شي جينپيڭ افريكا وداعى باسشىسىمەن افريكا وداعى قۇرىلعانىنىڭ 20 جىلدىعى جانە جۇڭگو مەن افريكا وداعىنىڭ ديپلوماتيالىق قاتىناس ورناتقانىنىڭ 20 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2022.09.13 16:29 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 9 - كۇنى، بەيجيڭ. 9 - ايدىڭ 9 - كۇنى مەملەكەت ءتوراعاسى شي جينپيڭ افريكا وداعىنىڭ كەزەكشى ءتوراعاسى، سەنەگالدىڭ زۇڭتۇڭى ساللمەن ءوزارا قۇتتىقتاۋ تەلەگرامماسىن جولداپ، افريكا وداعى قۇرىلعانىنىڭ 20 جىلدىعىن جانە جۇڭگو مەن افريكا وداعىنىڭ ديپلوماتيالىق قاتىناس ورناتقانىنىڭ 20 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: 20 جىلدان بەرى افريكا وداعى افريكا ەلدەرىن باستاپ بىرلەسىپ ءوزىن الۋەتتەندىرۋ، دامىپ گۇلدەنۋ جانە ءبىر تۇلعالاندىرىپ قۇرۋ جولىندا ارشىندى قاداممەن العا ىلگەرىلەپ كەلەدى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ، كوپ جاقتىلىقتى قورعاۋ، وركەندەپ كەلە جاتقان ەلدەردىڭ ورتاق مۇددەسىن قورعاۋ ساپارىندا افريكا كۇشىن ايگىلەدى. جۇڭگو مەن افريكا تاريحتان بەرى بەينەت پەن زەينەتتى بىرگە وتكەرىپ كەلە جاتقان ابزال دوس، سەنىمدى سەرىك، جاقسى باۋىرلاس. جۇڭگو مەن افريكا وداعىنىڭ قاتىناسى حالىقارانىڭ اۋمالى - توكپەلى وزگەرىسىنىڭ سىنىنان وتكەن، سەلبەستىگىنىڭ تەرەڭدىگى مەن كەڭدىگى ۇزدىكسىز كەڭەيىپ، جۇڭگو مەن افريكانىڭ ءداستۇرلى دوستىعىن جالعاستىرۋ جانە جاڭا داۋىردەگى ىنتىماقتى، سەلبەستىكتى كۇشەيتۋدە ماڭىزدى جەتەكشىلىك رول اتقاردى. مەن جۇڭگو مەن افريكا وداعى قاتىناسىنىڭ دامۋىنا ايرىقشا ءمان بەرەمىن، سالل زۇڭتۇڭمەن جانە افريكا وداعىنا مۇشە ەلدەردىڭ باسقا دا مەملەكەت باسشىلارىمەن بىرگە قۇلشىنىس جاساپ، جۇڭگو مەن افريكا وداعىنىڭ ديپلوماتيالىق قاتىناس ورناتقانىنىڭ 20 جىلدىعىن جاڭا باستاما ەتىپ، جۇڭگو مەن افريكانىڭ دوستىق سەلبەستىك رۋحىن اسقاقتاتىپ، جۇڭگو - افريكا سەلبەستىك تالقى مىنبەرى 8 - كەزەكتى مينيستر دارەجەلىلەر ءماجىلىسىنىڭ جەتىستىگىن جاپپاي تياناقتاندىرىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ءوزارا باتىل قولداۋ كورسەتىپ، وركەندەپ كەلە جاتقان ەلدەردىڭ حالىقارالىق ىستەردەگى ۋاكىلدىك سيپاتى مەن ءسوز سويلەۋ ۇقىعىن ۇزدىكسىز كۇشەيتىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋعا تىڭ ۇلەس قوسۋدى قالايمىن.
سالل مىنالاردى ءبىلدىردى: افريكا وداعى قۇرىلعانىنىڭ 20 جىلدىعى قارساڭىندا ءتوراعا شي جينپيڭ قىزۋ سۇيىسپەنشىلىككە تولى قۇتتىقتاۋ تەلەگرامماسىن جولداپ، افريكا مەن جۇڭگو حالقى اراسىنداعى قويۋ دوستىقتى تولىق ايگىلەدى، مەن سىزگە شىنايى العىس ايتامىن. مەن افريكا مەن جۇڭگونىڭ ءداستۇرلى دوستىعىن، ىنتىماعىن، سەلبەستىگىن جانە افريكا - جۇڭگو سەلبەستىك تالقى مىنبەرى اياسىنداعى ومىرشەڭدىك كۇشكە تولى سەرىكتەستىك قاتىناسىن ايرىقشا القايمىن. افريكا جاقتىڭ ءبىر جۇڭگو پرينسيبىن باتىل قولدايتىنىن، افريكا قۇرلىعىنىڭ دوس جۇڭگومەن قول ۇستاسا وتىرىپ جاڭا داۋىردەگى جۇڭگو - افريكا تاعدىرلاس ورتاق تۇلعاسىن بىرگە قۇرۋدى باتىل قولدايتىنىن سىزگە قايتالاي دارىپتەيمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
