شينجياڭنىڭ جاڭا ەنەرگيا كاسىپ سالاسى جوعارى ساپالى قارىشتاپ دامۋدى جۇزەگە اسىردى
1 - ايدان 7 - ايعا دەيىن جاڭا ەنەرگيامەن تاراتىلعان ەلەكتر مولشەرى 44 ميلليارد 670 ميلليون كيلوۆات ساعات بولىپ، سايكەس مەزگىلدەگىدەن ％4. 7 ارتتى، بۇكىل رايونداعى قۇرىلىسى باستاپ سالىنعان جاڭا ەنەرگيا نىسانىنىڭ كولەمى 40 ميلليون كيلوۆاتتان استى
2022.09.13 16:58 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 9 - ايدىڭ 11 - كۇنى ۇرىمجىدەن حابارلايدى. بيىل جىل باسىنان بەرى، شينجياڭ جاڭا ەنەرگيا كاسىپ سالاسىن كولەمدەندىرىپ اشۋ قادامىن ۇزدىكسىز جەدەلدەتىپ، ءداستۇرلى ەنەرگيا كاسىپ سالاسىن تيبىن وزگەرتىپ، دارەجەسىن جوعارىلاتۋعا جەتەكتەپ، جاڭا ەنەرگيا نىساندارىنىڭ كولەمى كەڭەيگەن، ”ءۇش بازا، ءبىر ارنا“ قۇرىلسى جاپپاي جەدەلدەگەن تاماشا جاعدايدى قالىپتاستىردى. 1 - ايدان 7 - ايعا دەيىن جاڭا ەنەرگيامەن تاراتىلعان ەلەكتر مولشەرى ۇزدىكسىز ارتىپ، 44 ميلليارد 670 ميلليون كيلوۆات ساعاتقا جەتىپ، سايكەس مەزگىلدەگىدەن ％4. 7 ارتىپ، بارلىق ەلەكتر تاراتۋ مولشەرىنىڭ ارتۋ جىلدامدىعىنان 8. 5 پايىز جوعارى بولىپ، ەلەكتر تاراتۋ مولشەرىندە يەلەگەن سالىستىرماسى ％2. 19 بولدى.
اۆتونوميالى رايوندىق دامۋ جانە رەفورما كوميتەتى جاڭا ەنەرگيا باسقارماسىنىڭ ورىنباسار باستىعى لي جىن بىلاي دەپ تانىستىردى: مەملەكەتتىك ءىرى تۇرپاتتى تازا ەنەرگيا بازاسىن قۇرۋدى تياناق ەتىپ، رايونىمىزدىڭ جاڭا ەنەرگيانى اشۋ كولەمى ۇزدىكسىز كەڭەيدى، قۇمىل 10 ميلليون كيلوۆات دارەجەلى جاڭا ەنەرگيا بازاسى شوعىرلى سالىنىپ، جۇندۇڭ، قۇمىلدىڭ سولتۇستىگى، وڭتۇستىك شينجياڭ سياقتى 10 ميلليون كيلوۆات دارەجەلى جاڭا ەنەرگيا كاسىپ سالاسى بازاسى جوباسىنىڭ ورنالاسۋى بەلسەنە ىلگەرىلەتىلىپ، جاڭا ەنەرگيا كاسىپ سالاسىنىڭ كولەمى جىلدام كەڭەيدى. سونىمەن بىرگە، قىزمەت وتەۋدى ساپالىلاندىرىپ، جاسامپازدىقپەن باسقارۋدى كورنەكتىلەندىرۋ ارقىلى اۆتونوميالى رايون ”ءبىر كارتامەن“ ورنالاستىرۋ، ءتىزىم بويىنشا ەستەلىككە الۋ، ”ولشەمدى جەر“ بويىنشا جەردەن پايدالانۋ سياقتى جاڭا ەنەرگيانى دامىتۋدىڭ 10 ۇلكەن مەحانيزمىن، 30 تارماقتى ناقتى شاراسىن جاساپ، رايونىمىزدىڭ جاڭا ەنەرگيا كاسىپ سالاسىنىڭ اقاۋسىز، جوعارى ساپالى دامۋىن ىلگەرىلەتىپ، تۇتاس جىلداعى نىسانا - مىندەتتەردى ورىنداۋعا ءتۇبىرلى قامتاماسىزدىق ازىرلەدى.
