بيىل شينجياڭداعى مەملەكەت مەنشىگىندەگى كاسىپورىندار جوعارى مەكتەپتەردەن وقۋ تاۋىسقان وقۋشىدان 10 مىڭنان استامىن قابىلدادى
2022.09.13 16:59 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 9 - ايدىڭ 11 - كۇنى ۇرىمجىدەن حابارلايدى. جۇمىس ورنى كومەسكى كۇشىن اشتى، جازعى قىزمەتكە قابىلداۋ جۇمىسىن باستادى، ينتەرنەت جەلىسىندە جانە ينتەرنەت جەلىسىنەن تىس قابىلداۋدى ۇشتاستىردى... 7 - ايدىڭ سوڭىنا دەيىن، اۆتونوميالى رايونداعى مەملەكەت مەنشىگىندەگى كاسىپورىندار جوعارى مەكتەپتەردەن وقۋ تاۋىسقان وقۋشىدان جالپى 10 مىڭنان استامىن قابىلدادى. جۇمىس ورنى كومەسكى كۇشىن ۇزدىكسىز اشۋ ارقىلى، مەجەمەن تۇتاس جىلدا جوعارى مەكتەپتەردەن وقۋ تاۋىسقان وقۋشىدان 13 مىڭ 500ىن قابىلداۋعا بولادى.
اۆتونوميالى رايوندىق پارتكوم مەن ۇكىمەت جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋ قىزمەتىنە ايرىقشا ءمان بەردى. جوعارى مەكتەپتەردەن وقۋ تاۋىسقان وقۋشىلاردىڭ اناعۇرلىم تولىق جۇمىستانۋىن جۇزەگە اسىرۋعا كومەكتەسۋ ءۇشىن، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى باقىلاپ - باسقارىلاتىن كاسىپورىنداردى ۇيىمداستىرىپ، ايماقتىق، وبلىستىق، قالالىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتتەرىن جاۋاپكەرشىلىك ارقالاۋدى كۇشەيتىپ، بەلسەندىلىكپەن، ىرىقتىلىقپەن ىسكەرلىك كورسەتۋگە سايكەستىرىپ، جوعارى مەكتەپتەردەن وقۋ تاۋىسقان وقۋشىلاردى قابىلداۋ، جۇمىستاندىرۋ قىزمەتىن كۇش سالا ويداعىداي ىستەدى.
”تىلەگىن ۇعىنۋ، جۇمىس ورنى ينفورماتسياسىن تانىستىرۋ ارقىلى قىزمەتكە قابىلداۋدى ويداعىداي ۇيىمداستىرىپ ىستەدى، 7 - ايدىڭ سوڭىنا دەيىن، اۆتونوميالى رايونداعى مەملەكەت مەنشىگىندەگى كاسىپورىندار جوعارى مەكتەپتەردەن وقۋ تاۋىسقان وقۋشىدان جالپى 10 مىڭ 973ىن قابىلدادى“، - دەدى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ مۇشەسى، ورىنباسار مەڭگەرۋشى شاۋ گاڭ تانىستىرىپ.
بيىل 5 - ايدا كاسىپورىنداردىڭ اشىق قىزمەتكە قابىلداۋى ارقىلى شىحىزى داشۋەسىنەن ماگيستر اسپيرانتتىق تاۋىسقان ۋاڭ حاي - ى شينجياڭ لانشان تۇنحى عىلىم - تەحنيكا جارنا شەكتى سەرىكتەستىگىنىڭ دامۋ كومەسكى كۇشى زور دەپ قاراپ، ىرىقتى تۇردە حابارلاسىپ، بەتپە - بەت ەمتيحانعا بەلسەندى تۇردە قاتىناسىپ، كاسىپورىنمەن ءۇش جاق كەلىسىمىنە قول قويدى. 7 - ايدا اتالعان سەرىكتەستىكتىڭ قازىنا ىستەرى ورتالىعىنا قىزمەتكە تۇردى.
