ەلىمىز ەكونوميكاسىنىڭ جالپى مولشەرى 120 تريلليون يۋاننان استى (جاڭا ساندى مالىمەت، جاڭا ءتۇيىن)
دامۋدىڭ نەگىزى اناعۇرلىم بەكەمدەلىپ، ساپاسى اناعۇرلىم جاقسارىپ، قوزعاۋشى كۇشى اناعۇرلىم نىعايدى
2023.01.18 16:14 كەلۋ قاينارى : حالىق تورابى
«حالىق گازەتى»، 1 - ايدىڭ 17 - كۇنى، بەيجيڭ (ءتىلشى لۋ يانان). مەملەكەتتىك ساناق مەكەمەسى 1 - ايدىڭ 17 - كۇنى ساندى مالىمەت جاريالادى، العاشقى ەسەپكە قاراعاندا، 2022 - جىلى تۇتاس جىلدا ەلىمىزدىڭ ىشكى ءوندىرىس جالپى ءونىم قۇنى 121 تريلليون 20 ميلليارد 700 ميلليون يۋان بولىپ، ەكونوميكانىڭ جالپى مولشەرى 120 تريلليون يۋاننان اسىپ، تۇراقتى باعا بويىنشا ەسەپتەگەندە، الدىنداعى جىلداعىدان %3 ارتقان.
«ەلىمىز ەكونوميكاسىنىڭ جالپى مولشەرى 2020 - جىلى، 2021 - جىلى ءۇرتىس 100 تريلليون يۋاننان، 110 تريلليون يۋاننان اسقاننان كەيىن، تاعى دا تىڭ ساتىعا كوتەرىلدى» دەدى مەملەكەتتىك ساناق مەكەمەسىنىڭ باستىعى كاڭ - ي.
2022 – جىلى 100 جىلدىق وزگەرىس پەن عاسىر ىندەتى قاباتتاسىپ، دامۋ ورتاسىنىڭ كۇردەلىلىگى، قيىندىعى، تۇراقسىزدىعى اسقىندى. قىسىلتاياڭ حالىقارالىق ورتا جانە ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىنشىلىققا قارسى اتتانىپ، ۇدەرە العا تارتىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ماكرولىق رەتتەۋ - مەڭگەرۋ تەبىنىن ارتتىرىپ، مەجەدەن تىس فاكتورلاردىڭ سوققىسىنا توتەپ بەرىپ، ەكونوميكالىق، قوعامدىق جالپى جاعدايدىڭ ورنىقتىلىعىن ساقتادى.
استىقتان مول ءونىم الىندى. 2022 – جىلى بۇكىل ەل بويىنشا استىقتىڭ جالپى ءونىم مولشەرى 686 ميلليون 530 مىڭ توننا بولىپ، الدىنداعى جىلداعىدان 3 ميلليون 680 مىڭ توننا ارتىپ، استىق وندىرىسىندە «19 جىل ءۇرتىس مول ءونىم الۋ» جۇزەگە اسىرىلىپ، جۇڭگولىقتاردىڭ ىرىزدىعى اناعۇرلىم بەكەمدەلدى.
جۇمىستانۋ جالپى تۇلعالىق جاقتان ورنىقتى بولدى. 2022 – جىلى بۇكىل ەل بويىنشا قالا – قالاشىقتا تىڭنان 12 ميلليون 60 مىڭ ادام جۇمىستانىپ، 11 ميلليون ادامدى جۇمىستاندىرۋ نىساناسى اسىرا ورىندالدى.
زات باعاسى باياۋ جوعارىلادى. 2022 – جىلى تۇرعىنداردىڭ تۇتىنۋ باعا كورسەتكىشى تۇتاس جىلدا %2 ارتتى. بۇكىل دۇنيە جۇزىندە استىق پەن ەنەرگيا باعاسى زور مولشەردە جوعارىلاپ، اقشانىڭ قۇنسىزدانۋ قىسىمى ءبىرشاما زور بولعان جاعدايدا، ەلىمىزدىڭ باعا جاعدايى ورنىقتى بولىپ، ەۆروپا، ا ق ش سياقتى نەگىزگى ەكونوميكالىق تۇلعالاردا اقشانىڭ قۇنسىزدانۋىمەن ايقىن سالىستىرما قالىپتاستىردى.
«ەكونوميكانىڭ جالپى مولشەرى مەن جان باسىندىق ورەنىڭ ۇزدىكسىز جوعارىلاۋى ەلىمىزدىڭ جالپىلىق قۋاتىنىڭ، قوعامدىق وندىرگىش كۇشىنىڭ، حالىقاراداعى ىقپال كۇشىنىڭ، حالىقتىڭ تۇرمىس ورەسىنىڭ اناعۇرلىم جوعارىلاعانىن، دامۋ نەگىزىنىڭ اناعۇرلىم بەكەمدەلگەنىن، دامۋ ساپاسىنىڭ اناعۇرلىم جاقسارعانىن، دامۋدىڭ قوزعاۋشى كۇشىنىڭ اناعۇرلىم تولىقتانعانىن، ەلىمىز ەكونوميكاسىنىڭ توزىمدىلىگى كۇشتى، كومەسكى كۇشى زور، اياسى كەڭ ءارى ۇزاق ۋاقىت جاقسارۋعا بەت الۋ نەگىزگى جاعدايىنىڭ وزگەرمەگەنىن كورسەتەدى» دەدى كاڭ ي.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