رايونىمىزدىڭ تازا دا تومەن كومىر قىشقىل گازدى، حاۋىپسىز دە جوعارى ءونىمدى وسى زامانعى ەنەرگيا جۇيەسىن جەدەل قالىپتاستىرۋ ءۇشىن، اۆتونوميالى رايوندىق دامۋ جانە رەفورما كوميتەتى «اۆتونوميالى رايوننىڭ ءىرى تۇرپاتتى جەل ەلەكتر، فوتوۆولت بازاسى قۇرىلىسىن ىلگەرىلەتۋگە قىزمەت وتەۋ جۇمىس كورسەتكىشى (0. 1 نۇسقاسى)» مەن ساياساتتىق ءتۇسىندىرۋ حۇجاتىن شىعارىپ، جاڭا ەنەرگيا نىسانى قۇرىلىسىن ىلگەرىلەتۋدىڭ 7 ءتۇرلى جولىن ايقىنداپ، رايونىمىزدىڭ جەل ەلەكتر، فوتوۆولتتىق ەلەكتر تاراتۋ سياقتى جاڭا ەنەرگيا كولەمىنىڭ دامۋىن، زورايۋىن جەدەل ىلگەرىلەتتى.
سونىمەن بىرگە، شينجياڭ تاعى ەلەكتر قۋاتىن بازارلاندىرۋ رەفورماسىن زور كۇشپەن تەرەڭدەتىپ، جاڭا ەنەرگيا ەلەكتر باعاسى مەحانيزمىندە جاڭالىق اشتى. بيىل 4 - ايدا «رايونىمىزدىڭ جاڭا ەنەرگيا باعاسى مەحانيزمىن كەمەلدەندىرۋ جوباسىن» باسىپ تاراتىپ، 2021 - جىلى وندىرىسكە قوسىلعان جاڭا ەنەرگيانىڭ قالىپتى باعا نىساندارىنىڭ ەلەكتر تاراتۋ مولشەرىن تولىعىمەن ەلەكتر قۋاتى بازارىنا ەنگىزۋدى ايقىنداپ، بازاردا ساۋدالاۋ، ءىرى ونەركاسىپتە ەلەكتردەن پايدالانۋدا پايدالى باعا بويىنشا بارىنە بىردەي ءبولۋ سياقتى ادىستەر ارقىلى 2021 - جىلى وندىرىسكە قوسىلعان جاڭا ەنەرگيانىڭ قالىپتى باعا نىساندارىنىڭ نىساناداعى جەلىگە شىعارىلاتىن ەلەكتر باعاسىنىڭ ءار كيلوۆات ساعاتى 0.262 يۋان بولۋىن جۇزەگە اسىردى. انىق باعا ينفورماتسياسى شىعارىلعاننان كەيىن، ءارقايسى بازار تۇلعالارىنىڭ قارجى قوسىپ سالۋ بەلسەندىلىگى كورنەكتى جوعارىلادى، بيىل جىل باسىنان بەرى، بۇكىل رايوندا قۇرىلىس باستاپ سالىنعان جاڭا ەنەرگيا نىساندارىنىڭ كولەمى 40 ميلليون كيلوۆاتتان اسىپ، بۇكىل رايوننىڭ جەل ەلەكتر، فوتوۆولتتىق ەلەكتر تاراتۋ كاسىپ سالالارى ۇزدىكسىز اقاۋسىز دامۋ كەزەڭىنە ءوتتى.
نازاردى جاڭاشا ەلەكتر قۋاتى جۇيەسىن قۇرۋعا شوعىرلاندىرىپ، شينجياڭنىڭ جاڭا ەنەرگيانى جەلىگە قوسۋدى قامتاماسىزداندىرۋ قابىلەتى كورنەكتى جوعارىلادى. ەلەكتر جەلىسىنىڭ بايلىقتى ۇلەستىرۋ قۋاتى ۇزدىكسىز ارتتى. ەلەكتر قۋاتى جۇيەسىنىڭ قاۋىرت كەزدەگى رەتتەۋ قابىلەتى قۇرىلىسىن كۇشەيتىپ، كومىردى ەلەكترگە يكەمدى وزگەرتۋدى ۇيىمداستىرىپ اتقارىپ، فۋكاڭ، قۇمىل سياقتى سۋ شىعارىپ، ەنەرگيا ساقتايتىن ەلەكتر ستانسياسى نىسان قۇرىلىسىن جەدەلدەتىپ، ەلەكتر حيميا ارقىلى ەنەرگيا ساقتاۋدى اتقارىپ، ”جاڭا ەنەرگيا + ەنەرگيا ساقتاۋدىڭ“ تەرەڭ توعىسۋىن ىلگەرىلەتىپ، ەلەكتر تورىنىڭ جاڭا ەنەرگيانى قامتۋ، رەتتەۋ قابىلەتىن شىن مانىندە جوعارىلاتتى. ”شينجياڭنىڭ ەلەكترىن سىرتقا جەتكىزۋ“ ءۇشىنىشى ارناسىنىڭ الدىڭعى مەرزىمدىك قىزمەتىن جەدەل ىلگەرىلەتىپ، نىساننىڭ قۇرىلىسىن جىل سوڭىنان بۇرىن باستاپ سالۋعا قۇلشىنىپ، جاڭا ەنەرگيانى سىرتقا جەتكىزۋ قابىلەتىن ونان ارى جوعارىلاتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
