ءوز جەرىندە وڭدەپ، اۋىل شارۋاشىلىعى ونىمدەرىنىڭ ءتىپتى دە ورنىقتى تۇردە الىسقا ساتىلۋىنا مۇمكىندىك جاسادى
□ انار بۇلت \ شينجياڭ گازەتىنىڭ تىلشىلەرى
2022.09.13 16:59 كەلۋ قاينارى : شينجياڭ گازەتى
9 - ايدىڭ 11 - كۇنى باركول قازاق اۆتونوميالى اۋدانى سانتاڭحۋ قالاشىعىنداعى شيندي جەرگىلىكتى ەرەكشە ونىمدەردى اشۋ شەكتى سەرىكتەستىگىنىڭ ءوندىرىس سەحىندا جۇمىسشىلار قىزىل بۇرىش قويمالجىڭىن قوراپتاۋمەن قاربالاستاپ جاتتى. ”8 - ايدىڭ باسىندا قىزىل بۇرىش جيناۋ مەزگىلى باستالادى، ءبىز ءار كۇنى 3000 نەشە قۇمىرا قىزىل بۇرىش قويمالجىڭىن وندىرەمىز. جۇڭچيۋ مەرەكەسىنەن بۇرىن زات دايىنداپ ۇلگىرۋ ءۇشىن، ءار كۇنگى ەڭ جوعارى ءوندىرىس مولشەرىن 5000 قۇمىرادان اسىردىق“، - دەدى وسى سەرىكتەستىكتىڭ سەح مەڭگەرۋشىسى ما يانمەي، - ”سەرىكتەستىك وندىرگەن ’كۇنمۋ‘ ماركالى سيىر ەتى قوسىلعان قىزىل بۇرىش قويمالجىڭى سياقتى 6 ءتۇرلى ءونىم، قۇمىل قالاسىنداعى ءارقايسى ساۋدا سارايلارىنا، ەرەن بازارلارعا قويىلىپ عانا قويماي، گۋاڭدۇڭ، فۋجيان، شانشي، سانشي سياقتى جەرلەرگە دەيىن ساتىلدى“.
بۇل سەرىكتەستىك ىستەتكەن قىزىل بۇرىش جەرگىلىكتى ورىندا وندىرىلگەن ءونىم، بيىل 200 توننا ساتىپ الىندى. سانتاڭحۋ قالاشىعى وندىرگەن ساپالى ءونىم رەتىندە اتى شىققان قىزىل بۇرىش 500 نەشە مۋ جەرگە ەگىلگەن، جاڭا قىزىل بۇرىشتىڭ جىلدىق ءونىم مولشەرى شامامەن 800 توننا، مۇنىڭ ىشىندە ％30تەن استامىن اۋىل شارۋاشىلىعى ونىمدەرىن وڭدەۋ كاسىپورىندارى ساتىپ الدى.
تاياۋ جىلداردان بەرى اۋىل شارۋاشىلىعىن كاسىپ سالالاندىرۋدىڭ ۇزدىكسىز ىلگەرىلەۋىنە ىلەسە، رايونىمىزدىڭ جەر - جەرىندە اۋىل شارۋاشىلىعى ونىمدەرىن العاشقى وڭدەيتىن، جىنتىكتەي وڭدەيتىن ءبىر توپ كاسىپورىن جارىققا شىقتى. بيىل اۋىل شارۋاشىلىعى ونىمدەرىن وڭدەۋ كاسىپورىندارى ىندەتتىڭ ىقپالىنا بەلسەنە توتەپ بەرىپ، ”كاسىپورىن + سەلبەستىك كووپەراتيۆى + شارۋا وتباسىلارى“ ءوندىرىس، تيجارات ۇلگىسىن ونان ارى تەرەڭدەتىپ، ءتۇرلى اۋىل شارۋاشىلىعى ونىمدەرىن جەرگىلىكتى ورىندا وڭدەپ، اۋىل شارۋاشىلىعى ونىمدەرىنىڭ ءتىپتى دە ورنىقتى تۇردە الىسقا ساتىلۋىنا مۇمكىندىك جاسادى.
