بازاردى باقىلاۋ – باسقارۋ باس مەكەمەسى «تەمىر تەگەۋىرىن» ارەكەتى بارىسىنداعى تيپتىك دەلولاردى جاريالادى
بەزەنۋ بۇيىمدارىن مۇرىن قابىنۋىن ەمدەيدى دەپ جارنامالاۋ قاتارلى ارەكەتتەردى انىقتاپ ءبىرجاقتى ەتتى
2022.09.28 16:30
جۇمىسشىلار گازەتىنىڭ ءتىلشىسى ياڭ جاۋكۇي حابارلايدى. جۋىردا بازاردى باقىلاۋ – باسقارۋ باس مەكەمەسى 2022 – جىلعى حالىق تۇرمىسىنا ساياتىن سالالارداعى دەلولاردى تەكسەرىپ ءبىرجاقتى ەتۋ جاعىنداعى «تەمىر تەگەۋىرىن» ارەكەتى بارىسىنداعى تيپتىك دەلولاردى (بەسىنشى توپتاعى) جاريالادى، بۇل دەلولار جارناما سەرىكتەستىگىنىڭ جالعان، زاڭعا قايشى جارناما جاريالاۋى، جانارماي قۇيۋ پۋنكتىنىڭ ماي قۇيۋ مولشەرىن ەسەپتەۋ اسپابىنىڭ دۇرىستىق دارەجەسىن بۇلدىرەتىن جانارماي قۇيۋ ماشيناسىن پايدالانۋى قاتارلىلاردى قامتيدى.
بيىل 1 – ايدا، بەيجيڭ قالالىق چاۋياڭ رايونىنداعى بازاردى باقىلاۋ – باسقارۋ قىزمەتكەرلەرى بەيجيڭ ۋەيمەي لياڭپين عىلىم – تەحنيكا سەرىكتەستىگىنە تەكسەرۋ جۇرگىزگەن كەزدە، اتالعان سەرىكتەستىكتىڭ ءوزى تىزىمگە الدىرعان ۋيچات تەكشەسى ارقىلى جالعان جارناما جاريالاپ، جاي بەزەنۋ بۇيىمى سانالاتىن «گەرمانيا FERNIC مۇرىن قورعاۋ سۇيىقتىعى» «ەسكىلىكتى مۇرىن قابىنۋىنا 28 كۇن ىشىندە ەم بولاتىن» ەرەكشەلىككە يە، ەرەكشە بەزەنۋ بۇيىمى «باييۇنشان نيكوتيناميد اعارتۋ ءنارلى سۇيىقتىعى» «بارلىق داقتاردى 28 كۇن ىشىندە سولعىنداتاتىن» رولعا يە دەپ جارنامالاعان.
چاۋياڭ رايوندىق بازاردى باقىلاۋ – باسقارۋ مەكەمەسى: «اتالعان سەرىكتەستىك دالەلدىك نەگىزى جوق جاعدايدا، جارنامادا زاڭعا قايشى تۇردە ازىق – تۇلىكتىڭ، بەزەنۋ بۇيىمىنىڭ اۋرۋدى ەمدەۋ رولى بار دەپ جاريالاپ، جارناما زاڭى، «بەزەنۋ بۇيىمدارىن باقىلاۋ – باسقارۋ ەرەجەسى» قاتارلى زاڭ – تۇزىمدەردەگى بەلگىلەمەلەرگە قايشىلىق جاساعان» دەپ قاراعان ءارى بيىل 6 – ايدا اتالعان سەرىكتەستىككە اكىمشىلىك جاقتان 236 مىڭ يۋان اقشالاي ايىپ سالعان.
بيىل 1 – ايدا، حىبەي ولكەسى شيڭتاي قالاسىنداعى بازاردى باقىلاۋ – باسقارۋ قىزمەتكەرلەرى شينحى اۋدانى يۇيتۇڭ ساۋدا شەكتى سەرىكتەستىگى يۇيبو ماي قۇيۋ پۋنكتىندە زاڭ اتقارۋ جاعىندا تەكسەرۋ جۇرگىزگەن كەزدە، اتالعان ماي قۇيۋ پۋنكتىنىڭ پايداعا كەنەلۋ ءۇشىن، ديزەل مايىن ساتۋعا پايدالانىپ جاتقان 10- ءنومىرلى ماي قۇيۋ ماشيناسىنىڭ ىشكى بولىگىنە ءوز بەتىمەن وزگەرىس ەنگىزىپ، مايدى قايتارۋ جولىن جاساپ، قارالىق ىستەۋ ارقىلى ماي قۇيۋ مولشەرىن ازايتىپ، باعاداعى پارىقتان پايدا تاپقان.
شيڭتاي قالالىق بازاردى باقىلاۋ – باسقارۋ مەكەمەسى: «اتالعان ماي قۇيۋ پۋنكتىنىڭ ارەكەتى ولشەم زاڭىنداعى بەلگىلەمەلەرگە قايشى كەلگەن» دەپ قاراعان ءارى بيىل 4 – ايدا اتالعان ماي قۇيۋ پۋنكتىنە دەلوعا قاتىستى ماي قۇيۋ ماشيناسىنىڭ نەگىزگى بولشەگى قاتارلى دەلوعا قاتىستى زاتتاردى ءمۇسادىرالاۋ، اكىمشىلىك جاقتان 199.3 مىڭ يۋان اقشالاي ايىپ سالۋ سىندى جازالاۋ شارالارىن اتقارعان.
باسقا مىسالدار جياڭسۋ ولكەسى نانجيڭ قالالىق بازاردى باقىلاۋ – باسقارۋ مەكەمەسى تەكسەرىپ ءبىرجاقتى ەتكەن، نانجيڭ قالاسى حۇڭيوۋ اۆتوموبيل شەكتى سەرىكتەستىگىنىڭ مەملەكەتتىك ولشەمگە ساي كەلمەيتىن ەلەكتروندىق ۆەلوسيپەتتى ساتۋ دەلوسى، حىنان ولكەسى لوياڭ قالالىق بازاردى باقىلاۋ – باسقارۋ باس مەكەمەسى تەكسەرىپ انىقتاعان، لوياڭ اۋىل – قىستاق ساۋدا بانكەسى شەكتى سەرىكتەستىگىنىڭ كەپىلگە زات قويۋ ارقىلى قارىز الۋعا ساراپتاۋ جۇرگىزۋ اقىسىن بەلگىلەمەگە قايشى تۇردە قارىز الۋشىعا ارقالاتۋى دەلوسى قاتارلىلاردى قامتيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
