تىڭ زەرتتەۋ ناتيجەسى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ ءدارىسىن زەرتتەپ جاساۋعا نەگىز قالادى
2022.09.14 09:35 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى حاۋ يالين 9 – ايدىڭ 11 – كۇنى سيدنەيدەن حابارلايدى. جۇڭگو – اۆستراليا ەكى ەل زەرتتەرمەندەرى بىرگە قاتىناسقان تىڭ زەرتتەۋ ناتيجەسىنە قاراعاندا، اتموسفەرالىق قىسىممەن سۋىتىلعان پلازمالىق دەنە جاڭا تيپتى ايدارشا ۆيرۋستىڭ ادام دەنەسىندەگى كلەتكاعا كىرۋىن تەجەي الادى، بۇل جاڭا تيپتى ايدارشا ۆيرۋستان ساقتانۋدا مۇرىنعا بۇركەتىن ءدارى قاتارلى دارىلەردى زەرتتەپ جاساۋعا نەگىز قالادى.
بۇل زەرتتەۋگە اۆستراليا كۆينسلاند تەحنولوگيالىق داشۋەسى، گريففيت داشۋەسى جانە جۇڭگو شيامىن داشۋەسى، جياڭنان داشۋەسى، وڭتۇستىك مەديتسينالىق داشۋەسى قاتارلى ەكى ەلدەگى كوپتەگەن عىلىمي زەرتتەۋ قۇرىلىمدارى قاتىناسقان، قاتىستى عىلىمي ماقالا جۋىردا اۆسترالياداعى «دياگنوز قويۋ جانە ەمدەۋ عىلىمى» اتتى مەرزىمدى جۋرنالدا جاريالانعان.
اتموسفەرالىق قىسىممەن سۋىتىلعان پلازمالىق دەنە — قالىپتى اتموسفەرالىق قىسىم جاعدايىندا تۋىندايدى، تەمپەراتۋراسى پارنيكتىڭ تەمپەراتۋراسىنا جۋىقتايتىن ءبىر ءتۇرلى پلازمالىق دەنە حاۋىپسىز جانە ادام دەنەسىنە توزىمدىلىك ەرەكشەلىگىنە يە، ميكروبسىزداندىرۋ، تەرىدەگى جارانىڭ تەزىرەك جازىلۋىن ىلگەرىلەتۋ، راك كلەتكاسىنىڭ جەتىلۋىن تەجەۋ قاتارلى رولدار اتقارا الادى.
بۇل زەرتتەۋگە باسشىلىق ەتكەن كۆينسلاند تەحنيكالىق داشۋەسىنىڭ پروفەسسورى ريك تومسون مىنانى ءبىلدىردى: جاڭا تيپتى ايدارشا ۆيرۋس ادام دەنەسىندەگى كلەتكانىڭ بەتكى قاباتىنداعى قابىلداۋشى دەنە ACE2 مەن ءوزارا ۇشتاسادى، وسى ارقىلى ادام دەنەسىندەگى كلەتكاعا كىرەدى ءارى جۇعىمدايدى. ولاردىڭ زەرتتەۋىنە قاراعاندا، اتموسفەرالىق قىسىممەن سۋىتىلعان پلازمالىق دەنەگە قىسقا مەرزىم جۋىسقاننىڭ وزىندە، كلەتكانىڭ بەتكى قاباتىنداعى ACE2 قابىلداعىش دەنەسى دەرەۋ جوعالادى، بۇل جاڭا تيپتى ايدارشا ۆيرۋستىڭ اتالعان قابىلداۋشى دەنە ارقىلى ادام دەنەسىندەگى كلەتكانى جۇعىمداۋ جولىن ازايتىپ، جۇعىمدالۋدان ساقتانۋ رولىن اتقارا الادى. تاجىريبەحانادا جەتىلدىرۋ جۇيەسىندە، اتموسفەرالىق قىسىممەن سۋىتىلعان پلازمالىق دەنەنىڭ ACE2 قابىلداۋشى دەنەسىنە بولعان تەجەۋ رولى شامامەن 9 ساعاتقا جەتەدى.
تومسون مىنانى ءبىلدىردى: اتموسفەرالىق قىسىممەن سۋىتىلعان پلازمالىق دەنەنى تۋىنداتۋ وڭاي، ول سۋدا نەمەسە سۇيىق دەنەدە كۇشىن جويمايدى، بۇل جاڭا تيپتى ايدارشا ۆيرۋستان ساقتانۋ ءدارىسىن زەرتتەپ جاساۋعا مۇمكىندىك بەرەدى، مىسالى، اۋىز شاياتىن سۋ نەمەسە مۇرىنعا بۇركەتىن ءدارى قاتارلىلار. جاڭا تيپتى ايدارشا ۆيرۋستان سىرت، اتموسفەرالىق قىسىممەن سۋىتىلعان پلازمالىق دەنەنىڭ وسىنداي ەرەكشەلىگى باسقا ۆيرۋستاردىڭ دا ACE2 قابىلداۋشى دەنەسى ارقىلى ادام دەنەسىندەگى كلەتكاعا جۇعۋىنان ساقتانۋدا رول اتقارۋىنان ءۇمىت زور.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