قوڭىر كۇزدەگى قىركۇيەك ايى، قاراقاش اۋدانىنىڭ 450 مۋ جەردەگى جاڭعاعىنان مول ءونىم الىندى، جاڭعاق وڭدەيتىن كاسىپورىندار ءبىر جىلداعى ەڭ قاربالاس مەزگىلگە ءوتتى. قاراقاش اۋدانىنداعى شينجياڭ كۇنلۇن ءدامى اۋىل شارۋاشىلىعى عىلىم - تەحنيكالىق اشۋ شەكتى سەرىكتەستىگىندە جاڭا جاڭعاق ساتىپ الىپ، قامبالاۋ كەزەكتەگى باستى قىزمەتكە اينالدى. وسى سەرىكتەستىكتىڭ جاۋاپتىسى بىلاي دەپ تانىستىردى: سەرىكتەستىك ءار جىلى 1000 توننادان استام جاڭعاق ساتىپ الادى، باستىسى، ساپ جاڭعاق مايى، ارالاسپا ماي، جاڭعاق شىرىننى سياقتىلاردى وڭدەپ وندىرەدى. ونىمدەرىمىزدىڭ ءبارى بەيجيڭ، شاڭحاي، گۋاڭدۇڭ سياقتى جەرلەرگە ساتىلادى، بيىل ساتىلۋ سوماسى 28 ميلليون يۋان بولادى دەپ مەجەلەپ وتىرمىز.
قاراقاش اۋدانى رايونىمىزداعى جاڭعاق وندىرەتىن نەگىزگى وڭىرلەردىڭ ءبىرى، بيىل ءونىم مولشەرىنىڭ 80 مىڭ تونناعا جەتىپ، ءونىم قۇنى ءبىر ميلليارد يۋاننان اساتىندىعى مەجەلەندى. بيىل حوتان ايماعىندا ءبىر ميلليون 730 مىڭ 700 مۋ جەرگە جاڭعاق ەگىلدى، جاڭعاق وڭدەۋ كاسىپورىندارىن قامتىعان جەمىس - ورمان ونىمدەرىن وڭدەيتىن، جاس كۇيىندە ساقتايتىن كاسىپورىن جانە سەلبەستىك كووپەراتيۆى جالپى 342 بولىپ، جىلدىق وڭدەلگەن، جاس كۇيىندە ساقتالعان جەمىس - ورمان ونىمدەرى جالپى مولشەرى 100 مىڭ توننادان اسادى.
جاڭعاقتان سىرت، شىلان دا اۋىل شارۋاشىلىعى ونىمدەرىن وڭدەيتىن كاسىپورىنداردىڭ جالپىلىق شيكىزاتى بولىپ تابىلادى. قازىر جەر - جەردە شىلاننىڭ پىسۋ، جيناۋ مەزگىلى ءالى بولا قويماعانىمەن، كاسىپورىنداردىڭ ساتىپ الۋ، وڭدەۋ جانە ونىمدەردى ساتۋ الدىڭعى مەرزىمدىك قىزمەتى الدەقاشان باستالىپ كەتتى.
”اقسۋ ايماعىندا شىلان مەجەمەن 10 - ايدىڭ سوڭىنان باستاپ جينالادى، ءبىز ساتىپ الۋ جانە وڭدەۋ جۇمىستارىنا دايىندالىپ جاتىرمىز“. 9 - ايدىڭ 11 - كۇنى اقسۋ زۇڭباۋ باعبانشىلىق عىلىم - تەحنيكا شەكتى جاۋاپكەرشىلىك سەرىكتەستىگىنىڭ باسالقاسى مۋ زۇڭباۋ بىلاي دەپ تانىستىردى: سەرىكتەستىك تەحنيكالىق ۇجىم قۇرىپ، ۇيگە بارىپ تەحنيكالىق قىزمەت وتەپ، شىلان ەگۋشىلەردىڭ كۇزگى شىلان باپتاۋ جۇمىسىنا كومەكتەسىپ، مول ءونىم الۋعا شىنايى كەپىلدىك ەتتى. سونىمەن بىرگە سەح جابدىقتارىن سىناپ كورىپ، قوراپتاۋ ماتەريالدارىن دايىندادى ءارى جىجياڭنىڭ حاڭجوۋ سياقتى جەرلەرىندە بازاردا ساتۋ قىزمەتىن باستادى.
