز دامۋىن جۇزەگە اسىرامىز
ءۇرىمجى قالاسى تيانشان رايونىنداعى اق مەشىتتە جۋىنۋ ءۇيى، كىتاپ ءۇيى، اسحانا سياقتىلار بار، اۋا رەتتەگىش، سۋ ءىشۋ جابدىعى، راديو، تەلەۆيزور، ينتەرنەت قۇرىلعىلار تۇگەل تولىق.
”كوپ جىلداردان بەرى، پارتيا مەن ۇكىمەتتىڭ قامقورلىعى مەن قولداۋىندا، ءدىني قيمىل الاڭ - ورىندارىنىڭ شارت - جاعدايى ۇزدىكسىز جاقسارىپ، دىنگە سەنەتىن بۇقارانىڭ قالىپتى ءدىني قيمىل ورىستەتۋىنە ەرەكشە قولايلىلىق ازىرلەندى“، - دەدى 7 - ايدىڭ 17 - كۇنى جۇڭگو ءىسلام ءدىنى قوعامىنىڭ ورىنباسار باستىعى، ءۇرىمجى قالاسى تيانشان رايونىنداعى اق مەشىتتىڭ يمامى ابدۇشۇكۇر راحىمەتوللا.
”ءبىز باس شۋجيدىڭ تالاپتارى بويىنشا، ساياسيدا سەنىمدى، ءدىن جاعىندا ءبىلىمدى، ءمورال جاعىندا بۇقارانى يلاندىرا الاتىن، شەشۋشى ساتتە رول اتقاراتىن ءدىني قايراتكەر بولۋعا قۇلشىنىپ، دىنگە سەنەتىن بۇقارانى پارتيا مەن ۇكىمەتتىڭ توڭىرەگىنە تىعىز ىنتىماقتاستىرامىز“، - دەدى ابدۇشۇكۇر راحىمەتوللا.
”باس شۋجي شي جينپيڭ ’ءدىن ىستەرىن باسقارۋ قابىلەتىن جوعارىلاتىپ، ءدىننىڭ اقاۋسىز دامۋىن جۇزەگە اسىرۋ كەرەك‘ دەپ اتاپ كورسەتتى. باس شۋجيدىڭ ماڭىزدى ءسوزى جاڭا داۋىردەگى ءدىن قىزمەتىن جاقسى ىستەۋگە ايقىن بەتالىس كورسەتتى“. اۆتونوميالى رايوندىق پارتكوم بىرلىكساپ ءبولىمىنىڭ ورىنباسار باستىعى يليجان انايات مىنالاردى ءبىلدىردى: ءىسلام ءدىنىن جۇڭگوشالاندىرۋ بەتالىسىنا اناعۇرلىم ويداعىداي تاباندى بولىپ، ءىسلام ءدىنىن جۇڭگوشالاندىرۋ ءدىني ءپان يدەيا قۇرىلىسىن تەرەڭدەتىپ، يدەيا - ساياسيدا بەرىك، ماركسيزمدىك ءدىن كوزقاراسىنا تاباندى، ۇيرەنۋ ستيلى تاماشا، جاڭالىق اشۋعا شەبەر بولعان ءدىن ءىلىمى زەرتتەۋ قوسىنىن زور كۇشپەن باۋلىپ، ءدىن قىزمەتىن زاڭمەن باسقارۋ قۇرىلىسىن ۇزدىكسىز كۇشەيتىپ، ءدىندى سوتسياليستىك قوعامعا ۇيلەستىرەمىز.
باس شۋجي شي جينپيڭ ”ماركسيزمدىك ءدىن كوزقاراسىنا جەتىك، ءدىن قىزمەتىنە قانىق، دىنگە سەنەتىن بۇقارا قىزمەتىن ىستەۋگە شەبەر پارتيا، ۇكىمەت كادرلارى قوسىنىن باۋلۋ كەرەك“ دەپ باسا دارىپتەدى. جەمسارى اۋداندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ما جيانميڭ مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن جەتە ءتۇسىنىپ، ماركسيزمدىك ءدىن كوزقاراسىن، پارتيانىڭ ءدىن قىزمەتى جونىندەگى نازارياسىن جانە باعىت - ساياساتىن، ءدىني بىلىمدەردى ىشكەرىلەي ۇيرەنىپ، جەتەكتەۋ قابىلەتىمىزدى ۇزدىكسىز جوعارىلاتامىز.
(ءتىلشى لي ياڭ، قاتىناسقان تىلشىلەر جاڭ يانفاڭ، ميھىرگۇل ناسىر، جاڭ يۇنمەي، ۋاڭ نا، چىن چياڭۋي، جاڭ جىلي، جاڭ تيڭ، ءپاريزات ابدۇل، ميھىرگۇل عوپۇر، لياڭ ليحۋا)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
