بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ورتالىق قازىنا 2023 - جىلعى اۋىل شارۋاشىلىعىنا قاتىستى اۋدارىپ تولەنەتىن 211 ميلليارد 500 ميلليون يۋاندى الدىن الا ءتۇسىردى

2022.11.10 16:26     كەلۋ قاينارى : حالىق تورابى

  تاياۋدا ورتالىق قازىنا 2023 - جىلى اۋىل شارۋاشىلىعىنا قاتىستى اۋدارىپ تولەنەتىن 211 ميلليارد 500 ميلليون يۋان قارجىنى الدىن الا ءتۇسىرىپ، مەملەكەتتىڭ استىق حاۋىپسىزدىگىنە جانە ماڭىزدى اۋىل شارۋاشىلىق ونىمدەرىمەن ورنىقتى قامداۋعا كەپىلدىك ەتىپ، اۋىل شارۋاشىلىعى جاعىندا قۇدىرەتتى ەل قۇرۋدى جەبەدى. ۇعىسۋعا قاراعاندا، اۋىل شارۋاشىلىعىنا قاتىستى اۋدارىپ تولەنەتىن 211 ميلليارد 500 ميلليون يۋان قارجى مىناداي ماڭىزدى ءتورت جاقتى قامتيدى ەكەن.

  بىرىنشىدەن، ديقانداردىڭ استىق ەگۋ بەلسەندىلىگىن جۇمىلدىرۋعا جۇمسالادى. شارۋالاردى كۇزگى، قىسقى اۋىل شارۋاشىلىق ءوندىرىسىن ويداعىداي يگەرۋگە شابىتتاندىرىپ، 2023 - جىلعى كوكتەمگى ەگىس دايىندىعىن ويداعىداي ىستەپ، شارۋالاردىڭ استىق ەگۋ پايداسىن قامتاماسىز ەتۋ ءۇشىن، وسى رەت 2022 - جىلى اتقارىلعان سان بويىنشا 120 ميلليارد 500 ميلليون يۋان ەگىستىك جەردىڭ قۇنارلىلىعىن قورعاۋ قوسىمشا قاراجاتىن تۇگەلدەي ءتۇسىردى. مال شارۋاشىلىق باعىمشىلىق الاڭى رەتىندە پايدالانىلىپ وتىرعان ەگىستىك جەر، ورماندى جەر سياقتى پايدالانىلۋ ورنى وزگەرگەن ەگىستىك جەرلەرگە قايتالاي قوسىمشا قاراجات بەرۋگە بولمايدى، جەردى ءبىر جىلدان ارتىق اق قالدىرسا، كەلەسى جىلعى قوسىمشا قاراجات بەرۋ تولىمدىلىعى كۇشىنەن قالدىرىلادى.

  ەكىنشىدەن، «استىق القاپتارىن قورعاۋ، ەگىستىك جەر بايلىعىنان عىلىمي، ۇيلەسىمدى پايدالانۋ ستراتەگياسىن تياناقتاندىرۋ ءۇشىن، 200 ميلليارد يۋاننان استام اۋدارىپ تولەۋ قارجىسىنىڭ ىشىندە 34 ميلليارد 600 ميلليون يۋان اتىز - ارىق قۇرىلىسى قوسىمشا قاراجاتىن الدىن الا ءتۇسىرىپ، جەر - جەردىڭ جوعارى ولشەمدى اتىز - ارىق قۇرىلىس نىساندارىن الدىن الا جوسپارلاۋىنا قولداۋ كورسەتىلدى. سونىمەن بىرگە، اۋىل شارۋاشىلىق ماشينالارىن ساتىپ الۋ مەن پايدالانۋعا 14 ميلليارد 500 ميلليون يۋان قوسىمشا قاراجات بەرىپ، مەملەكەتتىڭ استىق حاۋىپسىزدىگى مەن ماڭىزدى اۋىل شارۋاشىلىق ونىمدەرىمەن قامداۋدى قامتاماسىزداندىرۋعا قاتىستى اۋىل شارۋاشىلىق ماشينالارىن ءتۇيىندى تۇردە قولدادى.