اقسۋ ايماعىنىڭ جەمىس ورمانىنىڭ جەر اۋدانى 4 ميلليون 500 مىڭ مۋعا جەتتى، مۇنىڭ ىشىندە شىلان ەگىلگەن جەر اۋدانى 800 مىڭ مۋعا تايايدى. تاياۋ جىلداردان بەرى اقسۋ ايماعى ”كاسىپورىن + سەلبەستىك كووپەراتيۆى + شارۋا وتباسىلارى“ تاسىلىمەن شىلان كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتتى، شىلان جينالعاننان كەيىن سەلبەستىك كووپەراتيۆى ءبىر تۇتاس ساتىپ الىپ، كاسىپورىندارعا جەتكىزىپ سول جەردىڭ وزىندە سۇرىپتاپ، وڭدەپ، قوراپتاعاننان كەيىن ەل ءىشى - سىرتىنا ساتادى. قازىرگى تاڭدا، بۇكىل ايماق بويىنشا 20دان استام شىلان وڭدەيتىن كاسىپورىن بار.
”جۇڭچيۋ مەرەكەسىنىڭ الدىندا، ءبىز 7 - كەزەكتى جۇڭگو − ازيا − ەۆروپا كورمەسىنە قاتىناستىراتىن ونىمدەردى ءوندىرۋ جۇمىسىن ورىنداپ بولدىق. بۇگىننەن باستاپ ءبىز بەيجيڭ، چۇڭچيڭ، شاڭحاي سياقتى جەرلەرگە جەتكىزىلەتىن 10 مىڭ جاشىك الاقات سۋسىنى مەن چييۇن سىرنەگەيىن دايىنداۋعا قاۋىرت كىرىسەمىز“، - دەدى 9 - ايدىڭ 11 - كۇنى جىڭ اۋدانى شينجياڭ جيڭگوۋشىن الاقات اشۋ شەكتى جاۋاپكەرشىلىك سەرىكتەستىگىنىڭ باسالقاسى داي شۇيشىڭ.
جىڭ اۋدانى رايونىمىزداعى الاقات وندىرەتىن نەگىزگى وڭىرلەردىڭ ءبىرى، بيىل 109 مىڭ 200 مۋ جەرگە الاقات ەكتى، قازىر الاقات پىسىپ جينالاتىن مەزگىل بولدى. جىڭ اۋدانى جەرگىلىكتى ورىندا وندىرىلگەن الاقاتتى شيكىزات ەتىپ، الاقاتتى جىنتىكتەي وڭدەيتىن 12 كاسىپورىندى جەتىلدىردى، زەرتتەپ - اشىپ، وندىرگەن 8 ۇلكەن تۇردەگى 26 جەلىلەس ونىمدەرى بۇكىل ەلدىڭ 20 نەشە ولكەسىنە ساتىلدى.
قازىر شەكىلدەۋىكتەن مول ءونىم الاتىن كەز، التاي ايماعىندا شارۋالار ۋاقىتتى مىقتى ۇستاپ ورىپ، ءدانىن ايىرىپ، كەپتىرىپ، شەكىلدەۋىكتىڭ كۇزگى جيىن - تەرىن جۇمىستارىن ءتارتىپتى ىلگەرىلەتۋدە. التاي ايماعى رايونىمىز جانە بۇكىل ەل بويىنشا ساپالى شەكىلدەۋىك ەگەتىن، وڭدەيتىن ماڭىزدى بازا، بيىل شەكىلدەۋىك ەگىلگەن جەر اۋدانى 630 مىڭ مۋ بولىپ، جالپى ءونىم مولشەرى 130 مىڭ توننادان اساتىندىعى مەجەلەنىپ وتىر.