جوعارى مەكتەپتەردەن وقۋ تاۋىسقان وقۋشىلاردى جۇمىستاندىرۋ قىزمەتىن ۇزدىكسىز ويداعىداي ىستەۋ ءۇشىن، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى 2022 - جىلعى جوعارى مەكتەپتەردەن وقۋ تاۋىسقان وقۋشىلاردى قىزمەتكە قابىلداۋ جوسپارىن ارتىعىمەن ورىنداۋ نەگىزىندە، باقىلاپ - باسقارىلاتىن كاسىپورىنداردى جانە ايماقتىق، وبلىستىق، قالالىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتتەرىن قايتالاي اتتانىسقا كەلۋگە ۇيىمداستىرىپ، جۇمىسشى - قىزمەتشىلەر تىركەسپەلى توبى قۇرىلىسى مەن وزىق دارىندىلار زاپاسىن تياناق ەتۋدى باسا دارىپتەپ، الدىڭعى مەرزىمدەگى قىزمەتكە قابىلداۋ نەگىزىندە، جۇمىس ورنى بايلىعىن ۇزدىكسىز اشىپ، تاعى دا 2500دەي جۇمىس ورنىمەن قامدادى. 8 - ايدىڭ 25 - كۇنى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، وقۋ - اعارتۋ مەڭگەرمەسى، ساۋدا - ونەركاسىپشىلەر بىرلەستىگى سياقتى تاراۋلارمەن بىرگە جۇڭگو شينجياڭ دارىندىلار تورابى ارقىلى اۆتونوميالى رايوننىڭ 2022 - جىلعى مەكتەپتەن كەتكەننەن كەيىن جۇمىستانباعان جوعارى مەكتەپتەردەن وقۋ تاۋىسقان وقۋشىلارعا قىزمەت وتەۋدەن قامال الۋ ارەكەتى − جوعارى مەكتەپتەردەن وقۋ تاۋىسقان وقۋشىلاردى توراپتا ارناۋلى قىزمەتكە قابىلداۋ جينالىسىن وتكىزدى ءارى مەملەكەت مەنشىگىندەگى كاسىپورىندار ارناۋلى الاڭىن ورنالاستىردى. العاشقى توپتاعى اۆتونوميالى رايون دارەجەلى باقىلاپ - باسقارىلاتىن 15 كاسىپورىن دايىنداعان 962 جۇمىس ورنى ينفورماتسياسى جۇڭگو شينجياڭ دارىندىلار تورابىندا جاريالانىپ، ايماق، وبلىس، قالالارداعى مەملەكەت مەنشىگىندەگى كاسىپورىنداردىڭ قابىلداۋ ينفورماتسيالارى دا ىركەس - تىركەس ينتەرنەت جەلىسىنە شىعارىلاتىن بولادى.
”كۇزگى قىزمەتكە قابىلداۋ تەرەزەلىك مەزگىلىن مىقتى ۇستاۋ ءۇشىن، ءبىز شينجياڭ جۇڭتاي حيميا جارنا شەكتى سەرىكتەستىگى، شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگى، شينجياڭ قارجى قوسۋ دامىتۋ (توبى) شەكتى جاۋاپكەرشىلىك سەرىكتەستىگى، شينجياڭ ەنەرگيا (توبى) شەكتى جاۋاپكەرشىلىك سەرىكتەستىگى سىندى باقىلاپ - باسقارىلاتىن 4 كاسىپورىندى 8 - ايدىڭ 25 - كۇنى اۆتونوميالى رايوننىڭ الەۋمەتتىك جۇمىستانۋعا قىزمەت وتەۋ ورتالىعىنىڭ تىكە تاراتۋ، قىزمەتكە قابىلداۋ تۇعىرى ارقىلى ءبىر ۋاقىتتا ’سەرىكتەستىك حيكاياسىن ويداعىداي اڭگىمەلەپ، اناعۇرلىم كوپ تاڭداۋلى دارىندىلاردى باۋرايىق‘ اتىندا تىكە تاراتۋ، جۇمىس ورنىمەن قامداۋعا جەتەكتەۋ قيمىلىن ورىستەتۋگە ۇيىمداستىرىپ، جاستار قاۋىمى ۇناتاتىن فورما ارقىلى حاباردار بولۋ مولشەرى مەن قامتۋ اۋماعىن كەڭەيتتىك“، - دەدى شاۋ گاڭ.
كەلەسى قادامدا، اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى ءارقايسى ايماق، وبلىس، قالالارداعى مەملەكەت مەنشىگىندەگى كاسىپورىنداردىڭ قىزمەتكە قابىلداۋ، جۇمىس ورنى ينفورماتسيالارىن جيناپ، قورىتىندىلاپ، ينتەرنەت جەلىسىندە ىركەس - تىركەس جاريالاپ، جوعارى مەكتەپتەردەن وقۋ تاۋىسقان وقۋشىلاردىڭ اناعۇرلىم تولىق جۇمىستانۋىن جۇزەگە اسىرۋىنا كومەكتەسەتىن بولادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