  ۇشىنشىدەن، اۋىل شارۋاشىلىعىنىڭ جاسىل دامۋىن ىلگەرىلەتۋ ءۇشىن الدىن الا تۇسىرىلگەن قارجىنىڭ ىشىندە 31 ميلليارد 400 ميلليون يۋان اۋىل شارۋاشىلىق بايلىعى جانە ەكولوگيانى قورعاۋ قوسىمشا قاراجاتى اۋىل شارۋاشىلىعىنىڭ كولەمدىك لاستانۋىن جان - جاقتىلى وڭاۋدى كۇشەيتۋگە، اۋىل شارۋاشىلىق ەكولوگياسىن قورعاۋدى كۇشەيتۋگە جۇمسالادى.

  اۋىل شارۋاشىلىعىنان سىرت، مال شارۋاشىلىعىنىڭ، بالىق شارۋاشىلىعىنىڭ جوعارى ساپالى دامۋىن قولداۋ ءۇشىن، وسى رەت تاعى حايۋاناتتار ىندەتىنەن ساقتانۋ سياقتى قوسىمشا قاراجات، بالىق شارۋاشىلىعىن دامىتۋ قوسىمشا قاراجاتى 10 ميلليارد 500 ميلليون يۋان الدىن الا بوساتىلىپ، باستىسى، ماجبۇري يممۋنيتەت، وسى زامانعى بالىق شارۋاشىلىعىنىڭ جابدىق - قۇرىلعىلارى سياقتى جاقتارعا جۇمسالىپ، مال شارۋاشىلىعىنىڭ، بالىق شارۋاشىلىعىنىڭ ساپا ونىمدىلىگى مەن باسەكەلىك قۋاتىن ۇزدىكسىز جوعارىلاتىپ، ەت، جۇمىرتقا، ءسۇت جانە سۋ ونىمدەرىنىڭ ءونىمدى ورنىقتىرۋ، قامداۋ دەڭگەيىن جوعارىلاتادى.

  قازىنا مينيسترلىگى اۋىل شارۋاشىلىعى، اۋىل - قىستاق مەڭگەرمەسىنىڭ جاۋاپتىسى تانىستىرىپ بىلاي دەدى: الدىن الا تۇسىرىلگەن ەگىستىك جەردىڭ قۇنارلىلىعىن قورعاۋ قوسىمشا قاراجاتى، اتىز - ارىق قۇرىلىسى قوسىمشا قاراجاتى جانە بالىق شارۋاشىلىعىن دامىتۋ قوسىمشا قاراجاتى تىكەلەي تۇسىرىلگەن قارجى بويىنشا باسقارىلادى ءارى اۋقىمدى باقىلاۋ - مەڭگەرۋ، تۇتاس بارىستى باقىلاۋ - باسقارۋ اتقارىلادى. كەلەسى قادامدا ورتالىق قازىنا جەر - جەردى قارجىنى تەز ارادا ءبولىپ تۇسىرۋگە قۋزاپ، نىسانداردى اتقارۋعا قاتىستى دايىندىق جۇمىستارىن ويداعىداي ىستەپ، استىق، مايلى داقىل سياقتى ماڭىزدى اۋىل شارۋاشىلىق ونىمدەرىمەن ورنىقتى قامداۋدى جەبەۋگە بەرىك نەگىز قالايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار


11 - ايدىڭ 3 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن تانزانيانىڭ زۇڭتۇڭى حاسانمەن كەڭەس وتكىزدى. سۋرەتتە: كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا حاسانعا ارناپ قارسى الۋ سالتىن وتكىزدى.
سۋرەتتى شينحۋا اگەنتتىگىنىڭ ءتىلشىسى ياۋ داۋەي تۇسىرگەن