”ءبىزدىڭ بۇكىل ەلدە 30 عا تارتا وكىلەتتى ساتۋشىلارىمىز بار،’ شالاۋدا‘ شەكىلدەۋىگىن وكىل ەتكەن ءتۇرلى ونىمدەر قاجەتتى قامداي المايدى، وسى ايدا 2 ميلليون 400 مىڭ يۋاندىق تاپسىرىس الدىق، بۇل بىلتىرعى سايكەس مەزگىلدەگىدەن ％10 ارتتى“، - دەدى 9 - ايدىڭ 9 - كۇنى بەيتۇن قالاسى حايچۋان كايشين ازىق - تۇلىك شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى ليۋ چياڭ.
بەيتۇن قالاسى حايچۋان كايشين ازىق - تۇلىك شەكتى جاۋاپكەرشىلىك سەرىكتەستىگى بەيتۇن ەكونوميكالىق، تەحنيكالىق اشۋ رايونىنا ىرگە تەپكەن. 9 - ايدان بەرى بۇل سەرىكتەستىكتىڭ 4 تابيعي ءدامدى شەكىلدەۋىك ءوندىرۋ جەلىسى، 2 كوپ ءدامدى شەكىلدەۋىك ءوندىرىس جەلىسى قاربالاس ءوندىرۋ جۇمىسىنا كىرىستى. ليۋ چياڭ بىلاي دەپ تانىستىردى: سەرىكتەستىك تۇتاس جىلدا 2200 − 2600 توننا شەكىلدەۋىك وڭدەيدى، وندىرەدى، بيىل التاي ايماعىنان 2400 توننا شاماسىندا شەكىلدەۋىك ساتىپ الامىز دەپ مەجەلەپ وتىرمىز، ”بىلايشا ايتقاندا، نەگىزىنەن تۇگەلدەي جەرگىلىكتى ورىننىڭ شيكىزاتىن پايدالانامىز“.
9 - ايدىڭ 8 - كۇنى شيحۋ قالاسى شيداگوۋ قالاشىعىندا ونەركاسىپ قىزاناعىن ماشينامەن جيناۋ قاربالاستىعى باستالدى. ءىرى ەگىمشى شارۋا گۇڭ چىڭدۇڭ بيىل 300 مۋدان استام جەرگە قىزاناق ەگىپ، جىل باسىندا قىزاناق وڭدەيتىن كاسىپورىندارمەن ساتۋ تاپسىرىسىنا قول قويدى.
”قول قويىسقان ساتىپ الۋ باعاسى بويىنشا ءار كيلوگرامى 0.49 يۋان بولادى، ساتىپ الاتىن كاسىپورىندار وتە سەنىمدى، توقتام بويىنشا اقشانى ۋاعىندا تولىق تولەيدى“. گۇڭ چىڭدۇڭ بىلاي دەدى: قازىر جيىن - تەرىن جۇمىسى قاۋىرت جۇرىلۋدە، شامامەن ءبىر اپتانىڭ ىشىندە جيناپ بولامىز، ءار مۋ جەردەگى قىزاناقتىڭ تازا پايداسى 700 يۋاننان اسادى.
تاياۋ جىلداردان بەرى شيحۋ قالاسى ونەركاسىپ قىزاناعىن ەگۋ، وڭدەۋ، ساتۋدى ءبىر تۇلعالاندىرعان كەمەلدى كاسىپ سالاسى تىزبەگىن قالىپتاستىرىپ، جەرگىلىكتى قىزاناق ەگەتىن وتباسىلارىنىڭ كىرىستى ورنىقتى ارتتىرۋىنا ءونىمدى دەم بەردى. قازىر شيحۋ قالاسىندا 60 مىڭ جەردەگى ونەركاسىپ قىزاناعى ىركەس - تىركەس جينالا باستادى، مەجەمەن 9 - ايدىڭ ورتا شەنىندە تۇگەلدەي جينالىپ بولادى.
(ءتىلشى ۋي يۇڭگۇي، قاتىناسقان تىلشىلەر ءپاريزات ابدۇل، جاڭ جىلي، سۇڭ يا - ۋىن، جاڭ تيڭ، ءرايدا)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
