كوپ جەردە ءۇي قارىزىن قايتارۋدى كەشەۋىلدەتۋگە بولاتىن بولدى
جۇمىس ءبىتىرۋ باعدارناماسى مىناداي
2022.12.07 15:04 كەلۋ قاينارى : حالىق تورابى
ءۇي قارىزىن قايتارۋدى كەشەۋىلدەتۋ رەسميەتىن جاڭا عانا بىتىرگەن گۋاڭجوۋ قالاسىنىڭ تۇرعىنى لين حانىم قۋانىشتى بەينەدە: «ىندەتتىڭ ىقپالىنا ۇشىراعاندىقتان، كىرىسىم تومەندەپ كەتكەن، گۋاڭجوۋ قالاسىندا ءۇي قارىزىن قايتارۋدى كەشەۋىلدەتۋگە بولاتىنىن بىلگەن سوڭ، دەرەۋ بانكەدەگى كليەنتتەرگە جاۋاپتى ديرەكتورمەن حابارلاستىم. ماتەريالدارىمدى تاپسىرعان سوڭ، رەسميەت ءبىتىرۋ وتە ءساتتى بولدى»، — دەدى.
جۋىردا، جۇڭگو ساۋدا – ونەركاسىپ بانكەسى، قۇرىلىس بانكەسى، اۋىل شارۋاشىلىعى بانكەسى، جۇڭگو بانكەسى، قاتىناس بانكەسى، شيڭيە بانكەسى، گۋاڭجوۋ اۋىل – قىستاق ساۋدا بانكەسى قاتارلى كوپتەگەن بانكەلەردىڭ گۋاڭجوۋداعى بولىمشە بانكەلەرى جەكەلىك ءۇي قارىزىن قايتارۋدى كەشەۋىلدەتۋ قىزمەتىن ورتاعا قويعان. بۇل شاراعا بايلانىستى ءاربىر بانكەنىڭ ەگجەي – تەگجەيلى ساياساتتارى ءبىر – بىرىنە ۇقسامايدى.
قانداي توپتاعى ادامداردى قامتيدى؟ رەسميەتتەردى قالاي بىتىرۋگە بولادى؟
حالىق تورابىنىڭ ءتىلشىسىنىڭ تالداۋ جاساۋ بارىسىندا بايقاۋىنشا، قارىز قايتارۋدى كەشەۋىلدەتۋ ساياساتى باعىتتالاتىن ادامدار توبى باستىسى مىنالاردى قامتيدى: ىندەتتەن ساقتانۋ – تىزگىندەۋگە قاتىناسقان ءتۇرلى سالاداعى قىزمەتكەرلەر؛ جاڭا تيپتى ايدارشا ۆيرۋس وكپە قابىنۋ اۋرۋىنا شالدىعىپ، ەمحاناعا جاتىپ ەمدەلگەن نەمەسە اۋاشالاۋعا الىنعان ادامدار؛ ىندەتتەن ساقتانۋ – تىزگىندەۋ بارىسىندا اۋاشالاپ باقىلاۋعا الۋ قاجەت بولعان ادامدار؛ ىندەتتىڭ جانە ساقتانۋ – تىزگىندەۋ شارالارىنىڭ ىقپالىنا ۇشىراپ، كىرىس قاينارىنان ۋاقىتتىق ايرىلعان نەمەسە ىقپالعا ۇشىراۋى ءبىرشاما اۋىر بولعاندار، شاعىن، ۇساق كاسىپورىنداردىڭ يەلەرى، جەكەشە ونەركاسىپشىلەر مەن ساۋداگەرلەر، شارۋا وتباسىلارى قاتارلىلار قامتىلادى.
ناقتى شارالاردى الىپ ايتساق، ءارقايسى بانكەلەر كوبىنەسە ءۇي قارىزىن قايتارۋ ۋاقىتىن كەشەۋىلدەتۋ، قارىز قايتارۋ شەكتى مەرزىمىن ۇزارتۋ، قارىز قايتارۋ ءتاسىلىن وزگەرتۋ، سەنىمدىلىك ەستەلىگىن قايتادان قاراۋدى ءوتىنىش ەتۋ قاتارلى شارالاردى اتقارادى. قارىز قايتارۋ ۋاقىتىن كەشەۋىلدەتۋ ءىس جۇزىندىك جاعدايعا ساي يكەمدى تۇردە ءبىر جاقتى ەتىلەدى، ەڭ قىسقا بولعاندا ءبىر اي، ۇزاق بولعاندا 3 ايدان 6 ايعا دەيىنگى ارالىقتا بولادى، كەيبىرەۋى 12 ايدان 18 ايعا دەيىن جەتەدى. كەشەۋىلدەتىلگەن مەزگىلدە مەرزىمىن وتكىزىپ جىبەرگەن ەسەپتەلمەيدى، اقشالاي ايىپ سالىنبايدى، سەنىمدىلىك ەستەلىگىنە ەنگىزىلمەيدى.
ءوتىنىش بەرۋ جولدارى جونىندە، ءارقايسى بانكەلەردىڭ ايتۋىنشا، ينتەرنەت ارقىلى نەمەسە ينتەرنەتتەن تىس جولدار ارقىلى بىتىرۋگە بولادى، كەزىندە قارىز العان كەزدە جۇمىس بىتىرگەن بانكە قىزمەتكەرىمەن تىكەلەي حابارلاسۋعا دا بولادى. مىسالى، اۋىل شارۋاشىلىعى بانكەسى گۋاڭجوۋ بولىمشە بانكەسىنىڭ ايتۋىنشا، قيىنشىلىقتان ارىلتۋ شارتىنا ساي كەلەتىن كليەنتتەردىڭ اۋىل شارۋاشىلىعى بانكەسىنىڭ قارىز اقشا بەرۋ بولىمىمەن حابارلاسىپ، ءوتىنىش ەتۋىنە بولادى، ەگەر قارىز العان بانكەمەن حابارلاسۋعا ۋاقىتشا قولايسىز بولسا نەمەسە مۇمكىندىك بولماسا، اۋىل شارۋاشىلىعى بانكەسىنىڭ 95599 كليەنتتەرگە قىزمەت وتەۋ ورتالىعىنا تەلەفون جالعاپ، جۇمىس ءبىتىرۋ قاجەتىن ەستەلىككە الدىرۋعا بولادى، سوڭىنان اۋىل شارۋاشىلىعى بانكەسى كليەنتتەرگە جاۋاپتى ديرەكتوردى ورنالاستىرىپ، بۇل جۇمىستى سوڭىنا شىعارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
